水門雞飯 (汀角路) (已結業)

前年去完泰國，除了掛住係當地做既按摩spa, 當然就係美食啦。想不到大埔都開了間水門雞飯的餐廳。去泰國水門雞飯基本上必食的。呢晚同媽媽黎食止下泰國癮，見餐牌除水門雞都有很多其他選擇。我們點了：水門雞飯$48 配湯雞件份量算可以了，畢竟在泰國食到的份量會較為少 但就便宜得多。雞肉軟滑，油脂比例不多，是新鮮雞所以夠雞味。蘸上特製的豉油汁，更添惹味。飯帶少許油香，整個配搭挺不錯。湯是冬瓜湯，味道清甜，可清清熱氣。海鮮冬蔭公湯金邊粉：同相片有些出入，來到看到海鮮比例不太多，海鮮也是大眾的蝦及魷魚，味道還是可以的，不太辣，微酸惹味較易受落。另外叫了炒通菜，但忘了拍照。會推介雞飯，餐廳也帶點泰國風味，鐘意泰國又想食水門雞來解鄉愁的朋友一試無妨。

放左工唔想煮飯就屋企附近食飯，之前見到尼間鋪頭，一直都未有機會入去試，今次終於可以試下。一入去見好多人都叫水門雞，應該唔差，所以就叫左半隻水門雞。一開始，其實唔係咁開胃，因為佢個樣好似白烚雞，冇咩味咁，又好似會好鞋咁。但係食落就真係愛上左佢。佢食落D皮好脆。可能因為佢煮之後有過冷河，所以佢既雞既皮好脆，好彈，而D肉食落好滑!!滑到好似食豆腐咁。就算唔點汁本身佢都鹹鹹地，都幾好食。但係點左汁尼就好酸酸甜甜咁，幾好食!所以好推薦。另外，我地仲叫左個馬拉盞抄通菜。佢本身應該幾辣，因為我地叫左少辣，我都覺得有D辣辣地。但佢既菜抄得岩岩好，仍然好青綠，所以想食下菜既朋友都可以試下食，但記住要叫少辣，因為我少辣左都要用成支龍眼水去送XD

頂癮泰國海南雞🐔▫️Tea Set -水門雞飯 $40個飯就比較迷你 如果好肚餓咁去 應該唔夠飽...😟雞肉唔算好嫩好滑 油飯同樣地不過不失咁啦 而個湯就比較重胡椒味 個人就覺得麻麻(＞人＜;)▫️香辣鳳爪沙律 $38酸酸辣辣咁好開胃 份量都頗多 又係好難會唔好食既野食 推介😋▫️泰式炒通菜 $40唔知點解好中意食炒通菜 所以去到邊都會叫 今次就適合重口味人士🤤蒜蓉再加辣椒等等炒埋一齊 已經好好味 好難會難食LOL 而且份量都幾大 絕對夠2個人share食🥰▫️芒果糯米飯 $58比較失望 未食過咁既芒果糯米飯 因為個質感太黏 唔知點解好似食梗粽咁....雖然個芒果睇落個樣好生 但好好彩地並非如此既(´-ω-`)唔係話特別甜好多汁個種 不過又唔會酸(＞人＜;)▫️凍泰式奶茶 茶味濃 同其他泰式野飲一樣 都係在小小偏甜 不過對於重口味既我覺得岩岩好keke🤩 #eatwifcathy_泰式 #eatwifcathy_大埔 #大埔 #大埔美食

剛好在附近，做完野，午飯時間唔多，就睇下呢間多唔多人，試下先～可能未到食飯時間，人流好少，只有幾檯客 所以就可以直入。試下水門雞飯，好快有得食價值$48， 啲飯係熱既，都幾香，少少油。雞好嫩滑，而且好淋，少許骨，都有啲雞味。至於醬汁辣辣地，非常惹味 ，不錯👍🏻不過呢，略嫌份量比較少，唔知可唔可以加飯呢。作為一個午餐有點不夠飽至於個湯好熱，食完飯先飲，都仲熱，胡椒湯，辣辣地，呢個就無乜特別呢，不過個飯跟的。本來都想試下飲品，不過沒有跟餐優惠就放棄了。

