檀島咖啡餅店 (軒尼詩道)

營業中

休息中

周五放工比较早，想着吃点自己喜欢的comfort food，正好还在下午茶时间，点了一个番茄滑蛋餐肉菠萝包，同埋一杯牛奶红豆冰，去pickup。经过外面的橱窗望见banana pandan cake，啊下手了！就当是一次放纵的碳水开会~~！还会再来帮衬~~红豆冰就红豆冰咯，比较正常水准，但是这个菠萝包三明治真的是太好吃！！！我想，如果是堂食味道可能更好，因为我拎返屋企已经凉咗~但依然好吃😋！那个香蕉斑兰卷超意外，竟然好吃！！！质地非常细腻！！！总之呢这家就是外表包装普通平凡但质素都很不错的下午茶不二之选~

返工去到灣仔，走咗入一間舊式嘅茶餐廳，有一啲舊式嘅情懷，都係食佢哋嘅午餐套餐，叫咗個蒜蓉雞扒飯，蒜蓉汁都幾有蒜蓉味，但係橙色嘅汁只係落得太多食用色素。雞扒都幾軟熟，但係雞味就唔重，都會當自己食緊一舊肉，但係唔講唔會知係雞肉。個飯就偏硬，吾撈埋啲汁會比較難食，但係食得太多汁就會好唔健康。舊式嘅茶餐廳姐出名同埋最唔會中計應該都係熱奶茶，茶味幾香濃，花奶幾香滑，果然無論係任何天氣點都要飲熱奶茶，但係人就比較多，午餐時間預咗要同人搭枱

員工態度不友善， 食物質素一般。 沒了自由行風光不再，永遠不再幫襯，灣仔有其他更好的選擇。只係地理位置較方便不明白之前點解吟受歡迎， 10元一個蛋撻不如食bake house 。

蛋撻真係有料到，蛋餡很軟嫩彈彈下，有蛋香味又好滑口，酥皮係非常鬆脆，口感有層次，就算凍左少少都依舊好味。另外叫了常餐，香煎雞扒湯意粉同香煎蔥油豬扒撈丁，感覺就一般般，豬扒撈丁的確好香蔥味，撈起後乾濕程度適中，唔錯，但香煎雞扒湯意粉的雞扒過油，意粉非常淡味。冇叫較出名既奶茶，叫左檸茶同熱華田，但都有水準。環境有懷舊味道，份量我覺得偏細，但包點望落都覺得出色，下次想試菠蘿包，西多等等。待應態度一般，諗定諗齊晒叫咩先好嗌。

今日中午近近地，去左公司5分鐘腳程嘅檀島咖啡餅店，諗住老字號食店實無死啦，但呢個世界永遠存在反差，我以為唔會失手嘅常餐居然真係失手，既淡而無味，份量亦唔多，反而餐包同杯奶茶就幾好食/飲；但作為主食嘅嗰碗麵一失手，成份常餐即刻黯然失色......環境方面，係一間正常茶記會有嘅格局，(當日)侍應清一色係男人，語氣比較大聲同粗魯，但勝在點餐服務十分之迅速，送餐時間亦十分之快捷，呢兩點算係加分左少少。整體嚟講，常餐就真係唔推介，建議大家去呢間餐廳可以試下佢常餐以外嘅食物，再喺度交流下食評啦~

檀島咖啡餅店（灣仔）📍：灣仔軒尼詩道176-178號地下及閣樓🚗：灣仔地鐵A1出口 步行5分鐘📞：+852 2575-1823💲：~HKD50/head for high teaFood quality❌：蛋撻、奶茶、炸吞拿魚多士配沙律、燒脾配薯條總結：👍🏼員工都預咗服務唔友善 但比想像中nice都值得一讚嘅👎🏼係一間諗住靠食老本過世嘅茶餐廳🤮👎🏼連最出名嘅蛋撻都做唔到奶香 酥皮唔夠脆就知中伏👎🏼更加唔駛講話其他下午茶餐 雖則唔係難食 但以佢名氣 會expect更多👎🏼嗰燒脾仲黑過黑人🤯👎🏼奶茶不過不失 茶香唔夠 但又唔係難飲嘅

一直很想試傳統拿破崙餅，好奇與新式既拿破崙有什麼大不同(*≧▽≦)事源同事提起檀島咖啡餅店有售賣傳統拿破崙餅，喜歡懷舊野、為食力強勁既吃貨當然馬上發揮行動力，來光顧試一試味道如何 ≧ω≦傳統拿破崙餅 HKD$12 💛💛💛💛小女子並非當天食用，但蛋白餅仍然非常鬆化、好味٩(●˙▿˙●)۶…⋆ฺ核桃數量多，增加口感，整體份量大件，總共做了四層，性價比較高！由於小女子第一次享用傳統拿破崙餅，無法比較，不過檀島既拿破崙酥皮比較硬身之餘帶點脆，質感比較似「曲奇皮」，傳統牛油忌廉也很Creamy ｡^‿^｡不過小女子更喜歡新式既拿破崙酥皮既質感，因為酥皮更脆身，傳統版較油膩一點點Σ( ° △ °|||)新式則有生果，感覺冇咁Heavy ´･ᴗ･`傳統拿破崙餅都很好味，有機會都會再次Encore v(￣︶￣)y——————————————————

