民華餐廳

營業中

休息中

今早要到旺角工作，老公陪同我到附近先食個早餐，我們就選擇名字熟識的民華餐廳。餐牌上的選擇貴精不貴多。心裡一早已經想吃蕃茄湯通粉，所以點了一點常餐（11點前$36，打後 $46）裡的《蕃茄火腿通粉》配腸仔煎雙蛋和熱咖啡。蕃茄湯夠香濃微微酸正合我胃口，湯中有帶蕃茄肉。通粉彈牙不會過腍。餐配焗厚多士（我走了牛油$，可以放腸仔和煎雙蛋在上面一併進食。《咖哩牛筋腩飯 套餐 $59》配凍檸蜜 +$3咖哩夠香濃，牛筋腩多又好腍入味，不像是分開煲製的。另上有一碟白飯，上面放上了一隻大陽蛋蛋漿加上咖哩汁拌飯一流，惹味！《雞扎 $18》另點一籠點心，雞扎大件足料。

去完整頭髮都已經好夜，茶餐廳自然係首選，朋友就帶咗我黎民華餐廳咁夜又唔想食飯，食常餐就最好不過，民華既常餐同平時食開嘅有啲唔同，選擇比起平時多好多，而且仲有蕃茄湯底可以選擇，番茄湯同沙嗲牛肉兩樣都好想試，所以同朋友每人叫左一款首先想講嘅就係番茄叉燒公仔麵，個番茄湯好好味，酸酸甜甜！用嘅叉燒係蜜汁叉燒，食到蜜糖嘅香味，公仔麵都煮得啱啱好，唔會淋哂另外一個係沙嗲牛肉公仔麵，個沙嗲汁好有馬來沙嗲嘅風味，牛肉唔會煮到韌哂，但又唔會用鬆肉粉整到腍哂，所以口感幾好除咗湯麵之外，會配一份炒蛋加午餐肉，火腿，或者腸仔，個炒蛋煮得好好食，用嘅係鮮雞蛋，並唔係其他茶餐廳買返嚟嘅混合蛋漿，所以食落去好滑好香蛋味常餐嘅第三樣嘢就係麵包，可以揀牛油方包或者牛油厚多士，識揀梗係揀多士，不論多士或者方包都係厚切，多士烘得啱啱好，食落去外脆內軟，牛油搽得好平均，每一啖都食到牛油香味常餐嘅份量都好勁，但係食完心思思想食啲甜嘢，所以就叫咗個西多士，西多士本身係配煉奶或者糖漿，但係我就加錢要晒兩樣，2樣各有特式，西多即叫即炸，同樣都係外脆內軟 民華餐廳呢個常餐真係令我非常驚喜，朋友都話我嘴刁既我好耐冇咁樣大讚一間餐廳，我諗

摯愛常餐@民華餐廳 網址: 地址: 旺角通菜街153-159號華鴻大樓地下C及D號舖 電話: 23924880 原來好多女仔同我一樣，鐘意食常餐，貪乜都有，通常組合是湯麵，加炒蛋/即食肉類好似腸仔火腿午餐肉，toast 及飲品，可以吃到最多東西抵食一個常餐只賣，出開旺角都會來食醫肚，上菜又快速要了又燒湯麵，可以落埋辣椒油更加惹味架。一杯iced lemon tea 為夏天打打氣對抗悶熱。炒蛋好嫩滑油菜勁大碟，真係我去食粉麵店架一倍有多，但大家價錢相近！對愛菜菜架我超開心。

一間高質素嘅茶餐廳可以喺太子同旺角交界通菜街中間搵得到，我真係覺得呢間茶餐廳超好食。一嚟到就試左個常餐同埋食咗佢嘅西多士，常餐方面可以有唔同嘅選擇分ABC，首先我叫咗個鮮茄牛肉通粉，唔一定揀通粉可以揀其他麵底，我之後可以揀煎雙蛋或者煎腸仔仲有火腿另外仲有烘多士同埋牛油方包可以選擇。冇幾耐個常餐就上咗，真係超好食！個通粉熱辣辣，而且個湯底係有啲好濃郁嘅蕃茄喺裏面，同埋碗通粉好多！成碗湯麵咁大，真係食一碗都夠晒飽，另外個牛油烘底多士烘到黃金色，軟綿綿，加埋煎蛋嘅蛋汁，好滑好香甜。西多士切成九宮格，可以揀煉奶或者糖漿，我揀咗糖醬，糖醬送來嘅樣子好似一甖花生油咁大支，食落去鬆軟有質感。嘢飲方面呢度仲可以添加鮮奶！都只係跟餐加$4，凍冰冰嘅鮮奶，配上剛剛熱辣辣嘅常餐，令人好非常滿足。

