正記冰室

營業中

休息中

原本約左屋企人5點幾係天瑞早食晚飯 但訂左個間餐廳佢地唔鐘意食 即時再係附近搵見到呢間冰室有位就入去 我地點左4 5 個小菜 再加個下午茶排骨炒河 食物上得算快 因為我地早 份量都ok 而且都係即叫即煮 熱辣辣雖然比新北江係貴少少 但坐得舒服d 餐廳內一位女侍應服務好好 係冰室茶餐廳而言係超罕見 佢會幫我地 見我地人多會share食 主動俾碟同碗你 仲要加落個大熱碗拎過黎 上菜又自動自覺上係無小朋友個邊 叫左幾個煲仔小食就不斷提你小心熱 我地埋單走佢都係好熱情 讚讚讚另外 佢下午茶做到6點鐘 見到隔離檯食西多士先$23連飲品 炸雞脾薯條連飲品$30 大大件 下次一定要食

呢間冰室好耐之前去過一次，感覺不太好，呢朝早再去，感覺一樣不太好😅啲位好迫，坐得不太舒服，另外啲侍應好趕時間咁，係咁摧你落單🤪係咁二立過張餐牌，都多選擇，價錢都唔貴👍🏻但當我仲睇緊餐牌果陣，侍應就係咁問你食乜，我都未望好晒張餐牌之際，見隔離食客點左吉列魚柳餐，賣相都好似幾得咁，所以就落單要吉魚🤪呢個餐賣相都算ok, 不過當切開個吉魚，就not good, 個炸漿皮太厚身，而魚柳唔太多，有外表無內涵😪

早幾天，已經去過正記冰室吃過晚餐，正正因為覺得他的食物都幾好食，所以今天媽媽和爸爸去了大陸，家中沒有人煮飯，我便去正記冰室吃一餐。~一開始的時候，侍應照舊送上一碗例湯。湯有豬肉味，不錯不錯。我叫了一碟媽媽平時都會煮的菜，就是欖菜四季豆。不過正記冰室煮的是欖菜肉鬆四季豆。本來欖菜四季豆已經覺得好好食，因為欖菜和四季豆的配搭已經覺得很夾。怎知原來加上肉鬆是更加好味的。更惹味。他的四季豆每一條都很翠綠，咬口爽脆。而且沒有草青味。肉鬆的份量都很足夠，肉鬆的口感有點兒像肉操飯的肉操。加上欖菜本身的味道。三者一起放入口，味道配搭得很好。我個人認為用來餸飯，簡直一流。整碗白飯都吃光了。我會再來，真心幾好食。

正記冰室的食物，好有鑊氣，正晚上去了朋友家玩遊戲，打機打到肚子餓了，所以我們便着鞋，到附近吃個晚餐。我們去了街市裏面的正記冰室。估不到正記冰室有很多人，所以我和朋友都等了幾分鐘，等侍應把枱子清潔好，我們才走進正記冰室裡。整體覺得正記冰室幾好味，煮出來的食物很熱，即叫即整，而且食物都很有鑊氣。本來還以為要去到大排檔才可以吃到有鑊氣的食物，但怎知原來正記冰室煮出來的食物，都有大排檔的質素。就好像我們叫了炸魷魚這一道菜，魷魚的外皮有炸粉包着，炸到外皮很脆口。魷魚裏面又煮到剛剛好熟，所以魷魚吃下去不會覺得很硬。而炸魷魚上面，又有一些炸蒜粒。直接夾起一條炸魷魚放入口吃，已經覺得幾好味。而他又給了一小碟的醬汁，酸酸的，鹹鹹的，將炸魷魚沾上這個醬汁，再吃下去，就好像將炸魷魚的味道變了另一種味道。由於醬汁酸酸的，所以本來炸的食物吃得多會有比較肥膩的感覺，但是我吃完一條又一條，都不太感到有肥膩感，所以我在猜想應該是這個醬汁令我的胃口好了吧。另外，每個菜有附送例湯。例湯，我覺得味道都可以的，湯裏面有湯渣，有粟米，又有紅蘿蔔。至於凍飲是我自己另外加錢的。因為凍飲不是跟餐送的。

話說晚上9點放工下班去買外賣，我入到去見到個應該老闆的人在包雞脾飯外賣，但個盒應該太細，佢蓋極都蓋唔到，然後有人行去收銀埋單（我一早企喺收銀，但諗住等佢忙完先落order)。咁有人埋單，我都俾佢埋咗先，但個人攞張一仟蚊出來，個所謂老闆就黑面。咁我見佢找完錢，放張一仟蚊入櫃，我咪落單囉～點知俾佢好無禮貌同晦氣咁話我。然後我當然取消order走人。其實你唔想做咪落閘囉～唔想收一仟蚊咪同客人講囉～做咩搵我出氣

我點嘅係「香辣生炒牛肉飯」，落單個呀姐好似唔識字十下十下咁! 返來張單寫住香辣「海鮮」炒飯，我即刻同個呀姐講，我叫嘅係「香辣生炒牛肉飯」！佢仲好似無問題咁話咪啱囉！我再指住張單俾佢睇，佢先問我叫左乜野！我話香辣生炒牛肉飯！佢即刻沖入廚房叫師傅改，我豎起耳仔聽住佢同廚房師傅講「生炒牛肉飯」，無左香辣！呀姐出來我問多佢一次，妳肯定無錯？佢話無，好！我知碟野來到換硬，到左啦，我食左一啖，就知呢碟係普通無辣嘅生炒牛飯，我再叫呀姐來，我話要換，佢就俾個好似係你換就小心會「加料」嘅面色我睇！我一來怕食多左野，二來怕麻煩到廚房師傅，我就唯有「焗食」、我明白一碟飯唔係賺我好多，但究竟由邊日開始，樓面出錯，要由個客來承受！我係客！點解叫A出錯左B, 我要焗食B..? 我睇諒你地係繁忙時段，但係你地有無諗過我焗食非自己要求食物嘅感受？講完！相中飯我食到一半，越食越燥先打呢篇野！咁嘅態度，食客自己judge去唔去！

