永年士多 (寶城洋樓)

營業中

休息中

最近經常買永年車仔面回家吃而我每次都食相同的配搭豬腸,芝士腸,通菜,米粉每一次都會食豬腸,因為永年的豬腸是我吃過最好吃的豬腸!每一次都會食芝士腸,因為我本身就喜歡吃金妹牌芝士腸,仲要有4條,抵每一次都會食通菜,因為份量實在好多未試過去其他地方食麵會有咁多菜,所以必食!不過菜有陣怪怪的味道,但不難吃男朋友吃的是雞翼牛丸通菜烏冬永年的雞翼都好好味的,男朋友說雞翼有放米酒去煮但牛丸就真係唔好食,唔彈牙加冇牛肉味,千祈唔好食食左永年咁多年,覺得最好食的餸是豬腸同豬紅,而佢既辣汁係成碗麵的靈魂,假如冇左辣汁,相信唔會有咁多人幫襯呢p.s.永年真係加價不少,兩年多前係$15一麵三餸不過現在$25都係抵食既最後,唔講永年唔憂做既服務態度,只係想提出一點佢地用發泡膠碗真係好唔環保,外賣都算啦,唔知點解堂食都用發泡膠盒,佢地每日賣咁多碗麵,真係為地球製造左好多廢物希望佢地可以改善下啦

間中都鐘意和太太駕車到這裡食車仔麵,因這裡的車仔麵好味,尤其是辣汁,就真係百吃不厭,但可惜服務態度就真係差得過分,因為如果你叫餸稍為講得慢一點就會比人鬧,如果唔想比人鬧,就一早要諗好吃什麼,一到你,要立即一口氣講出來,但記住一定要講好清楚,因為如果有什麼錯漏又會比人鬧,他們永遠只會覺得係你講錯,他們一定不會聽錯,我見過好多人都比他們鬧,但每日都有很多人掛隊比他們鬧,包括我和我太太.雞翼,豬腸都好入味,鹵水亦好香濃.牛肚入味又夠淋,好好味.雖然呢度服務態度真係差到冇人有,但啲車仔麵就真係好好味,加埋辣汁簡直perfect,所以就算比人鬧都仍然好多人排隊,如果他們服務好一些,我相信生意會更加好!

永年的辣汁真係幾時都咁正上次過o黎呢邊食o野都已經係好幾個月前o既事,上週六突然又想食因為夏天真係無乜胃口食d淡味o野一如以往,都係咁多人排隊,我未到12點已經到咗了,結果等到12:20先開始買車仔面...我叫咗牛肚, 雞翼尖, 魚皮餃同通菜配烏冬而老公就叫咗豬紅, 豬腸, 雞翼同蘿蔔配米粉...d 車仔餸keep 到水準, 豬腸一d 都唔肥...but 牛肚硬咗d...可能係剛開店啦(我哋排第三站)嘩~但d 辣汁係精髓...真係有畫龍點睛之妙見到有d 人話永年的服務一般...但我無見過一間"五粒星"的士多...本身永年就係士多, 邊有咁多時間同資源有"服務"呀...?!

經常聽到"永年"這間吃車仔麵店鋪的名字。有時經過,都會看到長長的一條人龍，現終於機會嘗一嘗這間食肆的水準!由於當天剛巧碰著一號風球，刮著大雨,所以排隊的人不算多。在外排隊的人少不免被雨水弄濕，但仍絲毫無損他們在這裡吃車仔麵的心。而我既然一場來到,當然決不會因為刮大雨而離開!果然,這裡的待客手法如其他食評般所言並非太好。跟在我前面的女孩稍為講得慢一點，已被人黑面對待及比說話給她聽！以至到我叫餸時也不敢怠慢，急急把自己想要的告訴他們，以免受到不禮貌的對待...談回食物，要了油麵再配白魚蛋,芝心丸及豬紅。所給予的份量可真多,一點也不吝嗇，相比其他店鋪只給一兩粒來說，這間確是抵吃！油麵沒有甚麼特別，反而是所選的餸頗有水準！白魚蛋很大粒，吃起來可真爽口彈牙，實在不錯！芝心丸也不是平價貨色，吃下時有濃濃的芝士香味，芝士汁隨著一口咬下緩緩流出，果真美味極了！豬紅軟硬度適中，不會太腍，而且很入味，咬下時湯汁溢出，美味極了！不得不提這裡的辣汁，開始時並不是太辣，想不到是愈吃愈辣，辣到我這個吃得辣得人差點要投降了！價錢便宜，大件夾抵食，本想給一個笑臉，但可惜待客之道較差，在這裡確是需要扣點分！

