永年士多 (寶城洋樓)

營業中

休息中

我一家三口準備享用一頓美味可口的地道車仔麵大餐。我選擇了四餸車仔麵,包括幼麵、魚蛋、紫菜、牛筋和牛腩,價格為$67。這道麵食色香味俱全,麵質彈牙,各款配料新鮮可口,令我口水直流。太太點了三餸車仔麵,包括油麵、豬紅、豬皮和牛筋,清爽可口,價格為$51。我們一家人都非常喜歡這家店的車仔麵,每次來都會點上不同的組合品嘗。阿仔則選擇了紫菜牛丸湯,配上一片香濃的班蘭咖央多士,價格分別為$28和$18。紫菜牛丸湯湯頭鮮美,牛丸彈牙可口,是兒子的最愛。我們還點了腐乳通菜~$27。這道小菜酸甜可口,爽脆可口,是非常合適的開胃小菜。至於飲品方面,我選擇了一杯清香四溢的樽仔奶茶~$25。太太則選擇了一杯抹茶紅豆冰~$15,清涼甘甜。阿仔則選了一杯紅豆奶茶冰,濃郁香甜,$15。

hihi姐妹们，你们的胃口怕是经不起这家店的考验哦！👌这家店简直是香港美食界的宝藏！车仔面🍜里面有肥肠、鸡中翅、鱼蛋、红肠、萝卜等… 是一碗满满港式味道的美味！猪手虾子捞面🦐虾子的鲜美和猪手的酥软完美融合，每一口都是满满的幸福感！咖央多士🍞金黄的多士外脆内软，涂抹的咖央酱和黄油🧈，每一口都是满满的幸福感，简直是早餐的完美选择！腐乳通菜和韭菜猪红🥬香味扑鼻，口感带着微微的辣味，让人欲罢不能！永年士多的美食真的很不错😌快来“永年士多”感受正宗港式美食的魅力吧！🍲🥢

純正港味經典滋味豬紅濃濃的五香味，新鮮爽口蘿蔔吸收了醬汁的鮮甜，口感十分好牛腩軟嫩多汁，入味。搭配少量牛筋，好食。豬腸煮到恰到好處，彈牙口感腐乳通菜清脆可口的通菜📍永年士多元朗教育路88號

細細個讀書嘅時候已經食呢一間嘅車仔麵最鍾意食佢嘅豬紅、豬腸、蘿蔔、雞翼、魚蛋、糖心蛋、熱辣辣嘅湯，再配上油麵或幼麵再加上少少辣汁，令到成碗車仔麵都昇華左一個層次，真係好好食呀

太耐冇食車仔麵，咁啱經過永年，又未試過一於試下。佢嘅招牌菜有咖喱豬皮蘿蔔、豬紅韭菜、生菜魚肉球和大碗車仔麵。咖喱豬皮蘿蔔，這道菜以綿軟的豬皮和爽脆的蘿蔔為主角，加上濃郁的咖喱醬，每一口都帶來濃郁的香氣和口感，絕對是咖喱愛好者的必點之選。豬紅韭菜，這道菜以鮮嫩的豬紅和清爽的韭菜為主料，搭配上微辣的醬汁，味道鮮美且開胃。豬紅的肉質鮮嫩多汁，搭配韭菜的香氣，好滿足生菜魚肉球，鮮嫩的魚肉同埋嫩綠的生菜，口感豐富多樣。魚肉球的口感Q彈，生菜的清爽和醬汁的調味，相互融合出一道美味的小吃。大碗車仔麵，這道菜是一碗豐富多樣的麵食，包含了豬腸、魚蛋、蘿蔔、豬紅、豬皮、雞翼尖、雞翼、魷魚和紅腸配米粉。每一口都能品嚐到不同的食材，豐富的口感和濃郁的湯頭讓人回味無窮。魚蛋魚腐蟹子丸公仔麵，這道菜以彈牙的魚蛋、魚腐和蟹子丸為主料，搭配上滑順的麵條，口感豐富又美味。麻辣牛柏葉，香嫩麻，食到上晒癮。最後，我點了一杯柚子蜜糖冰麵和熱檸水來消暑。柚子蜜糖冰麵清涼解渴，帶有柚子的清香，而熱檸水則帶來舒爽的口感，非常適合搭配這些美食。

搬左黎元朗住當然要食下出名既永年士多啦已經開左好耐嫁喇 而且仲有好多分店添真係好有香港特式既車仔麵雞翼尖,紫菜,魷魚,韭菜花幼面 $58玉子,魚皮餃,墨魚蝦卷米線 $53個湯幾入味 辣夠香米線軟硬剛好玉子夠流心 雞翼尖滷水夠入味魷魚爽口冇筋墨魚蝦卷夠新鮮沙薑雞爪 $28有3隻大大隻蝦醬通菜 $28通菜吸晒蝦醬香味入晒味好好食好香又開胃菠蘿冰 $15檸樂 $20埋單合共$202

又係元朗人唔會唔識嘅車仔麵,唔知點解食咗永年既車仔麵之後返唔到轉頭,食其他車仔麵硬係覺得唔係咁好食，當然係由細食到大啦因為,同埋佢嘅湯底係好香濃嘅藥材味睇返原來佢個湯底都有好多種藥材一齊煲，再加埋佢嘅靈魂辣汁，簡直不得了，每隔一陣都要去食止一止癮啲，我個人覺得最好食係個豬腸豬紅同蘿蔔，所以咁多年都冇轉過餸，可惜人大咗有高膽固醇，所以就將豬紅改為雞翼😂都係一樣咁好食，仲有杯凍檸茶而家甜都唔會苦澀🤭