檀島餐廳，一間老字號的茶餐廳，今天因要在會展辨事，一大清早到檀島卻讓我大失所望，一個早餐巳吃到此餐廳的態度，是極度食老本的老店，毫不長進。熱吃最怕是涼，麵軟泡得發賬湯凉像浸了湯最少十分鐘，煎蛋也是凉，唯一還可可取的就是奶茶。除了這可說一無是處，服務也差，八點半應是早餐的黄金時間，大堂待應也只得一人，幸好顧客不多。這就像市內大部份茶餐廳甚麼也有吃，但甚麽也不好吃，就像一間沒靈魂的茶餐廳。

據聞這裹拿破崙不錯，但不是我杯茶，夾着蛋糕的不是酥皮層，而是牛油cookies 餅，我只覺得很飽肚 … … 無其他 comments 了。酥皮蛋撻，蛋撻蛋漿係滑，但蛋味欠棒。凍奶茶，朋友說奶多咗，應該熱奶茶會較好。凍檸茶（走甜），茶味不錯 👍🏻。

第一份工就係檀島隔離大廈,所以成日去食早餐,LUNCH。轉左工之後都好少去啦!今朝去稅局搞文件, 見時間仲係好早, 所以去檀島食個靚早餐。餐廳係灣仔站, 行大約3-4分鐘到, 好方便。我點了 : A餐 : 牛油餐包, 炒蛋, 牛餐肉公仔面配奶茶炒蛋份量大, 餐包熱辣辣加上已溶的牛油, 唔錯牛餐肉公仔面味道正常最主要我係個杯奶茶, 茶濃奶香, 好滑。餐廳無大裝修過,可能差不多過早餐時間, 所以人流唔多,一下子回憶番晒黎啦!

灣仔一向食肆林立選擇多，不愁揾唔到食。好耐之前黎過檀島飲奶茶食蛋撻，印象中覺得奶茶係唔錯， 但估唔到多年後再黎 ， 質素下降左。咖啡同奶茶都有啲酸，質素比普通茶餐廳差。👎👎👎米粉無咩味😂😂😂，吉列豬扒略嫌油左啲，但都香脆可口。香煎葱油雞扒撈丁麵，雞扒煎到個皮都脆， 但個撈麵就麻麻地。另外加左$8蚊要左個呑拿魚奄列，好後悔，不是我杯茶。😔😔😔不過值得一提係店員既服務態度都好好，希望食物質素會改善。

尋日係菲林明道巴士站等巴士，睇下個app要成十幾分鐘先有車，咁啱隔離有間檀島，個玻璃櫃d糕餅好似好吸引，我就打開openrice, 睇睇邊樣野最值得買。我買左1件叉燒酥，2 件拿破崙。件叉燒酥係巴士食左，冇影到相，但可以話係冇乜驚喜，平平冇奇，個皮好厚，叉燒唔多，成$13 件都幾貴。2 件拿破崙拎左返屋企，第二朝先食。我冇擺落雪櫃，只放室温食物盒內，食落都仲好鬆脆，整體來說好好味，唔太甜，$12一件，都頗大件，食半件都已有d飽，可以encore。

我個朋友話要食涼瓜火腩飯，我真係唔知喺邊度買，唯有試吓呢間老字號嘅茶餐廳╮(╯▽╰)╭其實呢間茶餐廳喺灣仔已經好耐，但係我都冇乜點幫襯過，極其量都只係試過佢哋嘅菠蘿包啊雞尾包咁。都係果句啦，疫情關係間舖頭裏面冇乜人。不過店員態度好好，又招呼我坐又叫我等吓。不過我發覺佢哋個冷氣機滴水 ಠ_ಠ個飯嘅份量好多，啲汁好重味，偏咸。亦食得出個火腩其實係隔夜嘅燒肉，不過都唔係太差嘅。佢哋而家做緊外賣八折，其實算係平㗎！或者我下次可以炒番個粉面飯，俾多次機會佢。

話說公司有一個老同事光榮退休, 咁佢本身都好關照同事們, 所以大家都好不捨得佢嘅離開, 不過到左最後一個工作日, 大家都好有感觸, 而佢對我地最後嘅照顧就係買左10個檀島嘅蛋撻比我地食了就咁睇個包裝盒都好有一種細個樓下港式茶餐廳連西餅部嘅情懷, 佢嘅其他分店我就冇咩機會試下, 主要都係食灣仔呢間咁檀島嘅蛋撻就只係得酥皮, 張相實情係經過4個小時之後先影, 但就張相黎睇, 佢嘅酥皮一層一層, 厚重, 脆口, 唔會因為放得耐而滲出油膉味, 不過我今次忘記影個撻底, 想話比大家知連張蛋撻紙都係冇油跡, 我都唔知道呢度嘅老師傅有咩秘方可以令到d 蛋撻放左咁耐都重係脆口, 香滑咬開就會見到蛋撻漿填滿整個撻皮, 蛋撻漿嘅味道比一般奶油皮嘅蛋撻為重, 而口感對比坊間蛋撻算比較實在, 味道都係比較甜, 而酥皮就厚, 鬆, 脆, 而比較乾身, 老實講, 如果食呢度嘅蛋撻, 絕對係要加番杯熱奶茶先得今餐就有人請, 此情無價btw, 蛋撻1個10蚊

經過灣仔，見到呢間茶餐廳好似係幾出名，就去揾下食。🐒拿破崙💰$14張相只係show左一半，佢14蚊都好大舊，d皮放左一日都好鬆化，忌廉同皮既比例一啖食落都好好味，仲有d合桃，大家都好融洽🤪。我見仲有其他野食都好吸引，但係就無試到，不過蛋撻好似都幾貴，細細件都好似要10蚊，我呢d小資女都係覺得呢件拿破崙抵食啲🤣。評分：🌕🌕🌕🌗好味：🌕🌕🌕🌕性價比：🌕🌕🌕🌗