殿 大喜屋

營業中

休息中

雖然係放題，食物質素和賣相都很高質而且又多選擇，店員收碟快速，咁樣先至可以騰空位置叫多少少。 這裡的和牛和肉類款式也不少，配上餐廳特別調配的醬汁，甜甜的味道充滿於口腔之中，非常惹味。仲有鵝肝，大家可試試！ 啲嘢食但要提提大家夠鐘半小時前會截單，所以記得最後半小時就最好嗌定最後一round嘅嘢食了。 本身想係餐廳砌埋生日蛋糕，但真係唔太可行。淨係食野都已經夠曬鐘，最後拎返個蛋糕走 去第二度切。 所以千祈唔好帶蛋糕去慶生！ 除非你唔旨在食佢啲野。 😂😂😂

見官方社交平台吹到咁多嘢食，終於去左tst間殿大喜屋，原本想去太子嗰間，但訂座長期滿，這邊比較容易，但去到都係滿座兼有人等。手機落單上菜速度非常一般，有走數。刺身切太細粒，食唔到鮮味。松葉蟹腳太咸。凍櫃啤酒飲品唔夠凍。最唔開心同令我入openrice多年第一次要寫食評，係臨尾仲有個上級啲男人，喺正我張枱前面大聲講嘢，指手劃腳，點阿姐收嘢，明白了，想迫人走，食飽差5分鐘坐埋都唔得？旁邊同時段入即刻走左，極度滋擾下我枱都唯有走，你嬴！公道啲都有嘢好食，榴連真係任攞，refill都快，至少冇試過冇，旁邊仲有山竹。鵝肝多士件鵝肝兩邊煎脆中間juicy又香，相對蘋果果款只食到蘋果味。

侍應態度極其惡劣！諗住食半自助式放題，等了兩小時位都唔緊要，得番一個鐘頭食仲要因為拎了一隻手卷被罵到狗屁，十分失望，難得半自助放題不是客人不用俾錢？俾錢買難受！！！

每次嚟食殿大喜屋都會令我有驚喜，食過咁多次，每次水準都keep得好好😆食放題最緊要就係食物多選擇，呢度嘅食物選擇種類真係超級多，無論係刺身、壽司、燒物、一品料理、炸物嘅選擇都好多；連出面嘅甜品區都有勁多選擇，真係啱晒我🥰呢間大喜屋仲有即整海膽手卷！水準好高，紫菜好脆！海膽仲好鮮味添! 😍仲有就係佢個鵝肝多士, 真係好CRAZY!塊鵝肝超厚切, 食落口, 油脂感滿滿, 大滿足! 🤤另外, 呢度都仲有好多特色野食, 好似蟹黃粥真係成碗粥都鋪滿蟹膏, 仲有燒蠔都係必食推介🤗呢間放題, 環境同服務, 加上食物質素都係一流! 🫶🏻

殿 大喜屋果然質素有保證建議晚市提早dd 因為平日都好多人熟食好多選擇 中式有燒乳鴿避風塘炒蟹 兩樣味道都啱啱好 媲美大排檔串燒更加係大推 燒蠔好食到兩個女仔食咗8隻 隻隻都新鮮燒起 蒜蓉好香 啱啱熟 好滑 而且完全冇腥味 另外燒菠蘿都值得一試 菠蘿係又甜又多汁 刺身都有好多款 甜蝦 赤蝦 三文魚 帶子都係質素保證回本選擇最驚喜係有任食泰式生蝦 隻隻都好新鮮 加埋啲酸辣泰式醬汁喺呢個炎熱嘅夏天食落特別開胃！講到夏天梗係要食返啲生果啦 呢度有新鮮炸起嘅榴槤波波 仲有任食任拎嘅榴槤蓉 成座山咁嘅榴槤蓉配埋雪糕食 自製IKEA雪糕話咁易

