樂翠園海鮮菜館

營業中

休息中

兩個人叫左：焦糖雞亦 — 用糖調味過的炸雪藏雞亦蒸白鱔 — 獻太杰、鱔不新鮮白菜仔魚頭湯 — 魚頭份量少、湯味道一般

上星期日（31/8）我還要返工，由於很想念女友，突然想起未試過和女友在觀塘吃宵夜，但又覺得要女友老遠從家中過海來陪我吃宵夜有點不好意思，於是大膽地send SMS 問女友會否陪我吃宵夜，沒想過女友很大方地一口答應。收工後約女友在牛頭角地鐵站等，步行數分鐘來到這店。這店是街坊格局的小菜館，環境不算是舒適，但總算整潔光猛，而且小菜夠鑊氣，冬天還有不少人來打邊鑪！老闆娘親切好人又笑容滿面，所以這店是我在觀塘睇波吃晚飯/宵夜的首選！和女友約十時左右來到，約八成滿，坐下不久就點了兩個小菜：秘制羊肉片煲和椒鹽百花藕片。因為女友見到有炒公仔麵，經老闆娘推薦下點了個香辣海鮮炒公仔麵。秘制羊肉片煲：應該是用薑、蔥、辣椒等配料爆羊肉片，很香口，辣得很好食，不過羊肉片應該是雪藏貨，羊肉味很淡！椒鹽百花藕片：兩塊藕片中間夾著少許蝦膠再落鍋炸，藕片很爽且幾鮮甜，蝦膠吃得出有蝦肉味，幾好食，佐酒一流！香辣海鮮炒公仔麵：很香口，不是太辣，夠鑊氣，海鮮配料很多和很大碟，很好食！這店碟頭頗大，兩口子吃不完，最後要把剩餘的食物盛起拿回家！

第一次跟同事食lunch,好彩仲有一張枱.點了焦糖雞翼-同事極力推..好食必試..熱氣d咯!還有火腿炒旦,炒什菜,粉絲洋葱炒牛肉和蒸排骨點完餸即湯上..唔差架!飲左兩碗!飯質又ok.上菜好快..又唔算好迫..好過麵店.地下又唔會濕濕滑滑嘛!

吃過無數次的餐廳，每一次都叫人食過番尋味。環境地道、服務殷勤、食味水準更是超班。一進入餐廳只感覺到一股帶有羊味的暖氣、看到一枱二枱食客們吃著煙冒騰騰的羊腩煲，濃湯之中浮著一條條看似入味的炸支竹。但一陣「溫暖」的羊味，並沒有動搖我吃招牌菜的決心，因它真的太吸引。它其實是焦糖雞翼，嗜甜者恩物。一隻隻炸得香香脆脆的雞翼外包著一層厚厚的、暖暖的焦糖，看甜後咸，口感十足，但一定要襯熱吃，否則焦糖變硬便會黏著牙齒。接著是西檸雞，當一件件口感鬆化的雞件與酸酸甜甜的西檸汁結合後，便成為一碟令人開胃極了的菜式。其他菜式亦同樣吸引，如豉椒炒蜆、生炒骨、豆苗炒蠔仔等等，同是嚴寒天氣的暖身佳品。最重要的收費低廉，每一碟餸平均五十元，貨真價實。

家人提議到此吃飯, 因說這條街將會重建, 故在此尋找一下舊風味.老實講, 環境真是很舊很街坊, 大圓檯加圓摺, 地下又濕又滑. 小菜就不過不失啦, 都有幾多海鮮可以食, 加上價錢實在相宜, 無太多要求了.最讚是服務, 兩位女士好有笑容同禮貌, 時時問我齊未, 食物滿唔滿意...