同朋友打完波喺旺角附近搵咗一間民華餐廳，入邊真係好多人冇諗過茶餐廳都坐到咁爆滿，同朋友太肚餓，好想叫個飯，呢度有個咖喱雞扒飯亦都有咖喱牛腩飯，仲要係廚師推介，睇到都流晒口水好想食。另外我朋友叫咗個常餐竟然發現到呢度常餐有薑絲牛肉麵，平時最多見到沙嗲牛肉麵，居然喺呢度見到有薑絲，唔係一隻隻係一條條架哈哈😄。食落去個味道又唔錯喎，佢唔係辛辣，而係有少少強烈嘅味道。仲有個西多士原來可以揀煉奶，啲奶多到的晒出嚟，非常Yummy！直情有啲似平時食到嘅奶醬多，太大件我都覺得飽晒。原來呢度仲有懷舊點心，我食咗兩籠奄春旦燒賣，每籠三隻，仲要即叫即蒸，價格亦都唔貴只係$17。

今日收工按完摩都九點幾，同朋友都未食晚餐，近近地搵間茶記食下。朋友推薦呢間茶餐廳，話以前成日嚟食，講到咁，好啦！同你嚟回味下。😂呢知鐘數食飯太飽，食包又到喉唔到肺，食個常餐就岩岩好。我地一人一個常餐，都係清清地，一個雪菜米，一個炸菜通。炒蛋係呢度必食，我就嗌左腸仔炒蛋，多士加鍊奶，多士新鮮軟熟，而我個炒蛋意外地撈到鍊奶，溝埋個蛋甜甜地又幾好食。朋友就嗌左個午餐肉，同普通油多。最後，女孩子們當然要食埋個甜品先甘心啦，所以就嗌左個西多士，西多都好軟熟，同埋唔會話十分油。題外話，我估唔到呢間茶記呢個鐘數都多人到要等位，我諗佢都真係有好多忠粉（我朋友都係其一），同埋呢度啲阿哥阿姐都好好人，好有禮貌又有笑容，呢樣都係我意料之外嘅事。

今日又來左太子食早餐，通常都鍾意茶餐廳，不過今日又想食下點心，要滿足兩個願望，就梗係要來呢間啦😬佢地嘅早餐好多種組合，可以話七七四十九種變化，有蕃茄湯底，薑絲上湯，配料又有好多選擇，任君選擇😬朋友話呢度個鮮奶麥皮餐好正，牛奶🥛夠香夠滑，麥皮早餐又健康，啱哂減肥嘅佢👍🏻我就叫番個蕃茄湯底叉燒通粉，蕃茄味夠濃，叉燒夠淋，正😋當然主角熱辣辣多士和炒蛋都唔使講，外脆內軟，炒蛋夠香夠滑😀加多個牛肚，咁就真係満足了我全部願望啦，又有中又有西，正吖😋港式奶茶、咖啡更加係香港人至愛，比例剛剛好，早餐都令人好滿足👍🏻

好耐無食過茶餐廳，呢間卡位闊落，算幾好坐，12點半都仲有得叫常餐！揀左蕃茄叉燒通粉，蕃茄汁甜中帶酸，叉燒味道唔錯但我鍾意食瘦叉多d，所以唔食瘦叉既人應該鍾意食佢。常餐仲有多士、炒蛋、腸仔，多士比想像中厚好多，烘得幾脆幾香。炒蛋嫩滑，岩岩好熟，腸仔唔乾唔油膩。檸茶檸水比既檸檬有成5-6片，唔孤寒。燒賣$17，鳳爪排骨飯套餐$41（酒樓盎飯size），兩樣都好食。最後要多個$20上湯菜心，菜心幾甜湯底清清地唔錯。

好鐘意呢間既常餐，因為好多combination，你可以自己揀湯底／配料／麵底，今日繼續食我favourite叉燒蕃茄通，叉燒OK，蕃茄湯依舊濃，通粉唔係淋patpat！多士好厚好脆，炒蛋好滑！

7月16號同同事食lunch嗌咗個蕃茄叉燒麵加杯熱奶茶。食完就出事喇，痾到而家⋯⋯一直都知D茶記衞生麻麻，不過今次之後呢間以後唔會再食⋯⋯反正旺角/太子大把選擇。Went to this restaurant on 16th of July for lunch with my colleagues. I ordered a roast pork noodles served in tomato soup and a hot milk tea. Not long after I left the restaurant I felt my stomach started to ache, and I’ve been having a diarrhea till now. So I strongly not recommend to eat from this restaurant anymore!