本來想尋日黎食(7月1日)~不過又怕佢會紅日唔開門白行一次~所以延遲到今日黎食，下午3點3左右到達，依然都係咁多人排隊，我先入去搵位bf去排隊，大約等左15-20mins左右終於有得食啦~我要蘿蔔+貢丸，bf要魚皮餃+芝士丸，另外要2串魚蛋~真係食到辣到出哂汗同鼻水呀~但好味幾好~如果唔係咁遠都可以成日黎成呀

好耐mo見過教會d朋友喇..難得今日得閒就同佢地1齊出左元朗食佢地介紹既 永年車仔麵喇本身出發前都有上過黎睇下d食評見大家都話d人好惡.. 排到去仲諗食咩會俾人鬧於是我同個fd就晨早諗好左食咩先 費事俾人鬧呀! haha xd落左輕鐵 行到去 真係見到1條人龍呀排到轉左彎 我地前面應該有10幾個人啦..等左2,3個字 就到喇!! yoho 黎到個"窗口" 位置 見到d雞翼好靚..真係忍5住要嗌它不過第1次黎 都5知佢地係點嗌 所以就推左個黎左幾次既fd去前面 睇下佢點嗌@@step1: 叫麵 step2: 叫餸 step3: 要咩辣/走辣 step4: 係道食/行街最入面個男仔係負責煮麵既 佢會就咁問: 後面呢? / 之後要咩呀? 所以大家要醒目 睇住到自己未 出面企係道個呀姐負責夾餸 夾完就會問你要5要辣之後嗌個價錢俾最尾個叔叔聽 外賣好似要加$1/$2補充返: 買野全程 我地同行3人(5計個熟客fd)都mo受到咩5好/好好既待遇 中規中矩~好啦 post相叫左最出名既豬腸, 雞翼, 蘿白, 油麵 d人話佢個辣汁正 所以要左小辣魚蛋係老闆送俾我個fd(熟客)佢俾左粒我試 真係好味.

我住元朗, 由中學開始已經經常幫襯永年即使而家搬左, 都忍唔住時不時去食~先由早餐講起12點前, 有腸粉賣, 唔知而家仲有無, 我都好耐無食過, 因為要太早起腸粉夠滑, 魚蛋夠彈牙, 唔係煲到林晒, 好HEA個D最正就係個0加0厘汁, 真係好香好夠野味, 係我食過咁多腸粉既最有水準既0加0厘汁!!!永年最出名既豬腸, 我無食過, 不過食個D FRIEND, 就次次打孖上我叫左最愛既芝士腸 同雞翼, 仲有蟹籽包芝士腸依然好好味, 好脆口, 同埋有陣唔知點形容既味, 我同D FRD成日都有個疑問: 都係芝士腸0者, 點解永年會整得咁好味架呢?雞翼, 好入味, 好林, 有陣欖角味? 總之滿意!蟹籽包, 係整得岩岩好, 唔會太林, 好憎D林到好似食X既0野, GOOD我叫米粉 加DD辣, 佢既辣, 唔係講笑, 真係超好味!!!!!!!! 同朝早既0加0厘汁係唔同既加DD吊味, 已經成碗麵UPGRADE左!!!老闆好好人, 竟然仲記得我, 加左2粒魚蛋俾我~WARM~~我見有人話佢地態度唔好, 我見有時係會的, 如果第一次去既人可能會嚇親, 不過, 你去得呢度食, 見到咁既格局, 都唔會期望佢會

