榮記(東成)飯店

營業中

休息中

個仔終於得閒陪父母，一家三口，走上鵝頸橋街市食飯。呢度乜野椒鹽都好食，今次要魷魚鬚，味道唔錯。話晒大牌檔，試下炒蜆，嘩！不得了，原本真係炒得好入味！我影幅相已經無左半碟。又係炸，必食炸大腸；唔係特別正，不過，叫乾淨，內臟呢樣野，都係D試過無事店舖穩陣D。老婆唔食牛，呢度有粉絲駝鳥肉，同牛肉一樣咁有沙爹味，加個魚唇鴨掌，又有菜墊底，全家都食得。大牌檔風味就係有鑊氣，我咁多碟都無小炒，但係都好掂。證明大牌檔煎炒煮炸皆宜。埋單連一枝汽水、一枝啤酒、三個飯，加埋$260，幾抵食！

TOY STORY 3 在暑假強勢登場, 連 TIME SQUARE 也擺放左 TOY STORY 3 既公仔供市民影相, 幾十隻既三眼仔, 兩層樓高既巴斯光年, 無不是龍友或妙齡少女的至愛 (註: 龍友既目的可能就是那些妙齡少女 ), 我地一班朋友亦相約放工去做下龍友, 影完就去左鵝頸橋街市既榮記醫肚早陣子才第一次幫襯鵝頸橋街市, 是全港首個設熟食中心的街市, 但原來環境一d都唔差, 街市熟食中心黎講算係很乾淨, 而且有冷氣之餘更加無街市味, 我地經旁邊既一條樓梯行上去, 途中有人問我地係咪食飯, 我相信並不是榮記的人, 如果想吃榮記的話最好留意, 直接上去搵位會較好看過資料, 知道這裡的老闆每日親自去附近街市入貨, 怪不得價錢平又新鮮, 也怪不得當日是閒日+曾經下大雨, 也是如此人頭湧湧叫左餸, 一陣間已經有得食先來了一碟椒鹽鮮魷, 跟一般吃到的茶餐廳鮮魷不同, 粉很少但依然香口, 鮮魷果然新鮮, 不像有時吃到的鮮魷咬到牙軟, 那個醬汁也不錯, 泰式的酸甜醬也是大排檔少吃到的, 整體這味椒鹽鮮魷很是出色蜜汁豬仔骨一碟五件, 看官最好先計清楚人數再order, 不然又要等, 豬仔骨其

同男友家人一行 8 人去 "鵝頸街市鵝頸熟食中心2樓" 的榮記海鮮飯店 食晚飯.....其實我地之前都黎過, 真係好食抵食架...炸雞一只 $150 (須預早 order 架) - 炸得 arm arm 好. 而且啲雞肉好夠味...真係超正超好味美極焗虾 $40 - 虾太細只了. 不過味道都 ok啫啫芥蘭煲 $40 - 幾夠煲氣. 啲菜唔太林, 剛剛好.唔錯鎭江豬仔骨 $48 - 呢個超好味. 次次黎都叫...豬仔骨肉入晒味. 啲肉夠林....一個字..."正" 呀沙薑雞腳 $35 - 呢個我冇食. 不過佢地話雞腳好入味,又夠爽....so good 喎XO 韮菜花鴕鳥肉 $48 - 韮菜花好味, 不過鴕鳥肉比較 "鞋"豉汁蒸白膳 $60 - 我冇食. 佢地話味道都 ok. 啲魚蒸得剛剛好...啲肉都好滑西蘭花班片 $48 - 味道比較淡咗少少. 不過都 ok豉椒炒蜆 $40 - 味道 ok冇腥味...不過有沙椒絲腐乳通菜 $32 - 成場最差就係呢碟....好淡冇味***加埋 5 碗白飯 & 5 支汽水, 埋單只係 $610. 超抵呀***

