正斗粥麵專家 (ELEMENTS圓方)

營業中

休息中

每天例行公事下午都去西九文化區逛逛，運動一下及呼吸新鮮空氣，近幾日天氣回暖更見不同種類花卉盛開🌻🌻回程期間决定今晚試這間名叫 "正斗"的廣東小館，當然是外賣而非堂食，翻了幾翻餐牌選了三款:小菜-滑蛋炒蝦仁豬手撈麵 銀芽肉絲炒麵等候時間十多分鐘，快速回家一嘗美味😋😋滑蛋炒蝦仁用中蝦賣相討好，蝦亦爽口彈牙，蛋炒得到位嫩滑鬆化，但咸味重了些美中不足🤗🤗銀芽肉絲炒麵麵餅仍脆卜卜和茨汁分盒載的好成果，餅量足二人份，味道則淡口一些🤗🤗豬手撈麵連另上大地魚清湯，湯畧咸，豬手不錯，味道適中及有口感，冧硬度中和，麵條亦無鹼水味，合格之😋😋性價比不能說太高，亦過関之選😏

假日晏晝，入Gulu 撳定掣食elements 正斗，去到好快有枱，幾方便。 叫咗個二人精選餐再加單點點心。二人餐 （ $ 388） 包一碟粉面，一碗粥，點心拼盤，青菜, 份量都幾多。點心拼盤 - 叉燒包、蝦餃、菜肉餃每樣兩件點心全部都做得唔錯，有質素。皮蛋瘦肉粥 - 粥夠棉、皮蛋幾好味，如果瘦肉量再多啲更好。可惜乾炒牛河火候差少少，油多了些。最後上嘅點心好好味，馬拉糕熱騰騰又鬆軟，流心奶黃包香噴噴。整體來說，點心做得唔錯，侍應有禮貌。

個吖姐幫我落錯單，仲要大大聲話我講錯🤬的服務態度差都算啦，咪食完就走咯！點知佢仲要拎住張單話我：你係咪講錯嘢吖？我當場笑左👍👍然后淨係答佢：你去改返啦，我唔同你嘈，我淨係想食碗麵咋🤬你話吖，邊有衰得咁緊要嘅人㗎！唔係我話你，人哋IFC間分店的服務態度同呢間，真係差天共地！

中高端嘅地方但係服務唔一定係好，今日我就嚟試咗依間，喺門口已經覺得侍應冇禮貌 ，攞位時對我前面個女士 呼呼喝喝， 叫停女士拍安心出行可以入舖頭🦍入到餐廳搵咗個位置坐，坐左應該都有三四分鐘，但係都冇人招呼，茶都冇，但係呢個鐘數兩點多，餐廳已經係非繁忙時間，見到兩個自己一個喺度傾計，一個喺度發呆叫咗個豬手麵，好細碗之餘仲要價錢非常貴， 湯味非常之濃，味道太重，感覺好多味精，豬手係炆到好好味，可惜 食完啲碗麵我都飲咗兩大杯水整體上 真係唔會再嚟第二次 但係喺圓方想食午餐選擇真係唔多🦍

最近都很少外出食飯今日中午約個朋友去食過午飯，但因為時間所限我們就選擇一些粥麵店來過午餐。這間粥麵店我覺得比較好食就是那個雲吞麵雲吞不大不小鮮蝦非常之彈牙湯底應該是大地魚而麵質方面有些少鹼水味整體來講都算不錯，乾炒牛河方面呢可以講算是恰到好處，醬油味非常之濃厚，還有蝦餃也非常好食，皮簿也很有彈性而餡非常之新鮮可以值得一試。

食物質素遠勝傳統酒樓，收費相對高，茶錢就$5一位，座位舒適，職員服務良好。南乳豬手撈麵$82，麵質幼細爽口，完全無梘水味，附有一碗清甜可口大地魚湯。🐷豬手色澤明亮，皮爽滑彈牙，軟腍入味。炸兩$50，超薄粉皮包住超脆油炸鬼👻，食落口卜卜聲，係我食過最好味、最新鮮嘅炸兩，必食之選。蟹籽燒賣$48，燒賣頂部有大量橘子色嘅蟹籽，豬肉肥瘦適中，外型及味道略為平凡。叉燒包$42，口感鬆軟，叉燒肥瘦適中，醬汁豐盈味濃，正👍👍。

•黃沙豬膶撈麵：呢隻黃沙豬膶超級爽脆，如果鍾意食爽脆嘅豬潤就一定要試，不過個面質地就爭左啲，何洪記個麵質會比較出色•薑蔥鯇魚皮：好耐冇食薑蔥魚皮，爽爽脆脆，醬汁已經同魚皮撈好，欠缺少少芥辣味，好懷念兒時係懷舊粥店嘅味道•薑粒炒芥蘭：芥蘭炒得好嫩綠和爽脆，仲好有甜味和薑汁的味道•炸兩：個腸粉都算夠滑，裏面嗰個油炸鬼算脆，不過最好即刻食凍咗會有少少硬

