沖繩二段料理 (荷里活廣場)

營業中

休息中

【 超夠飽的下午茶 】去咗鑽石山荷里活廣場行街，嗰度啲新年主題裝飾已經佈置好，今年係Pegga Pig做主題，見到仲有碰碰車俾小朋友玩，幾特別，遲d可以帶仔仔過嚟影相。下午茶時間我去左Antoshimo Café & Bakery食野，點了一份下午茶套餐，店舖係採用手機落單，好似感覺上比較乾淨衛生，減少人手接觸。下午茶套餐有芝士蕃茄鍋燒炊飯，天婦羅小食叫咗洋蔥圈，總共有四個，餐飲叫咗杯黑糖凍菊花茶，另外仲叫咗兩個甜甜圈做甜品，口味係牛奶黃豆和黑白朱古力。甜甜圈上的朱古力好好味，造型都好有趣。

個冬甩我會推薦黑白朱古力口味。個黑白朱古力醬都OK多。食落口會真係食到有朱古力醬隻味。上面個綿花糖仔可以增加少少口感。不過個冬甩入面望落有少少油。整體都好食既。同埋呢隻口味我買個陣已經係最後一個。個阿華田味冬甩就吾夠味既。🙈食落口係食吾到阿華田味，係連少少都無。所以吾推薦。不過佢個冬甩入面吾會太油。兩款冬甩個口感都係有咬口既，都幾緊實。入面係吾會有餡料既。🧐而佢地主要味道係靠上面個朱古力公仔。個朱古力都好食既，吾會係好假既朱古力味。建議咬一啖冬甩再咬一啖朱古力咁食。價錢$30 兩個其實有少貴。吾建議買阿華田味冬甩，除非上面再有更多阿華田粉。

喺荷李活行街，見到呢間餐廳有冬甩雪糕好吸引，於是揀咗喺度食 lunch。這裏午餐有二重鍋定食定食，有齊鍋燒餸，鍋燒飯面，甜品同飲品，都係$75 ，感覺幾抵食。蜜糖芥茉鍋煮豚肉椰菜同豬肉嘅比例接近一半半，加咗蜜糖芥末醬，意外都幾夾，不過食晒成兜醬有啲太膩。沖繩海鹽焦糖冬甩雪糕冬甩甜品幾surprise，個冬甩煙煙韌韌幾好食，而且仲暖暖地，去買雪糕一啖凍一啖暖，幾正，而且冬甩本身唔甜，想甜可以沾多啲海鹽焦糖醬。

通常大商場只有連鎖餐廳與連鎖店舖可以食同行，如果可以選擇，都會特登揀番啲特別小店嚟食。今次嚟荷里活廣場見到Antoshimo cafe，決定試吓。/牛油蜜糖芥末鍋燒黑椒炸雞🌟炸雞睇落有啲燶，好似 overcook左，而且雞肉份量得好少，係落左好厚的粉漿，似係食粉多過炸雞。😩/芝士蕃茄鍋燒炊飯🌟大大嚿蕃茄喺入面，感覺好健康，而且都幾都番茄汁，更加似泡飯，本身鍾意食蕃茄嘅我都幾鍾意呢個飯，蕃茄迷唔可以錯過。/熱黑糖菊花茶🌟其實係一杯菊花茶，本身唔甜，黑糖另外再加。/呢度食物水平一般，午飯時間但食物要等好耐先有，如非必要都唔會再試了。

