橋香園雲南過橋米線

營業中

休息中

之前已經幫趁過一次, 其實整體上我覺得同南記差不多,不過南記好似大碗d, 平d, 飽肚d, 佢既酸菜好味過呢到.不過唯一唔好係南記肥膩d.呢到我今次叫左黑木耳, 腐竹同牛展, 中辣米線。牛展好新鮮, 我平時好少會叫的, 因為向南記食過一次, 唔係咁好食。呢到既牛展切得厚少少.黑木耳好少地方食到, 雖然係平(cost), 但係係一種有益食品, 平時食得肉多可以間中黎食下, 清一清個胃 腐竹加落d 辣辣地既湯底幾時都係咁好味的.缺點係今日d 酸菜個味好怪, 似乎浸得酸醋太耐, 個味好假, 有待改善。 當時我係12點10分到都仲有好多位. 但係起菜慢, 一到12點半d 人係咁黎, 開始迫勒, 所以我都好快手咁食完就走左law總結: 其實33 蚊一碗我覺得貴左少少. 因為無我想像中咁好食

呢間過橋米線食過一次之後, 都返黎再幫親過多次. 本身自己唔食辣, 所以只能夠試清湯底. 個清湯底真係好得, 有點甜味. 個人覺得好過譚仔記.不過佢米線份量就比較小. 所以對我呢講有小小唔飽的感覺, 尤其是當晚飯的時侯.我曾經試過菜心, 墨魚丸, 腩肉, 豬頸肉, 雞翼, 肉筋條. 只有雞翼老左小小. 反而腩肉, 豬頸肉就相當出色, 因為佢係瘦的. 一 D 都唔肥.配菜都失色左小小, 我覺得唔夠多. 呢方面譚仔記就好 D 啦.環境就相當狹窄, 坐得唔係太舒服. 但整體呢講, 碗米線已經交足功課, 如果唔係, 我又點會再返黎幫親呢?

鋪仔細細午飯時間真係密不透風坐低食既話都幾辛苦下所以次次黎都係買外賣穩陣呢度d米線就算買外賣都唔會好諗湯底有清湯、酸辣、大中小勁辣、大中小麻辣、同埋撈米線我就幾種辣都試過啦就算大辣都唔會好辣食得辣既放心叫啦麻辣其實同普通辣差一樣不過就再加多左d麻辣粉o個類野(一時之間唔記得叫咩名)食過咁多種都係中麻最正酸酸地辣辣地又帶小許麻的感覺又唔會太咸至於配料真係要揀黎叫唔係樣樣都掂首選:蘿白、肉筋條、炸醬、海龍次選:腩肉、豬頸肉、牛展、腐竹其他我就覺得麻麻地啦係中環3個餸$33包一杯豆槳仲要係獨市生意都算幾好啦

2008-12-22兩支公，諗住呢o的放假高峰期可以去蓮香樓碰o下運氣，但都係俾o的退休人士或者唔知幾時放lunch o既人屈晒機好彩唔係一大班人o黎，座位超少，我o地都係縮埋一角$29 兩食送，$33 三食送？款式唔多亦只係大路，勝在有冷熱豆漿咁囉要了腩肉同豬腸，兩者o既量似乎都算少喇……要了清湯又真係幾淡口……又無譚仔o的腐皮，我都係鍾意後者多o的o喇……絕不刻意下次

當1個人食lunch既時候,就不其然想嚟呢度...愛~佢個湯底酸酸味味,真係好好味(可隨意+唔+辣),米線唔太淋,配料都算多(芽菜,9菜,咸酸菜),份量ok,配埋豆漿$33(3餸),中環區好ok架喇~恨~佢呢度lunch真係勁勁勁勁迫人,張圓枱1邊泊埋牆,其餘要坐5個人,食野大d動作都唔得,如果唔好彩坐著走廊位,唔'挺胸收腹'食都幾難...

十二月五日(星期五)同老公仔到此小店吃lunch我要了豆腐卜,肉根條,菜心,小辣老公仔要了豆腐卜,豬腸,豬腩肉,小辣米線大碗,而且小辣,適宜冬天吃湯底帶點酸,不錯,與米線很match,而且有豆漿送!33元一碗算抵吃

九月十八日(星期四)同老公仔說好了今日的lucnh到這裡吃米線呢!今日遲了些所以要等一會才有位!...雖然位子比較迫,但是都算好吃,所以都值得呢我今次吃了豆卜,貢丸和菜心配米線小辣豆卜厚厚的,多豆腐!貢丸只得兩大粒,新鮮的菜心比較老!!!不過湯底很濃好吃呢!送的豆漿比上次進步了許多呢!有多豆腐味!

