樂翠園海鮮菜館

營業中

休息中

豐富又好食既一餐今晚約左朋友gathering, 因為大家都係九龍區返工，又想食小菜，就決定食呢一間。嚟到一坐低，職員就主動同我地介紹有咩好食。我地返左成日工，鬼咁肚餓，就叫左胡麻醬牛柳粒、鹽焗蝦、椒鹽鮮魷、蒜蓉粉絲扇貝、指天椒盞鬼通菜 同 沙薑雞煲胡麻醬牛柳粒冇得輸兩樣都好夾，牛柳唔韌，胡麻醬都唔會太過漏，必食鹽焗蝦啖啖肉，好入味椒鹽鮮魷外脆內軟，送酒一流扇貝分量好多，滿足我地既食量今餐食得好飽，又滿足

【樂翠園】星期五team lunch最愛飯堂之一，性價比高，大份夾抵食，人多的話的確是個好地方。每次必食之選：• 手撕雞 （一隻/半隻）調味適中，而且啖啖雞肉，香葱配上雞肉凍食，好清新🤤• 焦糖雞翼雞翼外層裹上脆脆的焦糖醬，一定要趁熱食，冷了會黏住，變得好硬• 烤豬手上菜已貼心地切件，脆脆的豬皮加上嫩口的豬手肉，真的好好吃。不過每次都等好久，前面吃飽了，很多時上豬手，已經吃不下了。另外小炒推介：→ 麻婆豆腐→ 生炒骨→ 胡麻醬牛柳粒

幾年之前食過依間手撕雞 , 十幾個人分一隻雞唔夠食, 至今念念不忘喺外地住左咁長時間, 最掛住都係大排擋/類似大排擋既小菜館有節慶一大堆朋友, 都係圓枱好, 吵吵鬧鬧嘈少少都唔緊要, 依類型既餐廳,就是要有少少嘈先有氣氛.小菜, 其實我來來去去都係鍾意食嗰幾樣,  今晚多啲啲突破沙拉骨,幾乎次次都會點, 而每一間小菜館既沙拉骨都唔同,有啲會演變成為千島骨...這個肉質夠稔,不過不失衣個雞翼一定要趁熱食!唔係啲焦糖就會變得好硬唔係間間都有得食!叫左個海鮮湯, 天氣凍,有啖湯落肚係好啲GE, 當然如果有個胡椒豬肚邊爐,就更好XD到左最期待既手撕雞!!!!!等左一陣, 最后一道菜先見到佢咋~japjapjap真係好快就食哂,下次想嗌兩碟!!話說我仲叫左個金銀蛋時菜, 都係啲必嗌既野, 但我就覺得一般般喇, 啲菜同啲蛋分離哂一注注咁,無乜蛋花, 唯一比較遜色既菜啦~

行過條街，咁樣諗住食宵夜走入去試下囉 點咗個豉汁炒聖子 ， 樓面落單叫係例牌 。 一個 肉絲炒麵 一碟薑汁炒芥蘭， 一個牛柳粒 一支藍妹， 都係大排檔小菜㗎， 食落麻麻哋，埋單就五百幾啦 覺得奶奶地野但係收費好唔明。 所以一定要睇嗰啲有價錢個餐牌落單 如果唔係你就 埋單就了 原來 所謂是炒聖子例牌系分量 海鮮時價 但係落單又冇講清楚喎 總之有冇下次喇

喺觀塘返工，我地lunch 成日要周圍塭食😋😋🤤🤤，今日嚟咗呢間叫小菜既樂翠園試下💪🏼，今日中秋佳節🎋🎋，做下節，五個人叫咗個商務套餐🎉，有5個餸$398⋯唔包飲品，用例湯，但個例湯勁油嘅味精湯咁⋯💀☠️🤦🏻‍♀️🙈🤦🏻‍♀️🙈但都算okay 平，每碟都大大碟上枱💪🏼👍🏻，食物都唔錯😋，蠔餅D蠔都算大隻☝🏻，炒野都夠晒鑊氣👻，係環境就唔可以要求😏😏，大排檔feel...間唔中食下佬飯都唔錯吖！

