沖繩二段料理 (荷里活廣場)

營業中

休息中

這次我們點了梅豚肉岩鹽蒸烏冬、岩鹽燒魚柳蒸烏冬、炸雞和凍豆腐，飲品選了2杯凍蜜桃茶。話說蒸烏冬這個吃法好新奇，從來未吃過呢店員首先會將蒸烏冬的蒸籠和電磁爐放在枱面上，然後把蒸籠蓋蓋上就開啟電磁爐，計時器倒數6分鐘後，便可以開餐了剛蒸好的烏冬是熱騰騰的，賣相也蠻吸引。因為烏冬蒸煮的時間很短，應該不能靠6分鐘時間把蒸籠內全部食物蒸熟，所以蒸籠內的食物也有預先煮熟。烏冬很滑溜，大概因為短時間蒸煮能保持其本身的水分，烏冬上拌著少許蒜頭，有微微的咸味和蒜香，十分好吃至於餸菜方面，魚柳十分爽口彈牙，梅豚肉有少許騷味，感覺想很便宜的豚肉片而已。而紅蘿蔔、椰菜和菇也散發著微微的咸味。飲品方面，凍蜜桃茶很大杯，略嫌太甜，味道一般。

無目標用膳，選餐廳會先看meun，此餐廳的meun吸引，卡通公仔加上食物鮮明，就算不太懂沖繩料理也被吸引。加上餐廳位於open area，看到座位也挺舒適，便和兩位友人入去用餐。先說整體感覺，就像一套劇本、道具、服裝、配樂、配角都出色的電影，但主角的演出慘不忍睹，足以令整套戲的分數跌至50分。價錢實惠，二人餐248，兩主食加上芝士拼盤，沖繩炸包，奉送甜品、飲品。餐廳裝修不錯，位置也舒適。料理也夠特別，檯上的爐也有趣。服務也滿意。奉送的甜品 - 沖繩冬甩新地是整個餐最好的，冬甩脆口不油膩，配上雪糕，不太甜，加上是奉送，此甜品有90分。沖繩炸包香噴噴，有三種口味。芝士拼盤也不錯，芝士味夠。明太子忌廉燒魚柳湯烏冬 - 明太子忌廉配烏冬不會撞板，但明太子的份量奇少，吃不出明太子的辣味。最吊詭的是魚柳，看似炸（燒）過，但放在蒸爐上，魚柳變得淋之之，還有沙律醬，奇怪的感覺實在想像到。而且魚柳太咸，極重雪味，作為主食中的主角，真的完全不對板。其實這餐廳賣的沖繩料理特別，若可改善下主菜的食材質素，相信會更吸引客人。

星期五晚上，2個人食個芝士飯，真係。。。超中伏。看餐牌，心想蕃茄飯+芝士，總有最低保証。最早上的是一煲「豬肉片」，侍應開火整熱，再叫我先食豆付，其實豆付小小一粒，係前菜，加D芝麻醬，幾好食，係成餐最好味。再上一「煱」飯，望落似薯餅，自己加芝士，D芝士早早切好，芝士邊呈微灰色，望落吾衞生，加完芝士，芝士溶化，幾好睇，也幾好味，蕃茄芝士，好難吾好食，芝士吾拉芝，芝士味很淡淡，飯和芝士份量很少。豬肉片味道一般，沒有豬腥味也沒有雪味，卻就是什麼味道也沒有。最後送了個大碟甜品，炸小甜圈，上面雪糕加黑糖，超甜。正因正餐份量少淡而無味，來個大大甜品算是補償，也填滿口腹吧。補充一句，D筷子超髒，成桶要侍應換走。呢間野列入黑名單。