尖沙咀呢間分店真係特別旺場，連平日都要等位。Lunch hour特別抵食，連加一都係around$300！最緊要係上菜都快，qr code下單，都冇乜漏單情況，值得一讚！除左外面自助區，菜單內食物都十分豐富，種類繁多，刺身、壽司、炸物、燒物、小菜、熱鍋類都有。特別一提幾款，刺身拖羅 好Juicy，平時喺出邊買都貴，真係番本之作。花雕醉鮑魚，入口冰凍彈牙，薑蔥爆鱔球，很香口，仲有燒乳鴿，好入味，都非常不錯。各款燒物亦係我推薦之選，牛油燒翠肉瓜和燒溫室菠蘿，兩者都爽甜多汁，西京燒比目魚魚脂豐富又厚身，都係我encore菜單內。甜品類仲有榴槤添😆我哋真係食足2hrs架！

到場後點完食物之後，就到自助區取飲品，種類超過30多款，除了一般的紙包同罐裝飲品，還有自製的冷泡紅茶&珍珠奶茶🧋，咖啡☕️ ，啤酒🍻、清酒、梅酒都任飲，啱晒喜歡飲酒之人啊🥂🥃。前菜、老火湯、凍海鮮、熟食、炸物、熟熱食、甜品、榴槤蓉，愛好榴槤者不容錯過。多款雪條、杯裝雪糕、甜筒、自助軟雪糕機，甜品就有迷你蛋糕、不會過甜的布甸、奶凍、仙草芋圓、新鮮水果🍉。回位置後剛好有好靚嘅魚生併盤送上，絕對美味之選的刺身，三文魚，油甘魚、帶子、赤蝦、池魚….，新鮮肥美滑嫩，擺盤精緻。海膽、蟹肉手卷，特色卷物的壽司飯份量剛好的，也是不能錯過的美食。熟食有避風塘炒蟹，養顏花膠，爽彈嘅鮑魚，燒牛肉粒，燒羊架都唔錯很juicy 。炸物嘅天婦羅🍤好香脆可口，皇牌燒乳鴿王，香脆肉汁飽滿，鵝肝厚身的煎得外脆內軟。最後食埋燉木瓜就夠晒滋潤。餐廳的員工很勤快，見有食完的碟即幫忙清理。食物實在太多款，食到勁飽甚滿足😘。

全香港性價比最高的日式放題一定非尖沙咀的殿 大喜屋莫屬🤩✨ 平日下午5時入座，2小時放題只需HKD338‼️ 刺身、榴槤、鮑參翅肚、海膽手卷等等全部通通任吃！🫣 餐廳空間寬敞，燈光明亮，自助區域非常整潔👍🏻 🤍單點餐牌掃碼下單‼️ 餐牌上的食物種類非！常！多！😳 包括刺身、壽司、卷物、軍艦、一品料理、串燒、燒物、炸物、天婦羅、蒸焗、麵鍋🤩 刺身非常新鮮✨ 不吃生的也有多款熟食選擇，味道絕不馬虎，很好吃😋 必點：所有刺身、海膽免治和牛塔、鵝肝厚多士、花雕醉鮑魚、金湯燴花膠💖🤍自助區域👉🏻榴槤任吃！喜歡榴槤的一定不能錯過😏👉🏻日本海膽手卷任吃😍 👉🏻飲品選擇超級多，看得眼花撩亂😂 酒鬼必喝紅白酒梅酒清酒燒酒啤酒🍶😙 不喝酒的也有茶汽水果汁等等可以選擇，竟然還有珍珠奶茶呢～🧋😳👉🏻哈根達斯、Movenpick雪糕🥰 還有軟雪糕機及多款雪條🍦🍧👉🏻甜品櫃內多款甜品，例如木糠布甸、泡芙、芋圓、馬卡龍、北海道3.6牛乳等等，全部都非常吸引🤤👉🏻還有沙律、小食、海鮮冷盤、熟食、湯等等😚絕對能回本的日式放題！！😋 殿 大喜屋的食物質素高、款式種類繁多、環境舒適、上菜速度快，最重要的是性價比極高！十分推薦大

今日同個friend想食放題，咁食得放題一諗就一定去殿大喜屋，堪稱放題解嘅天花板，平日午市都座無虛席真係誇張！嚟得呢度食梗係食一大盤刺身先啦，拖羅粉紅色色澤鮮嫩，入口肥美，海赤蝦好巨大呀，北海道帶子鮮甜、北寄貝爽口～我哋仲食咗泰式虎蝦、池魚，章紅魚、紅燒海參瑤柱羹、海膽免治和牛塔、清酒煮鮮蜆、海燕窩椰汁燉木瓜～熟食方面，我每次嚟食都會點嘅金湯燴花膠，巨型花膠扒，口感超滿足同埋乳鴿，熱辣辣外表香脆，內裏肉嫩肉質豐富～實在太多嘢食選擇，好飽啊，大滿足！自助區仲有我最鍾意嘅榴槤蓉，入口即化，超好味～