在荷李活廣場閒逛時，偶然見到這間日式餐廳連餅店 - Antoshimo ，竟然有冬甩賣。自從Krispy Kreme 撤離香港後，已經很久無食過。Doughnut 單買一個是$19，如果買4個便$60。它在入口處有一玻璃櫃，最底層放了Doughnut 的樣本，七彩繽紛，十分可愛。Antoshimo 的冬甩有很多口味，我們選了黑白朱古力丶朱古力丶士多啤梨及抹茶。朋友是朱古力控，要了黑白朱古力及朱古力，而我則要了餘下兩款。這個冬甩是凍食的，表面只是塗了一條條的奶油，並加有一片別緻的朱古力片。冬甩咬落煙靭，有咬口，並有淡淡的蛋香。由於奶油是幼條狀，無論綠茶或士多啤梨味，都是淡淡的，不會太濃。而朱古力片有香濃朱古力味，脆脆地，yummy! 😋😋😋付帶一提，店員提醒如不是即日食，要放入雪櫃。如果喜歡，可在微波爐叮大概10至20秒。整體來說，Antoshimo 不會太甜，有蛋味兼質地煙靭，好味！👍🏻

好難食，黑椒雞扒同照燒雞扒好似喺用微波爐叮過咁，好似喺七仔入面買嗰啲。個黑椒汁有陣怪味，令到成個鍋都怪怪地。個芝士坎飯一patpat咁，完全冇口感，食落成碗嘔吐物咁。不過佢最後個雪糕冬甩幾有驚喜，冬甩口感堅韌同海鹽雪糕嘅味道加上焦糖醬甜味很配搭。前面嘅難食反襯出甜品的美味，於策略而言，十分成功。服務方面，餐廳地方細，而且上菜速度慢，不合格總括而言，呢個餐完全唔值$78，仲要加一服務費。唉，都係當買個教訓算。

先講等位，我個籌係41號，30秒前部機顯示緊紅色28，咁我就去睇下menu先，點知轉過頭個黑衫男店長就叫號叫到紅色42.... 大佬你叫號叫到禁細聲，你當你去左圖書館? 咁我聽到42到拿拿林沖過去，個店長用不屑嘅眼神睥住我仲要勁無禮貌咁拍部探熱機。之後入到去點餐仲離譜，我第一次食依間其實真係唔係好知D野食咩樣，正常野食到左又似嘅咁梗係照食。我叫左2個$88餐，一個牛肉配烏冬，一個黑椒牛配芝士蝦飯。一開始黎左一個牛肉烏冬，跟住一個芝士蝦飯，咁我就奇怪唔係應該仲有個黑椒牛未黎咩? 咁我梗係唔食住問番個店員先，女店員A黎到就話:佢講完就走左。我R曬頭，你依加係少左個餸喎。跟住，另一位女店員B就走過黎又西面又悔氣咁話: 佢係一D歉意都無去同我地講幫我地換餐。阿大佬，你地公司有train過你地點樣去serve客人? 定係佢教你地做錯野嘅時要將個責任推落個客到之餘仲要西佢面兇9佢? 完全唔明，你地好自為之啦。

同朋友唔知食咩，見到門面既 餐牌實物照覺得幾足料就傷去一試。點知原來咁伏叫左個蕃茄焗煮之士漢堡侍應拎到你唔見有蕃茄後來職員拎左入去廚房經理行出來話煮濃左一食無番茄味而且個湯亦都冇色個麵更為難食，仲聽到 隔離枱點咗一款嘢與圖文不符要求退換退錢。我都想咁做，不過見佢生意咁差，為 有無下次