今日星期五晚係荷里活食飯~ 等左15分鐘左右先有得入座三個人叫左個沖繩鍋燒二段定食嘅二人餐，另加一個咖哩炸包有海葡萄凍豆腐、日式炸雞、芝士鍋、薯條同一個紫薯炸包（炸包款色有紫薯、抹茶、黑糖三選一）新鮮即炸熱辣辣，外脆包面下係軟熟麵包同滿滿嘅微甜紫薯蓉，好好味啊炸雞除左就咁食，仲可以點落芝士度拉絲架主菜係要蒸6分鐘先有得食，好期待啊~蒸好後將飯糰整散，再加入芝士碎變成香噴噴又好味嘅蕃茄芝士炊飯海鮮方面味道尚算可以，不過就略厭咸左少少。黑咖哩烏冬香甜微辣，烏冬好彈牙。豚肉亦好鮮味，肉質香嫩，加入咖哩食好配合除左原本餐嘅炸包外我地仲點左個咖哩炸包，咖喱好香濃，不過就同平時咖哩包差唔多，無咩驚喜。最後到甜品時間~ 冬甩炸得外脆內軟，而雪糕份量夠多，可以平衡返冬甩嘅油膩感，再配上紫薯蓉同焦糖醬增加成個甜品嘅層次，為呢餐飯劃上句號。

已經是第二次黎Antoshimo 食了每次黎荷里活廣場, 都會想吃呢間, 除左被佢既炸面包吸引之外加上佢間唔中就會轉下memu, 可以試下新食法、新口味。今次2點左右黎到, 一樣都係人多要等位大約等左15分鐘左右就有位了。今次要了新出的漢堡扒黑糊椒"籠仔蒸"烏冬, 仲有紫薯炸面包。紫薯炸面包首先黎左個炸面包先~依舊即叫即炸, 香脆又夠晒熱! 而已紫薯味好香好濃味, 甜甜地的, 真係好開心係香港可以食到同日本一樣水準既面包!之後黎左個前菜：海葡萄麻醬豆腐海葡萄係少左D, 我最喜歡吃這裡的海葡萄是因為一D都唔腥, 又唔會太咸,咬落口感又爽口!麻醬都夠多, 味道唔錯, 加埋有dd鰹魚碎幾野味。豆腐都幾滑,看到是用百福豆腐XD"等左大約5分鐘左右, 主食終於黎了!先要把籠仔放上有黑椒汁湯底既鍋上面一齊蒸蒸到夠時間就食得了!黑椒汁烏冬:好香濃既黑椒湯底啊!我們都超喜歡吃!! 黑椒味香得黎又唔會辣!加上鳥冬細滑, 份量亦唔算少, 所以食完都好滿足! 漢堡扒: D肉唔會太過實, 由於用蒸既關係, 有D腍腍地都唔錯! 加上底有黑椒汁蒸, 所以食落都有少少黑椒汁味。唔知道是現成貨定自打手打,但食落似係日

在鑽石山商場發現這餐廳裝修漂亮，主打沖繩料理，價錢合理所以一試。周六晚拎飛等位入座約10分鐘。入座前已點菜，所以上菜也很快。主打menu是蒸籠菜配火鍋湯飯或烏冬。咖喱湯有點不夠濃，但壽喜燒湯卻與烏冬出奇地夾！隨餐附送的飲品選擇不多，但甜品的冬甩紫薯雪糕卻有驚喜！晚餐set飯和烏冬沒有很多，但吃完甜品則剛剛好。

Went here for tea and got the bento.It was like bits and pieces put together but didn't go together.The donut is always good and the salted caramel sauce was the highlight of the bento and the rest were just not so interesting.The noodles were disgusting, I didn't bother trying them but the tourist didn't like it because the broth was sickly sweet. (no picture).I liked the hotpot thing because RED MILK makes me curious.The tea used to be served in this nice vacuum glass cup but not anymore.It wa

雙層蒸一客@antoshima蒸烏冬及飯，因食材已預先弄熟，只需加熱數分鐘便可以享用。連海葡萄豆腐麻醬沙律，唯一有沖繩感覺的食材，以前便當式的飯，有炸麵包及多款沖繩特產吃到，我比較懷念。黑豬肉片很多，薄身而有肉甜，瘦得來健康卻不鞋口，也有菇及椰菜平衡一下膳食纖維。我那份烏冬是即食手打，篇身加上微甜的咖哩湯汁，而肉片蘸咖哩汁更可口。Mr square 要了蕃茄飯，酸咪咪令胃口大增，加上芝士我就更沒抵抗力了。有甜品送開心程度上昇一大球牛奶雪糕，底下是炸蕃薯，樸上了麵包糠，溶了的雪糕正好被下面的炸蕃薯吸收。伴以焦糖海鹽漿，鹹味帶出甜味，超好吃。飲品中凍桃茶及熱玄米茶都是附餐的

