樂香園咖啡室 (已搬遷) 新店位置

2008-12-16既然知道佢就o黎收檔，就梗係快快趣o黎吃一餐臨來前有同事對其麵食印象極差而拒絕同行well，試食之心不變，賴o野咪賴o野不，當然無賴o野十二點四左右到來，樓上仲算有位滑蛋叉飯，叉燒好好食！蛋雖然唔多蛋香，但有o的蔥搭夠。才$25，中環幾何？另加$5 菠蘿油，第一啖的確好有菠蘿味，但之後就無乜喇……個子小小，入面仲食到粒不明黑色物體，牛油亦唔多……原想叫個雞批當tea，但都是算了滑蛋叉正！

十二月二十四日 (星期三)樂香園,又名蛇竇,將於十二月二十九日暫別中環(希望是暫時)蛇竇的由來是因為以前很多証劵經紀都會在下午時段來此蛇一蛇,蛇到連餐牌上都用括號寫上"蛇竇"二字樂香園雖然不是百年老字號,但都是"半百年老號"伴着大大小小的中環打工仔成長,渡過許多的風風雨雨和難關敵不過昂貴的租金,據老闆所說,租金由128,000 加至 360,000試問是賣多少碟蝦仁炒蛋飯先回到本?若澳洲牛奶公司是九龍區炒蛋界的代表,樂香園就是港島區事實不能改變,唯有希望蛇竇的東主能另覓新"竇",我們定必會常來^^我的感冒未完全痊癒,所以胃口不大,我沒有選擇一直都吃的蝦仁炒蛋飯,反而吃了在每間茶餐廳都可以吃到的奶油多士,多士質地鬆軟,烘得香脆,包上塗上一層薄薄的牛油,再加上美味的煉奶,好不令人回味呢!上至碟頭飯,下至多士都做得絕不馬虎!老公仔吃的是他的最愛蝦仁炒蛋飯,炒飯依然的香滑,加上了蔥,能更加帶出那種蛋香,蝦仁用料新鮮,都有五隻大蝦,爽口彈牙!其實原定我們是星期一來的,因為我抱恙,延至星期二,不幸我仲未病好,所以至今日才吃到!但老公仔卻連續第三日來蛇竇,先後吃過滑蛋牛飯(星期一),滑蛋义燒飯(星期

蛇竇曾經一度是我們的飯堂，至從不停加價，水準下降後，已經沒有幫襯。今次在光榮結業前，食最後一次。以前沒有咁旺場，坐低、落單到上枱只需5分鐘時間。是日人山人海，又要等位又要等食，亦有人影相留念，相信好多人為了結業前來個「最後午餐」。我同朋友亦依舊要蛋叉燒飯，不過我是要太陽蛋，朋友要滑蛋。其實我也欣賞他的滑蛋，因為真是100%蛋，沒有加任何獻汁或生粉水開的。不過蛋的份量控制不一，有時多有時少，可能看其師傅心意。今次朋友的又幾靚仔，蛋汁豐富。至於我的太陽蛋煎得過熟，蛋黃已穿漏了，而蛋白有點實。可惜沒有多餘空間食他馳名的有菠蘿酥香的菠蘿包，打算呢幾日抽空食個「告別早餐」。

六十年不變的蛇竇正式告別，最後營業日子為12月29日，過往經過蛇一蛇的情懷不再，坦白講晚市和午市這類都不是我的首選，但作為下午茶時段，可稱一絕。27蚊埋單，一字之曰：快，由叫餐到離開不足十五分鐘，完全滿足蛇一蛇的感覺。腿蛋麵、凍檸茶、加多件雞尾包，不能說好味，但感覺良好，而情懷不變，將來？老闆都不年輕了，有緣再算吧。