三餸湯米線 HK$30自選餸海龍 – 海藻的一種，螺旋形狀，很爽，很特別呢!魚皮餃 – 皮很厚牛肝菌 – 有點酸米線 – 太腍，敗筆湯底 – 要了小辣也不辣，有芽菜、酸菜、肉碎等另外同事要的冬菇，白蘿蔔也清甜附凍豆漿

七月二日(星期三)同老公仔開OT當然要食個tea先再做野啦!今日去左食米線呢!!^^呢度鋪仔細細lunch既時候真係幾迫架,同埋d米線又辣辣地!.......食到成身汗架!今日5:45到左呢度開餐我今餐食素呀!!要左個腐竹,生菜小鍋米線:都幾好食,不過d菜就少左dd 喇!個湯都唔錯,幾醒胃呀!!份量都唔少架!!都食到我地好飽下老公仔食左大腸,豆卜同埋貢丸條米線,d貢丸條都幾好食呀!!下次我都叫先!^^

食了牛肝菌同魚蛋米線.米線都幾好味,但牛肝菌好潺,下次會揀其他,食完都唔會太口渴.,價錢一般,但有豆漿都尚可

好似好多人咁講, 要喺中環搵餐晏仔食吓真係唔容易, 12點幾1點係超迫人, 而且價錢都唔平, 今日繼續喺新公司附近搵食, 行到呢間都幾多人既米線舖都好似幾ok就入去試試.叫咗個蟹粉蟹子丸蘿白米線, 值得一讚既係碗米線都幾大碗, 而且配料都好夠, 不過每樣餸都只係得兩舊, 好似少咗啲, 但overall都係好食既. 30蚊有1蚊找仲有埋豆漿飲, 喺呢區都算係抵食唯一唔多鍾意既係食食吓俾人叫轉位讓俾一群人, 老老實實, 我都差唔多食完, 唔通真係分開坐住一陣先都唔得咩~~

午餐在中環永遠好煩, 人多又貴, 一係早d去食, 一係就食貴野, 一係就等位等死人12點幾去到橋香園, 不算太多人, 坐低叫左碗醬爆沙魚丸小窩米線, 好食啊!醬爆沙魚丸有d油, 米線都好好食, 湯底好味, 而且有好多選擇重點係$25包豆漿!!!另加$3可以有其他飲品服務態度都算良好下次會再去食

五月廿八日(星期三)同老公食呢度,因為老公之前食過話唔錯!都幾好人同埋好迫,鋪仔細細!但好多人等位!我叫左小鍋米線!..食豆卜同埋魚旦老公仔叫左大腸,龍蝦丸同埋豆卜!我果個都唔錯,不過如果d配料多d好味d!....魚旦ok啦!....都幾彈牙!.....豆卜都入味!下次都係試試撈米線,老公話幾好食!!!!.......同埋唔會辣親條利!><

lunch行黎行去行黎行去都唔知食咩好...最終去了"橋香園"食米線...雖然今日有30度, 但都照食湯粉~~汗=.="清湯菜心豬頸肉米線~~最鐘意佢酸酸地, 好開胃...豬頸肉不是煎/炸過的, 反而只加了醃料...咁就冇咁肥膩啦~~一反外間煎炸的制作~~健康~~今次外賣回公司, 沒有站在等著, 周圍逛了逛再折返~~再返到公司, 打開吃...米線竟然沒有變淋身, 還很彈呀~~好有口感~~反而配料就小一點點~~如果多些種類選擇勁吸引呢~~$29送豆漿~~以好味來說是抵的^^

好鐘意食辣,見到食評知道中環開左這間唯一的雲南米線,我連續食左兩日試味.首先下午茶由2點鐘開始,我叫左3拚米線,豆漿是送的,齊頭$30.第一日食左蟹籽丸,鷄翼同炸醬肉,酸辣湯底(中辣).免費配料有酸菜,蔥,九菜,芽菜,芫茜同肉碎.首先講湯底,我覺得幾夠辣,但係唔香,而肉碎全部係肥豬肉,酸菜勁酸,不過九菜就好多同幾"林".鷄翼無乜味,蟹籽丸就普通來貸,同埋得兩粒.個碗好大,湯亦好多,不過得好少米線,撈黎撈去都好似無乜野食.第2日醒左,叫左麻辣湯底(大辣).配麻辣牛丸,腩肉同蘿蔔,走酸菜肉碎.果然湯底無咁肥,不過都係無麻痺既感覺,有d失望.麻辣牛丸一d都唔麻辣,根本上一d味都無.至於腩肉就幾入味又腍,不過好細舊.蘿蔔有3大舊,實的的,但係幾鮮甜.以價錢黎講,算係幾抵食,男仔就可能唔夠飽.味道普通囉,不過中環得這間雲南米線,間中吊癮時都會返黎食!