號碼468，等咗20分鐘，一直企喺櫃檯旁邊，見號碼由461跳到去480，問個職員，佢好快咁遞咗個外賣俾我。好心問吓佢係咪撳漏飛跳咗號，阿姐送你一句擺明係過左啦，係你睇漏咗！下～我企定定20分鐘,好心提你仲要俾人醒，哈哈～想受氣嘅就用20分鐘去換一碗麵贈送挖苦，香港真係多謝你呢d服務質素。

個湯幾入味，嗌咗小麻辣，都好夠辣好香，雞翼尖滷水，都唔錯，入味同埋雞翼尖蟹都有啲肉，啲米線屬於爽滑嗰種個人比較喜歡。個腦嘴豬腸唔錯，滷水味入晒，而且唔係好多肥膏，所以高質。隻流心蛋表面好滑，都有啲蛋黃漏出嚟，雖然唔算好多，魷魚大大塊，爽口冇根，啲菜正正常常，唔老，最後蘿蔔都幾鮮甜冇根，應該之前浸過先，總體不錯，85分😎五個餸加米線$64▫️蘿蔔▫️豬腸▫️雞翼尖▫️魷魚▫️流心蛋湯底🥣▫️小麻辣

中午比較空閑的時間去了永年食午餐，準備想下單的時候個收銀員一句：唔得閒住，之後甚至離開了崗位，差不多離開了了大概10分鐘，最後我都只能夠自己用點餐機去點單，職員就算在忙都不是一句：唔得閒住，是否應該更有禮貌向客人說等待一會，可見職員服務態度沒有進行過培訓

落單前聽到話要等20分鐘，所以一直好有耐性咁等，我排322，後面外賣328，327之類不斷有出單，以前係順序出單，今日D單跳住出，所以我冇去問。直到一個坐喺我隔離遲我15分鐘入場嘅人338已經到左，我先行去counter問，然後counter話漏咗單！成個過程一共浪費咗我40分鐘！

尋晚睇完煙花再去朋友屋企打幾圈，起身都好晏，行過永年士多就買碗麵返屋企食，今次點咗碗豬皮、豬紅、豬腸米粉，大辣，湯分開上，費事浸到淋哂。返到屋企，碗麵同碗湯都仲好熱，大辣嘅辣醬就係咁放喺碗麵上面。倒碗湯落去，攪勻之後就開始勁辣之旅。初初食嗰時唔係咁辣，不過食多兩啖啲辣就嚟料。平時食得好辣嘅我都差唔多要投降，不過都挨到食晒。嗰3樣餸都好入味，難得豬紅咬落去都入面都入到味，豬腸肥膏都唔係太多，唔係咁食得辣咁朋友就要諗吓叫乜嘢辣。

今次行過嗰間我經常光顧嘅小店，忍唔住又入去嘆返啖。啱啱嗌咗碗雞蛋牛肉麵，食落嘅感覺就似返到小時候嘅味道。面條勁啲，彈牙得嚟又唔會太硬，啖啖肉香噴噴，串嘅足料。呢碗好似帶咗位雞仔返嚟給我嚟食；只係小小費事快快就整到，天然味道真係冇得頂！牛肉又嫩又多汁，湯頭鮮甜得嚟仲帶啲淡淡嘅胡椒香，飲兩啖簡直暖笠笠～叫埋個豉油雞，啲雞皮滑溜溜嘅，啖啖肉又腍又滑，仲有股陣陣豉油香，食完一啖唔夠，食完兩啖仲想食🤤。友情提示，除咗車仔麵外，佢哋啲甜品都好有驚喜，招牌芝士布甸就係其中一個，甜而不膩，質感滑溜，一試難忘。而家每次去，我都會叫一份，話唔定可以吃出新嘅口感。下次你去，記得試吓啊！😊🍜🍮

作為本土特色美食，車仔麵當然係一個非常之好嘅選擇，雖然永年係好多地方都有分店，但係我真心覺得最好食嘅一定係元朗分店🤭我最鍾意就係佢嘅湯底加辣汁，辣度可以自己選擇，我最鍾意就係咖喱辣汁，非常惹味🥰🥰食得車仔麵，點會着重餸菜嘅質素🥳蘿蔔清甜無渣必點，牛柏葉都非常之爽口，水魷相對嚟講就比較普通，佢係比較厚嗰種，如果可以爽口一啲就會更加好！鳳爪都好好食，一咬落去吸晒滷水嘅味道，必推平時小食呢我都會推薦甜酸齋或者韭菜豬紅都唔錯🌟🌟

由中學食到而家，一向保持水準，永遠排長龍，喜歡而家新裝修比以前坐得舒服多！呢晚經過又去排隊食碗道地車仔麵😋.今次試四寶麵，真心大推！四款餸，呢間嘅豬大腸一向大愛，覺得元朗最好食😋入味彈牙，豬紅入味口感剛好，仲有豬皮和蘿蔔，好好味港式情懷😌.老公又點三餸面，仲大大辣，辣得過癮🌶️炸魚皮份量好多！我都拎左好多食🤣今次想要點清淡點左碗生菜魚肉，魚肉好彈牙大大粒有驚喜👍🏻好多菜放係麵一齊食正😆鹵水雞翼又係值得一試，相當入味又大隻厚肉，淋身好好味😋.今次試左樽仔奶茶估唔到咁好飲！因為無冰味道更濃，甜度剛好，港式味道茶香奶滑，飲唔哂仲可以邊行邊飲好方便👍🏻..真心平靚正，難怪長期咁多人幫襯！