水門雞飯 (豉油街)

營業中

休息中

這間水門雞飯店 真係開咗一段時間都未試過 最大原因係因為經常有人排隊 今日可能因為落雨 所以下午茶時段已經可以隨便進入 但中間都有啲小插曲 就係職員和客人唔知咩原因嘈交 因為客和客之間相隔不遠 所以都無法完全無視 應該係關於錢銀交收問題 所以大家在結帳時真係要小心計算 出錯就唔係太好 講返食物：今次兩人點咗都算多 有兩個下午茶餐和兩個小食 我哋係厲害到食得晒 開始時還想考慮叫多一個 因為今日係未食午餐就趕到食下午茶☕️這個油飯都真係真心正 正就正在佢唔太油膩 秘製醬汁唔太辣 例湯不過不失 價錢唔太貴 不過其實我係想試雙拼 下午茶係冇雙併的 不過這個都好高分了值得一試這個我無試 男朋友食晒因為我唔太鍾意食甜野 男朋友話口感好似有一個個細嘅豬仔包一齊食一樣 這是小食之一 開頭都問咗職員會唔會好辣 職員話只是小辣 所以我大膽地試一次 真心我唔食得辣都覺得可以接受 還有我覺得店家好有誠意 雖然係小食但份量和一個小菜冇分別 好開心這個串燒就真係有啲失望 唔太熱 很硬和燒到無晒肉味 兩款醬汁都唔吸引 其實唔太入味 下次應該唔會再叫 如果下午茶想試馬拉菜 其實這裡係好值得推介 因為價錢真係幾合理 品質

冇得去泰國旅行之後🇹🇭🧳真係好掛住佢哋嘅水門雞飯～呢間嘅味道真係好正宗💕面頭嘅雞肉好嫩滑 完全唔會鞋 仲好入味🐔個油飯粒粒分明 超香口 完全唔油膩 再配埋佢哋個辣醬汁 真係一流！

冇得去泰國旅行🇹🇭🧳真係好掛住佢哋嘅水門雞飯～呢一間水門雞飯嘅味道 真係同泰國嘅好似！個雞油飯好爽口 食落唔會好油膩😍雞肉都好嫩滑 無骨啖啖肉！再配埋個辣辣地嘅醬汁 超惹味🥰

去旺角波鞋街想買波鞋 點知波鞋未買到 就已經行到肚餓🤦🏻‍♀️見到有間餐廳 所以就行左入去試下味啦一入門口 就發覺佢嘅裝修好有泰國大排檔個種感覺👍🏻呢間叫水門雞飯 入到去就緊係要試下雞啦 有炸雞同水門雞 小朋友先做選擇 我全部要曬😆所以我就叫左水門雙拼雞飯碟飯份量十足 先講炸雞 都算唔錯 但係唔知係唔係午市生意好嘅關係 應該就唔係即叫即炸 所以唔係好脆但係味道真係唔錯 所以期待下次會有改善只於個水門雞果然係招牌菜 雞味濃 超滑 重要係無骨 啱曬我呢種懶人😆油飯方面不過不失 合格👍🏻呀 係喎 佢地鋪頭仲有細支玻璃樽裝汽水 依家真係買少見少🥺旺角鬧市區 有間冷氣夠 坐得闊落 食物質素又幾好 而且埋單黎講 價錢尚算合理 如果下次再行過 我都會再入去食個lunch😉

呢間每次經過都唔少人排緊隊，呢舖終於去食啦～之前公司同事介紹過，今次試下佢個lunch menu！午市套餐連埋野飲同湯 第一次食，試咗佢個招牌雙拼雞飯🤣🤣 泰式海南雞，口感都滑，配埋佢個sauces 佢個飯係油飯，海南雞靈魂伴侶。 🌝全個lunch 最jeng 係個湯：胡椒冬瓜湯！ 胡椒味超級濃。✨🤣另外午餐跟一個飲品，簡左泰式奶茶，比較甜，少甜人士要注意😢Overal 可以，呢個價錢同個set 算係正常。

講到好出名，泰國過江龍海南雞飯。但食落平平無奇... 都係飛去泰國算🍚水門雞飯雞肉尚算嫩滑，皮薄易入口。但只有甜豉油調味，味道單調，建議可提供多元化醬汁，而且油飯味道能更濃。整體味道普通😐

就算外賣簡簡單單都要食啲好野先得水門雞飯唔知點解會上癮食極都唔厭油飯好入味 而且又唔會太油仲有雞雜好爽口另外燉湯都好正不過今次賣晒飲唔到下次有既話 一定會再飲家下疫情其間仲有折