十月尾打風又落雨嚟荷里活唔洗dup雨～平時唔係好覺有間咁嘅餐廳行過見到感謝祭送一個焦糖雪糕冬甩除咗蒸烏冬，其他兩版menu嗌個餐就有得送，最平都唔洗七十好似好抵咁，不妨一試蜜糖芥末梅豚肉+濃微辣蕃茄飯嚟到先開爐煮五分鐘左右，餸就擺喺上面蒸，鐘仔響咗會有人嚟serve，坐等有得食先篤開飯餅，同汁撈埋，再落啲芝士落去，意大利飯就出現咗。味道唔錯，辣味唔多覺，蕃茄味就幾突出，芝士再多啲就更好，洋蔥同南瓜就略嫌太多。蜜糖芥末唔會太攻鼻，豚肉份量都幾多。跟餐可以揀凍蜜桃茶，唔太甜，有桃味。泡菜雞肉蒸烏冬蒸烏冬真係聞所未聞，算係增廣見識。午餐$48嚟講份量都比預期多。配菜有少少菇同菜，以及好多南瓜...驚蒸出嚟嘅烏冬會太清淡，不過撈埋泡菜，再沾汁，都好夠味。炸雞唔討好，成舊凍哂。蒸籠底有張紙以防滴汁，不過蒸完爛爛地，痴埋啲烏冬，爭啲食埋落肚。焦糖雪糕冬甩雖然係贈送，但都好有誠意。冬甩係薯餅形，認佢唔到，本身已經好甜，加埋焦糖醬更甜。側邊有篤紫薯，都係好甜。嗜甜者必食。

今天的天氣又突然轉差了，前兩日還是副熱帶高壓脊，烈日當空，之後就變成連場暴雨了，張家輝的勸喻大家別忘記了。星期二本來想去寶林看電影，但是上網知道別人說寶林是劣食熱點，結果放棄寶林，改到鑽石山荷里活廣場。距離電影開場時間尚早，之前又吃過午飯，咖喱飯我吃不下，那麼下午茶又有什麼好食？結果我選擇了樓下的日本沖繩菜餐廳。它們的沖繩炸包我想吃很久，現在趁還有時間，感受一下沖繩炸包的滋味。結果我點了一個沖繩綠茶炸包配脆雞的下午茶。這店的食物一點也不便宜，單單一個下午茶連加一服務費已經要四十六元。不過試完炸包和脆雞也蠻好味，新鮮滾熱辣，入口感覺還很燙。沖繩炸包有像炸沙翁麵包，綠茶紅豆味道甜中又有點粉。最好味竟然是點配脆雞食的黑糖檸檬汁！酸酸甜甜蠻開胃，我最初還以為是醋，問過職員後，職員的答案讓我有點驚訝，黑糖檸檬汁原來跟脆炸雞是這麼配的，讓我腦洞大開呀！沖繩綠茶炸包配脆雞雖然是昂貴了一點，但出乎意料地美味啊，黑糖檸檬汁是一大驚喜。這也難怪，沖繩位處太平洋亞熱帶海域，天氣炎熱潮濕，不吃點酸辣開胃食物又怎樣去消暑？

日式蒸飯，咩嚟㗎！我實在太孤陋寡聞喇，竟然未食過，梗係要去試下啦！試新嘢，當然要孖住阿妹一齊試啦!原來限時1小時15分鐘要還枱，時間緊迫，要快d落單，否則一定食唔切，我點咗個R1 琢梅肉配芥苿醬飯，阿妹就點咗U13壽喜泡菜雞烏冬。好快侍應姊姊就捧咗2個蒸籠過來，放上枱面個電磁爐上，要等6分鐘！店員好好呀，幫我地整好後，仲話夠鐘佢地會過來。但是時間係我關心ge， 皆因我食得慢嘛，由入座到蒸緊，大大話話都過咗十幾分鐘，剩返一個鐘，要食快d喇！好彩今晚係同阿妹食，如果同朋友食就真係冇得傾計lu。2個蒸籠內有4成係菜和菇，加埋係蒸，感覺好健康，肉類嘅份量都唔少，而且調味okay, 唔會話好味精咁。雞件都算嫩，唔會鞋，琢肉亦可以，喜歡佢冇乜調味，清清地咁幾好。店員教我將碟芝士加落飯撈勻，落單時以為個飯係普通飯，原來係半湯飯，芝士加入飯，雖然芝味唔濃，但唔喜歡食飯有芝士絲，覺得好怪，除此之外呢個蒸飯唔錯，下次要記得飯同芝士要分開食。而烏冬就等蒸完後放落蒸籠下嘅湯內撈勻嚟食。跟餐本應係冇甜品，但店員問“而家上甜品，好嗎? 係送㗎.” 而且還帶有微笑，真係好喇。一球大雪糕放在炸多士上，旁邊還有紫薯蓉，