是日半夜找朋友在屋企附近吹吹水，就決定揀呢間。椒鹽大賴尿蝦，超甜多肉又大隻，太約$80-90隻頗貴其後再點避風塘炒蟹，雖然蟹肉都好新鮮，但完全唔覺得似避風塘，又唔夠辣，個味道跟椒鹽賴尿蝦一樣，而且都要$350左右，早知點返賴尿蝦la~2隻大粉絲扇貝約$100 ，味道唔錯的。

有一堂朋友半夜想去搵嘢食，但已經兩點鐘，附近得返呢一間仲開緊所以就去咗試吓。叫咗個香葉炒蜆，鹽焗蝦，避風塘炸豆腐，同埋蒜蓉白菜。因為見到人哋食個蜆好靚所以叫咗一個。到想到枱喇，一夾，出事啦。啲蜆個軒汁好似膠水咁樣，仲要啲蜆係凍嘅，如果趕收工咪話賣晒囉點解要咁樣對我地姐。個蒜蓉白菜就好一般。講到鹽焗蝦就真係麻麻地，仲要成百幾蚊得半斤，但係食落好乾好似炸岀來甘，一啲都吾似焗嘅。最好食係嗰個避風塘炸豆腐，不過味道都唔係話特別。一句講晒冇下次。

䜴椒炒聖子，肉冇5舊話系例牌192未食這樣的例牌，可能去得太早，夜晚7點，完成冇鍋氣可言第一次去食，食得完全失望，成夜就個壺茶水是熱，值得返飲唉真系卑錢食，食完心情仲吾舒服，真系垃圾！二個人，茄子煲，小炒皇，胡椒猜肚湯例牌，炒聖子皇冇5舊肉的例牌，埋單480，垃圾

樂翠園海鮮菜館位於牛頭角同觀塘之間朋友話依度嘅海鮮幾抵食味道唔差於是帶左我黎食三個人叫左蟶子丶扇貝丶椒鹽鮮魷丶手撕雞同蒜蓉炒白菜仔海鮮份量冇偷工減料大大份的確幾抵食味道也ok手撕雞係依度招牌菜充滿沙薑味啖啖肉也不錯但回到家發覺幾口渴下始終大部份餸偏濃味環境就同一般菜館格局差不多不過依度竟然容許客人店內吸煙影響其他客人迫食二手煙大打折扣是晚人均消費大約二百五十蚊環境氣氛： ★★★☆☆食物質素： ★★★☆☆服務態度： ★★★☆☆

平時想食小菜都首選樂翠園，好食之餘，又有人情味， 是頭婆超好人 ，見親佢都好開心架，朋友去親一定要食過火焰蠔， 手撕雞 ，啫啫通菜， 小炒王， 如果有聖子皇 用豉椒整超正， 仲有梗係唔少得食咗十幾年都咁好食嘅招牌菜就係焦糖雞亦

真·鮮·味象拔蚌刺身鮮甜爽口冰鎮鮑魚，超級入味 （必食）瀨尿蝦同聖子皇夠 （野）味呢個3D芥蘭真係冇得輸，配埋生菜，食法好似生菜包咁，都係必食之選總括嚟講係高水準，所有親友都大讚，媽咪又好開心感動

今天四人打算隨意找間大排檔吃普通小菜晚飯，經過便進了店內。我們點了芝士焗鮮魷，指天椒爆通菜，枝竹排骨煲，最後點黃金蝦，當時侍應阿姐只說“黃金蝦例牌”，我們認為正常一般例牌是有指定價錢（正常黃金蝦也是80-90元吧！），所以沒反對，繼續落單。餸來了，點了四個白飯及四罐汽水，單上寫了餸的名稱，飯及汽水數量，沒寫價錢。芝士鮮魷不錯…幾好食，通菜…排骨煲都夠鑊氣，黃金蝦就感覺不新鮮，不太好吃，沒有鹹蛋味，碟上也剩下幾隻！我們一直閒聊直至埋單，阿姐取了我們桌上的單到櫃檯，拿回來時說“606蚊”。究竟吃了什麼要606蚊？？！！拿起單再看才看到黃金蝦旁邊寫著價值264蚊！我們立即問店員，他立即取出電話用計數機計22x12,，並說“今日蝦22蚊一兩，12兩無計錯！”問題是落單時阿姐並沒有說過是時價，只說例牌，例牌不是有個固定價錢的嗎？？！！這簡直是一個騙局 不會再去!