叫阿媽去食蛇王彪,佢唔去,係都要試下依間,灰0左.3個人叫0左:1)菇菇時蔬:唔得,無味的.2)混醬骨:xo sauce加honey炒落d炸好的排骨度,ok啦.3)魚腩枝竹煲: ok.真係..唔太有chance再來了..我家樓下的tea restaurant好吃d

成日同媽咪去食lunch AND 叫外賣!抵到爛幾好食而且好多選擇...我好鍾意食佢個'混醬豬頸肉'辣辣地又甜甜地好惹味真係好大牒呀..正28蚊set lunch有生果飲品(凍飲+$2)有2個飯有湯佢真係好平..飽抱住個小肚腩走呀haha而且佢個例湯都OK架..入面有料絕對唔似街外味精湯>_<值得1試呀而且聽說好多招牌菜下次希望試到'焦糖雞翼'值得嘉許o既係員工態度好好..招呼得好周到好願意解答客人問題^-^禁先係做生意架ma

我們同事６人叫５餸，都是＄２５有交易。那裏很多好食的東西，我喜歡鼓椒牛柏葉。好正！

o個日同個好大食o既朋友食飯,其實兩個人真係好難叫野食,食唔倒好多款式(雖然佢好大食,我地都係叫得三個送)我想講o既係"焦糖茄子",老板娘好好人(真係好nice),佢見我地得兩個人,成碟茄子太多,就提議可以拼其他食物,最後我地碟"焦糖茄子"變左做"焦糖茄子拼雞翼",好好味,又甜又香又脆(小心,裏面幾熱架) 仲有,我朋友話唔想食辣,老板娘就將碟尖椒牛肉炒公仔麵走左辣椒,不過就變得無咁野味lu....下次我會try下佢o既椰汁燴公仔麵,唔知係點呢

尋日同個好大食o既女朋友食飯,其實兩個人真係好難叫野食,食唔倒好多款式(雖然佢好大食,我地都係叫得三個送)我想講o既係"焦糖茄子",老板娘好好人,佢見我地得兩個人,成碟茄子大多,就提議可以拼其他食物,最後我地碟"焦糖茄子"變左做"焦糖茄子拼雞翼",好好味,又甜又香又脆(小心,裏面幾熱架)

前日放工和幾個同事宵夜，因工作的地方近觀塘，所以跟了他們去了一間叫樂翠園的宵夜，叫了以下幾個小菜:1.椒鹽鴨舌~~ 鹵水就試過啦！但未試過椒鹽，所以試下，一試又是另一特色小食，送酒一流！<br>2.蜜糖雞翼~~ 是最快掃晒的小食，可能第一是蜜糖無咁熱氣，二來醬汁真的整得很好味！<br>3.鹽水雞腳~~ 整得幾淋，軟硬度剛剛好，點埋沙茶醬，yummy~~<br>4.炒蜆~~ 都是殼多過肉，但真的很辣，自問食得辣的，一定會喜歡！跟著的才是主角~~出前一丁<br>5.尖椒牛肉炒一丁~~ 唔好唔事先講明，這碟炒麵真的很辣，我食完係兩分鐘內飲晒成罐可樂，麵非常爽口，不會斷，加埋蝦仁和牛肉，真的很好味，無想過炒即食麵會咁好味！最後仲叫多碟，因唔夠分~~<br>6.椰汁鮮魷燴一丁~~ 因有些同事唔食得辣，所以叫了這個麵，這個又另一種味道，的麵索晒的椰汁，很香但又不會太軟，未上檯也聞到椰子香味，是不食辣的人仕另一好選擇！加埋兩碟菜，八罐可樂，三枝啤酒(因無酒牌，要自帶啤酒，但老板娘很好人，會叫人去便利店幫你買)埋單六個人每

吃小菜and 火窩~ me and my friend ordered $30 蝦醬炒通菜~ so tasty ah~ but a little bit too salty if no rice~ also, $188 肥牛海鮮大會~ wah~~ so big ah~~ and so many types of food ah~ 6 隻生蠔~ 6 隻新鮮o 既蝦~ 6 隻扇貝~ 1 隻蟹~ and many many.. 湯底免費呀~ and ordered 3 bottles of softdrinks~ total $250~ Great~ ^O^ 有次再去, 又係叫$188 海鮮大集會~ 因為我地唔食粉腸同鵝腸, 老板娘話可換其他款~ 結果換左水餃and 包心丸~ 水餃正到暈~~ 又多料又好味~~ 老板娘話雲吞都好食, 下次試試~ 包心丸係魚旦包住蝦丸~ 一般啦~ 反而今次有隻新野, 外型好似豆腐乾, 原來係炸魚旦包住肉鬆~ 好正~~ 原來佢地有花雕雞, 係好似打邊爐咁上~ 自己灼~ 又有炒公仔麵喎~ 最重要係有(( 羌酒炆雞子))

環境雖然不及大曙U, 但氣氛很好, 老板娘很友善.