沖繩二段料理 (大本型)

營業中

休息中

點解作為一間商場室內鋪 都可以沖杯烏蠅奶茶出黎一個烏冬一杯野飲一個冬甩收百幾蚊連基本衛生都做唔好？我係街茶餐廳都唔會咁垃圾啦、飲左半杯 仲要同我講岩岩飛落去 烏蠅飛落冬奶茶會即刻反肚？ 你個杯鏹水定奶茶？不負責任

上錯菜唔認，唔上donut 又唔認。冇下一次。估唔到咁耐冇嚟全部人都黑口黑面。送錯檸檬茶，又話我地錯。送餐送去一個冇人坐的位置。有service charge .超唔值。100 per head

經過見到一間主打沖繩食物又幾抵卡是乎入去食 叫左豚肉蒸飯豚肉唔會太乾，飯都粒粒分明味道唔錯而烏冬都彈牙甜品係海鹽焦糖冬甩超有驚喜上檯賣相又吸引小朋友都嘩嘩聲冬甩煙煙韌韌 淡淡海鹽海味道估唔到同個冬甩咁配不過座位相對細點唔檯與檯相距好近下次再去既話我一定會自己食一份冬甩真係好好味😋

👨🏻‍🍳沖繩二段料理 (大本型) (油塘)📍油塘高超道38號大本型2樓211號舖 「蒸飯有特色仲好好味😻冬甩必試！！」 星期六訓醒覓食，已經系下午茶時段🙈搵到呢間系油塘既沖繩二段料理。 定食A+B+C+D $79起😻勁抵！！ 1st set :👍🏻🍽️櫻花蝦明太子蒸飯🍽️鰹魚汁壽喜燒牛肉 +$5🍨沖繩海鹽焦糖雪糕冬甩🍹柚子梳打 +$9 櫻花蝦明太子蒸飯勁好食，好香櫻花蝦，脆口🤤沖繩特產明太子，味道岩岩好，香而不濃，飯偏軟，但粒粒分明！！🤤 鰹魚汁壽喜燒牛肉，正常 沖繩海鹽焦糖雪糕冬甩，無試🙈 柚子梳打，柚子蜜，加一罐梳打水，自製🤤 2nd set :🍽️芝士蕃茄炊飯👍🏻🍽️大阪燒醬吉列豬扒 +$5👍🏻🍨乳酪布甸雪糕冬甩 +$19☕️無糖烏龍茶 (凍) 芝士蕃茄炊飯滿滿芝士，拉哂絲🤤蕃茄吾算好濃，但系有鮮茄🤤risotto咁，好味😋不過如果再食，會想點櫻花蝦明太子蒸飯多D🤣 大阪燒醬吉列豬扒，醬汁超惹味！！吉列豬扒超脆邊，炸粉吾多，豬扒實得黎好腍身🤤👍🏻 另外追加 :🍽️蜜糖芥末雞軟骨餃子醬汁特別，餃子系平時日式餃子🙈 乳酪布甸雪糕冬甩，乳酪布甸微甜，味道吾濃，雪糕正常。但系個冬甩🍩系暫時食過最好食

今次叫左2個餐 各自都包甜品同飲品🌟肉味噌溏心蛋蒸飯配壽喜燒肉味噌牛肉鍋2個都好大份飯入面有d粟米同木魚絲紫菜碎 味道幾好壽喜燒鍋都幾濃味 仲有好多牛肉同椰菜🌟特濃蕃茄烏冬鍋+蜜糖芥末雞蕃茄湯底超級濃 好杰身 每一條烏冬都掛到汁另外有成6舊雞 咬落去有肉汁🌟天婦羅拼盤大讚餃子 入面係有肉汁架🤤好驚喜🤤🤤🌟沖繩海鹽焦糖冬甩雪糕🌟牛奶黃豆冬甩雪糕冬甩煙煙韌韌 暖暖地再配上雲呢拿雪糕 好夾 焦糖反而有小小甜 不過唔點太多 夾埋一齊食都ok

行過路過，阿仔成日都話要去試今日再次路過，都要順下民意望入去唔似太多人唔洗等位就去試下望下餐牌好似有好多選擇但其實又好似唔多選擇😂😂🔆P3冬甩乳酪布甸啲個係standard 配好左但個布甸係唔好味，味道比較奶所以阿仔唔鐘意，但雪糕配冬甩，真係不錯🔆58% 黑朱古力冬甩雪糕🔆阿華田冬甩朱古力雪糕基本上全部一樣味，只係個醬汁係配唔同既朱古力醬最後我無咩興趣，所以飲左杯野🔆泰式奶茶味道一般啲一啲都係試一次就夠😅😅