嘛,食評補完計劃9了,嗯細佬在灣仔上學,是地膽呀,當日人在灣仔,當然是找他帶路囉開始時還怕街市會這樣那樣的,不過上到去當然又是另一回事,不過比我相像中舊了點就是了,嗯叫的是和細佬一樣的東西,叉鵝飯,我叫的是一碗,細佬叫的是一碟,但我竟然連一碗都吃不完的,細佬裹說一碗是怩較少的說,而且一碗竟比一碟更貴的說嘛,叉的肥瘦剛好,沒有筋,又不覺得鞋,這是一個最正常的標準,不過吃下口就感覺到肉汁從叉內淺出來,差點從我的口留出來,是我有點兒誇張了嗎?加了汁的飯再加叉一口一口吃更是好味得不得了嗯,鵝我就覺得太胖了,可能我平日較少吃這個吧,我吃完不夠就肚瀉了,可能對於我來說這個東西還是太油了,嗯

榮記係我灣仔區大排檔首選, 平靚正之餘, 又上菜快, 最緊要近我屋企<食物>1) 缽仔鵝肝 ~ 我怕腥唔會試, 男友話無得頂, 仲成盆清晒2) 啫啫雞煲 ~ 呢個整得好好味, 連蒜子都吸晒 d 精華, 但略嫌太油3) 炒蜆 ~ 較細碟同埋有少少沙, 蜆亦比較細4) 椒鹽九肚魚 ~ 係我每次必叫之選, 肚魚依然肥美, 皮炸得薄薄, 份量亦算多2人共消費 $160

是晚係同班舊同事聚舊同慶生飯，皆因13個人入面有4個都一月生日！一行十三人，十一男，二女！七點半我地四人先到，拎台，由於街市熟食中心有幾檔大排檔，拉客情況嚴重，所以大家如果有target，就小心問清楚先坐低!!阿姐們一聽到我地13 個，勁好態度，即刻幫我地加大張台！4個人服待我地！好! 七點半坐低，一路等到成八點半都未人齊!其間只叫兩支汽水，我都覺得好似好阻住人地禁！不過去大排檔就係有呢個好處！你做咩，基本上都唔會理你！總之你就唔好嫌人地服務差！我特別喜歡大排檔！所以今晚餐飯食得自在，食得開心！好！餐單！ 先黎羊楠煲，唔夠羶！但係餓鬼一班，一見有野食就清曬！加左碟肥牛，係雪花，但係都唔係好夠肥！呢度既羊楠煲暖下胃都ok，其望唔好太高！湯反而唔差！夠濃!蜜汁豬仔骨，我想講，碟野一落台，我都未伸手轉佢過黎影相，就已經無曬！皆因碟內只有六舊！實在O咀，所以唯有叫多碟！好彩今次喝住大家，唔係都唔洗只意影到佢！蜜汁好味唔太甜唔太漏！！高水準！肉夠嫩，易甩！炸得好香！好惹味！豉椒炒聖子，勁咸！！！但份量夠！起碼13個人都有機會食！又大隻，都新鮮，彈牙！西檸雞！炸得香脆！雖然層粉厚，但勝在連粉都好味

1212 真係香港足球界既傳奇, 雖然無買飛入大球場睇, 但响屋企睇都感受到果種興奮, 香港足球加油, 香港加油 ~~~1) 椒鹽九肚魚 - 之前食過好正, 今次再 encore 仍然吸引 2) 椒鹽鮮魷 - 個炸漿真係無得頂, 鮮魷亦新鮮3) 豉汁蒸鱔 - 好入味, 如果條鱔再肥美d 就 perfect4) 蠔餅 - 好少蠔仔, 成件蠔餅都好似只得雞蛋咁 5) 豆豉鯪魚炒油麥菜 - 配搭得好好, 唔食豆豉既我亦唔會抗拒四人共消費 : $270

天氣驟暖還寒, 羊腩煲當然係心水之選, 試過前一晚稻香羊腩煲後, 更有衝動再食, 彌補稻香不足之處...1) 羊腩煲 (連菜) $90 ~ 羊腩雖然唔羶, 但勝在入味, 料足2) 椒鹽九肚魚 $35 ~ 魚肥, 炸粉炸得薄薄, 超好味, "必食" 服務好值得一讚, 下次一定會同屋企人嚟試埋其他小菜二人共消費 : $131

