樂雅軒中菜廳

營業中

休息中

食物味道不錯，只是出菜速度比較慢。侍應服務態度良好 ，餐廳用膳空間亦比較寬敞 。 適合一家大細用膳。叫了一個湯羹，一鍋飯及兩個餸。使用85折優惠後，每人平均消費$220。本人使用openrice上網訂座 ，餐廳職員一個小時後打電話來確實， 有禮貌而且盡責。

第二間要介紹的是位於油麻地窩打老道城景國際內的樂雅軒中菜廳，繼去年試了美味的芒果十勝紅豆糕，今年則試矜貴的金箔杞子桂花沖繩紫薯糕，早前到達酒店取糕已見喜氣洋洋的賀年裝飾好有過年氣氛！ 金箔杞子桂花沖繩紫薯糕用上真空包裝衛生企理，金紫色相間的糕身當然最能吸引我之處！禮盒伴上醒獅圖案我當然也要找對可愛的醒獅陪襯它吧！ 金箔杞子桂花層清香爽口不過甜，而沖繩紫薯糕則軟綿香甜，紫薯真確不作假真材實料，喜歡紫薯的朋友可以一試喔訂購詳情按此。

不知黎過呢到幾多次啦😘珊瑚扒豆腐&蝦子遼參&魚香茄子煲&咕嚕肉。全部都好好食啊，仲有例湯必飲，次次都不同架😘😘值得推介，食材又新鮮又好食！不得不贊服務員態度好有禮貌😘

昨晚約一班即將去旅行之自己友團友開茶會，就嚟城景呢度中菜廳試下佢個秋冬進補套餐，一來鐘意個環境夠靜，二來又有任飲酒水，可以慢慢傾行程。套餐到，先嚟三小碟冷盤：炸豆腐粒，一啖一粒，外脆內滑，因為豆腐本身冇乜味，又冇落椒鹽，所以一定要點醋食，仲有五花腩肉，雖肥美但食落去又唔覺好油，焗蟹蓋好野味，不過禽睌出菜就比較耐d，可能係多客關係呱，希望大會留意下啦。三層芝士乳豬就比較失望少少，乳豬皮有d靭。仲有蟲草花蒸龍躉片，入口清清地，魚皮厚夠曬骨膠原，但我食果舊魚片就還有少少魚鱗黏住，廚師下次要留意下。臘味芥蘭煲、雲耳酒釀鷄煲，大大煲夠份量，秋冬天食臘/膶腸一定係絕配，鷄煲肉質嫩滑，啖湯有淡淡酒味同鷄既精華。最後上埋個鱆魚鷄粒荷葉飯一碟(有兩份)食到要打包一份，個糖水係桃膠燉雪耳，夠清潤，全個餐連加一都係每人三佰幾蚊抱住個肚埋單期待十二月又有乜套餐優惠！

朋友生日又係諗食咩嘅時候，今次朋友想食中菜， 所以選擇了好幾間酒樓， 最後就揀了樂雅軒， 因為見他有個套餐有龍蝦有鮑魚， 睇個餐食嘅嘢都好似唔差， 有江南四小碟， 蒜 片金不換一口牛柳粒， 金箔鮑魚冬茸羹， 瑤柱野菌白菜苗， 古法蒸蝴蝶魚， 脆皮吊燒雞， 龍蝦霹靂泡飯， 酥炸迷你麻蓉包， 燕窩杏仁茶， 睇完以上菜單真的流曬口水， 那樣大家都決定這一間。 但留意如生日帶蛋糕會徵收切餅費$100，而整體上這間食肆都算有意外驚喜。松茸蟹肉炸介子雲吞， 瑪瑙牛筋片， 鎮江鼠耳秋葵。 本人覺得雲吞都不錯油鹽水藍青口，呢個尚算普通本人鍾意食牛，所以牛柳粒啱曬我呢隻雞就一般呢個龍蝦霹靂泡飯， 原本都唔差， 因個湯係另上的，但個湯太濃太杰，如果唔係咁杰會好好多呢個就係又濃又杰嘅湯

中伏。強烈被騙的感覺。老人家要餓著肚回家煮公仔面食。份量少到連女人都食唔飽。最重點是龍蝦飯,每人限量分到一匙。燒雞比乳鴿大小小,只有半隻!大家扮唔餓相讓給其他人食。結果回家後一齊食面填肚。物非所值,令生日的爸爸很失望。建議:進食前先打底。