Diamond Hill 鑽石山 • Antoshimo Cafe & Bakery 👨🏼‍🍳💛📍鑽石山龍蟠街3號荷里活廣場1樓182號舖🔍鑽石山、新蒲崗、九龍灣、油塘、荃灣➰超級無敵抵食又好味的午市日式料理，性價比極高😻冬甩控注意🍩❗️➰鍋燒餸🥘+鍋燒飯麵🍜+甜品+餐飲 $58A1 柚子鍋燒咕嚕雞🍊A2 牛油蜜糖芥末鍋燒黑椒炸雞🍯B1 芝士蕃茄鍋燒炊飯🧀B4 超蕃茄濃度8湯烏冬鍋🍅C 焦糖醬牛乳麻糬冬甩🍩D黑糖菊花茶🌼D 黑糖檸檬茶🍋➰鍋燒餸的炸雞件嫩滑，伴有洋蔥和粟米😌 柚子咕嚕雞，酸味中帶着柚子的清新香甜，有別於中式咕嚕雞☺️ 黑椒炸雞的黑椒味蓋過牛油蜜糖的甜味，如果牛油蜜糖味重些就好🧐蕃茄炊飯加入芝士，有拉絲的效果😛蕃茄烏冬大推，蕃茄味濃郁，必點👅熱飲送上黑糖粉，可自行調較甜度😍•重點推介招牌冬甩 🍩😻牛乳麻糬冬甩好煙韌，平時配有沖繩海鹽雪糕，冷熱甜鹹的口感好夾，但是次用餐比以往平了$20，故只有送上冬甩和焦糖醬，單食冬甩略嫌過甜單調🧐不過依然是超抵食👍🏼 臨走前還可以單賣冬甩，有多款口味可供選擇🥰➰👅 味道：🌟🌟🌟🌟👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟🌟🌟🌟——

因為我要見客戶都需要周圍走，鑽石山荷里活商場這間日式餐廳我食過好幾次了：Antoshimo Café & Bakery！ 佢哋的日式豚肉壽嘉燒和黑糖菊花茶都係我喜歡啊，好想去日本但未去到，便這裡過口癮啦！Antoshimo Café & Bakery

假日和女友去荷里活行街街,行行下又到左晚飯時間,又想食日本野, 最後去左一間來自日本沖繩既Antoshimo Cafe & Bakery。由於食肆限聚令關係,規定了六成入座率,所以等左成半粒鐘先入到去。叫左2個88蚊既套餐, 分別有（1)主菜鍋 （2)飯/麵鍋(3)飲品(4)免費甜點（1a）食左黑椒牛油蜜糖芥末鍋燒炸雞,炸得卜卜脆又唔太油膩,雞肉好鮮嫩,同牛油蜜糖芥茉好夾呀,好有驚喜（1b）食左壽喜燒鍋煮美國牛肉,個汁煮得啱啱, 唔會太咸太淡,入面又加左d爽口椰菜,幾健康,肥牛就正正常常啦！（2）食左蕃茄芝士飯同蕃茄芝士烏冬個蕃茄湯好濃，好開胃，鍾意食蕃茄既朋友仔唔可以錯過！（2）呢度既凍檸茶就真係sell黑糖（黑糖另上）,個人都係中意普通糖漿多d,對於加左黑糖既檸茶,唔係我杯茶,反而茶記果d我like多d（3）免費甜點係海鹽焦糖冬甩雪糕,呢個好有驚喜, 無諗過隨餐附送既甜品都咁好味同咁有驚喜有一球凍冰冰但口感幼滑既海鹽牛乳雪糕放在煙韌又暖暖地既麻薯冬甩上面,冰火交融,口感一流, 冬甩下面仲有黑糖糖漿,3樣食物/配料加埋一齊係出奇地夾, 女友表示十分滿意呢個作為正餐之後既甜品,為整個晚

一直都覺得鑽石山冇乜好食，咁啱嚟到都唔知食乜好，行行吓見到呢間有壽嘉燒食，仲有二人餐又幾抵就試吓嗌咗兩個二人餐，包壽喜燒，仲有小食、烏冬/飯 同嘢飲，又幾豐富壽喜燒都幾多料，食到好飽，味道都唔錯最驚喜反而係小食，柚子炸雞真係幾好味，炸得juicy 肉質又鮮嫩，配埋柚子醬真係好fresh，下次嚟會再嗌呢個！服務都好好，我哋搞錯咗少少嘢，佢哋都好耐心同我哋解釋返💕餐廳座位都幾多，環境都舒服，但多人時會有少少嘈等位時見到佢啲冬甩都好靚好可愛，下次經過都想買嚟試吓💛