殿 大喜屋．有質素有驚喜是日與朋友慶生一定要去有大食大聽說「殿 大喜屋」放題特別出色第一次去，竟然獲得一致的好評滿意度100分！先睇格局，夠寬敞，夠光猛食材豐富而新鮮，補充度極快特別是人人爭搶的榴槤蓉，真係重點關注項目自助區永遠有滿滿的任食，好有誠意！午市放題不用350蚊/人，質素直逼500蚊水準！自助區與掃CODE的食物選擇多多隨隨便便都超過200款，包括：海膽手卷、花雕醉鮑魚、避風塘炒蟹、壽司、刺身拼盤、松葉蟹腳、天婦羅,,,,,,,清酒、汽水、果汁、甜品更是非常出色最令人滿意的是：高質的鮑魚、花膠、榴槤、清酒任飲任食！生日當然要食鮑魚前菜：花雕醉鮑魚，必食！鮑魚充滿酒香又爽口大大隻又清爽以鮑魚做前菜小食真心富貴！主食：鮑魚一口炆飯醬汁香，鮑魚彈牙，口感好食又不會太飽一人一碗很是豪氣！有鮑魚自然有花膠這份花膠翅又大又香滑口感是滿滿的膠原蛋白滋味好食又養顏不能錯過燒生蠔主要是大隻，鮮美，飽滿多汁又香口，是海鮮FANS的主場鵝肝食法最推這2款1.鵝肝多士，香脆的多士配上酒香的鵝肝厚切香煎，味力四射，人人都追加，就知猛料！2法式紅酒鵝肝濃香的融滑口感，伴以果醬與酒香好高級的感覺！刺身拼盤

咁多間放題嚟講大喜屋一向係我首選佢坐位偏向闊落而且食物種類繁多我同老公間中都會去食識我嘅人都知我係刺身怪食放題對我嚟講絕對係抵嘅三文魚、池魚、油甘魚、甜蝦、赤貝、好似北海道帶子連拖羅刺身都有好抵玩另外海膽手卷都係同樣出色飯唔會太多，所以可以食到好多個😍除咗刺身佢嘅燒物都好出色翠玉瓜，勁Juicy牛舌好有咬口好香比目魚鰻魚都好好食唔會話太薄，有一定嘅厚度自助區嚟講都好多嘢食榴槤蓉係我最愛使乜喺出面啲連鎖快餐店食雪糕加榴槤蓉呢度都可以盡情食另外仲有法式藍莓配鵝肝應有盡有食物好多款式唔講咁多大家睇吓圖片就知道間唔中放縱一次我必定揀大喜屋#香港美食推介 #香港探店 #刺身 #鵝肝 #高級放題 #油尖旺美食 #榴連 #炒蟹 #超級推介

🍴🍽🍴🍽🍴🍽️🍣🍣🍣🍣🍴🍽🍴🍽🍴🍽🥢刺生、壽司🆙刺身擺盤精緻，十分新鮮，配上芥辣醬油，令到刺身鮮味提升。厚切嘅北海道帶子、三文魚、鯛魚刺身，魚脂豐沛，魚油甘香，鮮甜彈牙，口感一流。亦可以品嚐各種壽司如三文魚腩壽司、厚燒鰻魚玉子壽司😋。🥢天婦羅🆗天婦羅用金黃色粉漿包裹着，香脆可口。虎蝦鮮味彈牙。南瓜及日本甜薯仔，外脆內軟😋。🥢海鮮🆗花雕醉鮑魚非常鮮甜；花膠相當大塊，入口鮮味軟嫩，帶黏黏的口感，充滿骨膠原，必然之選😋。🥢鮑魚皇帝蟹黃粥🆗鮑魚囉濃郁嘅蟹黃，完美融合於滑溜細緻嘅粥中，每一啖都令人回味無窮😋。🥢飲品及甜品🆙名式各款飲品同Haagen dazs雪糕任飲任食，啱哂最近熱辣辣嘅天氣暑氣👍。🥸 評價 𝗥𝗮𝘁𝗶𝗻𝗴𝘀 🥸
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 7.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10
整體 𝗢𝘃𝗲𝗿𝗮𝗹𝗹 7.75/10-🍴🍽🍴🍽🍴🍽🍣🍣🍣🍣🍣🍴🍽🍴🍽🍴🍽-🗺殿 大喜屋 (尖沙咀)尖沙咀金巴利道26號1樓-#bakdiu日式 #bakdiu 尖沙咀 #bakdiu 油尖旺 #bakdiu 放題