一向都不好車仔麵此道,但卻一再光顧永年,原因在於店舖職員的人情味!看別人的食評說他們態度惡劣,我倒不覺得,每次去永年買車仔麵,入邊的哥哥總會額外加多些餸給我 而且他們跟老闆娘都非常幽默可愛他們的親切,使記性差,常常因忘記自己要什麼餸而感到緊張的我舒緩不小~~~每次去總會叫3餸1麵, 油麵,配山根,蘿白/芝心丸,魚皮餃姐姐說永年豬腸好吃,但我不吃內臟,因此未知味道如何豬腸愛好者大可一戰蘿白清甜非常 各位必定要試下但最緊要的,仍是他們恆久不變的人情味呀!!!!p.s.現在的價格是$5一個餸

最近呢幾次都係男友仔去買, 所以態度差既問題已經影響唔到我...lol今日又黎食我常食既 3 寶: 豬紅 / 豬腸 / 豬皮 + 油麵味道不變, 辣度醒神, 正!!!可惜係....今日既豬皮唔得....好硬身, 一 D 都唔淋, 次次 D 豬皮既質素都好唔穩定....睇黎下次要揀另一樣取代至得....

高佬依舊,人龍一樣,但食物水準差了很多今日叫了油麵,豬紅,豬腸,牛肚,蘿蔔,而且係小辣，蘿蔔夠淋但不失爽口,沾點辣汁,味道一流,再試牛肚,味道依舊保持水準,炆得夠入味；帶甜的豬腸保持水準,好味道味,但一定要彈就係豬腸內有沙???好彩唔係其他嘢豬紅就一般般啦!但最可惜既,油麵點解會有鹼水味辣汁幾好都蓋不過D鹼水味。去過好多出名老舖,點解水準同客戶多少不能同時進步.......不過食左咁多年,多少都有D感情既,希望下次再黎時會好D啦之後幾個鐘飲左兩枝水

雖然佢 d 湯底係名符其實既味精水... 但總是食過番尋味。本身唔食豬大腸既我，係度一定會要一份，皆因佢真係醃得好好味。而魚蛋亦都非常彈牙... 冬菇蘿蔔都炆得好入味，仲有雞翼尖也是不能錯過的。怪不得... 這見經常會見到人龍吧﹗

食左好多次依然覺得好好食, 小辣已經可以噴火, 不過辣得好正, 辣得黎好香, 又好麻 !!次次去都一定會食魚蛋, 雞翼, 油面, 魚蛋彈牙, 雞翼夠入味!同行朋友就話豬腸, 籮白好正!價錢相宜, 食物味道好 !! 排隊等都係值得的 !!

聽過好多次元朗人話永年既辡汁好正,當然要試下la去到元朗,都要搵十幾分鐘先搵到間鋪叫左個魚蛋豬腸米見到成碗野既outlook的確唔係太好,但食落佢個辡汁真係又甜甜地辡辡地好正但係個d料都只係好一般既貨仔如果住得遠既人唔值得入黎一試

今日條人龍短咗, 等咗一陣就可以叫餸, 叫咗4餸1烏冬豬腸: 勁好味其實每次o黎食都係為咗佢 (唔通為咗佢地個服務態度咩.......wakakaka)雞亦: 都ok啦! (5蚊有2隻抵食過亦尖囉)鮮冬菇: 我鍾意佢地用新鮮嘅....蟹子包: 冇乜特別如果唔係靠個辣汁同豬腸夠出位, 應該唔會有咁多人願意o黎排隊比人鬧

第一次去嗰陣,未正式賣已經有一條人龍出現.....第2次去,中年1:30左右,知道一定又係排隊,但上次冇食到,朋友又對呢間野大讚,咁就為食好野而排一排隊啦~ 差唔到排半個鍾,終於到我,見到嗰堆分工合作ge工作人員個個鞋口鞋面,唔好期望佢地會對你有一絲笑容,雖然你係客......一個外賣拎返屋企,老實講:一個普通ge車仔麵;叫個3餸,包括佢地出名ge豬腸,但冇一樣餸會一食令人"叮"一聲,驚喜莫名,餸冇驚喜,更加唔好指意個麵底啦!!個麵底唔通會係手打咩~ 唯一可取ge係個湯+汁,碗湯飲晒,因為覺得好香~見間店日日咁多人排隊,真係只能講一句各花入各眼