呢到好多人排隊 所以就一於跟埋其他人排隊 睇下佢個海南雞飯係咪真係咁好食先 😂😂 叫排左大概15分鐘先有位坐 睇黎都好似幾出名 就叫左個主打既海南雞 飯 肉質細嫩 油飯都熱辣辣 唔會痴埋一舊

宿醉未醒爬起身，行程緊密的週末！13 點尖沙咀整頭、17 點大埔水雞飯，19 點返到屋企小睡片刻，21 點再到太和跆拳道，23 點落酒吧跟朋友們嘆幾杯，攰死朕咯。午飯 12 點幾係尖沙咀麥奀記隊碟雲吞牛腩撈麵，依家 17 點幾就食個晚飯一人前，原因只得一個，麥奀份量太少，現在終於飽飽滿足，放假就是要食食食 ﹗好想旅行，好想巴堤雅，好想曼谷，唯有食泰菜頂住癮先。有緣路過大量座位不用輪候就坐低一試，大埔水門好食過曼谷水門百倍，堅得架喎！裝潢設計簡單，有點泰國風味，光猛一條正路木人行。真係以為自己係曼谷水門食緊雞飯，高溫環境食到我身水身汗想熱死我咩！不只複製雞飯，連環境都一齊複製？不能開大一點冷氣嗎，怕凍親班白切雞？操泰拳食泰菜事半功倍！有緣坐係全場最熱座位，還以為真係坐係曼谷水門 40 度高溫食飯，側邊廚房，後面出口加冷氣微弱，滴水濕透身。當然價錢比泰國貴很多很多，而且菜色多樣化，五花八門推陳出新。跟曼谷水門雞飯餐牌大大不同，較似 T21 內泰式料理餐廳，有小炒有特飲有湯粉麵，款式眾多包羅萬有。特色飲品眾多，當然揀些另類試試。餐牌有趣，冬蔭功不陰功呢，魚蛋不魚旦啊！洛神花茶，跟酸梅湯味十分

平時都好少可以試到水門雞，居然屋企附近開左間，緊係即刻試啦！食落雞味都有，唔會無雞味，肉質都算腍，配埋醬汁又有另一番風味。整體黎講係好有特色既平民飯堂！值得一試呀😋

亞女今日放假約我食晚飯，因為正在下大雨，不想走太遠便在大埔區找一下，找到一間最近新開店的食店-水門雞飯加雞什，我們點了1碟水門雞飯、一碟泰式炒通菜、秘汁泰式生蝦及2款飲料，水門雞飯有點像去骨海南雞飯，味道方面一般，而加了$10的雞什有點淡而無味，因此最後結果剩餘不少，而泰式炒通菜有點老，結果也是一樣剩餘很多，全晚唯一覺得不錯的是秘汁泰式生蝦，醬汁調味很配合，蝦刺生口感也爽口，雖然不是鮮蝦來做刺生，但味道上沒有雪味，至於價錢上算合理的。

女朋友👸🏼番工收8點，番到大埔都9點，我同佢一齊行下睇下有咩好食，夜晚好多都已經last order,點知發現呢間仲開緊，於是決定入去試下，品嚐下泰國水門雞既味道😋一入到去，侍應好排左個2人位俾我，甘我坐低叫野食啦甘黎到呢間餐廳，梗係試下個招牌菜，水門雞飯，雞好滑溜溜,都有一隻脾位既份量，飯好似加左d椰汁，幾特別另外叫左個泰國魚蛋粉🤔不過不失，👸🏼五可以食甘辣，所以無叫冬蔭功，味道比較清淡👸🏼見餐牌有串燒，於是叫左3串，可惜無得mix😔另外佢可以優惠價叫埋個麵包，點住咖哩汁食好正😋😋😋為左食得健康d，於是叫左個炒通菜，辣辣地幾好味由於食得辣野多，我地一人叫左一杯特色飲品，芒果沙冰同菠蘿沙冰，抵飲👍🏻真係有成塊菠蘿係度架BTW,頭先都講左，佢本身安排左個2人位俾我，我叫左甘多野食一睇就知放五哂啦，於是佢地好好甘安排我調枱去4人枱👏🏻服務極好

