民豐粉麵行

營業中

休息中

記得荃灣附近有一間賣糯米糍，之前經常話好多人排隊，試吓自己嘅運氣先嚟到都見到大約有10個人排隊同埋有兩個人工作人員負責包裝，都好快手所以決定排隊買啦排隊期間，可以寫低自己想買啲乜嘢，都幾方便，唔使買到去時候先慢慢喺度諗同埋攞錢我買咗開心果，腰果，芝麻，花生，5至12粒就會用盒阿姐給我時， 全部都係白色一嚿嚿，肉眼其實好難看到（除咗芝麻）好彩阿姐同我講，我想試嘅開心果喺個盒最上嗰兩個開心果腰果（不要太高期望）芝麻同花生價錢同味道正常（$6/個）

收工經過呢間聞名已久嘅糯米糍小店，聽講佢哋嘅糯米糍出名「皮薄餡多」，最近新出嘅開心果口味更加成為人氣之選。見到條人龍唔算太長，即刻加入隊伍試吓！🥜花生糯米糍- 價錢相當親民，$6就買到好大嚿 - 外皮超薄又煙韌，一啖咬落去就食到滿滿餡料 - 花生碎炒得好香口，糖份調得啱啱好，完全唔會過甜 - 同同事share食剛剛好，一個人食晒可能會有點膩 🌰 開心果糯米糍- 開心果餡好濃郁，仲食到粒粒果仁碎 - 味道比花生款更清新，難怪成為近期人氣王 ⚠️ 注意： - 最好即買即食，放耐咗外皮會變硬 - 人氣口味好快賣完，建議早少少去

🌟日日都大排長龍，排隊時要先寫手寫單，大大粒糯米糍有多種唔同口味🖤芝麻，🥜花生，💚開心果，腰果，🌰榛子，皮薄軟糯餡粒粒都足料👍🏻，但存放時間短，建議即買即食💚有近期大熱開心果口味，港女最愛大爆開心果餡🥜花生碎混合糖粉，花生香氣濃郁🖤黑芝麻磨得細膩，唔會太甜，尾調帶點微苦‘-‘-‘-‘-‘-‘-‘-‘-‘-‘-‘-‘-‘-‘-‘民豐粉麵行📍地址 : 荃灣荃灣街市街35號地舖🏰環境: 7/10🙇🏻‍♂服務: 7/10 💰價位: 低價⏰用餐時段: 甜品‘-‘-‘-‘-‘-‘-‘-‘-‘-‘-‘-‘-‘-‘-‘#為食控 #hkfoodie #hkfoodalog #hkfood #foodiehk#食好西 #人氣美食 #糯米糍 #老牌 #荃灣

今次專程殺入荃灣街市街，聽聞佢哋嘅手作糯米糍喺網上爆紅，連「香港開心果關注組」都瘋狂洗版🔥【 開心果味🌰】一啖咬落去，外皮薄到透光，軟糯到黐住嘴唇！內餡爆滿濃郁開心果蓉，堅果香氣直衝天靈蓋，仲有微微顆粒感💚【 芝麻味🖤】磨到幼滑嘅芝麻餡，甜度拿捏啱啱好唔會死甜每啖都似食緊流心芝麻糊，香氣仲持久過香水～😂【花生味🥜】經典口味果然穩陣！花生碎混合砂糖，咬落「沙沙聲」兼滿口油香傳統風味完美還原，阿婆都讚「似足舊時茶果舖」💯！‼️糯米皮放耐咗會出水變硬，餡料亦會濕答答，即場食先有「煙韌爆餡」嘅極致口感～❤️

下雨天見吾係好多人排一口氣買左6個不同味道的餡有大熱的開心果糯米口感本人係有少少失望可能網民講得太好食好彩只買左一個腰果係有少少驚喜花生做得幼細芝麻因為屋企人鍾意食就買左2個

#20241217 🤍📍 #民豐粉麵行 @manfungfood 荃灣荃灣街市街35號地舖 🍽️深水埗深旺道28號V Walk 2樓L2-93號舖➖➖➖➖➖➖➖➖➖➖➖➖➖➖➖➖➖#開心果糯米糍 $12/個#芝麻糯米糍 $6/個💭 難得平日晏晝去到見到條隊得幾個人，咁好機會梗係要試試佢，雖然開心果要貴成倍，但都覺得唔算貴，糯米糍個皮好軟熟，入面啲餡磨得唔算幼滑，有返啲口感反而仲香仲正，之前有睇到啲留言話佢好甜，呢兩款食落又唔覺，如果條隊唔太長都可以再戰🤤.#荃灣美食 #🐷在荃灣 #深水埗美食 #🐷在深水埗 #🐷_食

今天既然來了荃灣吃飯，當然要去民豐買糯米糍回家吃，今次我選了近期大熱的開心果糯米糍，以及買了一個腰果糯米糍回家試試。經常聽人說這間是皮薄餡靚，皮是十分薄的，但是今次是我第一次品嚐，皮其實不算真的很薄，都有一定的厚度，不過，糯米糍的皮是軟糯和煙煙靭靭，是好吃的。開心果糯米糍：開心果的味道十分濃郁，每一口都充滿著淡淡的開心果氣息，配上煙煙靭靭的糯米皮，十分美味。而且12蚊一粒相當划算，吃多幾粒都不昂貴。腰果糯米糍：對比開心果，腰果的味道相對地淡了很多，腰果的味道不算濃郁，但都是好吃的，不過下次應該都會試吃其他味道。價錢方面，腰果和開心果會比較昂貴，都是12蚊一粒。總結來說，雖然今次糯米糍的皮不是傳說中這麼薄，但是餡料的味道都是出色的，下次應該會吃花生，芝麻，6蚊一粒超級便宜。