爆去油塘一間唔錯咋嘅沖繩料理店試下新鮮嘢。第一啖就叫咗個喜壽燒牛肉烏冬，啲牛肉真係唔使咬，入口即溶，湯底香甜適中，烏冬Q彈得滯，好似喺沖繩街頭咁正！旁邊嘅屋企人食大阪燒鍋豬扒，佢話豬扒香脆得嚟唔膩口，成個好滿足。我哋再點咗個芥末雞軟骨餃子，個餃子好有力，啲雞軟骨彈牙得嚟又帶點新鮮驚喜嘅感覺😍。飲品方面，黑糖檸茶真係又香又滑，一啖甜過心頭，解膩之選！食完主菜，當然唔少得甜品，海鹽焦糖冬甩雪糕尾聲才係精華，冬甩外脆內軟，拌埋甜冰涼嘅雪糕同焦糖醬，咪話咩消暑勁器🍨！食嘢有時唔駛太講究，開心最緊要，下次仲想嚟重遊一番！

工作關係黎到大本型, 見到佢地Menu想起之前喺MegaBox分店食過, 但當時食後感不良, 事隔一年, 再俾次機會這間店, 今次大本型分店食比我期望既高, 我叫咗柚子雞黑糖檸檬醬油豚肉(腩肉)蒸飯 $56用蒸籠蒸飯,  個籠雖然面積大, 但其實好淺, 唔洗驚食唔哂, 飯量適中, 硬度都係不會遍濕/乾, 不過唔好期望有飯香飯面有切片腩肉, 份量都多, 然後淋上肉汁, 整體口味不錯要讚既係炸柚子雞, 其實係炸完淋上柚子醬, 雞口感似鹽酥雞, 柚子醬微酸都幾開胃, 份量都足夠一般人食用然後加錢點了一杯咖啡, 咖啡正常口味, 我就不多評伴侶叫左個牛SET$74, 因我不吃牛, 所以我不點評了, 但佢+$20 配了甜品, 我偷吃了幾啖海鹽焦糖雪糕冬甩, 冬甩即叫即整, 外脆內軟, 淋上焦糖醬, 口感一絕, 配雲尼拿雪糕QR CODE落單, 店員純遞菜, 自行到casher埋單, 沒有甚麼服務可評總結, 我倆都吃都飽, 人頭$90, OK啦! 

這家餐廳在油塘已開了好幾年，間中放工後想起他們的冬甩和柚子雞，都會特意搭車去，全因主食選擇多，質素不錯，甜品麻糬冬甩非常有特色。這次叫了兩個套餐：1. 柚子雞芝士蕃茄燉飯點炸雞的話大推這個柚子雞！嚐過其餘幾款炸雞，始終覺得柚子雞最好吃。炸雞外皮稍微有一點硬，但內部嫩滑，而且醬汁很好吃。醬汁酸酸甜甜，非常開胃，與芝士蕃茄燉飯非常搭。飯粒軟硬度恰到好處，充分吸收了蕃茄汁，味道十分濃郁，加上適量嘅芝士碎，口感更有層次，比烏冬/面食更勝一籌！☺️☺️2.天婦羅明太子烏冬一開始看到很多枱都選了這款作主食，一大塊的 東西看起來比較打卡；後來在餐牌上看到便好奇點了，原來一大塊的是蝦餅，還有炸餃子，炸雞和蘿蔔天婦羅。蝦餅可以，炸雞和餃子一般，反而天婦羅（應該是蘿蔔）有點驚喜，外脆內濕，很特別的味道！明太子烏冬一般，明太子味不太突出，但稀的汁烏冬配著乾的主食是比較搭的。但總括而言，比起柚子雞飯稍為遜色。3.海鹽焦糖冬甩🍩雪糕這個甜品不用太多介紹了，質素依舊不變，非常好吃😍！！！冬甩上枱時還有點微暖🥹外皮是脆脆的，內部卻是煙靭的麻糬口感……好好吃…..配上海鹽味雪糕….太愛了！

天氣突然轉涼，陰陰天，好想食熱嘢。喺大本營商場發現呢一間日本餐廳，主打沖繩蒸飯二段定食。望入去見到嘢食都係蒸籠同一鍋咁上，決定試吓。揀咗黑糖檸檬醬油豚肉蒸飯配鰹魚汁壽喜燒牛肉，套餐原來仲有嘢飲同甜品。壽喜燒牛肉味道正常，入面有椰菜，感覺健康。豚肉蒸飯味道唔錯，果汁酸酸甜甜，好開胃。甜品可食到最後叫店員送上，跟餐配沖繩冬甩。新鮮炸起，煙靭又好味，配埋雪糕一流。成餐最有驚喜係佢！今餐好豐富，食完好滿足 🤭

依間餐廳主打沖繩料理，我未去過沖繩，所以唔知道佢係咪正宗，但係沖繩呢兩個字好有吸引力，所以就決定去試一試😍餐廳提供好多菜式嘅配搭，肉食同埋主菜都可以自由配搭。肉類方面，正常雞，豬都有。主食方面，可以自由選擇烏冬或者釜飯。烏冬都有唔同款式可以選擇，所以鍾意試唔同識食物嘅人好適合👍🏻套餐仲有一道甜品，去沖繩海鹽焦糖冬甩配雪糕，雪糕超級解暑，冬甩係類似波提款，兩者配搭得好好食，會為咗個冬甩再返轉頭😍