有朋友由外國回港,想约埋幾位朋友食飯傾計第一時間就諗到嚟呢度食嘞,因為環境夠静,又有全包套餐可選擇,今期就有鲍鱼龍蝦宴,$298一位都算好抵食啦。先嚟四小碟冷盤,我鐘意佢個麻辣雲耳,夠入味兼爽口。再有金不換一口牛柳,夠濃味,而我推介有龍蝦汁泡飯,米飯炸到卜卜脆,淋上特濃既龍蝦汁,果種口感好難形容,你哋試過就知。另外套餐仲有：古法蒸蝴蝶魚、鲍鱼冬蓉湯、炸子雞等等,啤酒/汽水,红白酒任飲,抵啦!

今晚約了幾位好友，大家都想在忙碌過後，好好享受一下悠閒時光！駕車來到酒店門口，門僮哥哥著我們泊在鄰近的女青年會停車場，可享兩小時免費泊車優惠，在油麻地有車可泊，實屬難得！上到酒家內，部長為我們安排了一個寧靜的位置，我們在這裏可以暢所欲言了！好友已經預訂了鮑參花膠極尚宴，啤酒、紅白餐酒和汽水任飲，我們每人都點了紅酒或白酒，盡情的暢飲，司機先生當然就飲汽水了！首先上的是江南四小碟，有香脆素鵝、蔥油海蜇、福建鼠耳和蒜片和牛粒，每樣都中規中矩，海蜇和鼠耳清爽怡人，夏天良伴！羊肚菌燉靈芝功夫湯以茶壺上，可以自斟自飲，好有趣！湯味鮮甜，在壺底還撈出幾朵羊肚菌。熱蕈有芝士薑蔥焗釀蟹蓋，面層芝士甘香，餡料鮮甜，賣相也不錯👍蠔皇六頭鮑魚扣海參，鮑魚件頭不算小，扣得入味。彩椒炒斑球和上湯花膠浸菜苗，水準一般，尤其花膠，淡而無味，不提也罷！跟著的桂林風味啤酒雞，用了很多洋蔥，很惹味，雞味香濃，取回不少分數。食到韓式海膽泡菜炒飯，雖然飯炒得粒粒分明，但可能大家都吃飽了，所以吃剩了不少！單尾是椰汁燉燕窩，當然不會期待有很多的燕窩，但吃起來水汪汪的，椰汁味淡，有點失望！整體來說，這頓晚餐的廚藝水準一般，但這裡是個

與這班姊妹相認二十年，想找個靜靜又沒有入座時限的地方吃晚餐，所以就選了城景國際酒店的中菜廳。中菜廳不大，格調高雅，平日的晚上人客不多，但我們也有在網頁先訂座。見到有鮑魚龍蝦百味宴，四位只需每人$298(包茶介)，當然選這個套餐啦！套餐酒水無限添飲，見今晚是海鮮主題，所以先點白酒一杯。頭盤四小碟鎮崗肴肉精瑩通透，酸酸甜甜的素鱔及微辣的小黃瓜使人胃口大開，芥末牛柳又香又滑，配上露荀，實在不錯。手工精緻的格蘭焗響螺鮑魚花膠雞腳功夫湯鮮甜滋補，鮑魚雞腳淰滑金華玉樹蒸彩衣柳味道較清，魚柳滑滑金箔龍蝦白玉盞賣相高貴，雖然小小乾身，但很多羔。桂花蜜吊燒雞外皮香脆甜甜，雞肉嫰滑魚湯小雲吞下浸菜苗魚湯配白菜特別鮮甜足料的松子蟹肉炒飯高貴的燕液楊枝金露這個套餐，份量很多，我們四人女子組加兩位小公主也吃不完啊！