記得以前對此類置身街市熟食中心內之大牌檔有少許不大好感，或者是以前還沒有禁止吸煙的緣故，而且以前的一般公德心沒有那樣好，滿地垃圾，很難接受那種坐在垃圾堆中進食的環境，所以甚少去此類地方光顧；但是時代不斷進步，隨著全面室內禁煙和多數人也認同清潔的環境對健康重要的需要，所以現在的大牌檔環境是我所喜歡的食店之一。只需等待電梯一會兒就可以到達一樓之大牌檔，選擇接近電梯口的一張雙人枱，喜歡那種在平日吃飯才可以有的私人空間。大部份中式菜的價格不會太貴，平均為五十多元左右一味菜式的價錢，而份量和味道也成正比，可能也是此類大牌檔式食物店的生存之道，幸好領匯沒有興趣接管政府街市，否則租金不再便宜的話就不可能有便宜的菜式提供于食客。雖然見到大多數客人也有點太爺雞來吃，不過因為我吃了多天雞，想換換口味。最後要了蒜香蟹煲和海參炆魚唇兩道菜式來吃。兩道菜式也可以滿足我的要求，既有質素也合乎其價格水平：-1. 蒜香蟹煲（52元）：--自己是一個蟹迷，無論什麽蟹也會很鍾情，不知道是否小時候曾被蟹嵌欺負過，所以長大之後要吃它而后快！今天點的蒜香蟹煲用的是膏蟹，雖然不算很大一隻的膏蟹，不過顧名思義蟹膏很多。飯是用蛋來炒

閃閃很愛吃油雞，如果做一個燒臘排行榜，應該係咁樣排列：油雞 - > 燒鵝 -> 燒腩仔 -> 乳豬 -> 燒鴨有同事帶我上過去鵝頸橋街市食燒臘，一食愛上(雖然好肥啦... 所以間唔中去食)可以用平靚正黎形容，圖中我食呢個油雞拼燒鴨，都只係$22！仲有湯飲 (個湯好住家Feel，不過都比我平時bo既湯淡，可能一大窩bo出黎吧！但唔味精的！) ！加杯野飲都幾加多幾蚊！價錢抵，分量都唔少，以前我一個人可以食晒一碗，最近只係食到半碗(細食左了)！！但都已經飽飽了！每次都食到呢個價錢上準以上既燒臘，好味唷！大家如果中午係附近，可以走上去二樓食野，我只係鐘情呢間既燒臘，未試過其他，仲有其他車仔麵炒粉麵飯咁，同事都話好味！大家可以試下！(因為燒臘六點會閂門架啦！)

是夜有人請食飯。初次踏足這間在街市中的名食店，雖然只是傍晚六時半，但已經人頭湧湧。是夜菜單如下。1. 蒜泥勝瓜-蒜泥味幾濃，大路貨色2. 沙薑雞脚-雞脚幾淋，味道幾好3. 炸子雞-皮脆肉滑，有雞味，值得一讚4. 豉椒鵝腸-味淡，鵝腸無咬口，可能是雪藏貨5. 砵仔焗魚腸-魚腸味道一般，雞蛋稍為熟了些，油炸鬼幾脆6. 金銀蛋莧菜-皮蛋幾靚，菜都幾好味7. 豉椒聖子-初次食聖子，覺得味道和肉質與炒蜆差不多8. 蒸方利-肉質滑，有魚味，正！9. 黃金蝦-鹹蛋黃好味，蝦又幾新鮮，如果再乾身一些，便更好10.豉油王炒麵-麵條夠乾身，幾好味

見到咁多好評, 昨天去試吓囖!!!我們約6:45pm到達, 已差不多全滿, 我們叫了魚唇鴨掌, 炒雜菇和西蘭花斑腩, 人實在很多, 不但嘈吵, 而且上菜超…..慢, 我們等到7:45pm, 這三個餸才逐一送到, 飯亦等到凍曬, 雖然餸可以叫做大件夾抵食, 但就超咸, 且味精可能好勁, 食完我要勁飲水, 個咀仲有d腫.

