民華餐廳

營業中

休息中

Hello 大家好👋🏻！今日我嚟到位於東涌富東邨嘅「民華餐廳」我地一班朋友入到大嶼山行山之前一定會去依間餐廳食早餐，貪佢就腳又方便，今次同大家分享一下佢哋嘅中式早餐美食攻略：今次試咗佢哋嘅煎蛋牛肉飯，飯乾身，唔使爽，牛肉餅一般，好彩係佢嘅豉油甜味適中同埋任加😂😂，基本上西式早餐好食過中式蒸飯。美食指數：5🌝最高味道：🌝🌝🌜🌚🌚環境：🌝🌝🌜🌚🌚服務：🌝🌝🌚🌚🌚賣相：🌝🌝🌚🌚🌚

民華既常餐蕃茄叉燒麵正👍🏻👍🏻👍🏻👍🏻 常餐$46鮮茄叉燒麵⭐️⭐️⭐️⭐️⭐️試食一定係食鮮茄湯，湯底勁濃，仲有啲蕃茄係面啲叉燒份量充足，原全唔係得3塊另外多士同炒蛋都正⭐️⭐️⭐️⭐️⭐️凍檸茶⭐️⭐️⭐️⭐️有成4.5塊薄切檸檬👍🏻

一個good morning 由一個好味早餐起，可惜今日早晨係由民華起.常餐水準每次都會有驚喜，有時水準非常標準，有時非常驚嚇，今日就係驚嚇的早上，蕃茄湯太淡，好似唔夠湯要溝多兩碗水一樣，多士外硬內硬，炒蛋小到以為用鵪鶉蛋炒🫣，全個餐最正常係條烚腸仔☺️ 因為檸檬茶都係得3片薄檸檬,雖然物價上升但係都可以俾多少少檸檬掛🫠不過冇辦法東涌冇乜地方可以食到一個好常餐😔

話說今日入東涌 順便係度食個早餐 點左個沙爹牛麵 點知牛肉係酸概 不再幫襯 仲要酸得好緊要 我一口咬落去 即刻吐出來 用左兩杯水 口中先無左果陣味 40幾元概早餐比咁概質素 垃圾來概

西多士 $30依家民華竟然有下午茶😍下午茶嗌嘅嘢同選擇雖然唔多不過佢將常餐都放埋入去仲係早餐嘅價錢🤓非常抵食！！今次就揀咗西多士，可能本身冇乜期望，所以都好大驚喜🤩！一攞到你個賣相好靚，即叫即整！新鮮熱辣辣🥳🥳西多士都好大塊，好香脆！雖然花生醬味唔係好濃郁，不過覺得佢都煎炸得好夠喉😛！佢除咗放蜜糖仲有放少少煉奶，啱晒我呢啲螞蟻人🥰甜度好夠，加上佢放咗好大嚿嘅牛油，熱辣辣就自己溶化好好食🥳🥳

必食常餐😋東涌不嬲都係美食沙漠，有間茶餐廳都已經好出奇😮‍💨😮‍💨😮‍💨有時冇煮早餐唔知食咩，就一定會食呢度嘅常餐！11點前食嘅話就比較抵，但而家都加價到$40啦🥲蕃茄火腿通一定會叫，因為蕃茄湯好濃郁！牛油多士好香脆，熱辣辣，早餐有包一定係好完美🤣另外之前食炒蛋覺得啲蛋好少好細，所以而家永遠都會嗌全熟蛋，都幾好食，唔錯，豐富嘅早餐！不過環境就比較窄，有時朝頭早食搭上搭咁搭枱，就有少少辛苦🥲

行山前同朋友食個早餐，求其搵間餐廳快快趣食完起程，食完兩個都覺得好抵食😆1️⃣鮮茄牛肉通粉+香腸煎蛋+牛油多士 💲38推薦指數：★★★★★牛肉夠晒新鮮，有口感，個人覺得牛油多士先係精粹哈哈🤣 無記錯可以另外加錢轉奶醬多🤤🤤🤤因為好厚好厚，有好抵食既感覺🤣2️⃣北菇雞飯 💲29推薦指數：★★★☆☆雞肉夠嫰滑，但味道就偏淡嘅，可能個人比較重口味😂所以加咗好多豉油😛 但以呢個價錢來講係抵食嘅！3️⃣雞扎 💲18推薦指數：★★★★☆夠足料，民華餐廳嘅雞札同樣有滑雞、芋頭、火腿，唯一唔同嘅係佢用咗「豬肚」代替「棉花」，有驚喜🙂