剛踏入猴年，正值新春期間，必需要相約閨密們熱熱鬧鬧的聚會一次。是晚閨密們都悉心打扮，腳踏高跟鞋，穿得喜氣洋洋前來飯聚。我們一行八人的開年飯菜單有：“ 豉椒炒聖子皇”“ 黃金蝦”“ 招牌沙薑手撕雞”“ 美味烤豬手”和“ 水煮魚”。“ 豉椒炒聖子皇”這裏的聖子皇比我手掌還要大，鑊氣十足，而且炒得彈牙爽口，並沒有過熟的情況。 豉椒汁的薄獻也濃淡得宜，混合著切塊炒香的配菜 (紅椒，青椒和洋蔥)，非常惹味，姐妹們都十分喜愛！嚐辣的我心想… 如果加入大量指天椒，會更加惹味呢～“ 黃金蝦”這個佳餚並不簡單，而且非常美味。金黃美味的香濃蓉漿均勻地包裹著整只蝦，一口咬下時，鹹蛋黃的蓉漿與蝦殼互相交纏，香脆可口，仍能感覺到奶油的香味，而且炸熟後的蝦肉並沒有因此老掉，依舊爽脆，鹹蛋黃的濃郁香味都鋪滿整只蝦，可見時間掌控得宜，值得一讚！“ 招牌沙薑手撕雞”雞肉都吸收到醃料，已經入味，近骨位置帶紅，剛好沒有完全熟透，所以肉質也頗為幼滑，幸好此雞的雞皮沒有太多肥膏, 不規則的雞肉，與爽脆的青瓜為舌頭帶來清新之感。芝麻應該沒有落鑊炒過，因為未見有微微金黃色。“ 美味烤豬手”廚房滿貼心的，豬手上桌時已經切件，一些德國

父親節飯，愛吃中菜的爸爸選了這家他吃過幾次的店。堅好味!美味烤豬手 $148勁大碟，以為吃不完，最後吃清光，因為真的很美味。外皮烤得非常香脆，啖啖肉不會烤得過火，生菜異常潔淨和新鮮，連咸酸菜也不會過咸或太酸，味道適中。焦糖雞翼 $38沒有數過有多少只雞翅膀，但這個價錢好抵食。焦糖掛在雞翅膀上，甜甜的非常香口。芝士鮮魷 $88新鮮的配搭，出奇的美味，神奇地不像平時的芝士般、死咸、肥膩和泄口。芝士迷不容錯過。缽仔焗魚腸 $88魚腸不會腥，蛋以外還有叉燒 冬菇條在內，真材實料。連平時不吃魚嫌魚腥的哥哥也吃了許多。

食平ＤＤＤＤＤＤＤＤＤ！今日黎到觀塘宜安街食客飯！由於都是太餓的關係，吃到一半才發現沒有拍照 紅燒豆腐：不知道是否夏天的關係，我覺得豆腐有點酸酸的，不過問題不是很大，所以沒有退換，菜很入味，還有草菇伴碟。醬爆豬頸肉：通常豬頸肉都是一片片的，這裡比較特別是一條條的，用蜜糖包住，再加上有少少微辣，十分下飯。番茄炒蛋：一碟番茄炒蛋被洋蔥和蔥污染了，而已我不知道為何番茄炒蛋會有洋蔥和蔥？是賣相的問題還是我孤陋寡聞，總之看到就反胃，只吃了一塊番茄，味道尚算可以，只是蔥把原來很美味的一道菜完完全全地破壞了！