水門雞飯 (汀角路) (已結業)

泰菜輪流食嚟到第三站，試吓下午茶餐迷你海南雞飯。個飯真係迷你，只有一個普通飯碗咁大，千萬唔好諗住會食得飽，當係小食就啱。湯，極重胡椒味；雞件皮薄、肉滑、冇骨，同飯一樣清淡，飯比預期少油，缺乏香氣。雞肉同飯，都要靠碟辣醬汁增味。餐飲龍眼冰雖然係堂食，不過用咗外賣透明膠杯上枱，望真啲，其他食客同樣坐定定飲緊膠。老闆，真係冇其他方法避免派膠？