今晚餐飯，食到成肚氣，叫唔辣雞煲，嚟個辣嘅，叫枝竹斑腩豆腐煲，嚟個枝竹豆卜斑腩煲，我九十幾歲無牙嘅爺爺需要食豆腐呢啲唔洗咬嘅，叫個伙記埋嚟，佢話可能廚房無豆腐所以會自己轉豆卜，我話你無嘅出聲嘛，我之前叫多汁，個煲一滴汁都無，仲好意思問我想點，更抵死嘅話俾茄汁我呀爺撈飯，我真係想x佢老味，以後都唔x嚟！垃圾員工！

下午茶時間到冰室打等。約4點左右。價錢不便宜。干炒牛河+凍飲都40幾蚊一份。另外叫左個炸雞翼+薯條 30幾蚊。可惜職員沒聽清楚下單。凍0茶走甜少冰變左少甜少冰。(因本人唔愛甜食)結果成杯無飲。晒左。態度唔系咁好。

放假瞓醒都十點幾，拿拿林去左街市呢間茶餐廳食早餐，因為順便系街市買料今晚煲個靚湯飲同玩煮飯仔😁本身想食鮮茄牛肉米線餐的，但店員話已經賣曬😯餐牌都有吾少其他選擇，諗左陣都系決定轉食火腿絲米線餐配太陽蛋飲熱奶茶。跟餐既太陽蛋雖然個賣相差d，但一邊煎得算幾脆口。牛油方包正正常常，無乜特別。火腿絲米線，湯底有少少味，清清地，火腿絲份量都算足，但米線就有點過腍啦，彈同爽口既感覺就欠左d。熱奶茶，質素都正常。成個餐共30蚊，價錢都合理😊

去朋友天水圍嘅屋企打幾圈，未打牌之前當然食番夠本，唔係邊有力打。為咗提高自己嘅士氣，我決定叫個咖哩牛腩飯嚟食，而且仲要求要加辣加辣再加辣，就係要辣到上腦，等自己嘅氣場夠強同埋更加殺氣騰騰，咁樣贏面先夠大！咖哩牛腩飯，好肯定呢一個咖哩係香港style，仲係好標準嘅茶記style，即係打厚芡果種，個咖哩汁唔算爆得好香口，而且啲咖哩粉仲未爆得勻，牛腩都唔係好淋，亦唔係好入味，唯一可以稱讚嘅就係分量算多，夠大兜， 而且因為我叫咗，加辣、加辣、再加辣 嘅關係底下，送飯就係超爽超一流！阿姐我幾辣都頂得起！食完兜咁辣嘅咖哩之後，阿姐士氣如虹，殺氣騰騰，決戰四方城 sure win！

男友突然話食下午茶。就去左呢到食。平時夜晚都有食過。反而下午茶未試過！叫左隻炸脾食。。都ok大隻。唔錯！入面都滑。唔好鞋朱古力夠味唔會淡但夜晚唔知係咪轉左廚師。無初初開鋪咁好食天水圍泥講。呢間算係好食

在這間冰室內我對午市精選的套餐不感興趣便叫了另一套餐牌的豬扒湯飯至少湯飯的保溫能力比套餐強這一鍋豬扒湯飯結構十分簡單就是1塊豬扒，2件西蘭花和湯飯湯的味道與茶餐廳例湯差不多有肉和瓜味豬扒挺大塊和鬆軟可惜不夠厚肉味道對部份人而言屬於偏淡西蘭花很硬幾乎沒有味道可言可能浸湯吃會更好可幸的是飯浸在湯中因為變得容易入口份量頗多的飯被浸軟所以吃完不算太飽同時有暖胃的感覺湯飯沒有附送飲品所以結帳時我只付38元吃完9成飽尚算抵食

因為好耐無食突然好想食正記冰室嘅咖哩牛腩，老公睇餐牌後叫咗招牌咖哩牛腩，最最最無諗過係會…明明叫咖哩牛腩返到屋企打開見到嘅係咖哩牛肉…簡直晴天霹靂😤極度影響我嘅晚餐心情況且我哋最最最憎食出面所有餐廳嘅牛肉，(乸)到冇晒肉味唔知食緊乜，我哋一定唔會叫，無奈地最終唯有只食d咖哩汁點知又喊又冇咖哩味勁失望

係旺角返到天水圍餓住個肚 所以就要去食宵夜聽日打八號風 所以要食宵夜 聽日就唔洗食野啦呢間冰室開24小時入到去都仲有唔少人食宵夜我就叫左個雙拼麵肉丁+豬排叫肉丁係因為覺得咁樣會入味d不過d肉丁就少左d但豬排就大大塊 而且煎得夠熱成碗麵都比到溫暖既感覺我飲埋杯凍檸茶 我覺得都ok飽啦40+3(凍飲) 呢個價算係咁天水圍無乜宵夜食 呢間冰室係個好選擇

從來未寫過食評，不過今次有感而發，今日老公收工收夜左，所以去左正記買野食，買左個椒鹽豬扒飯同凍奶茶，盛惠62蚊，翻到屋企一打開，飯超多，但豬扒得3小塊，仲要其中2塊係骨，老公嬲到震，迫於無奈用美極撈飯，實在太過份，如果真心做街坊生意，唔好咁衰，如果因為成本，咁就無咁大個頭就唔好戴咁大頂帽，學人開24小時啦！