外面寫着$49 起就入嚟試下，但原來$49只有一款柚子炸雞蒸食，其他主食和飲品都要加錢。炸雞幾脆，夠熱，上面淋上柚子蜜，太甜蒸飯面有飯素，同埋好肥嘅豬腩肉片，肥到只食到1/3；用日本米，份量較少，啱女仔胃口整體不過不失，普通炸雞飯，但未必會再幫襯。餐廳唔算多人，但唔夠冷氣。外面寫着$49 起就入嚟試下，但原來$49只有一款柚子炸雞蒸食，其他主食和飲品都要加錢。炸雞幾脆，夠熱，上面淋上柚子蜜，太甜蒸飯面有飯素，同埋好肥嘅豬腩肉片，肥到只食到1/3；用日本米，份量較少，啱女仔胃口整體不過不失，普通炸雞飯，但唔會再幫襯

好一排冇嚟食，原來出咗比較平嘅lunch set，以前埋單都around $100，而家lunch set ~$4X-69。今日食咗沖繩海鹽焦糖布甸雞配濃蕃茄湯烏冬，布甸雞呢個配搭幾有趣，布甸奶味香濃，甜甜地配炸雞都幾好味，單食布甸可能會覺得太漏。蕃茄烏冬就正常水平，烏冬有咬口，唔會會超平嗰啲冇彈性嘅粉，絕對合格。如果要改善，可能係杯茶，雖然話係烏龍茶，但唔係日本嗰隻，飲起嚟都幾濃，唔知係咪浸咗好耐嘅茶包。服務方面都OK唔錯，會俾多杯熱水你俾你洗餐具。呢排好似係飲食業寒冬，如果有時間我都會想再嚟幫襯，希望佢做得住啦。

1.吉豬壽喜烏冬餐+可樂$72吉豬的醬料就好似平時食章魚小丸子ge味度咁，只是把章魚變成吉豬，感覺別有一番風味，估唔到咁做都咁好食，仲好入味。2.布甸雞蕃茄烏冬+可樂$72布甸雞係有啲糖醬係個布甸上面，個布甸好吸引，食完一口想再叫一個，而混合埋啲雞到好似小見，又係新一種食法。總括以上烏冬部份，份量同質素都好好，夠飽肚份量適中，湯底夠熱且濃郁，麵質煙韌，夠入味。3.柚子雞沖繩蒸飯+烏龍茶$49唔好睇小個飯都較大碗，有個籠放住啲飯，好保溫👍 唔係白飯咁簡單，個柚子雞d 味黏住係個外皮，甜甜地酸酸地好開胃加埋飯無得頂。小食：冬甩雪糕$20糖醬上放冬甩加雲呢拿雪糕，唔會太甜，個賣相都好吸引，重點係甜品係可以後上，記得趁熱食。環境整潔舒適感覺好放鬆，而枱與枱之間都分佈都好好，由於剛開店無耐所以都唔等位，上餐速度快，但食物品質都唔差，值得一試。

放假同男朋友去鰂魚涌睇日落到油塘站都大概4點幾就食個Tea先出去大本型就真係冇乜野食 左揀右揀見依間餐廳個樣咁日本風(利申崇日) 就揀咗佢黎食入到去全場得3枱食客 自行用手機scan QR code落單 下午茶款式唔算多 亦都唔算驚喜男朋友嗌咗個牛肉壽喜燒讚岐烏冬Um 就係最普通嘅烏冬唔係好覺有讚岐烏冬啲煙韌口感，又唔算話係好爽口嘅口感；湯底係冇味精味，但又唔係好有濃湯味整體而言就普普通通(´･_･`)我就嗌咗個紫薯冬甩雪糕~幾年前係鑽石山分店食過佢個冬甩外賣而我就真係已經冇哂印象係咩味(證明冇特別）點知今次竟然有驚喜！！個冬甩上枱個樣就唔算好驚艷喇～但食落個冬甩好夠熱，依樣真係加分，因為配雪糕唔夠熱又係差咁啲，要做到個雪糕溶溶地有啲冰火feel先至好食，而佢就做到嘅♪( ´θ｀)口感上係同普通冬甩唔同，唔係麵包質感，咬落有啲煙韌，加埋個表面脆脆地，感覺係幾惹味。唯一缺點就係個雪糕得個甜字，冇牛奶味又冇雲呢拿味，講唔出係咩雪糕。而所謂嘅紫薯就係上面一條條紫色個啲，唔洗諗都知係冇紫薯味（苦笑）嗱 我就冇去過沖繩食過真正嘅沖繩冬甩，但整體而言用嚟做下午茶係幾好嘅(*¯︶¯*)