打電話叫油醬多 覆單都係覆我油醬多 落單就落左奶醬多 不過係我衰 趕住走拎果陣無check之前已經再提多幾次係油醬多 牛油加花生醬 佢又覺得我話佢落錯單 不耐煩咁覆返我 你講咩我落咩 結果今次又係錯

食茶餐廳必食一定係常餐～常餐：鮮茄牛肉米+餐肉炒蛋+烘牛油多士$46個多士烘得好足～牛油都塗得好平均👍🏻餐肉同炒蛋都炒得剛剛好～唔會話太乾米粉方面，湯底好夠味鮮茄味好濃而且有充足既鮮茄係米粉內但牛肉有小小唔夠嫩，有d難咬另外，友人都係食常餐但佢係食「薑絲牛肉米」試左一啖，清湯內加有微微既薑味好特別～都唔錯😉下次可以試下

疫情有所緩和， 終於外出食晚餐。決定簡富東廣場的民華餐廳🍴，貪佢夠快靚正。😍常餐晚市時段（上午十一點至下午十一點）HKD 46 起，可簡通粉做底配炒蛋/煎蛋+牛油方包/多士。叉燒通粉： 叉燒偏瘦，蜜糖味重，帶點燶邊脆身，份量大， 不俗。通粉份量多得誇張，粒粒脹卜卜，帶點咬口。滑蛋加入左牛奶🥛，有蛋香之餘帶點奶味，吾算馬虎，多士方包更是誠意之作，兩邊都烘得好脆，塗滿邪惡牛油🧈。總結：東涌快靚正之常餐因疫情已用隔板隔開食客 乾淨衛生

訓到11點幾，同老公黎民華bunch😅（慳番餐）今日兩條友食一樣嘅嘢（我一路叫我老公話我都係）民華义燒濃茄通其實水準普通但勝在佢地D通粉吾會林pat pat &义燒都算半肥瘦吾太韌。唔知係咪假期多人所以D多士凍左少少咋（可能整定掛）！總結都唔錯，最後嘆杯熱鴛鴦！ 醒曬

同呀妹行街經過食個下午茶，我嗌左個茄通試下，而我呀妹就嗌左個沙爹牛肉麵食，茄通個餐包捚炒蛋同野飲，炒蛋就幾好食，幾重蛋味，而個茄牛通就麻麻，通粉有啲硬，而茄湯就比較酸，要再改善下。

叫左個常餐 非早晨時段$46鮮茄叉燒公仔麵通粉免費轉其他麵食 個湯底係濃湯蕃茄 但叉燒就麻麻地牛油多士 炒滑蛋 餐肉厚牛油多士正！好香炒蛋都好滑 feel到落左唔少牛油餐肉就煎到有d乾熱鴛鴦幾好環境唔大 但同隔離檯都大致有1米幾距離 有隔板 都好貼心送口罩套同酒精濕紙巾

今日嚟東涌行山，所以要食一個豐富嘅早餐先出發。 嚟到餐廳已經好多人等緊位，我地都要等5-10分鐘先有得入去坐，坐落之後就叫咗個鮮茄牛肉通粉配餐肉炒蛋加熱奶茶。-鮮茄牛肉通粉先講下個湯底，係好濃郁嘅蕃茄湯底，甜度同酸度做得啱啱好😋 通粉唔會煮到冧晒，好有口感。牛肉就普通。-餐肉炒蛋睇相都見到個炒蛋做得超滑，超級好味，配埋個多士一齊食簡直一流，而且餐肉都煎得好脆。整體來講38蚊食到禁高質嘅早餐係非常之抵👍🏻

星期日一早想去踩單車 就係東涌食個早餐聽講以前都要排隊 呢排肺炎 但都坐無虛席$46常餐 凍飲+$3一叫左order 唔洗5分鐘就齊晒腿蛋/餐肉蛋： 炒蛋超正 好濃蛋香 同牛油味炒得好滑 應該係香港數一數二既炒蛋牛油多士可以揀烘同唔烘底 價錢一樣呢外+$2 搽 煉奶/果醬烘得岩岩好 外脆內軟😛沙嗲牛肉麵茶餐廳必食之選💛中規中矩 面係用大光面蕃茄叉燒米粉見到有蕃茄湯底都想試吓但係食落去太酸啦 襯埋叉燒唔太夾凍奶茶唔推薦凍檸茶正常👍雖然好忙但係啲呀姐服務態度幾好