水門雞飯喺尖沙咀金馬倫道，不倫什麼時候成日經過都見到佢好多人排隊。旺角呢間下午茶臨近六點前就唔需要排隊可以入去坐低食。其實一直都想試好耐但係次次經過都真係好多人排隊。一直好想知佢係咪真係咁好食，今次有機會俾我入去試吓，我就叫咗個水門雞飯$54，呢個套餐賣相望落去好似泰國街市食檔feel一啲都唔吸引。本來諗住失望而回，但既然入得來俾咗錢都唔好嘥，即管試吓。食落去發現佢啲雞真係好好味，只係農場雞雞味好濃，個飯又真係幾好食喎。碗湯味道似黑椒豬肚湯,都幾好味。佢嘅食物質素係值得推介

冇得去泰國，真係要勤力啲去水門雞飯解癮😆🇹🇭📌水門雞飯🍚🐔$54每次嚟都必叫，雞肉相當嫩滑，最喜歡他們的醬汁，酸酸辣辣，相當開胃。另外配送一個雞湯，鮮味暖胃🤤👍🏻🤤🤤📌香辣紅咖喱牛肉飯🥘🍛$50紅咖喱汁香香辣辣，相當濃郁，白飯殺手，牛肉量多，夠軟嫩🤤😋📌脆炸蝦波🍤$38蝦球相當香，即叫即炸，熱辣辣，脆卜卜📌龍眼水🍹$22咁多間泰式餐廳中，龍眼味最濃郁之一，必叫！📌椰青🧉$38喜歡他們的夜聽， CP值超高，超級大隻🧉📍水門雞飯旺角豉油街21C號地舖

星期六同朋友出旺角信和買嘢，再順便食個晚飯。由於未係晚餐高峰時間，所以終於等到「水門雞飯」唔使排隊，可以直接入去食喇👏。餐廳環境幾四正，裝修富有特色，好似模仿泰國排檔一樣🇹🇭。呢度燈光明亮，衛生情況良好，餐枱之間用隔版隔開，食客食得安心。唯一挑剔嘅地方就係冷氣較強勁，食物好快吹凍咗。我並唔係第一次幫襯，但之前只係食過佢個雞飯，呢日同大胃王嚟食，就可以試埋佢啲小食😛！食物定價唔貴，如果係午市或茶市嚟食就更抵，因為設有套餐。水門三寶雞飯($64)，水門雞飯係呢度嘅首席招牌菜，基本上每枱都會嗌。🐔三寶雞飯包括有原味水門雞、炸雞同雞雜，名副其實一次過滿足三個願望、試晒幾款滋味。兩款雞肉嘅肉質同樣嫩滑😋，連埋雞皮食都唔覺肥膩，而肉味本身比較清，不過伴旁嘅調味醬就正好發揮作用。配原味水門雞嗰款醬微微辣，帶點檸香，清新開胃。另一款三寶係雞雜，內容包括有雞腎、雞肝同雞腸等，我個人唔好內臟，但個味都算易入口。飯底配上雞油蒸飯🍚，飯粒分明，軟硬度適中，並滲出啖啖油香。最後就係隨湯奉上嘅雞骨湯，味道還好，重胡椒味，最重要係夠熱🔥。泰北咖喱雞麵($50)，🥘咖喱湯麵跟雞飯同屬高度推介嘅菜式。咖喱湯頭勁正，佢濃

星期六去旺角搵嘢食，發現水門雞飯竟然喺週末嘅日子都有套餐食!!💛一碟飯中配杯裝嘢飲，好似係泰式奶茶，或者香茅特飲都係餐飲嚟㗎~泰式辣雞絲湯粉($45)湯底就係雞湯，而啲雞絲就撈過啲紅辣椒🌶️，不過似去哂籽，所以過吓口癮而唔會太辣~啲雞絲份量都唔少㗎，仲有好多炸蒜、豬皮、芽菜等等嘅配料水門三寶雞飯($64)三寶點少得主打嘅海南雞😚仲有炸雞同埋雞雜~海南雞不得不說真係好厚而嫩滑😮醬料方面有兩種好特別嘅泰式醬，酸酸甜甜，配埋油飯一流💛馬拉盞肉醬芥蘭苗(小食追加+$24)係好特別嘅肉碎配上軟硬適中嘅芥蘭😋顛覆我平時食開嘅馬拉盞炒通菜嘅味道~泰式奶茶嘅茶香味好重~ 一如以往都係比較重糖嘅🥳而香茅特飲都唔錯，係清新嘅選擇😋