去旺角逛街，累了就隨便選一家餐廳餵飽個肚。見到這間茶餐廳人多，食物選擇也多，就決定試下新意思～——————————🔹常餐 $46去茶餐廳，當然要食地道的常餐啦！叫了碗沙爹牛肉通粉、餐肉炒蛋、即烘牛油多士及奶茶；通粉湯底偏甜不辣，不夠惹味，加點辣椒油食就剛剛好！整體來說，每款水準都不錯，份量也多。🔸咖哩牛筋腩飯 $59 配奶茶驚喜之作！咖哩是典型的茶餐廳咖哩，香濃微辣，夠惹味；牛筋、牛腩份量極多，煮的軟焾入味，配上炆軟的薯仔及白飯，真的好正！🔹鵪鶉蛋燒賣 $17 估唔到茶餐廳都有點心食，仲要是鵪鶉蛋燒賣，當然要試試～燒賣肉質彈牙，每粒頂部都有一粒鵪鶉蛋，有蛋香也有肉香，雖然比不上酒樓的出品，但$17算是好抵食！🔸秘製金錢肚 $17朋友最愛內臟，見到金錢肚即刻落order！金錢肚煮得入味，掛滿醬汁，吃起來甜香甜香，不錯。

同弟弟幫父親大人去‘金魚街’買魚糧，見午飯時間，隨便找間餐廳食個lunch，見到此店都幾光鮮而且我又未試過民華，就入去試試咖哩牛腩飯-每款咖喱一個太陽係此店嘅特色，蛋汁與飯撈均已很好味，再配埋香濃嘅咖喱，咖哩汁有少少辣更加開胃常餐款式配搭非常多，任君挑選，而我選了餐肉炒蛋配多士，同沙嗲牛肉公仔麵，炒蛋香嫩細滑沙嗲牛肉公仔麵-沙嗲味勁濃，撈勻後令湯底變成沙嗲湯底，超好味，不確喉，另一方面公仔麵煮得超彈牙西多士-賣相吸引，外脆內軟，整塊金黃色，應該系即叫即炸，可以揀糖膠或煉奶，而我今次揀左糖膠燒賣-茶餐廳有點心食，真少見，點了一碟燒賣試試，不止價錢平，質素比大酒家高凍鴛鴦- 奶滑，茶香，啡香，一杯可感感受到三種味道凍奶茶- 雖然是凍飲，仍然感覺到茶香奶滑，非常高質

星期六晚男朋友提議食常餐, 諗左好耐食邊間好, 突然醒起金魚街呢邊有間食中式點心+快餐既餐廳, 於是就過黎食下!8pm左右去到. 唔駛等位. 本來坐低左. 之後d姐姐好好人. 提我地有卡位. 轉我地過去坐. 服務好好!我地叫左2個常餐 .我自己就order左蕃茄叉燒通, 配腸仔熟蛋, 汽水加冰底... 等左10分鐘就有得食, 老實講. 我覺得蕃茄叉燒通真係好好食, 湯底夠味, 而且叉燒份量都好多, 至於熟仔腸蛋, 蛋,係未熟既... 哈哈. 要拎落去d湯到浸下. 而腸仔. 好似白烚咁. 冇煎過一樣. 希望呢方面有改進!埋單都唔駛hkd100 係抵食既!

我成日都幫襯茶餐廳，因為我要飲凍檸茶🍹早兩日同個女去金魚街睇動物🐶🐱🐰🦎🐢順便去左民華食個早午餐因為個女最愛常餐，有腸仔蛋食得出個蛋特別香🍳，又滑跟個烘左的方包都好好食，外脆內軟架，有一定厚度再跟個蕃茄叉燒通，食得出用靚通粉通粉QQ的好好咬口，叉燒都好好食不肥又不瘦我再叫多左個西多士配鍊奶，個多士包夠厚，外面個蛋漿又香，我個女一個人食左3分1，仲要我同老公同佢搶食，我地先有得食如果想加花生醬，就加2蚊老公就叫左個雞扎，佢個雞扎入面有豬肚同豬皮架，而家好少有呢種配撘咖哩牛筋腩飯，有蛋配，隻煎蛋略嫌熟左d，冇得流d蛋漿出黎個筋就so左d，但個腩肥瘦適中重點是呢度的凍檸茶，4片檸檬加碎冰，岩晒我心意

快、靚、正之選，幾時黎都甘多人。兩個人去都好，有卡位會比左卡位先，吾好hold住啲位，服務抵讚。【鮮茄叉燒通炒+餐肉炒蛋+即烘牛油多士】$46呢到蕃茄通無得輸，介紹親比朋友都話正，足料湯底加堆軟糯既通粉。炒蛋又系另一樣賣點，夠哂奶滑！相比之下呢到午餐肉比得較吝嗇，系屋企樓下茶餐廳會比兩塊仲要厚切。【紅豆冰】跟餐加$9紅豆好軟稔，不過份量太多，令到杯飲品有點過甜，同堆飲兩啖就冇，全部都系紅豆。【西多士】$20外脆內軟，蛋香十足，加埋煉奶同牛油，一個人食爆哂quota。