正記冰室

營業中

休息中

今日同一大班朋友開party，大家一致表示想食小菜，今次選擇位於天水圍天瑞街市的「正記冰室」外賣😋小菜種類選擇好多，我哋總共叫了9款不同的小菜，包括：咕嚕豬頸肉、黑椒牛仔骨、鮮魷帶子西蘭花，滑蛋叉燒、蜜椒薯仔牛柳粒、黃金香脆蝦，沙拉豬扒，粟米班腩，黃金四季豆！每份小菜份量都不少，包一個白飯！個人認為最好食是蜜招薯仔牛柳粒，有鑊氣又入味！黃金四季豆充滿鹹香味， 送飯一流，十分開胃！粟米斑腩的粟米汁和魚肉分開上，好貼心！不過黑椒牛仔骨，牛肉就比較少！整體都OK，幾好食又方便，出餐都好快👍🏻

凍冰冰，唔想落街買早餐嗌咗外賣，不嬲都鍾意食蒸嘅嘅蕃茄湯底通粉，阿仔就最愛沙嗲牛肉麵。佢個餐仲有跟個多士同埋火腿奄列。嗌咗兩杯。熱奶茶。中規中矩，都係為咗蕃茄湯通粉所以先至叫佢。

多數茶餐廳炸雞脾都剩係用鹽醃，所以得個喊味。呢間嘅雞脾有用其他醃料，好似係南腐🤔🤔。所以呢個雞脾唔係得死喊味。仲要炸得啱啱好，有肉汁。之前試話西多士都ok 炒飯外賣個份量超級多

好夠火候👍🏻👍🏻個廚師應該好有心機煮，好重要的買點，幾次夜晚或者宵夜都食佢😋😋因為附近其他的很難食，是一間比較地道又5會等太耐，比較似大排檔嘅一間茶餐廳🍴

該店店員態度不好又無禮貌價錢偏貴,分量又少,嗌個生炒骨咕嚕豬頸肉試下新野黎個生炒骨咕嚕肉問店員點解係咕嚕肉就話係生炒骨咕嚕肉邊有豬頸肉重鬧人,重點真係抄骨70蚊分抄朋骨

是日午餐XO醬海鮮炒飯送熱飲 打開見到賣相都正正常常 價錢：$48堂食或$50外賣 第一啖食落去有少少微辣 飯夠香略嫌可以在鹹少少🤏 入面嘅材料有魷魚蝦蟹柳蛋蔥，仲咬到有蜆粒同瑤柱粒。海鮮粒份量都唔少每一口都有咬到海鮮。另外，炒飯炒得乾身咬落好有口感。事隔4個月後幫襯，今次個飯比起上次既乾炒牛河油份少左，咸度都低左。但我比較想個炒飯咸番少少。

星期日 諗住開開心心 兩點幾去叫個乾牛河外賣 戴帽個收銀仲特登問我要下午茶定正價我要正價 $58加杯奶茶連外賣盒 $63等左25分鐘盒乾炒牛河細細盒 懷疑比錯下午茶份量諗住由佢 可能細細盒但裝滿晒返到屋企 解開個袋 成個袋有啲污糟水積（唔知咩嚟）仲要流埋落個奶茶蓋上面打開盒牛河 聞落正正常常 食落啲河粉同似未炒熟咁 摷均成盒得三塊細細地嘅牛 整體味道都唔好得去邊 直程可以用難食黎形容搵搵下原來連飲管都冇 杯奶茶又難飲連個乾炒牛河/凍奶茶呢啲茶記咁基本嘅款式都做成咁快啲關門大吉 感謝

由店鋪新開就好鍾意食，貪近小菜好食價錢唔貴，但近呢兩年水準差左好多，唔係個汁有問題就係食材有變壞問題，早上叫個餐肉腸仔丁，可以連午餐肉都冇煎過，好明顯就咁開罐就掉落去一陣怪味，真係好趕客。

話說今日嗌咗個外賣以為招牌古法雞好正 點知一打開成個盒都係油仲要溝咗啲唔知乜湯 成件事沙薑雞唔似沙薑雞 雞又冇雞味 仲要成盒都係雞背脊同埋雞胸 上面寫住話1/4隻雞 但係我覺得係得1/4雞骨 啲肉又好鞋口 似係用水煮咗好耐 可能我真係唔識欣賞呢啲 從來冇食過咁樣嘅雞 外賣仲要貴咗好多 (fxxdpxxdx)外賣要$60)呢隻雞應該老過我阿嫲 我嗌左阿華田但完全冇味似飲熱水多啲 應該係冇落奶 冇一樣野係可以接受 自問要求唔高 好失望可一不可再唔會再食

