段純貞X日出茶太 (The Johnston)

營業中

休息中

同朋友行開灣仔,一出灣仔地鐵站對面就見到段純貞,因為做完野太餓,見到咁近就衝左入去試下~餐廳環境都算大,座位闊落,坐得舒服唔會好迫好侷促～係一間專注於台灣風味菜的餐廳,提供各種台灣小食和特色料理及甜品,好多款食品選擇～🍜牛肉三寶手工麵 $94餐廳招牌菜之一,三寶係指配三種不同口感的牛肉,包括軟嫩的腱子肉、筋道的牛腱和嫩滑的牛腩,牛肉麵湯底有少少微辣,濃郁而不油膩👍🏻 肉質軟嫩多汁,成碗肉多過麵!!另手工麵好寬厚,食落好有咬口,好飽肚～🐔燉濃湯雞手工麵 $88湯底清清地,雞分量都唔少!仲比左雞髀🤩配餐廳自製手工麵條,口感扎實Q彈,好味✅🍅燉蕃茄腱心半筋半肉手工麵 $92其實同牛肉麵差唔多,只係加咗蕃茄,食落味道酸酸地比較開胃,酸甜適中,肉質軟腍入味～🐔胡椒湯酸菜雞麵 $88呢款麵冇得揀轉手工麵,得一種麵款選擇;湯底濃郁的胡椒香氣同酸爽的酸菜形成對比,口感層次豐富。雞肉份量都係唔差,肉質幾嫩,都係唔錯🤤小吃：🥟新鮮豚肉鍋貼 $48🍗鹽酥雞 $48🍖酥炸排骨 $48🫓三星蔥肉鍋餅 $48Drinks：（大杯，一杯有700ml）黑糖珍珠鮮奶茶 $39招牌珍奶茶 $34夏日水果茶 $34玄米玉露

咁啱今日喺灣仔返工Lunch約咗一大班同事一齊食牛肉麵我哋叫咗好多嘢食⭐️牛肉三寶手工麵 $94牛肉好淋，湯濃郁,帶有微微辣味，唔錯👍🏻⭐️燉濃湯雞手工麵 $88分量好良心，有雞脾🍗🤤🤤🤤一碗好夠飽～⭐️燉蕃茄腱心半筋半肉手工麵 $92濃郁的蕃茄，酸酸甜甜好開胃，肉質鮮嫩多汁，與微辣的湯好夾💯⭐️胡椒湯酸菜雞麵 $88雞肉鮮嫩大份,係一碗別具風味的雞肉麵🐔小食：⭐️新鮮豚肉鍋貼 $48好特別，賣相扁身，食落都幾香脆⭐️鹽酥雞 $48雞肉酥脆多汁,外皮灑有鹽和香料,好味😋⭐️酥炸排骨 $48炸得啱啱好，唔會好乾身⭐️三星蔥肉鍋餅 $48我都第一次食，係一道台式鍋貼，餡料有鮮嫩肉餡和三星蔥，外皮脆脆地，好食🤤🥤Drinks：黑糖珍珠鮮奶茶 $39招牌珍奶茶 $34夏日水果茶 $34玄米玉露茶 $30

晏晝係灣仔行到球場嗰面，又落雨又嗡悶，見到呢間段純貞有連埋日出茶太，就決定去食餐台灣野，順手飲杯手搖飲料。入到去睇嗰menu，先發現原來佢仲有賣一款叫梅汁芒果嫩雞胸拌冷麵，聽落都好似酸酸甜甜好開胃咁，所以就嗌一個黎試試佢。另外再叫左一份台式拼盤小食，野飲就嗌左一杯西瓜特飲。等緊野食望下鋪頭入面D裝修，整體都係用木/竹系既感覺設計，俾人感覺都係明亮舒服既，而且地方都乾淨企理。過左15分鐘左右Order就已經出齊，都算幾快下，咁試左嗰小食拼盤先，份量正正常常，豆腐、菇都有4,5舊，都滷得幾入味，隻溏心蛋好好味。試埋豌麵，望落嗰賣相好清新，上面既芒果係新鮮芒果黎，食落香不過唔係好甜，仲有一舊細蕃茄有用梅汁先浸過，有多一陣梅香味，塊雞胸應該係用慢煮，咬落去唔會嚡口都Juicy，連埋嗰汁食唔錯，嗰麵同嗰汁幾夾，少少酸甜好開胃，我覺得如果之後天氣再熱D再食一豌咁既冷麵會好啱。

個湯好濃香料味，但好似同牛肉麵唔夾？揀咗手工麵，好粗好厚，似闊條麵，但份量小得驚人，感覺牛肉多過麵。牛心腱好正，好淋，唔韌，又滑。黃酒薑湯煮雞，重酒味同時重薑味，雞好滑，正。