這店最好的地方是可以不用排隊。今天中午在門口攞飛排隊，然後有兩個人唔攞飛，直接入去企係我前面，之後服務員當我隱形，去招呼那兩個人。都唔知佢地放部排飛機喺門口做乜，只係裝飾品。服務差評！

環境. good企理乾淨 衛生 一般水杯疑似洗唔乾淨 有陣口水味食物 比上不足比下有餘蒜蓉炒芥蘭 火喉夠 味道足 價錢超貴 近百雲吞麵 有啲失望麵 唔夠爽脆 成配麵浸左落湯 冇用匙羹托住 好快淋哂 有啲失望 湯 色香味 足雲吞 一般 冇驚艷香辣京都炸醬麵麵ok la唔差 可以再脆身啲話辣 但一啲都唔辣conclusion呢個價錢 如果講食物價質素 係佐敦一定有更好選擇 但如果計埋環境舒適度 同衛生 咁正斗都係一個唔錯選擇其他唔似中式茶樓會主動比客人用熱水沖多次啲杯碟 如有需要請向員工索取

帶小朋友過九龍站睇港鐵展廊，見正斗唔駛點排，就用app拎飛，落車拎飛行到過去就有位2大1小坐卡位叫咗一個及第粥，一個皮蛋牛肉粥，一個炸兩，再追加一個細雲吞麵好快就有得食，老公的及第粥配料都好新鮮，加埋棉滑粥底，連阿仔都追住食我的皮蛋牛肉粥皮蛋甘香，牛肉軟滑～ 當然唔小得棉滑粥底～ keep住有米之蓮水準炸兩今次好失望淋晒，唔熱，得塊皮滑，而且仲有點油，平時食開唔係咁㗎嘛明明嚟親食粥，佢先係主菜，今次好失望呀另外叫嘅細雲吞麵就冇影到，老公自己食晒，佢話啲麵唔係好重鹼水，雲吞就重手咗，多胡椒粉味最後趕住睇展覽加阿仔扭計，快手埋單就走咗，睇完展覽老公話加晒價埋單3百幾蚊，冇理由貴咁多㗎！睇返張單原來計多咗個單拼粥好在未離開個商場啫，結果返返舖頭，佢地退返錢比我地囉記得check單呀！

我來這吃過五次以上，每次都是大片豬肝今天超級小片，我想服務人員誤解我的意思，跟我要點的有誤差，錯了也沒怪她，我請她加點豬肝讓我加在粥裡，她聽不懂中文，一直換了三位人員還聽不懂嗎？大嬸聽不懂就算了年輕妹妹也不懂意思，感覺很差勁，下午客人很少，也只來加過一次茶！

正斗我睇過好多唔同嘅介紹，讚既聲音多的是， 今日就等我呢個窮家仔會一會你入到去 餐廳嘅裝修真係 算唔錯， 侍應制服都同出面一般粉麵店 有天淵之別, 坐低一睇餐牌 一個字...貴……不過預咗我同朋友兩個人 揀咗兩個招牌菜 雲吞麵同埋乾炒牛河， 雲吞麵的麵好幼 都有彈性, 湯都幾鮮 雲吞就細細粒蝦都爽口, 乾炒牛河牛肉好多， 豉油都比較多， 正因如此 話明乾炒牛河 豉油多 自然唔夠乾身唔夠香但味道還算唔錯，總括嚟講 食物質素 未至於好超卓 但總算過得去 合格分數或以上, 但配合埋價錢 個人覺得唔值囉, 咁嘅價錢大把選擇, 兩款招牌菜雖然係合格, 但外面個別既普通舖頭 都會做得出畀佢優勝嘅 質素囉， 就算係質素平頭但 價錢上 肯定遠勝正斗， 我呢啲平民 都係食番平民價錢既舖頭好啲，名店唔啱我

今日下午放假約左好朋友去九龍站圓方睇戲，睇完戲我同好友都開始好肚餓，突然諗起呢個商場有間食粉麵好出名的餐廳叫做正斗，於是我地便急急腳行去揾呢間餐廳開餐喇！正斗鮮蝦雲吞麵（大碗）~麵質爽滑彈牙，鮮蝦雲吞食落好新鮮，湯汁好鮮甜，真是幾好食，我好朋友就叫左個干炒牛河~味道唔錯，牛肉肉質嫩滑，河粉炒得香口惹味！

Wonton noodles — good texture for both the noodles and the wontons, not mushy or too soft, broth was simple and standard, smaller portionGai lan — average, still a little crispy...what can I say it was gai lanHar gaw — skin was sticky, passShrimp rice wrap noodle — really sticky and mushy, pass

點咗幾碗雲吞麵同家人吃。啲麵好爽口味道還不錯。價錢比起其它貴但直得試。Ordered a few wonton noodles to eat with my family. The noodle was very good and cooked to just the right texture. Although portion size is small considering the price but definitely worth trying.