橫濱麵大將

營業中

休息中

晚餐去了food Court搵嘢食，見到好多人食麵大將的拉麵，於是就決定試下！我地點了一個豬骨濃湯拉麵以及咖喱炸豬扒飯。豬骨濃湯拉麵 $50拉麵很入味，湯底味道很濃郁，拉麵的質地剛剛好不會太淋，半熟蛋非常好吃😋而且麵條及肉的份量都足夠！咖喱炸豬扒飯 $58豬扒飯的咖喱很香，炸豬扒口感很脆！而且套餐配一個麵豉湯及飲品。飯的份量也很多，又有一小碟的菜，不會只有肉。而且呢個價錢食到唔伏的日本野，絕對係抵食！

相信鍾意食拉麵嘅人越來越多禁止不然對拉麵嘅要求亦都相應咁提高太古城food court已經坐落左好多年而且面大將通常都係food court嘅其中一個日式拉麵店雖然我成日都會去食但係其實對佢哋啲拉麵都係有一定嘅保留相信大家都會試過其他正宗嘅日式拉麵店其實咁樣相比之下佢呢度嘅拉麵都算係中級唯一比較值得去試就係價錢方面$50包拉麵同埋一個細嘅飯絕對係夠飽先如果自問自己唔係對拉麵好有要求嘅話呢一間絕對可以令你過癮唯一希望就係可以每個餐都包埋嘢飲咁就好少少

There are 12 sets here which cost only $5x. In these sets, there will be a main and a small rice. For the main, your choice can be ramen, soba or even hiyashi chuka. While your rice can be bbq pork rice, eel rice or tempura rice.I have to be honest that the quality of ramen isn’t that high. The ingredients’ portion is very small as well. Only 1 slide of cha siu and half egg. Ramen noodles is of normal quality. The rice i usually choose is cha siu rice. It’s pretty fine, they use Japanese cha siu

當你系太古城行街行到攰 又唔想捱貴食呢個mini food court 一定可以滿足你湯底夠濃 但食飽唔會頸渴 ok ga!有兩大塊肉 都幾飽嫁😋溏心蛋 亦都煮得唔錯 個飯都算料多嫁 😂

小弟星期日晚冇煮飯，一家人去apita嘅food court食晚飯，我就食烏東，老婆離遠見到間麵舖有鰻魚飯，叫我去買，行到埋去先見到佢成90蚊一個食，我心念，和民，都係好似差唔多價錢，香港啲鰻魚10居其9都係大陸，高質嘅可能係台灣，但我唔信呢間會係。鰻魚最緊要熱烤就好食，如果唔係貴嘢，一般都係用街買嘅鰻魚汁就算。apita就有日本鰻魚汁賣。但係呢間嘢就一般，唔覺佢有烤，其實求奇揾枝火鎗啡吓，就夠哂香，一般去元氣寿司都係咁做。我覺得佢嘅鰻魚飯只值65蚊。定食有嘢飲，我話要奶茶，佢話得零茶零水。即刻冇隱，叫佢比多杯水，佢話每人得一杯，一係嘢飲一係水! 去到呢度，我好希望有第二間嘢頂佢個位。

趕時間而來到Food court發覺這類全是學生價錢平民 所以一試$50 來說食物份量夠豚肉拉麵配炸蝦天婦羅 熱(暖)茶但食完較為口渴而我自己比較喜歡這碗拉麵上的葱是煎過的，很惹味

$50 的一個拉麵再配有一個細飯。一個正常食量既女仔絕對會食得好飽。最好食絕對係豬骨白湯底既拉麵。個湯底好濃。有蛋有叉燒。細飯有好幾個choices，天婦羅，饅魚， 同埋豚肉. 再包一杯熱茶。總之$50黎講絕對好值。之前亦都試過豉油湯底拉麵，豉油湯底就完全比吾上豬骨湯底。有啲普通。個味吾夠濃。等待時間亦OK. 大約10分鐘。唯一問題係，食lunch時間如果人多搵位吾容易。tea time 黎講又太大份，兩個人share岩岩好

星期六大概1點幾, 本身唸住係太古中心吉之島食日式餐廳, 點知實在太多太多人了, 去幾間都要等位, 無奈之下去左中心food court, 好彩仲有空位。😭 揀左一間專門食拉麵的。麵大將set 餐都幾特別, 有大碗拉麵跟細碗特色飯同熱茶🍵。 先係food court 收銀比左＄先, 之後等叫號碼。豬骨湯底熱辣辣, 乳白色好吸引！味道幾香濃, 拉麵粗幼適中。👍🏻唐心蛋整得好靚, 蛋槳半熟狀態！跟餐細鰻魚飯味道都ok, 可以過下口忍, 最後再飲埋杯茶, 好飽！ 味道如名, 真係蟹加味噌湯!😂e碗散叫, 有杯茶送。e間拉麵係food court離講算幾好, 味道好、大大碗又熱辣辣！價錢$50一個set 餐幾抵食！

第一次黎呢個food court, 佢係 Apita B1。個food court有六間餐廳選擇，大部份都係日式餐廳。我見麵大將有蕎麥麵。因為減緊，肥蕎麥麵好似健康啲😆 佢其實有好多個餐嘅選擇，有飯類，拉麵，烏冬，麵配細飯，仲可以追加唔同小食(大概$10至＄30)。一個餐大概$50至＄70。我揀咗蕎麥麵配鰻魚飯有一杯綠茶，＄50。我覺得個蕎麥面有啲清淡，啱晒我減肥😆 佢上面仲有啲昆布，都算有心思。鰻魚飯味道唔錯，好多汁~