今日晏晝好肚餓想食啲肉。於是點左椒鹽豬扒飯外賣foodpanda。一打開個飯盒賣相吸引勁多肉，細心數過有6塊豬扒，每塊都好新鮮，豬扒口感軟林林，好惹味，牛肉丸淋淋好夜魅加上有好多蒜蓉、洋蔥和蔥花粒，略帶少少辣食落好開胃。

正記野食質素ok，一般茶餐廳質素，晚市小菜比較出色。但近排午市同下午茶時段去食過幾次，有幾個樓面會帶住隻藍手膠手套，但無論係傳菜、補餐具、拎飲筒同抹枱都係用依對手套，有次直頭見到倒垃圾都係依對手套做，全程無換過，唔好講肺炎時期，就算無肺炎咁樣做野法都好唔衛生。而且抹枱個塊布，坐咁耐見佢地抺咁耐都係同一條，無沖過水，咁可能枱本身污糟，一直用都無問題，但條布係會抺埋餐牌同坐個張椅，最慘係個兩個阿姐完全唔怕人睇到佢地咁做野，你一路食，佢一路帶住佢隻藍手袋做上邊個堆野，當你無到。唔知係唔係人問題，暫時未見到晚市個輪有依個問題，但無乜野應該唔會再幫襯。

經過街市看到人流不多 所以決定進去食個午餐，坐了卡位位置。樓頂的冷氣有點兒過大冷氣，但職員姐姐態度不好，說坐哪裡也是樣，喜歡就調位走吧。再看看桌子上的餐牌發現，只有幾款午餐可以選擇，沒有其他食物供應，不打緊吧。💥生炒骨菜飯 HKD$46💥黑椒汁雜扒飯 HKD$46💥茶走 | 熱茶蜜 HKD$0 (跟餐價)菜飯沒有茶飯，變了白飯而已，生炒骨醬汁味道有點酸，幸好肉質尚算腍身，但份量有點少。另外一款飯的賣相不太好，雞扒肉質不錯但豬扒太韌了。

日頭食過茶餐，夜晚經過見到人打冷，今晚做完gym朋友話好想食蟹🦀，天水圍冇咩打冷店，想試下呢間打冷，朋友事先打去問有冇蟹食，餐廳話可以自己買去加工，<1斤 $70呢間正記冰室喺正天瑞街市裡面，7:30pm左右好在仲有蟹買，買咗3隻三點蟹，1隻蟹乸2隻蟹公，接近1斤$60薑蔥炒蟹，新鮮即劏即煮即食，有蟹膏，好多蟹肉，咸香入味，鮮甜美味，想食蟹就即刻食到🦀，大滿足！另外叫咗碟椒鹽炒魷魚鬚，前所未見咁大件😳，份量多到3-4人食都夠，好香脆，少少椒鹽辣味粉調味白菜仔都係前所未見咁大條😯，夠腍，鑊氣勁，炒得非常惹味😋食到十成飽😌 人均消費只係$138😊

小心埋单有个带帽的男人，经常計多左錢！唔知系有心定冇意的呢？小菜的水準一般，而且服務態度不好，空調力度不足，食到滿身大汗，电视机也長期不開，裝假狗！揾甘多錢，好心就整改一下啦～

冇人煮飯食乜好 唔通又係食公仔麵 求其叫咗個外賣自取拎返屋企食 叫咗幾個餸 每個餸有送一碗飯 想補充一句 明明記得之前食過呢一間叫餸食飯 除咗有送一碗飯仲有一碗湯 但係唔知點解今次叫咗幾個餸反而冇湯送之前試過喺鋪頭入面叫餸食飯 係坐低食嗰一隻 每一碟份量都正常 都算大碟嘅 仲有一碗白飯同一碗湯 但係唔知點解外賣嘅份量就覺得比較少 而且仲要冇湯送 叫咗個椒鹽豆腐 本來應該好脆好香口 但係拎到返屋企打開個蓋已經唔脆 唔知係咪因為外賣用咗膠蓋焗住左啲熱力 腰果炒翠玉瓜豬肉 啲翠玉瓜可能炒得過熟 一啲都唔爽脆 唔知係咪因為外賣用咗膠蓋焗住左啲熱力 所以搞到翠玉瓜好似煮到過熟咁欖菜炒四季豆普普通通啦 但係都係覺得係鋪頭食好味啲 外賣好似味道好一般唯一比較易入口嘅係檸檬雞 起碼檸檬雞嘅雞仲係脆脆地 檸檬汁酸酸甜甜都幾開胃 所以我主力今次食檸檬雞 講真都幾失望嘅 每一個餸都要六十幾70幾蚊 估唔到佢嘅質素做外賣會變成咁 其實之所以叫呢一間外賣係因為食