係旺角睇完戲😊 想食泰國野🌶 所以揀左水門雞飯🐥水門雞飯🐤 ($54)(轉脾+$10)招牌水門雞已經去骨👍🏻 雞皮薄薄唔肥，而且好滑🥰 皮肉中間有層雞油啫喱，層次分明😍 髀位都算OK滑，雞味濃😊 而油飯粒粒分明🍚 跟飯仲有個冬瓜湯胡椒湯，胡椒味超濃，好鐘意飲😋 水門雙拼炸雞飯 ($56)除左岩岩講左既水門雞🐥 仲有炸雞🍗 炸雞外面炸得香脆，配埋醬汁辣辣地🌶 幾惹味 泰式腩仔🐷 ($52)腩仔外面炸得超香脆😍 腩肉軟熟，豬皮煙韌有咬口👍🏻 好食😋凍泰式奶茶🧋 ($22)(珍珠+$6)奶茶固定甜度冰度，奶茶口感香滑😋 甜度配合港人口味👍🏻 唔會好似泰國個D咁甜死人😆

冇得去旅行嘅關係 時不時都好掛住泰國 嚟到呢間水門雞飯非常之地道 而且價錢都好似泰國咁經濟實惠 入邊地方雖然唔算好大 但係好乾淨 入邊嘅選擇非常之多 海南雞飯度度都有 今次想試吓啲特別啲嘅 叫咗一個生蝦刺身 好大隻 個汁一流 好開胃 一碟足足有六隻另外叫咗個炸蝦球 呢個蝦球揸到啱啱好外邊乾身入邊juicy 配埋個酸辣汁真係一流 跳咗一個雜錦蝦醬炒時菜 又係好惹味 勁正 個菜有好肘款 西蘭花椰菜花蘿蔔粟米仔椰菜仲有蘑菇等等 炒埋一碟勁好味終於可以止一止旅行癮 因為呢間真係好似去咗旅行咁

2021.12.11成日行經旺角都見呢間舖有人排隊🚶🏻‍♂️🚶🏻‍♂️🚶🏻‍♂️等，今次終於決定等一次入去試試佢～$64 水門三寶雞🐔🐔🐔飯～有水門雞、水門炸雞、雞雜（包括雞腸、雞肝、雞腎、雞血，都幾豐富），幾片青瓜，然後有2種汁可以點，入面應該有啲乾蔥類、魚露、醋等等～個人覺得水門雞比海南雞再滑啲軟啲，帶少少咸香味，而水門炸雞因有炸皮，就點醬好食啲😋～另外仲有碗湯可以暖暖肚㖭$88 大頭蝦冬陰公湯（粉絲）～有2隻大頭蝦🦐，成隻手掌✋🏼咁大，入面好多膏，索埋帶酸同辣味嘅冬陰公湯好正。～粉絲比較幼細，所以食落好綿滑，又係索埋湯好正。～另外仲好似食拉麵有塊紫菜咁，佢有塊大炸雲吞皮，想脆口就可以快啲食，想軟啲索多啲湯就可以浸耐啲😆$54 蝦頭膏炒什菜菜嘅種類都算好多款，有椰菜、西蘭花🥦、椰菜花、紅蘿蔔🥕、草菇🍄，落咗好多蒜粒，加埋蝦頭膏，咸香味十足$26 芒果冰🥭🧊啲冰打得幾碎，幾夠甜，芒果都算濃性價比真係好，夾埋咁多嘢食，2個人合共都係二百頭，仲要喺旺角行街嘅旺區，嘢食方面又有啲平時比較少有得食嘅嘢，真係冇得輸。另外餐廳有得買走佢地自家製既醬汁返屋企🤩

👍🏻水門炸雞件 $52炸雞大大舊，份量都ok😙炸粉唔算厚，脆卜卜肉未算好滑，但食落都唔會油淋淋同無油益味雞肉醃過有少少黑椒味，味道有啲似麥香雞🤣淨食雞食得多會有啲鹹，點泰式甜酸醬可以中和返味道：7/10性價比：8/10-👍🏻水門雞飯 $54髀位黎講唔算超滑但可接受😜雞皮薄薄唔肥，皮肉間有層雞油啫喱連皮食雞味會出啲，調味較清😙跟埋既醬汁鹹中帶甜，有啲薑粒同青辣椒粒油飯粒粒分明，香茅味比雞味重啲冬瓜湯胡椒味超濃，鐘意胡椒味既會鐘意飲😎而家全線分店星期一至四下晝3-5仲做緊promotion堂食招牌水門雞飯都係$30，好抵味道：7/10性價比：8/10-👍🏻泰式腩仔 $52三樣入面最好食😆豬肉肥瘦平均，未至於juicy但咬落唔乾🤪豬皮煙韌有嚼勁，食到豬肉香😋外殼酥脆但唔會油淋淋呢個醬汁最惹味，混左芫荽、洋蔥、蒜蓉、辣椒偏酸帶辣，點落無咁油膩😌味道：8/10性價比：7/10-📍#水門雞飯 @watergate_chickenrice_mk旺角豉油街21C號地舖#hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港