殿 大喜屋

工作左成個星期，終於捱到星期五啦😮‍💨！緊係要食餐豐富好味嘅晚餐哄下自己啦🤤！今次又去左殿大喜屋食放題🍣，貪呢到咩款嘅日本菜都有，有刺身、炸物、壽司、燒物連炒蟹焗蟹🦀都有！最正係任食凍波士頓龍蝦🦞！！❤️凍海鮮有凍波士頓龍蝦、龍蝦鉗、花雕醉鮑魚等等！波士頓龍蝦肉質新鮮爽彈鮮甜，蝦頭仲有甘香蝦膏😍，龍蝦鉗大大個啖啖肉，仲有好多汁水。🧡刺身有三文魚刺身🐟、吞拿魚腩、牡丹蝦、甜蝦、赤背、帶子等等。每樣都非常新鮮鮮甜，仲要好大方全部都大大塊，口感一流！💛熟海鮮好多選擇，有鹽焗蟹、避風塘炒蟹、蟶子、豉椒炒蜆、鹽焗大頭蝦等等🤩，日式放題有咁多款同高質海鮮食，簡直係翻本之選‼️鹽焗蟹蟹膏甘香🦀，蟹肉一梳梳白雪雪，鮮甜美味👍🏻！避風塘炒蟹好有大排檔風味，又辣又惹味！鹽焗大頭蝦蝦頭好多膏🦐，蝦肉爽彈😋！💚仲有多款壽司軍艦任君選擇！最出色係海膽吞拿魚Taco✨，吞拿魚蓉入口即溶🐟，加上鮮甜嘅海膽同炸脆咗嘅紫菜，非常滋味❣️🩵熟食推介鮑魚撈飯、乳鴿同羊架！必叫鮑魚撈飯，鮑魚入味彈牙煙靭，加上美味嘅鮑魚汁用嚟撈一碗飯真係冇難度😆！乳鴿外皮非常脆，肉質鮮嫩多汁💦！羊架串燒好惹味！💜甜品控一定唔可以錯過燉木瓜鮮奶、巴斯克蛋糕🍰、葡撻、大細馬卡龍、Häagen-Dazs雪糕及多款雪糕🍨😍📍殿 大喜屋尖沙咀金巴利道26號1樓…查看更多

想食豪少少嘅放題當然要去「殿·大喜屋」‼️.⚠️此餐廳收取10%服務費💰.晚市成人放題(2位)🍽️套餐$696💰.刺身🌊套餐包含💰刺身新鮮😍拖羅鮮美滑嫩🐟油脂豐富🤤.壽司及手卷🍣套餐包含💰蟹油蒜香火炙鮮帶子壽司🐚帶子肉質鮮嫩，加蟹油同蒜蓉嘅香氣🦀🧄幾驚喜😱.一品料理🥢套餐包含💰巴拿馬火腿配邊桃牛油果莎莎多士🥖鹹香火腿加甜美邊桃🥓🍑牛油果🥑好創新😋.燒物🔥套餐包含💰炭火泰式豬頸肉串外焦內嫩😆泰式調味香辣可口🌶️.炸物🍤套餐包含💰外酥內軟年糕包住濃郁芝士🫕.自助區🧆套餐包含💰有凍蝦🦐青口、螺、煙三文魚、三文魚籽🐠蟲草花烏雞湯🥣麻辣小龍蝦🦞芝士西蘭花🧀🥦椒鹽瀨尿蝦、韓式炸雞🍗炸餃子🥟蜜汁叉燒、脆皮燒腩仔🐖白飯🍚榴槤蓉、水果等🍈🍅🍉🍇沙律🥗醃漬物🫚前菜🫛🐓🦆.甜品🍮套餐包含💰有雪糕🍨雪條、軟雪糕🍦椰汁雪耳燉奶🥥糖果🍬甜品杯🧁糯米糍、蛋糕🍰布甸、慕絲、豆腐花、芋圓、乳酪等🫐推介海燕窩椰汁燉木瓜🧡新鮮香甜木瓜，加上椰汁同海燕窩🪹滋補養顏☺️.飲品🥤套餐包含💰有生啤、清酒🍶白酒🍾梅酒🥃甘蔗汁🎋椰青水、啤酒🍺果汁🍊🥭🧃汽水🫧茶類飲品🍵珍珠奶茶🧋養生飲品🍐🌼咖啡等熱飲☕️…查看更多