快閃citysuper民豐糯米糍，果然名不虛傳。試咗花生同開心果味，花生夠香又有花生粒。開心果雖然價錢較貴，但係味道十足。city‘super有快閃好過去荃灣排隊買，味道一樣。

荃灣民豐，近排最出名就係啲糯米糍。有朋友話由細食到大，又見佢之前成日有人排隊，今日去開荃灣就試試佢，睇下係咪真係咁好味。佢有花生芝麻開心果味，食咗佢個芝麻味，啲皮係幾軟熟，不過太薄囉😒😒比例真係做得唔太好。一入口，唔係好feel到層皮嘅口感，反而只係食到內餡。我食嗰個芝麻味入邊正正就係湯圓嘅餡料，講真，佢個皮咁薄，只係感受到啲餡嘅甜味，做湯圓應該真係幾好味，但糯米糍就免了。留意番如果要買嘅話，盡量唔好夾過嘢食，如果唔係嘅話，層皮會硬身少少。

門口由朝到晚長期都排長龍，個個都喺度排隊買佢個開心果糯米糍，我反而比佢既韮菜餅吸引，煎緊個陣離遠都都聞到陣陣香味，仲唔使排隊😆煎到兩邊金黃既韮菜餅咬落口一口爆汁，岩岩新鮮煎起食既話真係要小心辣嘴。個餅外皮夠薄，所以可以煎得好香脆，餡好足料，有好香濃既韮菜香味，唔會好油，食哂成個都唔會膩。

民豐糯米糍絕對係依家嘅大熱， 雖然排隊熱潮未過， 但都希望嘗試一下， 完全冇令到我失望， 其實佢有幾種口味是12蚊， 相反比較經典嘅口味芝麻花生只係六蚊，今日只係試咗兩個口味， 榛子同埋開心果榛子味： 入口香味爆發， 餡料好香， 外皮鬆軟開心果口味： 正常開心果發揮， 未去到話必食口味， 但味道都唔錯總結： 呢間嘅糯米糍，最吸引係外皮， 入口鬆軟， 口感一流， 我同太太都好滿意， 所以如果下次經過都會再買嚟食😋😋 但係就會食比較平 嘅花生味同芝麻

今日我去咗荃灣一間專賣上海食物嘅小店，呢間店主打嘅係糯米糍，仲有粢飯、湯圓等等特色食物。自從推出咗新款開心果糯米糍之後，客人真係排隊排到唔停，最少要等30分鐘！為咗一家人都可以品嚐到呢啲美味，我哋決定耐心等候。終於輪到我哋，今次我哋叫咗四款糯米糍，包括紅豆、芝麻、開心果同榛子口味。每一款都包得好靚，色澤誘人，真係令人食指大動。首先試咗紅豆口味，糯米糍外皮柔軟，裡面嘅紅豆餡甜而不膩，口感滑順，真係好舒服。然後係芝麻口味，芝麻香氣濃郁，咬落去有種微微嘅酥脆感，味道非常好。接著係開心果糯米糍，呢個真係最近嘅人氣產品，咬開後可以見到裡面嘅開心果餡，味道香濃，真係有種特別嘅風味，食完之後令人心情都好好！最後係榛子口味，呢個味道亦都唔錯，榛子香氣撲鼻，味道層次分明，真係好滿足。

上網見到啲人對韭菜餅既評價好兩極，有啲話好食，有啲話個皮好厚入面又無餡同好油，令我猶豫左陣試唔試好。個陣2:30去到撞正佢新鮮出爐熱辣辣，唔理三七廿一買返個試下，我覺得好好食喎！外皮煎到金黃色，香噴噴😍個皮好薄好酥脆😋仲好大塊，食晒成個都好飽🤣入面都好多餡呀！大家下次都買黎試下啦！

由細食到大，佢係平靚正嘅糯米糍，最近出咗開心果糯米糍又係大排長龍，都係冇同人哋迫，等熱潮減退咗啲先夠膽去排隊，等咗15分鐘左右就可以買到！花生糯米糍滿滿嘅花生餡再加糖再加少少芝麻，每一啖都食到勁多餡料，最推薦都係呢個🤭芝麻糯米糍又係勁香濃嘅芝麻味，不過個人都係花生放第一位🤣開心果糯米糍滿滿嘅開心果，但始終開心果隻味唔夠花生咁濃味同埋搶味，我都係覺得花生好味啲🤣仲有開心果要$12一粒，係花生嘅一倍，感覺都係花生性價比比較高🤣另外仲有腰果糯米糍 $12唔知點解識落感覺腰果糯米糍有啲似花生糯米糍🙂‍↕️總括而言，我覺得淨係叫花生都已經好正👍🏻又平先$6一個大大隻

呢間一直都久仰大名尤其創新出左新口味後 就更多人大推新口味分別係開心果 榛子🌰 腰果仲有傳統派芝麻 花生 紅豆店裡標明需即日食用 不過小編留左去第二日食都一樣軟熟**開心果糯米糍**糯米糍皮做得好軟熟 值得一讚👍🏻👍🏻👍🏻但係開心果味不足 一般**榛子味糯米糍**入口時係有榛子堅果香 但係停留得唔耐 一般**腰果味糯米糍**腰果呢類堅果本身味唔重 所以個餡亦都唔會太大腰果香 一般**芝麻味糯米糍**芝麻味就算未食已經聞到好香一咬落去芝麻香味撲鼻而來十分出色👏🏻👏🏻**花生🥜味糯米糍**餡料同芝麻味一樣香濃 亦都好足料創新口味整體一般 但傳統口味有挽回分數Encore 指數：⭐️⭐️⭐️