沙嗲王 (現時點)

營業中

休息中

晏晝一點半去到沙嗲王唔使等位, 行過嘅時候已經見到其他抬食緊呢個滑lulu蛋香茅豬扒飯, 望落去隻蛋好juicy好多汁好吸引未睇餐牌就已經想叫, 買到位坐低先至發現原來同一系列仲有一個紅酒牛肉飯同埋吉列豬扒飯都係 配有一大塊好多汁嘅 炒蛋, 香茅豬扒飯即刻畀下去不過好抵食四十幾蚊有交易, 但係我抵唔住吉列豬扒飯嘅誘惑叫咗個滑lulu蛋吉列豬扒飯, 落單後估計都有等咗八至到九分鐘唔算好耐同朋友傾住計好快過, 個飯你到豬扒啱啱炸起熱辣辣,隻蛋一樣係十分 juicy, 份量亦都好多一個大男人絕對夠食唔記得咗五十幾蚊呀但係都係好抵. 飯軟硬適中, 完全係性價比之選!

動漫係留意番，位於油麻地呢間沙嗲王鄰近現時點，所以配合返商場主題經常有不同漫畫主題特色晚餐行完街搵完心頭好可以食返個特色餐🕞輪後時間🕤首先在櫃檯按飛等候大約10分鐘左右便安排入座，好多遊客都會來，比較人多🥢推介食品🥢1️⃣ 白咖喱豬扒飯，真係好好好好食差唔多見到每台都有嗌，個汁微辣，豬扒肉多肥膏少，又用香茅炸一炸可能好多人唔知道，沙嗲王既炸饅頭都好出色！另外，不得不提就係牛油雞翼，獨特炸醬，令雞翼皮有豐富牛油香，提一提各位食前先吹一吹，個心好燙口味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦🏦(5分最高）✨餐廳環境✨：餐廳佈置裝飾配合限定主題🧑🏻‍🍳侍應服務🧑🏻‍🍳：服務員一般，主要靠自己自助掃條碼下單🔆總結一下🔆：回頭率高，食物品質中上，價錢都中高🤏🏻

經過見到兒時年代嘅產物特登過嚟食下白咖喱豬扒睇吓有冇變到先貴左好多一碟飯要$70有三塊豬扒白咖喱仍然係咁香食完飯之後覺得配粉絲先係最好味如果跟嘢飲，嘢飲有半價由以前讀書年代開始食好多年都冇食原來而家已經用電話QR code落單新菜式反而唔夠膽試亦冇興趣去試

每次去旺角行街都總會想食沙嗲王，今晚都唔例外，同朋友幾個人一齊去食沙嗲王，今次有啲唔滿意佢明明我哋有三個人，周圍都好多空台，但係都要迫埋坐喺個正方型枱度。不過食物質素係OK嘅最鍾意食嘅係一個蟹粉豆腐鍋飯，有好濃郁嘅醬汁嘅感覺，但係又有嫩滑嘅豆腐中和返。避風塘聖子，幾香口，脆卜卜，正今次冇叫到咖喱薄餅，反而叫咗另一個牛油蒜蓉薄餅三件，第一次試覺得都幾好食，主要係因為個薄餅底好食，其實點樣整㗎咩調味都好好食。呢一個喇沙和牛拉麵就麻麻哋啦，湯底係好香喇沙味嘅，但係食落又覺得還好，牛肉好似吸唔到啲湯嘅味，有進步空間！

上次自己一個人吃沙嗲王，送了一張$8現金券。今次帶一家大細來用。小朋友出奇地喜歡食沙嗲。沙嗲肩胛肥牛拉麵，$65， 大女兒一個人吃了一碗， 小女兒用印度薄餅點姐姐的沙嗲湯來吃。自選麵，沙嗲勁脆厚切吉列豬扒麵，$67，吉列豬扒，好厚好鬆，似落鬆肉粉。自選飯，沙嗲香茅豬扒飯，$63，香茅豬扒，薄的，炸的。自選餐，加印度薄餅兩件$18，加溫泉蛋$8，沒有飲品。印度薄餅很重牛油味。冬陰功湯，脆炸爐魚麵，$62，還是沙嗲比較好吃。女兒很喜歡，多謝沙爹爹哋，埋單時忘記了用$8現金券，今次還送了另一張$32現金券。下次再食。