🤯全港獨有！波士頓龍蝦＋魚子醬任食！放題界天花板🔥 今次嚟到尖沙咀《殿 大喜屋》真係驚艷到喊！從未諗過可以同時任食「波士頓龍蝦」同「鱘魚子醬」，仲要全部高質到似單點料理😎🦞 波士頓龍蝦原隻開邊燒龍蝦，啖啖肉爆膏！蝦膏甘香濃郁，肉質爽彈，我地encore咗3輪～ 🐟 金槍魚腩油脂分布如雪花，入口即化！師傅切得厚身，肉質鮮甜，完全唔似放題質素！ 🥄 鱘魚子醬無限量供應超瘋狂！鹹香爆發，用嚟配龍蝦或者吞拿魚腩，層次感即刻昇華～ 🦀 避風塘炒蟹新蟹肉飽滿，蒜酥炒得香辣惹味！ 🐚 蒜蓉粉絲蒸蟶子王估唔到放題都食到新鮮蟶子，粉絲吸盡蒜蓉同蟶子鮮味，一啖一滿足～ 🍤 油鹽焗大頭蝦蝦頭爆膏！簡單用油鹽焗已經帶出蝦肉鮮甜，必點海鮮之一！ 🍣 海膽軍艦採用日本海膽，甘甜creamy無苦味，軍艦紫菜脆身，我仲DIY加埋大量三文魚子，真係勁正！🍨 燒榴槤熱辣辣榴槤烤到焦香，一定要encore，榴槤控一定會愛上～ 放題都食到任食龍蝦＋魚子醬，仲有齊新鮮海鮮同日本直送食材，性價比爆燈🔥…查看更多

平時我真係好少食放題，但係我細佬就好鍾意食。陪佢食咗咁多間放題，我自己私心最鍾意都係尖沙咀呢一間。你問我當然就係因為呢度有龍蝦同魚子醬任食，暫時喺其他放題真係冇見過，深夜入座都只係$398！推介幾款我覺得好深刻嘅嘢食：‣ 波士頓龍蝦有龍蝦真係冇得輸，好多時食酒店自助餐都係為咗個龍蝦。餐廳配埋泰式辣汁，但係我個人覺得就咁食已經好好食，反而配埋辣汁我覺得味道太搶。啲膏真係多到爆炸，我睇住細佬已經食咗四隻，真係爽食。‣ 魚子醬嗌魚子醬就係為咗自行做組合，嗌刺身、壽司我都會放幾匙魚子醬喺上面，簡直係豪華combo，魚子醬我都嗌咗三盒，真係好好食，一啲都唔腥。‣ 金槍魚腩我細佬超鍾意食金槍魚腩，嗰啲油花真係一絕，佢自己都嗌咗三輪金槍魚腩。好似我比較怕肥我就會食多啲海膽，但如果鍾意食金槍魚嗰啲，唔嗌真係會後悔。‣ 海膽軍艦海膽唔腥，見其他人都話餐廳係用日本海膽，食落去我都覺得似。雖然佢冇搭配其他嘅海鮮，但係我覺得咁樣反而食得出海膽嘅純粹鮮味。偷偷地講我會加埋魚子醬一齊食，試過你就知入口個感覺會有幾豪華。‣ 海膽拖羅鱈魚乾手卷‼️超級推薦‼️認真講我平時去食放題，我真係極少食壽司，就算食嘅話可能都係試一件就算，但係佢係好食到我忍唔住叫咗三件。我自己好鍾意佢加咗鱈魚脆脆喺底，所以咬落去個口感會有唔同，而且本身個紫菜都好脆，仲有啲爆汁嘅三文魚子，絕對值得一試。‣ 避風塘炒蟹老實講，餐廳嘅海鮮真係都好新鮮，一樣都係肉質好鮮嫩，唔會梅晒。而且佢個避風塘都真係幾辣下，我覺得食吓過吓口癮都幾唔錯嘅一個選擇。‣ 蒜蓉粉絲蒸蟶子王蟶子係有少少喜出望外，冇諗過咬落去都係咁新鮮，果然係蟶子王。我覺得餐廳都處理得好好，唔會有沙嘅感覺，可以係咁食都唔會覺得膩。‣ 油鹽焗大頭蝦其實你一咬就知道係咪真係新鮮，大頭蝦嘅肉唔會痴住啲殼，咬落去好彈牙，一啲都唔柴，相當之值得一試。想食刺身叫海赤蝦又得，想食熟食嘅話就一定叫大頭蝦，絕對唔會推薦錯。‣ 殿堂級香煎鵝肝多士呢間放題真係咩都俾你食勻晒，唔止鮑魚、龍蝦同埋魚子醬，鵝肝都有。佢係鵝肝真係煎得勁香，又嫩。唔使搭配多士就咁食我都覺得個口好滿足。‣ 海燕窩椰汁燉木瓜不得不讚賞餐廳嘅木瓜真係冇得彈，一上枱嘅時候熱辣辣，搭配椰汁燕窩一齊食，將啲木瓜肉攪拌入去，相當之香。而且木瓜燉得好腍，啱晒我呢啲最鍾意食軟腍腍果肉嘅人，就好似食咁升級版嘅木瓜鮮奶，每枱都至少嗌一個，所以點都推薦大家叫一個試吓。‣ 燒榴槤我細佬就好鍾意食榴槤，我就還好，試咗啖我覺得佢啲燒榴槤都幾正。細佬就話好甜好好食，燒一燒令到佢個香味更加突出，平時唔算好鍾意食，我都覺得係好甜。如果鍾意食榴槤真係可以係咁叫，淨係食榴槤放題都抵晒。…查看更多