向灣仔做完嘢晏晏地是但搵咗間未收嘅餐廳，上菜都幾快。叫咗個台式滷水拼盤 ($118)套餐包埋一份燙青菜，份量不少，拼盤嘅滷水嘢都幾入味同淋，而且種類都幾多，有蛋，豆腐、牛展、筍同金錢肚，抵食。 個飯跟返台灣係俾珍珠米，幾有誠意。 配菜嘅花生略咸，個筍幾好食，而青瓜就正常。整體感覺ok，臨last order前入座都冇因為趕收工而服務/食物質素差咗，又冇趕人走，係唔錯。

The portion for the beef tendons and shredded chicken are so generous, the soup base is extremely rich and flavourful and but favourite part is the definitely their chewy handmade noodle texture😍As someone who loves eating noodles, I care more about the noodles than the toppings and they certainly surprise me🍜🤩(btw make sure you order the thick noodles if you prefer a chewy texture in noodles!) 🐓Shredded chicken garlic flavour dry noodles and peanuts ($78)🐄Braised beef noodles with tendon and sh

台式肉燥飯 ($78) 正常發揮嘅肉燥飯 味道OK 調味唔夠糖心蛋好靚 煮得啱啱好 經典紅燒牛肉麵 ($86)手工麵太厚身 好似食緊麵團咁🙃但係牛𦟌同埋湯都好正 牛𦟌超腍又大塊湯味道夠濃微辣原味牛肉麵 ($82)牛肉超腍🤤 又大嚿 有三塊湯底微辣 冇得走辣但係唔會好辣細麵好食唔會太腍燉濃湯雞麵 ($88)成嚿雞髀 好嫩滑好入味🤩 細麵好好食三星蔥肉鍋餅 ($48)好酥脆又唔會太油 —𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $100 𝗉𝗉 (lunch)🌟 𝗈𝗏𝖾𝗋𝖺𝗅𝗅 7/10📍 段純貞X日出茶太灣仔莊士敦道74-80號The Johnston 地下A及B號舖—

我係一個豆腐控，對於豆腐花同豆花，很堅持佢哋唔係同一樣嘢！豆腐花會比較固體狀啲，而豆花就相對無咁挺身。午餐時候胃口一般，於是就要咗份台式豆花外賣，個碗有啲深😅打開蓋發現豆花俾紅豆、珍珠、芋圓、薏米、馬蹄爆爆珠覆蓋咗，豆花本身無甜味，所以佢落咗花奶去加返啲味。如果可以將花奶變成白果腐竹糖水，可能會更精彩😆食完一碗台式豆花，都有食咗一碗飯嘅飽肚感，始終佢所有材料都幾實在同真係幾飽肚，午餐想食甜嘅嘢可以不妨選擇。

段純貞.😋Taste: 7/10💰Price: $$🚶‍♂️Revisit: 🙂✨Decor: ✨✨/3.燉濃湯雞麵🍗紅燒揵心半筋半肉牛肉麵🥩.今次黎段純貞灣仔分店就試左佢地既燉濃湯雞麵同埋紅燒揵心半筋半肉牛肉麵 台灣過江龍牛肉麵 原味牛肉麵湯底好正 夠香濃 牛肉煮到好稔又入味 超推介 而且燉濃雞湯麵 成隻雞髀好滿足 雞髀煮得好嫩滑 而且個湯好濃郁既雞香味 都非常推介 建議食麵既時候可以配上佢地既酸菜 會更加有層次感

秋冬季節最啱食碗熱辣辣嘅麵放工時間咁啱行過見到，聞到好香牛肉麵嘅味就入咗去平時香港嘅台式牛肉麵好少粗麵嘅選擇，估唔到呢度居然有粗麵選擇可以揀作為粗麵愛好者嘅我毫不猶豫揀咗粗麵。叫咗應該係呢度最招牌嘅三寶麵，包括牛筋、牛肚同埋腱心肉啲牛筋超粗，而且好腍加埋個藥膳湯底超級正潮州粉麵檔嘅牛肚就食得多，好耐冇食過台式嘅牛肚。舖頭用咗金錢肚唔係普通cheap cheap牛肚的確睇到用心既地方腱心不過不錯啦，都幾腍，冇攝牙罅粗麵再加上藥膳湯底簡直係最佳嘅絕配埋單嘅時候再喺隔離嗌咗杯肥仔水大滿足！

在香港的美食世界中😁，段純貞牛肉麵是一個引人注目的熱門選擇。這家餐廳以台灣風味的牛肉麵和特色奶茶而聞名，每天吸引著許多食客前來品嚐。今天，我們將深入探討這家位於銅鑼灣的餐廳，特別關注他們的招牌菜式——紅燒腱心半筋半肉牛肉麵和招牌奶茶。段純貞牛肉麵是一家專注於台灣風味的餐廳，提供各種台灣小吃和特色料理。餐廳的招牌菜式之一是紅燒腱心半筋半肉牛肉麵，今次cross over 日出茶太招牌奶茶。😁🍜紅燒腱心半筋半肉牛肉麵 $98 這道牛肉麵絕對是段純貞的明星菜式之一。牛肉切得厚實而多汁，肉質鮮嫩。特別值得一提的是湯頭，它以多種香料和調味料悉心熬製而成，散發出濃郁的牛肉🐮風味。湯底的滋味令人回味無窮，搭配著入口即化的牛肉，每一口都是一種享受。 段純貞以高品質的牛肉為招牌牛肉麵的主要原料🐮。這家餐廳不僅選用了腱心肉，還特別注重肉質的嫩度和口感。☀️牛肉在燉煮的過程中保持了其原汁原味，讓人愛不釋手。 一碗紅燒腱心半筋半肉牛肉麵的份量相當大，足夠填飽一位成年人的胃。無論您是一個食量大的食客還是想要親朋好友分享的，這道牛肉麵都能滿足您的胃口。段純貞牛肉麵的環境相當簡單，但整潔明亮。服務員通常友善而迅速，確

