標記樂園潮州粉麵菜館

營業中

休息中

標記，特別記得係公園對面間舊鋪嘅時候，我食過一兩次，唔經過都唔知道，原來佢已經搬左位。如果你記得上次派帖那位大哥，妹記的平靚正還在回味中，今晚我們已經完成了飲宴，由於我又幫手做下兄弟，完成飲宴時間尚早，我們去左食宵夜。佢地叫我諗，飲完幾杯紅酒的我真係太疲倦而想不到，由於婚姻場地係油麻地旺角交界，有人提議到標記。我最支持唔駛用腦，跟隊就是了。那個menu的背面，寫上有標記，無肚餓，個種霸氣，就如大角咀的君臨天下的感覺，就如佢有蠔仔粥派俾千萬冇野好食的人，唔講以為係耶穌打救世人的教堂。把口都係收下唔好咁衰，叫野食啦。迎接green monday來臨，我一來就叫蒜蓉西蘭花，炒得乾身唔多油，幾好。豉椒炒蟶子，老實說，我真係不敢恭維，好喜歡食蟶子的我食左幾條，但係唔得，啲蟶子真係有啲臭臭地，我寧願食青椒同蒜蓉。當然要叫蠔仔粥，吃完令人失望的豉椒炒蟶子後，今次呢個叫挽回番不少面子，肥美的蠔仔大大隻，粥底係基本潮式的粥水，愛與不愛，就看你的想法。兄弟都係齋仔，叫了乾扁四季豆，水準普通，我還是喜歡蒜蓉西蘭花多一點。韮菜豬紅，呢個又係好失望，豬紅唔夠實，死氣沉沉，連韮菜都好似冇乜應有菜的血色，用後，呢碟

同朋友係旺角，放左工有d肚餓，食埋野先返屋企，標記搬左位，搵左一陣先搵到，好在有街邊指示。好快就搵到。一坐底就叫左個菜先--滷水野。 滷水真係有d差勁，好淡好寡，完全無味，要反應下！等我仲好有寄望感，點知普通到咁，話曬標記係旺角都有一定地位，仲寫明潮州粉麵菜館，都只係咁既貨料其他野都一般般，唔多提，因我主打想食既就係滷味。

周五日一放工後, 就跟肥膏到旺角睇Lego。逛了兩小時有多的街, 肚子餓了, 人亦攰了! 正好想揾個地方可以吃頓好的。肥膏提議到通菜街附近找, 最後於「標記」大門前停住了腳步。明亮燈光, 為「標記」在暗黑的通菜街中照出一個點, 很顯眼。店員都好熱心地帶位，而且動作流暢，熱情洋溢，雖然都是上了年紀的叔叔們，但比年輕人更有活力更有禮貌！相比「Cedele」⋯這裡簡直好太多！我們坐的位置可以看到師傅們烹飪的英姿，比對上的電視好看！一邊看師傅們忙碌，另一邊就要分心點菜。點完後，又看看師傅的流暢動作，菜很快上檯。第一道來的是 豉椒炒大蜆(例) HKD 58.00蜆肉就未見有大尺寸，但是很好吃！豉椒汁超級惹味，鹽香鹽香的。每隻蜆都被豉汁包裹著，均勻地包著整隻蜆！但是，整碟有四分之一的蜆沒有打開蜆殼，所以我跟肥膏也沒吃多少。第二道是 潮州煎蠔餅 HKD 48.00是潮式的煎蠔餅，雖然名字是煎但更像是炸蠔餅。很香口的金黃色蠔餅下，是濕軟的粉漿及新鮮的蠔仔，雙重口感。蠔仔新鮮好味，但略嫌份量不夠，蛋漿太多，不過都好好食！第三道是 潮州蠔仔粥(碗) HKD 48.00原來一碗的份量就已經夠兩人吃了！超大碗

作爲一個潮州仔，食打冷係件好平常的事同幾個波友踢完波就黎女人街尼度食潮州小炒西蘭花炒牛肉-有幾清淡，牛肉味並沒有覆蓋左西蘭花的鮮甜味，反而食塊牛肉時會有陣陣西蘭花味炒蜆-好夠鍋氣，好多時會驚醬計會搞到D蜆好咸，但都唔會。

星期五晚旺角真係好多人，7點幾而已，本來想食那餐廳要等幾十張檯，放棄後係附近搵到呢間。叫左梅子骨，同張相有d唔同，我本來以為係細細粒既，變左大排檔feel，個汁ok好味。蜆蚧鯪魚球，夠熱，個汁幾好味但較少。蠔餅，較失望之選，如網友所講少蠔較硬。另外叫左1碗白飯和啤酒，2個人食飽飽Lu...

