橫濱麵大將

營業中

休息中

Lunch一個人行咗嚟太古城中心Apita嘅「麵大將」食拉麵。未到煩忙時間food court易搵位，我點咗碗鹽湯拉麵。碗拉麵一上枱，鹽湯嘅香味已經撲鼻而來，叉燒肥瘦啱啱好，入口即化，估唔到！👍麵條軟硬適中，咬落去有彈性，仲有半隻蛋添，整體口感好豐富。😋不過湯底略為鹹咗少少，如果淡返啲就perfect喇。下次有機會會再嚟試吓其他款式！👍

再次嚟到太古城中心食嘢….試埋Apita Eatery 嘅其他舖頭🤪🤪…今次揀咗一入門口左手邊第一間嘅餐廳….依間日式拉麵舖頭係早兩日嚟嘅時候都已經好多人order….趁今日早少少落到嚟…一於試吓依間餐廳😋😋🐾炸雞醬油拉麵🍗🍜以醬油做湯底…搭配juicy嘅炸雞塊…拉麵麵條彈牙…亦非常吸收湯汁…. 雖然炸雞塊外層唔鬆脆…有少少靭….但肉質尚算嫩滑…配以半熟蛋….海帶…荀乾…口感層次都幾豐富….☺️☺️

麵店在Apita Eatery 內的第一檔。點了肉眼牛扒丼定食 （$90）和 味噌湯拉麵（$54）肉眼牛扒丼定食有味噌湯，沙律(芝麻醬生粟米)，綠茶。湯夠熱，沙律ok，牛扒味道ok，大概8-9成熟有些韌，但不算太差，汁偏甜，不過不失。味噌湯拉麵拉麵份量適中，麵質ok算不錯，味噌湯夠味，兩片豚肉不算肥，味道ok就像燒肉，溏心蛋ok。整體ok，對得起這個價。

Tried this resto at the Apita Eatery Food Court with my sis after my medical appointment. .I ordered Pork Soup Ramen, while my sis got Zabu Soba with Salmon Mini Rice. The Pork Soup Ramen came with Japanese style charsiu and soft boiled egg. The broth was rich yet a bit oily. The pork was savoury and finely portioned. The soft boiled egg had a runny egg yolk, elevating its attractiveness. The Zabu Soba was cool and refreshing, making it an appetising dish during the hot weather. The seaweed on t

星期六下晝，同侄仔補完英文就去太古城搵食。呢日人頭湧湧，應該好難搵位，於是去咗一定有位嘅Apita Eatery。今次試新野，黎咗橫濱麵大將。侄仔青春期，緊係要食大份啲，佢要咗滑蛋牛肉飯定食($62)。呢個餐有一大碗飯、一杯冇水味嘅凍綠茶、一碗味噌湯同一兜得幾塊菜的沙律。侄仔食完又冇話難食，又冇話唔飽嘅。我就要咗味噌湯拉麵同迷你三文魚飯($58)。個味噌湯湯底就真係咸咗少少，只適合重口味的人，麵質就好淋好港式風味。跟餐都係奉送一杯水味嘅熱綠茶。本人覺得，橫濱麵大將可以考慮改名做「香港麵大將」，會更加吸引街坊～～

趕著上堂，只好匆匆醫肚。這個Apita 鄰近的food court，有很多選擇，比較抵食算是這一間。手延烏冬配迷理飯，送綠茶，凍的要特別提出，否則送熱茶。朋友說烏冬軟硬適中，但餸較少只有幾片魚蛋及紫菜，而迷理飯則較多肉。正宗博多明太子拉麵，明太子鮮味濃郁不會太咸太辣，配拉面很惹味，但分量略少，男士可能不夠飽，可能要加小食。温馨提示，點餐後要去出面中央收銀處付錢，再回來取餐。

要落單時明明入面3個人都無人理，試過唔止一次3點幾4點去食會同你講廚房清潔緊落唔到單或要遲半個鍾？咁得意，紅日中午先清潔？唔係收舖先做？定咁勤力一日清潔兩次？寧願唔做生意？

自從food court 搬咗成個food court都少人咗，一個人都食得好自在。我好鐘意又食飯又食麵，所以哩間係同場嘅不二之選。Food court 係採取先去餐廳落單，後去收銀處俾錢，再番埋位等，到取餐嘅時候要出示番張單。應該係common sense 嚟總之無人會同你講要點做。拉麵啲麵質同個湯底以哩個價嚟講無咩投訴，食落無望落咁油，啲蔥似係炒過所以特別香，蛋係流心蛋嚟。但係塊紫菜真係扣哂分，由佢通知我有得拎到我真係拎到三十秒都無塊紫菜都已經淋哂，叉燒得一片，杯飯⋯我都真係無見過咁嘅size嘅碗，應該係驚我血糖高。間餐廳聲稱用日本米，我叫咗三文魚飯，整體食起上嚟有啲似飯團嘅味。整體份糧偏少，女士可能可以，男士就應該唔係好夠飽喇。