兩個人，嗌左兩個餐同小食加飲品。牛肉牛筋都好好；手工麵有口感；藥饍雞飯普通，普通嘅意思係唔難食；小食煎葱餅普通，一般冰格嗰啲咁厚；我煎嘅會更好食，因為我會用透氣網上；啲前菜唔錯，會想買佢罐筍返去；杯飲品性價比好低，matcha latte 個奶比三花淡奶更淡，其實係凍抺茶水，收34蚊？第一次飲呢間日出茶太，好surprise 咁嘅質素會生存到？原來淨返一間。兩個人埋單三百五左右，如果唔係個牛肉麵真係唔錯，我會好嬲咁出返嚟。應該無下次，或者淨嚟食個麵就算。

段純貞其實開左都一段時間，不過一直覺得係好貴所以無試過，但同事最近試過一次話唔錯，而且有套餐都好抵食，於是今日就豪一次試下。有少少失望既係之前同事包野飲$118既套餐已經消失左。所以今次係散叫，咁就少左跟餐既前菜同小食。蒜香手撕雞乾拌麵 $78雖然係出名牛肉，但係夏天我都唔係太想食湯麵，揀得既就只有乾拌麵，乾拌麵既選擇就只有雞，於是我揀左蒜香手撕雞乾拌麵，事關佢張相隻流心蛋吸引左我個麵黎到，賣相好得，同相一樣，而且超多雞絲，完全鋪滿左。撈一撈之後一食真心高質好食雞肉同左老少少既雞，有好濃既雞味，麵既口感少少煙韌好好味，配搭得好好不過食落會覺得咸左少少。至於隻蛋，本來以為係糖心，但不原來係流心，無平時既甜味，有少少香料味，都ok。另外值得一讚係個菜，張相只有一棵，但食食下會發現麵下面仲有兩棵，成件事健康左好多，絕對會再黎食！酥炸排骨麵 $78同事食左呢個酥炸排骨麵，佢話唔錯。佢俾左一小舊排骨俾我試，嘩係鹽酥雞口感既豬排，仲要係好有水準既鹽酥口感野飲分別叫左高山鳥龍奶綠 微糖招牌珍奶微糖相比之下，飲品既味道好一般，個人覺得微糖剛好，同事話都係太甜。下次可以唔洗特登叫野飲，終於明點解無左個連

段純貞X日出茶太 @duanchinzhen.hk📍灣仔莊士敦道74-80號The Johnston 地下A及B號舖.段純貞牛肉麵係台灣過江龍新竹人氣牛肉麵店，堅持台式舊式料理製作，招牌菜包括三寶麵、紅燒腱心牛肉麵、嫩五花牛肉麵等，仲有兩種麵條可選，店舖旁更係日岀茶太，提供多款台式特飲～.🐮 三寶麵 $92: 三寶包括有腱心、牛筋、牛肚，各個部位都夠軟淋，特別係牛筋夠夾彈又滑嘟嘟，令湯汁吸收到入味，再配上手工麵又寬又厚，口感好煙韌，可吸入更多湯汁～🌶 麻辣蒜味腱心半筋半肉牛肉麵 $84: 配上細麵，更易沾上濃厚醬汁～；麻辣味唔會死辣，花椒香同麻味都好出色，仲帶岀陣陣蒜香，而腱心半筋半肉口感彈牙又嫩滑，非常高質～🥟 紅油抄手 $58: 雲吞有蝦同豬肉，肉嫩鮮美，皮薄餡靚，淋上紅油醬汁，味道麻麻香香，加上芽菜、蒜蔥提味，值得一試～🍗 慢煮無骨口水雞 $84: 口水雞麻辣鮮香，雞肉嫩滑，係一道開胃嘅涼茶～❤️ 荔枝紅茶（蘆薈）$38: 荔枝紅茶濃淡得宜散發淡淡荔枝香，再加上蘆薈粒香甜爽口～💚 茉香綠茶（珍珠）$31: 茉香綠茶夠甘醇，加入珍珠，煙煙韌韌好有𡁻口～

點左紅燒半筋半牛肉幼麵88蚊，啲湯唔係一般嘅鹹，好似濃縮湯未加水一樣所以無飲湯，麵條方面，太淋，而且幼麵好索汁，所以麵都好鹹牛肉同牛筋係成碗麵比較好食嘅，夠入味同夠淋，但都係偏鹹。