仲有幾日就到端午節，往日雙親每年都會親手包糉送贈親友，但自從老爸不在後，都已經久未嚐過老媽的手藝了，但對於端午糉，總是有種莫名的情懷。 退而求其次，唯有在坊間買些有質素的裹蒸糉來寄託。 今次就品嚐了城景國際的樂雅軒中菜廳的出品。 禮盒套裝共有兩隻糉。 《日本瑤柱裹蒸粽》（$158/預訂價$118） 份量十足，就算是用來作午餐，一個人根本難以消滅。 畢竟太大隻，單是烚糉都用上半小時，但一揭開荷葉，就連囝囝都忍不住過來分一杯羹，這也難怪，陣陣香氣瀰漫，實在令人食指大動。 餡料有用五香粉醃過的五花腩，軟稔又吸了肉味的綠豆，當然有超級邪惡的咸蛋黃了。 表層的糯米香滑軟糯，最啱呷返口香濃普洱，中和了油膩感，真係未到端午都比自己吃光了。 另一款是《十勝紅豆金栗甜糉》（原價$78/預訂價$68） ，對於想吃糉，但又怕油膩的朋友就最好，糯米軟稔，加上甜美的十勝紅豆，與及粉糯的金栗，蘸點一下砂糖就更可口，令人感覺在品嚐甜點。 還有幾日就到端午節了，如果不想花時間自己包糉，又想食到高質素及衛生的端午糉，可以在24前訂購，禮盒套裝原價 $20

自從上年聖誕節同一班朋友嚟過城景酒店食西式自助餐後就決定今年聖誕又要再來這裡慶祝渡過。在西餐廳旁就是樂雅軒中菜廳。中餐廳平常也不太多人，環境寧靜，坐位也舒服，同朋友傾計食飯真係一流。今次嚟到食中菜是為了330元的龍蝦鮑魚餐。從餐單上看，的確很吸引！九道菜的套餐由前菜到糖水，再加紅白酒、啤酒汽水任飲，又怎能錯過呢？！* 江南四小碟 ~ 包括有醋香小黃瓜，鎮江肴肉，香脆素鱔及芥末牛柳粒。 最欣賞係用鮮冬菇做的素鱔，又熱又脆帶小小酸甜很開胃。肴肉無跟浙醋奉上但夠味；然而特別調製的芥末汁混合牛柳粒及蘆筍條後的味道很獨特，未必人人喜愛。* 格蘭焗響螺 ~ 焗得熱烘烘的響螺內釀了葡汁芝士加薯蓉配菜及螺肉。螺肉其實不多，但餡料香濃，只是螺內用作托住餡料的椰菜花較淡。* 鮑魚花膠功夫湯 ~ 一人一壺熱湯夠特色，湯料除了一隻細細的鮑魚外還有瘦肉粒，雞腳同小小花膠粒。最緊要係湯夠清甜無味精。* 金箔龍蝦白玉盞 ~ 每人有半邊焗龍蝦及一隻鉗。看不見有金箔只看到有炸漿脆粒混合在一起，有少許像避風塘式煮法但不辣也沒有太多炸蒜。而蝦肉方面煮得過熟過老。白玉盞為炸過的玉子豆腐。整體賣相吸引但口感一般。* 金華玉樹蒸

唔夠半個月就喺端午節，除咗有一日假休息吓，端午算喺較有氣氛嘅中式節日，因為當日有唔少龍舟比賽之外，應節嘅糉品紛紛湧現，令你自然知道就快端午。繼早前收到好友「奇華」嘅出品，今回接踵而來，喺嚟自城景酒店嘅「樂雅軒」，多謝好友餽贈，讓小弟初嚐此酒店中菜館嘅出品。從友人夾埋嘅單張所知，佢哋今年嘅出品口味共有3款：日本瑤柱裹蒸糉、十勝紅豆金栗甜糉及蓮蓉梘水糉，既可單買，亦可選擇套裝禮盒，再詳細睇睇，24/5前訂購更可享優惠價，有心想試嘅朋友，或打算用作送禮，就梗喺早啲訂攞盡着數啦。友人所送嘅喺端午糉套裝禮盒B，即一隻日本瑤柱裹蒸糉及一隻十勝紅豆金栗甜糉，包裝簡單而雅致。而兩隻糉都以真空包裝，並且無添加、無防腐，食用期得一個星期多左右，仲要雪晌冰格4°C或以下保存。日本瑤柱裹蒸糉 $118（優惠價）裹蒸糉賣點就喺大包圍，饀料除有蝦乾、鹹蛋黃、五花腩、大花菇……等等，亮點就喺用上日本原粒元貝（瑤柱），而且，隻糉真喺幾大隻，拍埋隻十勝紅豆金栗甜糉，真喺大成倍呎吋。雖然話材料豐富，又用上原粒瑤柱，但整體味道比較淡口，而且，啲糯米口感較濕較散，想切開影張靚相都有啲難。十勝紅豆金栗甜糉 $68（優惠價）紅豆