Antoshimo Cafe & Bakery鑽石山荷里活廣場1樓182號舖沖繩二段料理自由配定食($68起)壽喜燒鍋煮美國牛肉($48)味道不錯,牛肉分量充足, 單吃會有點濃味。好味指數:🌟🌟🌟打卡指數:🌟🌟🌟大份指數:🌟🌟🌟🌟性價比:🌟🌟🌟🌟(5🌟為最高分)胡麻花鍋燒撈麵($28)麵有好多調味, 少少辣, 麵軟度適中和份量好多, 推薦👍好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟牛油蜜糖鍋燒炸雞($46)味道不錯, 多醬, 炸雞普通, 唔太熱。好味指數:🌟🌟🌟打卡指數:🌟🌟🌟🌟大份指數:🌟🌟🌟性價比:🌟🌟🌟芝士蕃茄炊飯($28) 芝士另上, 超多, 飯好creamy, 少少膩, 份量ok好味指數:🌟🌟🌟打卡指數:🌟🌟🌟大份指數:🌟🌟🌟性價比:🌟🌟🌟海鹽焦糖冬甩甜品($19) 2人有2份好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟

行下街～經過門口聞到勁香，雖然等位等左好耐，但都好值！無論係二人套餐、一人鍋，全都好吸引，簡左勁耐先簡到👅.▪️黑椒牛油蜜糖芥茉鍋燒炸雞$46勁香既牛油味，食到最後陣有少少黑椒味，唔會太單調，雞皮都唔會太厚，外脆內軟▫️壽喜燒湯烏冬$32個湯略略地偏淡，不過好在其他野都好夠味，可以緩衝一下▪️黑椒鍋煮雞扒 $46雞扒煮得好林，醬汁甜得來又有少少辣，配上粟米、椰菜同粉絲，好似打邊爐咁▫️龍蝦鍋燒撈麵 $38出奇地龍蝦味超重，呢個價錢本身都冇好大期望，點知又唔會覺得似罐頭龍蝦湯▪️凍黑糖菊花茶/凍黑糖檸檬茶 黑糖既關係，兩杯都超甜🙈 ▫️海鹽焦糖冬甩雪糕 $19其實食完4個鍋，都已經好飽，好擔心食唔落個甜品，本身仲諗住外賣走算～ 不過上左之後，其實都係細細份，而且焦糖冬甩同雲呢拿雪糕個係超夾，最後都係一啖都冇剩

Antoshimo cafe既定食特別在用鍋燒上 叫一個主食+主菜就會有兩個鍋 好似好大食咁🤣今日同老豆一齊去食 因為佢本身食左少少野 所以諗住望住我食就算 我地淨係嗌左一個set💁🏽‍♀️A2. 柚子鍋燒咕嚕雞 ($38)order個陣想像佢會好似中式既咕嚕肉咁表皮沾滿汁醬 但呢個就睇落同咬落比較乾身~~鍋底既洋蔥🧅吸收哂柚子味 好甜!咕嚕雞份量都幾多 一個人會食唔哂 $38單點當小食既話幾抵食👍🏽 不過一定要同朋友share啊!B8. 濃蝦鍋燒撈麵 ($38)怕辣既人唔需要因為menu上有條辣椒🌶️既圖示就唔揀佢😛 因為佢係「微辛」唔算好食得辣既我就覺得唔辣~~蝦味未達到我想像中既濃度呢~~ 不過麵既份量又幾多 所以我最後都係叫老豆幫手KO🤣餐飲👉🏼 (少冰)凍黑糖檸檬茶🍋 (+$3)有三塊厚切檸檬咁多👍🏽落黑糖漿比落普通糖水健康得多!叫定食set就會送一客👉🏼 海鹽焦糖冬甩雪糕 (🌟Free!)細個勁鍾意冬甩🍩 因為個外型!大個就淨係會望 唔會買唔會食 因為怕肥🤭今次可以喺冬甩專門店免費食到 唔係唔食嘛🤣 又係同老豆一人半個~~冬甩係麻糬冬甩 所以咬落煙煙韌韌😍加埋伴碟既少少紫薯 更