香港「十八區」裡面的各大商場美食廣場，美食廣場除了一般的港式餐廳之外，其實也不乏亞洲國家風格食店，例如日本菜、韓國菜跟泰國菜。只是一般美食廣場裡面食品的定價，都會低於坊間食店的售價，所以美食廣場裡面的日本菜餐廳，會給人一個強烈的錯覺，就是美食廣場的平價日本菜食品，味道都可能比坊間獨立食店的為之差。事實上，美食廣場裡面的日本拉麵餐廳，食客對於享用那些日本餐廳的拉麵或定食食品，或許會抱着一種懷疑態度，至少不敢喝掉那些食店拉麵剩下的湯底。今次我就選擇了在「星期日拉麵時間」的下午，光顧位於「太古城中心」地庫美食廣場的日本拉麵店，拉麵店的名稱就叫做「橫濱麵大將」。雖然這間「太古城」食店是開設在廣場的地庫裡頭，但是因為美食廣場裡面的食客人流不少，所以無礙光顧太古「橫濱麵大將」的顧客人數，以及「橫濱麵大將」拉麵食品的質素。不過值得一提的，就是太古「橫濱麵大將」的餐牌裡面，其實不單止有「拉麵」供應，甚至有提供一般日式咖喱飯，或者日本的洋食跟和風定食，感覺有點像「札幌MXXo No.1&辛味屋」。最重要的是，由於「橫濱麵大將」食店設於「太古城中心」內的美食廣場的關係，所以「橫濱麵大將」大部分的拉麵、烏冬

同女朋友喺太古行完街就去到附近嘅Apita food court食拉麵，我揀咗個味增湯拉麵定食，套餐包括一碗拉麵一碗迷你叉燒飯加杯熱茶，價錢都係50蚊，非常抵食。味噌湯底夠濃郁，叉燒口感ok，仲有半隻入曬味嘅糖心蛋，麵質夠彈牙。迷你叉燒飯味道都唔錯，食完呢個定食已經夠飽，呢度係我食過最抵而又有番咁上下質素嘅拉麵店。

喺Apita food court 搵到又一新寵，$50晚市竟然都有飯有拉麵🍜，仲加杯熱茶抵到爛！豬骨拉麵湯底都幾濃厚，而且隻蛋夠哂入味！最正係爆香哂嘅葱花，簡直係畫龍點睛、錦上添花！迷你叉燒飯啲叉燒就乾左少少，不過味道幾夠 ！估唔到太古都仲有咁平咁正嘅晚餐！

作為一個對拉麵好有興趣嘅學生，又正直面對經濟有限制咁情況之下想食一個頗為好嘅拉麵都有困難但係麵大將佢位於太古城嘅food court.,雖然food court 啲嘢食質素都唔係太好但係佢呢間舖都出乎意料地好首先價錢唔貴算係合理大約＄50就可以有一大碗拉麵咁嘅價錢同味千相比之下味千份量細好多你一間雖然價錢屬於中等但係份量都好多今次嗌左個香辣豬骨濃湯拉麵首先佢啲叉燒同一欄真係有得費都係半肥瘦而且食落口一啲都唔肥膩之後到啲麵質絕對媲味千啦好好多佢係屬於一種比較優勢嘅拉麵所以都有啲嚼頭。分量來講大約有一餅半面底所以都唔怕會唔飽至於重頭戲嘅主角湯底都係好濃同埋都有啲辣但係佢就唔會辣到好頸渴反而係香濃嘅豬骨湯中帶少少辣，的確幾回味無窮整體上價錢同食物嘅質素都物有所值如果冇乜錢嘅情況下想食啲比較正宗小小嘅拉麵店，麵大將都係一個幾唔錯嘅選擇

Food court 入面的日式料理，老闆好似是日本人，今次食他的午市套餐，叉燒豬骨湯拉麵套餐（配細鰻魚飯）外賣，非常細心，將湯和拉麵分碗放，湯底做得不錯，拉麵配料都豐富，還有有半隻溫泉蛋，但蛋一般，鰻魚飯，鰻魚份量都算多。

窮L遊太古，又係food court時間。呢個午餐set只係50大蚊，有面有飯有杯茶，平時食個拉面都唔止，今次連埋飯喎，唔試對唔住自己啦。一上黎幾有睇頭，賣相唔比一百幾十一碗既拉面差，而且仲有個飯，抵！湯底白滑潤口唔死咸，呢個價講比你知唔係溝出黎你都唔信，但味道和口感都唔差，絕對比「味精拉面」好。麵質出奇地爽滑彈牙，我估係撞手神，呢個呀姐咁岩做得好。個蛋出奇地極之好味，溏心滑溜，蛋白亦唔鞋，絕對不輸貴價拉面。唔肥亦唔鞋，問你死未！快餐都咁出色，相信都係撞手神。咁我都幾好彩下。正常出品，冇特別，鰻魚係鰻魚味咁囉。總括來說，十分滿意，估唔到$50有咁高水準。抵到爛。