太古城呢個food court好多嘢揀，好幾間都係食日本嘢，選擇困難症完全發作。經過一輪深思熟慮，決定食呢個吉列豬扒天津飯定食。選擇嘅原因因為又想食吉列豬扒，又想食蛋包飯，所以呢個定食就一次過滿足左我嘅兩個願望。可能因為即叫即做嘅關係，等嘅時間都比其他拉麵或者烏冬等湯麵類別耐。豬扒送到嘅時候仲酥脆，但係塊肉比較薄，鋪喺面上面嘅蛋都缺乏蛋香。整體而言，味道其實一般，但係價錢相宜，而且大大份，飽足成個下晝。

This ramen restaurant is always recommended because of the cheap price with good quality food. After the renovation of Apita food court, it serves more options.First time trying its seasonal recommendation, dumplings ramen in miso soup, costs hkd 56. Sadly, soup was oily and couldn't taste miso😢. Wrapping of the dumplings were thick and the stuffing was very little. I only had one out of 4. Just disappointing. Food wasn't bad here as it was still nice when I ordered pork cartilage ramen and the

今日嚟到Apita food court, 決定試吓好少食嘅麵大將。因為見到food court入邊好多人都食拉麵，而我都好耐冇食日式拉麵啦。過到去counter，發現都好多款式揀，有點兒眼花撩亂。但都係決定食比較傳統嘅豬骨湯底拉麵。管理叫咗個叉燒豬骨湯底拉麵（好似係咁嘅名），後來發現原來有個豬骨湯底拉麵定食仲比較抵食，會跟埋一個細飯同清茶，都係$54，所以就改咗叫定食，要個細嘅鰻魚飯。先試食鰻魚飯，我真係有啲喜出望外。雖然好細個返，鰻魚都係細細粒咁，但係啲鰻魚就煎得好香，嗰邊仲有少少脆同燶燶哋咁，我鍾意。 鰻魚本身都好香軟。啲珍珠飯就比較普通， 不過$54有咁好食嘅鰻魚都已經抵晒。然後到個拉麵， Overall嚟講都滿意嘅。啲面嘅質地都幾好咬口，唔係嗰啲超平嘅渣面。另外個叉燒都幾大塊，同埋俾喺某啲餐廳嚟講都算厚。呢個拉麵我最鍾意嘅係個糖心蛋，做得啱啱好， 要俾個Good佢。呢個定食$54嚟講真係超級抵食。

夏日炎炎緊係要食返啲凍冰冰既野消下暑～一向都好鍾意食麵大將既中華冷麵，佢地啲麵既質地係我食過最好味既一間👍🏻👍🏻 中華冷麵（$66）其實本身啲配料放得好靚，但我整亂晒先記得要影相😂就咁睇好似好細碗，其實分量都唔少！個冷麵汁比平時食既偏酸同較濃，連埋青瓜、番茄呢啲咁fresh既配料一齊食又幾夾。 佢個冷麵超好味，咬落口十分彈牙，而且麵質偏硬，夏天一定要黎食下，強烈推薦！！！不過就無跟飲品，得杯熱茶，食冷麵我都係鍾意面凍飲多啲～

Lunch time 太古城Apita foodcourt成日都好多人排隊，好難搵位。今日晏d去食lunch所以可以直入唔洗排隊。Apita food court有唔同食店揀，我好想食拉面就諗住試下麵大將。佢地店舖門面其實唔太吸引同唔起眼，感覺個拉面可能會伏伏地但見有豬骨湯底（我最愛）便試下。點知食落去發現個豬軟骨好林同入味，拉面既texture都係我鐘意個種，有彈性得黎又林林地，白豬骨湯底都好飲，仲有半隻唐心蛋加送一杯熱茶。讚

今日同朋友過左離太古城中心九行街😆 係太古城既野食基本上都偏貴，好基先搵到啲平既野食，為左慳住我既銀包，今次過左離food court食依間日本拉麵😚👍🏻 都只係$50幾蚊，有成個月set嫁啦😍 依家因為疫情關係，餐廳門口有職員幫我地排隊，唔洗自己搵位反而方便左😍👍🏻💕我就叫左個晏晝既拉麵lunch set😉份量幾多，仲有杯野飲，算係幾抵食，太古城又想食日本野既平價首選離😛🍣推薦！💕

香港哋食拉麵好多都要過百蚊，當然都有啲三四十蚊嘅，但嗰啲所謂嘅拉麵食落就知同正宗拉麵有好大分別（大到根本就唔應該叫拉麵）。太古呢間麵大將嘅拉麵餐賣$52（我揀咗醬油拉麵），有埋一碗迷你size嘅飯，而且啲拉麵雖則唔算正統，至少口感上夠煙韌彈牙，湯底夠味甚至有少少鹹得濟。性價比嚟講算係幾唔錯嘅選擇之一。雖然個飯真係幾細碗，不過起碼可以過下口癮，我揀海鰻飯都真係有幾塊細細塊嘅鰻魚喺面，唔會少到得一兩粒咁，以呢個價位算幾好㗎喇～