知道蛇竇快要結業, 趁它還健在要來食最後一次。來這裡我只會點滑蛋叉燒飯, 只有這碟飯能夠令我一次又一次幫襯。滑蛋叉燒飯:其滑蛋之出色, 單看相就已經看得出。鮮黃的蛋漿徘徊在生與熟之間, 造就出滑蛋的滑。叉燒半肥瘦, 兩樣加埋配飯一流。滑蛋牛肉飯:滑蛋同樣出色, 但牛肉好像老了一點。所以說我不會點其他滑蛋系列, 就是因為只有滑蛋叉燒不會出事。淨魚片魚蛋: 普普通通, 不過不失。再來一杯凍飲一杯熱飲就跟樂香園說拜拜。

不知是否關金融海嘯事,繼土瓜灣老店貴記將會在年底結業後,另一間歷史悠久,有"蛇竇"之稱的樂香園,亦會在本月廿九號結業.這間蛇竇,真正陪著眾中環人成長,有邊個中環上班一族,未來過喝下午茶?亦有邊個中環夜蒲友,未來過打冷?如果論資歷,翠華應該叫樂香園一聲阿公.原來,也有六十年光景了.日前一班窮鬼,相約來到蛇竇,來對這間老店作最後的致敬.晚上七點半,人客不多,我們霸佔了兩張大檯,冷眼看著對面鏞記的燒味檔,我搭咀:{不如打包些叉燒過來吃啦!}當然最後沒有去做,否則就對這間蛇竇有點不敬.早餐下午茶就喝奶茶,連打冷都要先來奶茶?有得喝就好喝,到時就無得喝了.樂香園的奶茶,拉得一向不錯,但這夜喝到的有點偏甜,應是我下多了糖,與人無尤.其後一些打冷菜式就開始上桌.飲住奶茶等打冷,對我同大多人來說,是截然不同的體驗.豬紅幾滑溜,味道濃.鹵水拼盤又是"潮"人必備,豬耳雞腸墨魚鵝肉鹵埋一碟,作為多年的蛇竇,鹵水自然亦有一定的歷史,鹵出來的味道不會差到那裏.突然,面前出現一碟叉燒炒蛋,很驚喜.頓時多一份住家味.碟蛋炒得幾老,正常不過,住家水準.你家中的媽媽炒出來的蛋,也許是差不多.怕你們吃

今日是自己提議的一個飯局, 本是準備一大伙人, 對中環蛇竇作正式道別. 2008年12月29日正式結業, 中環蛇竇, 只餘永樂園.實在對樂香園, 對一眾出席者深感遺憾, 公司準備開始新Project, 星期一尚可準點, 星期二, 老細捉住我, 交帶呢樣個樣, 有重要工作, 而令蛇竇遠離我. 8:30, 準備散Band時, 才匆匆的趕到.來到, 只吃剩食同呢個番茄什麼餅. 用全番茄做, 不太甜, 沒有酸味. 一塊番茄軟餅, 頗有特色, 夠味夠鮮.拍過照後, 帶點遺憾的離去. 12月29日, 看看有沒有時間, 最後道別蛇竇.

(5/12/08)雜批、牛肉包之類買走既野就食過喇,但從未試過堂食。Lunch time都很旺,見人人都係食碟頭飯,攪到我都哎左滑蛋义燒飯。义燒ok!唔肥唔鞋,滑蛋一望落去,半生熟咁,都知一定滑,仲要加左蔥,靚晒!(同事的餐肉炒蛋既蛋無蔥,蛋亦老身左)飯就爛左d。同同事share食的茄牛飯的飯,飯口感卻是新鮮d。講番茄牛,汁味淡之外,牛肉片更是無味,所以覺得朕牛味好膻奶茶$13,我覺得奶過多,無茶香,基本要求未達,不需評論。堂食過,被那港式碟頭+滑蛋迷住,一定會再去食過!好快(12/12/08)又再去,今次坐樓上,阿姐服務好唔掂,落落吓單,我地講緊兩杯檸茶,一杯…..,佢可以叫你,「咪住,落住兩杯先」。跟住食食下,又可以叫你起身,讓開個位比佢擺埋張櫈。大家都O晒咀,!咩事呀!?Anyway,試佢既公仔麵,如要求「一丁」+$4,好似離譜左d喎!?咁不如試吓本身的麵怎樣。廉價d既「大光麵?」有少少hon味,勝在那白身麵條也能飽肚,不像福字麵,食完等於無食。同事轉食丁麵,雖然一睇就知佢o個碗好食d,不過我堅持自己既選擇,加$4既話,我自己煮,一定好食過佢啦!今次試埋咖啡,又係唔夠熱,無乜啡味