同一個貪心的小狗朋友食晚飯，發覺好耐冇食過大件夾抵食嘅沙嗲王，一於食下呢個中學時期回憶。二人套餐$253薯仔沙律一人一小scoop嘅薯仔沙律，喺罪疚感之中同自己講，都係一小球啫韓式蜂蜜芥末醬雞翼 佢嘅醬汁係分開淋上啲炸雞翼度，如果可以撈埋左一齊，glazed左上成隻雞翼度嘅話會更加好白咖喱香茅豬扒飯One of the signature dishes of 沙嗲王!食極唔厭嘅白咖喱汁，配埋白飯，簡直係人生一大享受日式蟹粉豆腐鍋薄餅Another signature dish of 沙嗲王，基本上每次黎都一定要食，啖啖蟹膏蟹肉，真材實料，性價比極高Häagen-Dazs 雪糕甜品揀左最愛(沒有之一)嘅雪糕Häagen-Dazs,仲有cookies and cream揀添!餐飲:🍹鮮芒椰汁沙冰配西米🍹凍鮮榨青檸柑梅蜜

很久沒有去過沙嗲王，難得今天在油麻地附近逛街，便一於上去晚膳。記得讀書時候同學們最喜歡就是到沙嗲王，因為坐位較多，可以一張長枱一起坐，而且食物選擇亦不少。沙嗲王現在不時跟一些遊戲cross over ，所以Menu到全場裝飾，都以遊戲主題為主！點了最愛吃的白咖喱豬扒飯！味道跟以往的無差別！豬扒大大塊，白咖喱汁很多，夠晒撈飯！豬扒酥脆，入口軟腍，充滿香茅味。咖喱汁味道濃郁，微辣。另外還點了鹹蛋黃雞翼，雞翼有四隻，隻隻巨型，鹹蛋黃很足料，每隻都佈滿蛋黃香味。雞翼嫩滑多汁，略嫌有點過鹹及過於油膩！

好耐無食過。行過見到就會想食下。野飲無記錯係半價，OK啦，有時飲野都係想濕下個口。招牌白咖哩係一樣咁好味，仲有三塊豬扒，想啜晒啲湯，想姐，梗係唔會，食食下都好膩嘅。冬陰公嘅湯底酸味味都OK開胃。避風塘系列嘅軟殻蟹仍然係穩定水準，香口夠脆卜卜，食完好罪惡。其中上面條魚，真係貨不對辦得好緊要，完全係重PS! （menu係下圖，大家評下理😂）賣相唔同，如果知道係咁嘅樣一定唔會試啦。因為我係要食辣先叫佢嘅，黎到一粒辣椒都無，完全唔辣，得個酸味。條魚還好唔算腥，如果唔係食唔落。呢啲新野真係唔好亂試！

好耐無食沙口嗲王，上次去旺角分店，印象麻麻，今次去油麻地分店試下。這間鋪主打年青人路線，裝修和餐牌都有第五人格，而我不知第五人格是什麼，有代溝鳥。餐牌上寫白咖哩香茅豬扒飯人氣第一。白咖哩，多椰子味，少咖哩味，ok；香茅豬扒，三塊，又炸得幾好食喎；白飯，份量剛剛好。加凍飲$15，埋單加一$85.8，送$8現金卷，下次再食。

Lumch突然想食沙嗲王，諗起佢地既白咖哩同埋巨脾就流晒口水！所以一到lunch time 就決定去沙嗲王食返個lunch 解下我對佢既相思之苦😂😂😂😂平時就食開呢個白咖哩豬扒同白咖哩雞扒飯，今日就決定試下第二款先！今次叫左個白咖哩厚切吉列豬扒飯，個白咖哩汁依然保持水準，好香，白咖哩味道不錯。不得不讚個厚切吉列豬扒，真係好厚，豬扒少少鞋，但都好食。成個飯食完之後好滿足最後，個朋友叫左個巨脾飯，忍唔住都食左佢一兩件，真係好嫩滑多汁