5月20月（星期三）晚，因為女友改了練琴的時間，所以是晚去女友公司樓下接她收工。和女友坐電車的時候，女友突然說想去些有“地茂”特色的地方吃晚飯，原先我也沒意見，不過是晚有點微雨，若坐在街邊恐怕有點狼狽。經過鵝頸橋時，突然想起鵝頸街市內的熟食中心有不少“大排檔”，而且味道不錯，於是和女友連忙下車前往。上到一樓，熱鬧得很，幾乎坐無虛設，我印象中記得這裡在OR有不少好評，我和女友就坐在路邊的位。是晚不知女友心情特別好，以下點的食物都是由女友“發板”：鹹魚雞粒炒飯：阿姐拿著這碟飯時已經聞到好香，炒得飯粒分明，鑊氣十足，吃了口飯還感受到淡淡的咸香，應該是加了蝦醬來炒，可能比其他茶記的蝦醬炒飯更濃味；而且碟頭很大，鹹魚、雞粒和配料的份量都很足，雖然鹹魚不是甚麼名牌，我就覺得夠咸香，正，女友卻覺得有點咸到苦；錦繡豆腐：單看菜名已知是雜錦豆腐，但沒想過賣相美觀和份量很大。上檯時用透明大碟盛著，底層是加了豬肉粒的蛋餅，蛋餅煎得香口，豬肉粒亦很入味；上層的材料很豐富，有魷魚、魚塊、西芹等，全部切成粒狀，當然還有主角豆腐粒，但這裡用的是炸豆腐而不是常用的布袋豆腐，最後加了清淡的芡汁，美味之餘亦份量十足！ＸＯ

前日(16-5-2009 Sat)傍晚,男友帶o黎呢o度食飯,佢推介呢o度$28.00o既砵仔焗魚腸,咁我揀o左$52.00o既魚唇扣鵝掌.然後叫兩碗白飯送隔離清真惠記o既咖哩羊腩,白飯都幾大碗同幾軟,由於咖哩真係幾辣,所以都叫汽水,同男友一人一支大可樂.食食吓,魚唇扣鵝掌到o黎,魚唇唔多,有8件o度啦,魚唇同鵝掌都好腍,但我覺得魚唇有少少鯹.墊底有好多生菜,以補我o地冇叫菜o既不足.我o地食o左好耐好耐,都有半個鐘喇,一砵砵o既焗魚腸終於出現喇,但…..幾砵都冇我o地份o既?咁多人叫,終於等到喇,熱辣辣又香噴噴,面上有油炸鬼,翻開睇睇,有好多魚腸.男友加o左胡椒粉,食落,面o既蛋好脆口,裡面o既蛋好滑好香,魚腸唔鯹亦冇異味.最後,我o地兩個食唔晒啲o野,每樣都剩返啲,太飽喇.男友大讚呢o度有酒樓水準但收費平,淨係做熟客都夠.環境,衛生同服務:樣樣都比想像中好,唔錯.

同法國朋友試跑跑馬地馬場，感覺良好。路段長，空氣好。跑完自然要補充一下，最就近的，還是鵝頸橋街市。鵝頸橋街市晚市人地會食寶靈頓，人少還是榮記較好一點。蒜溶粉絲象拔螃味道不錯，共有8隻，有1/4 有沙，吃落鮮味不足，有番蒜溶撘救，不過只是60大洋，好像要求不能太高。八珍煲是否有八珍就不知道了，不過又真係幾足料。堆得滿滿的，唔打得都睇得。椒鹽骨其實不是骨，而是豬扒。呢幾年真係未食過係真係骨的椒鹽骨。可能大部份人已經認為椒鹽豬扒等同於椒鹽骨了，可是對我等試過真椒鹽骨的味道的人來說，又真係幾懷念。而這裡的，也過得去，豬扒吃得出是雪藏貨。最好的，還是budweiser。埋單兩個人一百五十多元，僅僅是ok。