某天假日，來鑽石山荷里活廣場行街，行到咁上下見肚餓，廣場既食店黎黎去去都係Ｄ大集團食肆，沒什麼特別睇見呢間日本食店，而且是沖繩炸麵包，二話不說就決定了呢間。由於當日假期，好多人排隊等位，都要等左一段時間先有得入座。等位既時間望下memu有咩岩食等了差不多30分鐘，終於有位了！我地兩人點左一份下午茶ｓｅｔ，一份主食和炸麵包。主食還送一份甜品！下午茶：黑咖哩豚肉撈烏冬黑咖哩：好香既咖哩味道，有黑胡椒但卻不辣豚肉：沒有肥肉，好夠林，配埋黑咖哩汁好好味烏冬：用的是日本烏冬，比較扁闊細滑那種，而已好入咖哩味主食：琉球蒸雞腿肉，配芝士粟米汁（窩飯）有個電子爐熱住的，然後將飯和汁撈埋一齊吃。雞腿肉及南瓜：的確係好滑，上面有ｄ炸粒原來叫就做＂琉球＂～不過少了點雞肉既雞香味，味道比較淡。不過南瓜好香甜芝士粟米汁：見到芝士係一絲絲的，但味道好淡，唔覺得有粟米汁，所以送飯都係要靠兩舊香甜既南瓜。。或者下次試下轉食第二隻汁會好ｄ兩款小食：紫薯好甜！細細粒好得意另一款甜甜酸酸像爽口海澡，都幾好食！炸麵包－紅芋剛炸起的熱辣辣，咬落好脆口！而且料夠多！朋友說甜了點，我就覺得岩岩好！好好味！最後食完仲外賣左一個返屋企

門口有人等位，用餐時間限1小時15分鐘。menu 幾獨特，別家未見過，咪試下囉，點知⋯呢舊野係沖繩名物？我未去過沖繩，但個炸包一點也不好味。裏面的custard 無味，質感不creamy；舊包只係食到炸味⋯ 盛惠20大元，極之 overpriced. 好啦，話說呢三張相係屬於同一個定食的。個芝士辣蕃茄飯係最好味的了，不過屋企都應該煮到。蜜糖芥末汁味道ok，豚肉就明顯 overcooked，上枱仲要煮6分鐘，在廚房就煮少陣啦，啲肉片咁薄，唔靭就奇。Vanilla ice-cream + 炸包 + salted caramel ，炸包唔再講了，但咁樣夾埋一齊食好過之前就咁食個包。Salted caramel 係整碟重點，甜甜鹹鹹味道調得不錯。

不經不覺原來荷里活廣場已經變左, 已經唔再係一個好簡單的food court, 多左一間幾有 特色的店由於已經食左晚餐，但又好想食甜品，所以就入去食左份甜品了點了雪糕配焦糖Donut，果然不錯，焦糖Donut是甜甜暖暖的，而上面的雪糕是雲尼娜味的，donut既熱力令雪糕融融地，兩樣夾埋泥食，口感豐富，而且都好甜眼見人地晚餐都不錯，下次可以試試

在年初我剛去過Okinawa，好懷念那裡的食物 - 紅芋年糕、海萄葡、拉麵，so今日特登走去食沖繩餐廳的下午茶.每次見到 風獅爺，總想起Okinawa.一睇Menu最想食 紅芋年糕.我order咗 H9餐，有齊晒我最愛的 紅芋年糕、海葡萄、拉麵、豚肉沙律、蜜桃茶.紅芋年糕，外面似煎堆脆卜卜芝麻好香，而入面有主角 紅芋+芝士，yummy！！！最值得食這間餐廳一定要食"紅芋年糕".