同男朋友成日食沙嗲王，之前係Monster Hunter主題已經好開心，今次又有新主題，第五人格🥰。每次唔同主題都有啲特別野食，但我同男朋友都係睇下算，因為好似好睇唔好食😂我叫咗個沙嗲海鮮米線男朋友就叫咗個白咖哩豬扒飯沙嗲海鮮米線份量都幾多下，餸都唔少，有兩隻蝦，男朋友食咗兩啖都夠我飽。沙嗲味就一般，唔算太濃，不過都夠味，唔會係稀到水咁。白咖哩豬扒飯男朋友最愛嘅白咖哩豬扒飯，份量都幾夠，有四塊豬扒，而且係香扒豬扒，唔係求其煎兩煎放入啲咖哩汁到就算，仲要塊塊都滑。順帶一提，同男朋友飯前飯後都打第五人格，以為淨係我哋兩個先咁毒，原來都唔少人係店內玩😂😂😂

出旺角睇完早場打算搵地方吃午餐，朋友建議去沙嗲王吃，原來係做緊第五人格主題，門口已經有一個大紙板公仔，墻身都貼漫海報。配合主題有d限定主食同飲品，主食價錢比較貴，所以只係叫嘢飲算了。竹炭可樂味道一般，應該係竹炭水溝可樂，另到可樂無乜氣，有點奇怪。白汁豬扒值得推介，豬扒唔會醃到過龍，叫埋烤餅沾白汁食啱啱好。慢煮豬軟骨，肉燜到好淋，味道唔錯，不過份量唔算大，男士就未必夠吃。整體環境不錯，座位算舒服，3點左右就開始多人排隊，原來3:30有下午茶，抵吃好多。

點解會話OT必食呢，因為沙嗲王晚飯時間長期要等位，屋企附近又無，所以只有OT時用外賣app叫我先有機會食到佢嘅招牌飯。白咖喱香茅豬扒飯，招牌菜真係無得輸，甜甜地既白咖喱充滿奶香味，送飯一流，明明平時唔多鍾意食白飯嘅我都清女晒，而豬扒炸得好酥脆蜂蜜芥末醬雞翼，好鍾意個汁少少酸，配埋炸雞翼，香口得黎唔太油椒鹽雞軟骨，其實我食完個飯同雞翼已經好飽，個雞軟骨係我一路OT做野時一路食，由於炸得好乾身，所以就算放左喺到一陣先食都唔會淋晒呢個組合已經係我OT必食三大之一，不過有得揀的話，我唔想成日食囉!

星期一休息無嘢做，自己行吓街做吓宅男周圍睇玩具行到現時點有d肚餓就順手去沙嗲王食個飯可能仲早關係一個人唔洗等，店內位置都唔算太爆坐低睇咗陣都係叫出名ge白咖哩豬扒飯不過我叫厚切！再加杯鮮芒椰汁沙冰西米嘢飲好快上，不過如圖份量好似比以前少之後個飯就等耐小小比以前，大概5-10分鐘！不過豬扒都夠熱同脆不過個人學覺得飯量可以多番d d。。。食完唔算好飽不過的炸豬扒都ok的！不會太乾身又夠厚！埋單100蚊，唔算平。。。100蚊要飯加一杯飲品係旺角都有不少選擇

由細食到大，不過分店唔多所以隔一排先食一次。今日就食左下午茶餐，價錢系ok既50蚊上下包主食+小食+野飲簡左招牌亦都系最有代表性的白咖哩豬扒個人覺得白咖哩系完全冇咖哩味既加強椰奶版白汁咁，講得好聽叫creamy 講得唔好聽叫漏。賣相睇落幾好架，如果唔理塊豬扒同隻匙一樣大既話，不過佢餐牌有寫明熱輕量版咁算啦，原諒你。旁邊既小食系跟餐既蒜味牛油雞翼 食得出系即炸，外脆內軟，幾juicy 。再加多個雜菌蒜蓉牛油焗蜆，之前同朋友食飯果時食過一次，覺得好好味（好味過主食）所以今次encore ，不過今次有d失望，蒜味同牛油味都明顯冇上次咁突出，雖然32蚊既價錢稱得上量多，但今次真系冇咩味，系咪鹽都唔記得落？！ 加上個底勁多水呢間分店我幫襯過2次，坐系坐得幾舒服，不過員工既態度真系值得改善，完成愛理不理，冇人帶位，冇餐牌都話之得你咁。。。。 落完單都冇覆單。。，付完錢都冇多謝咁