好耐冇食過標記啦,自從佢搬咗之後，都冇乜點食過。本身仲以為佢執咗。後尾見到原來搬咗去通菜街，見到個friend畢業啦，就同佢食返餐結業飯。唔知係，唔係慣咗舊地址。新鋪好難搵，行左幾次先至睇到。行到入鋪頭，見到鋪頭嘅裝修其實同以前差唔多，有種親切感。兩個人食飯叫咗個蠔仔粥，椒鹽九肚魚，金銀蛋浸時蔬。加多支啤酒。唔知係唔係新鋪，總係覺得啲嘢冇咁好食，好似退步左咁。尤其係椒鹽九肚，雖然個味好似，但係粉漿厚咗， ，結果搞到個口感出面有啲硬，而且有啲離肉。蠔仔粥就繼續保持水準，依然鮮甜好味。可能新浦新廚房，夥計仲未熟習啦。

都係放學得閒得滯，三四個fd一齊落旺角食野啦 咁就心血來潮去左呢間野食打冷啦喎 因為得我一個男仔而我又唔係好肚餓 所以正係叫左3個野食 咁就有個fd中意搞搞震係咁用筷子阻住哂啦 呢個係唔知咩菜炒蟶子 味道黎講我覺得ok既，幾鮮 問題係D蟶子太俏皮啦 比菜阻住哂，搵黎搵去先搵到幾條 不過夾開哂D菜先見,到原來係哂底，哈哈 呢個蠔餅 太多蛋啦，我中意食多D蠔 所以覺得呢個麻麻地 最後當然係重點既金銀蛋啦 好老實，我真係第一次食 感覺幾好，補充到我一晚所需既纖維 D蛋都好好味，下次一定會再食 總括黎講都唔錯既，幾正!!!

和兩女兒shopping完，😃想起旺角標記樂園。我哋試過好多潮洲菜。 標記最正宗。😘特別是滷水鵝片。 好juice, 唔乾。嚎餅, 炒得好出色。 少油。味道一如以往, 好正宗潮洲打冷。好好味。 一定再光顧。 值得推介。

今天我與我3位由台灣黎香港既大學同學出來吃晚飯 其中一位指定要黎依家老牌打冷 我估吾到台灣人都愛標記 我地落到舊舖花園街 但係佢地以搬入女人街 我諗可能係加租既關係 但係有好多指示牌教路 所以不用30秒就到達新舖 環境比起以前好了很多 好新 但係人流都冇變 勁多人！我地一坐落 就立刻叫菜！ 

放左工約左個朋友行旺角，順道食埋晚飯先返屋企，見有間入鋪既打冷野就入去試試，一坐底就叫左三個菜先。首先係80元既滷水拼盤滷水拼盤好淡好寡，就算落左醬油都好似冇味甘。NO GOOD跟住係45元既蠔餅蠔餅，里個蠔餅我真係頂佢吾順，都吾知係乜野黎，係月球岩石丫定係海底珊瑚呀??硬到飛起仲少蠔肉黍，面頭個浸野好似鋅鐵片甘硬，我係元朗食仲好過佢好多倍!我份人要求吾高都食到火滾。最後就係椒絲腐乳通菜椒絲腐乳通菜，里個椒絲腐乳通水準之作，炒得夠香夠入味，絕對係好!有時細矮野先睇到功夫。今次吾係個椒絲腐乳通，我一定俾劣評，又收加一又難食，煮得好食都話丫!!

落到旺角 點可以吾及去最有名既標記打冷呢？雖然轉左入女人街因為地產霸權既關係，但係呢間旺角打冷一哥既味道冇變。地方比起以前靚左好多 好好坐！今次冇食到滷水鹅 因為得我地倆公婆 但係標記既鹅吾洗講啦 下次我一定要食埋大眼鷄！！環境比以前好坐好多

出開旺角打冷，點可以唔去歷史悠久嘅標記！哎呀，點知又因為地產霸權，搬左位置！嚇死，仲以為又失去香港人嘅集體回憶！雖然搬左女人街旁邊，但出品一如以往依然咁有特色！地方都比以前乾淨。其實食潮州打冷，想知道師傅手勢同功夫，有幾樣野喺必食！我地幾個咀叼嘅麻甩佬，緊喺叫左一窩《蠔仔粥》、《煎蠔餅》、《炸大腸》同《鹵水鵝片》。食過好多《蠔仔粥》，始終都喺覺得標記最正宗！潮州冷飯加上自家湯底，蠔仔又漲卜卜！非常好食！標記《煎蠔餅》又喺一絕！蛋醬同蠔仔比例啱啱好，而已夠廷身，一夾之下唔會散開！《炸大腸》外脆內嫩，而且洗得朝淨。《鹵水鵝片》依然好有口感，肉質彈牙，味道啱啱好，又唔會太咸！“雞有雞味，魚有魚味”依類廢話食評真喺唔駛多寫，因為鍾意食打冷嘅朋友，冇理由冇食依間老字號打冷。慶幸喺出品水平依然keep 到以前嘅風味。