系太和站落車行大約10分鐘內就到，即使系大埔中心行都非常近，位置非常方便。之前試過平日2100左右唔洗等位直入，而今次平日1900左右去到食都唔洗等位，但𥚃面都有好多人食緊。今次就同屋企人試左水門雙拼雞飯和水門三寶雞飯（水門雞、炸雞同雞雜）。水門雙拼雞飯：水門雞點醬辣辣地好味炸雞一食有陣西多士味但系酥脆既水門三寶飯：雞腎好爽 唔會煮到太林兩個飯都會跟一碗湯同兩個醬，湯既味道就辣辣地胡椒味，平時中意飲胡椒豬肚湯既人應該幾中意飲飲品方面叫左鮮檸梳打同泰式檸茶，兩杯飲品都唔會好甜除左水門雞飯，下次仲想試埋啲湯粉

Chicken no chicken taste Chicken organs dry without any tasteFried chicken with not much meat and chicken skin is too thickRice acceptableDrinks ok

我們點了二人餐 （$110)，有兩碗湯，兩碟雞飯，一碟菜和兩杯飲品。 本人覺得價錢相當合理。.先來了兩碗熱熱的 湯，再來兩碟去了骨的 雞飯 和 兩杯 鮮檸梳打，泰式炒通菜 就來得有點遲。.湯：味道較清 但很熱。.雞飯 ： 雞脾肉 並不是熱的，雞味道不強烈，但肉質很滑。 飯軟硬適中，不油膩也不太熱。 朋友就不太滿意，而我就因為太喜愛 無骨海南雞飯，所以我沒有不滿意。 .炒菜 ： 相信是即炒，菜新鮮，香噴噴而味道也好，少少辣。.青檸梳打 ： 份量很大，選用了一少塊的鮮青檸，味道較天然。.本人就十分滿意，不過朋友說另一間在大埔墟的店子比較出色，我下次會去試試。

泰菜輪流食嚟到第三站，試吓下午茶餐迷你海南雞飯。個飯真係迷你，只有一個普通飯碗咁大，千萬唔好諗住會食得飽，當係小食就啱。湯，極重胡椒味；雞件皮薄、肉滑、冇骨，同飯一樣清淡，飯比預期少油，缺乏香氣。雞肉同飯，都要靠碟辣醬汁增味。餐飲龍眼冰雖然係堂食，不過用咗外賣透明膠杯上枱，望真啲，其他食客同樣坐定定飲緊膠。老闆，真係冇其他方法避免派膠？

同屋企人返完大陸返來，經過呢間泰式餐廳，聽聞佢哋 d海南雞飯幾正，所以入去試。餐廳都算光猛，座位似快餐店式但都幾闊落。海南雞飯(無骨)$48蚊，雞肉既質地都幾滑，雞既份量比正常多，個油飯既香料味好足，好味。另外加左個炸雞件，味道都可以接受，但炸得比較乾。下次食海南雞飯應該會番來，下次會試下其他小食。

呢間水門雞飯已經食過不下10次，今次破格寫個食評比佢水門雞飯加雞雜，基本上每次來都食這個，雞和油飯比海南雞淡身，喜歡重口味可能不太習慣，最喜歡這裏可以加$10叫埋個雞雜這裏的性價比高度離譜，雞雜也必然是新鮮雞才會有，不過略嫌椰青的質素時好時壞