好耐冇食「殿 大喜屋」啦🤩🤩餐廳經裝修之後環境更寬敞，裝修雅致！最近仲推出了新menu，可以任食波士頓龍蝦🦞同魚子醬！咁吸引，一於嚟試試先🔥🔥-🍱120分鐘晚市放題 $408/位✨📍刺身刺身包括金槍魚腩、三文魚、油甘魚、赤貝、北海道鮮帶子、甜蝦等，全部都好新鮮！！當中至愛「金槍魚腩」，肉質厚肉肥美，啖啖魚油香！同朋友encore咗幾次😋😋📍壽司壽司包括海膽軍艦、海膽拖羅黑松露帶子、牛油果蟹肉最中餅、海膽拖羅鱈魚乾手卷等～～款款味道都唔錯！「海膽軍艦」採用日本北海道海膽，入口甘香鮮甜，份量十足👍🏻👍🏻📍波士頓龍蝦刺身波士頓龍蝦好大隻，肉質鮮甜爽彈，啖啖肉又多膏🦞！蘸泰式酸辣醬食好開胃！！📍鱘魚子醬第一次見放題可以任食魚子醬！魚子醬原罐呈上，味道鹹香濃郁，配刺身/壽司都幾夾❤️❤️📍XO醬蒜蓉粉絲蒸蟶子皇蟶子王好新鮮、肉質鮮甜爽口，加上軟滑的粉絲、XO醬同蒜蓉，啖啖惹味🤤🤤-📍油鹽焗大頭蝦採用新鮮大頭蝦🦐，簡簡單單用油同鹽焗製已經好好味！仲保留到蝦的鮮甜！！📍燒榴槤燒榴槤口感軟滑creamy，帶濃郁的榴槤香！榴槤控必試👍🏻👍🏻另外自助區有多款熟食、冷盤、甜品、雪糕、梅酒、清酒等可以任食任飲，連黑松露同蟹籽都可以任𢳂，超正！！雪糕就有Haagen Dazs、Movenpick、Milk Top等🍨，今餐真係大滿足❤️❤️…查看更多