看到一些訪問得知樂香園在年底搬遷, 所以特意來試一下!試了一個B set下午茶, 就是一碗墨丸河和一杯熱奶茶!首先談碗河, 河粉質感十分幼滑, 而那些墨丸我味道跟出面吃的不同! 字眼上不能形容!奶茶更是一絕! 落了一更糖已經十分夠味! 味道十分濃滑!特意買了兩舍菠羅包回家吃! 個size竟然比出面賣的少!

從表姐口中得知, 蛇竇將於年底結業. 放左工, 今天不想回家晚飯, 便來這兒, 作一個個人道別. 一個人, 吃不到什麼, 本人例牌一個滑蛋蝦仁飯, 滑蛋依然出色, 加了點蔥, 加了點鹽, 淡口的蝦仁, 蛋滑得像汁. 一貫不變的手法. 令人難忘.夜晚, 不想只吃一碟飯咁簡單. 見有潮州鹵味, 便加料, 來多一碟, 鹵豬頭肉. 充滿骨膠源, 夾雜豬耳, 豬面肉, 雖然不肥膩, 但食完都幾滯下.只是隨筆寫寫, 留待16號晚, 窮鬼大鬧蛇王竇再評吧.

Regarding the previous Openricer's comment, their pineapple buns taste of pineapple because they contain real mashed pineapple! Try one with butter next time. They sometimes use warm buns kept in an oven or something for this, and the taste is sensational!

星期一早上剛巧要去中環拎野,去到附近見仲有時間見到lee到人都幾多,當然係捨大集團餐記入黎試下啦,叫左2樣野1. 凍央2. 菠羅包共$20凍央好香濃,如果熱係應該更正,係飲過最好o既一杯,菠羅包都係第一次食到有菠羅味,食果刻腦海中飄過一個疑問－lee d先係叫菠羅包?,雖然d味有d似鳳梨so,但係同出面食開果d好唔同.第一次試不錯,如果有一間係屋企附近咪好lor,可以成日黎

喺老蘭飲到甘甘哋, 走咗去打冷鵝片出奇咁滑, 好正雞絲海蜇, 海蜇購爽香, 麻醬夠香口夠濃, 蠔仔粥啲蠔肥美鮮甜乳鴿脆博朴朴不過蠔餅好油又唔香口整體好好食, above average, 不過一啲都唔平, 7 樣野 (2x鵝片, 2x蠔餅) 五百幾蚊

七月八日(星期二)同老公仔決定再黎呢度食滑蛋义燒飯!上次已經係xmas前喇!十二點幾黎到,人唔算多,上樓上坐!叫左一個滑蛋义燒飯:好味道呀!!d蛋炒得好好味!同埋d义燒本身都好新鮮,好好味!今次就試下佢地既咖哩雞飯啦!不過真係有d失望,咖哩比較辣同埋冇咩咖哩喇!仲有d雞比較碎,好多骨呀!><都係食番佢地名菜-滑蛋义燒/蝦仁穩陣d!同埋呢度既奶茶都唔錯呢!!!!!

遲了一步搵位食飯，度度都冇位，見呢度冇咩人，唸住好又一餐唔好又一餐，點知...同朋友叫左一碗魚旦米，一碟豉椒排骨飯，一凍一熱檸檬茶。盛惠70大元。係中環黎講當然價錢合理，但係d食物質素都應該要對食客有交代架.....魚旦只係暖既，d湯又灰灰地色，份量又少，但係睇到個賣相我食左半碗都已經飽晒，所以真係唔駛大碗既@@豉椒排骨好似煲湯排骨咁，d飯又一舊舊撻住，仲送頭髮一條。又係唔駛食晒都飽晒。一路食一路d阿姐阿哥係你個頭上面大嗌入廚房落單，真係好難受。咁既待遇我不如食翠華，橫掂大家都係咁嘈。