小時候特別喜歡端午節！因為這個時候可以去我喜歡的沙灘暢泳，而且又有好好味的端午糭食，可惜時光這個壞人真的十分強勁，轉眼間車媽媽已步入中年！但也無損我喜歡吃的糭情懷，首先介紹城景國際The City View 樂雅軒中菜廳亞軒出品的端午糭品啦！ 今次酒店為我送上兩款端午糭品包括有{日本瑤柱裹蒸糭}$158／預訂優惠價＄118，呢隻裹蒸糭真的十分巨型，我需要搵屋企最大的麵煲先至可以放下它！而此糭這天則變作了車爸爸的晚餐。 裹蒸糭用上糭葉荷葉包製而成糯米軟熟不黏牙，內裏有不少五香腩肉，粉淋開邊綠豆還有鹹蛋黃等內容十分豐富，而味道則控制得恰好吃得到綠豆的香氣之餘亦不會過鹹，真係超級抵食啊~ 而另一款是{十勝紅豆金栗甜糭}＄78／預訂優惠價＄68，尤記得上年的新年酒店推出的十勝紅豆芒果糕味道真的十分超卓，而這趟十勝紅豆配上超大大粒的金栗同樣是美味非常喔！ 軟熟的糯米內包含飽滿的十勝紅豆，香甜而不膩還有數粒體態完美的金栗，成件事清香撲鼻而且甜度絕對不高，好甜的車媽媽還配合砂糖來品嚐加添香甜味美，小巧的一隻一人獨霸沒難度哋KO！ 而酒店還推出端午品糭預購優惠，

快到端午節, 也是時候, 寫一篇吃糭的文章. 小時候, 在家吃長輩親手包的糭, 吃的, 除了是味道, 還有是感情. 人大了, 有自己的家庭, 回想那天, 才驚覺歲月的流逝. 這天, 就一家人吃了兩款樂雅軒中菜廳的糭.日本瑤柱裹蒸糭 $118 說我老派也好, 我最喜歡的, 還是最基本, 最原始的裹蒸糭. 當然, 今時今日的裹蒸糭, 用料靚得多, 如樂雅軒的, 就以日本原粒瑤柱為賣點. 昔日吃到的, 怎會如此矜貴. 除此之外, 還有鹹蛋黃, 綠豆蓉, 蝦乾, 以及豬腩肉, 很飽肚的配搭.十勝紅豆金栗甜糭 $68 小巧的是十勝紅豆金栗甜糭. 十勝紅豆, 一向特別香甜. 而這裡的金栗, 也甘香突出, 其實, 甜糭, 也有其吸引力.有興趣吃樂雅軒中菜廳的糭, 包括日本瑤柱裹蒸糭, 跟十勝紅豆金栗甜糭, 就記得在5月24日前訂購, 才有折扣優惠.

城景國際酒店, 對我來說, 很有親切感, 因為曾經在YMCA渡過了不少時間. 這個端午節, 樂雅軒中菜廳就推出了兩款糭品, 趁5月24日前預購, 還有折扣優惠. 這天晚上, 就跟家人提早吃糭.日本瑤柱裹蒸糭 $118: 8分, 吃糭, 當然以裹蒸糭最為滿足, 大大隻, 份量十足, 而樂雅軒的裹蒸糭, 材料包括豬腩肉, 鹹蛋黃, 綠豆蓉, 蝦乾, 再加上日本原粒瑤柱. 豬腩肉的肥美, 鹹蛋黃的甘香, 以及鮮味十足的瑤柱, 加在一起, 自是很吸引.十勝紅豆金栗甜糭 $68: 8分, 裹蒸糭用上日本瑤柱, 十勝紅豆金栗甜糭也用上十勝紅豆, 甜美的紅豆, 配上甘香的栗子, 正好當作餐後小甜點.端午節, 還是要吃吃糭. 城景國際的樂雅軒中菜廳, 分別推出了用料豐富的日本瑤柱裹蒸糭, 以及甜美的十勝紅豆金栗甜糭, 價位合理, 值得一試