今日約咗朋友出尖沙咀食飯，行咗一陣，見到一間任食放題，啱晒，吹水又方便，嘢食款式又多，即刻決定呢一間殿大喜屋位於尖沙咀金巴利道26號一樓，由港鐵尖沙咀站B1出口，行5分鐘就到，就算約唔同地方出發嘅朋友，都非常咁方便殿堂級鐵板鵝肝厚多士，去過咁多間唔同嘅大喜屋、大瀛喜，係得呢度有呢款鵝肝厚多士，叫得殿堂級，睇個樣都知唔野少，外邊煎得香脆，入邊係充滿口感嘅鵝肝，配合埋嗰塊多士，真係殿堂級嘅享受法式紅酒藍莓鵝肝，佢仲有第二種鵝肝食法，呢一款係凍食，切片嘅鵝肝配合新鮮生果，加上藍莓醬，又係另一種享受泰式虎蝦刺身，以往經常去九龍城食，而家呢度可以任食，仲要質素非常好，真係必食之選黑椒蜜汁一口牛，切粒嘅牛粒大小適中，真係一口一啖，牛嘅肉質十分嫩，嚟到一定要試吓鹽燒雞軟骨，去得食串燒嘅地方，基本上係必點，嗰種特別嘅口感，係其他串燒搵唔到嘅，又係，呢度免費任食，點都要食返夠本

難忘一夜..入座好招呼，散場趕客走！真係好欣賞個四眼仔侍應，對份工多麼積極同熱誠（趕客）呢條友可以每5分鐘走黎煩住晒，問有咩唔要幫你執…..到後尾都想食埋啦！佢可以將隻碟一拼掃走！「嗱！ 我 仲 有 2 0分 鐘時 間 架」唔怪得d人寧願山上水遠北上啦！環境、食物….對呢個集團完全失望！

當你好想食日本嘢嘅時候，又追求性價比，呢一間放題店一定滿足到你！✨刺身如果想回本，刺身絕對係你嘅選擇：種類稱得上係放題中之冠：泰式虎蝦超級新鮮，而且另上泰式辣醬；海赤蝦，北海道帶子都食出甜味；北寄貝爽口；粉嫩嘅拖羅偏向軟潤；最誇張嘅係居然有池魚，仲要大大件厚切；章紅魚薄切同樣係要encore，切得晶瑩剔透，點上特製醬汁確係唔錯！餐廳亦都有一條隊可以排海膽手卷同帝王蟹柳手卷，一定要即整即食先可以感受到紫菜嘅薄脆感！✨熟食🍲 川燒珍寶鮮蠔燒得超級惹味，滿滿嘅炸蒜鋪面，蠔肉飽滿唔會太乾身；芝麻雞翼完全冇油膩嘅感覺，咬落非常香口；花雕醉鮑魚有輕輕嘅酒香；天婦羅系列嘅小食，同樣吸引，炸粉好薄咬落香脆～✨自助區域無論係炸物嘅餃子、炸雞定係糖水、甜品、中式湯品、或者係粵式小炒、海鮮凍盤都包羅萬有，當日係蟲草花烏雞湯，一大鍋湯真係見到滿滿嘅雞件同海量蟲草花；甜品方面更加有馬卡龍、提拉米蘇大福、布甸、乳酪、甚至‎movenpick或者Häagen-Dazs嘅雪糕都任君選擇；飲品無論係啤酒、清酒、無糖飲品定係楊枝甘露、冷泡茶真係乜都有！真係要順帶一提，近排榴槤當造，餐廳更加提供免費嘅榴槤蓉，自己堆砌再加埋