榮園麵家

營業中

休息中

都有幾個月冇幫襯榮園，突然之間唔記得咗佢嘅魚片定魚蛋好食啲呢？巷仔嗰陣我鍾意食魚片，但係入咗舖之後魚片好似唔係好得。是但啦，叫咗個牛筋魚片河。結論係，魚片偏厚實，似交來貨，完全不似舊時模樣，印象中，魚蛋應該好食啲。牛筋炆得夠腍入味，腩汁濃厚，不會像某些新店，花椒八角味太搶。腩汁芥蘭，正正常常，但就不會像麥文好旺角般，有「揀手油菜」的質素。唯有河粉依舊幼滑，暫時榮園仍是香港眾多魚蛋粉之中，我最鍾意的河粉。一提起榮園，好多人就會話已經唔及得喺巷仔以前咁好食，直頭差咗好多，但係我諗：依家香港嘅漁獲都差咗好多，紅衫魚大眼雞都變咗貴價魚，點可能仲要求同往日嘅味道一樣呢？何況，入咗舖之後，有冷氣，衛生環境亦同以前好唔同。有失亦有得，事過境遷，記取今日，活在當下。

旺角雲吞粉喺旺角做facial，趕住要食少少嘢，經過呢度就入去求其嗌咗碗麵。$40 雲吞河喺旺角嚟講嘅話，唔算平，但係都大大碗，有5粒雲吞，河粉偏幼身，但係都唔會碎濕濕。每一粒雲吞都好大粒，好多餡，蝦同豬肉都有好多。喺旺角來講，不過不失，可以快食。

「必食地道辣」「榮園麵家」-在香港這類型店舖真是買少見少了。簡潔嘅餐牌附圖貼在牆上，沒有飲品供應。這就是（榮園）的特色之處。講到特色，一定要數數此店的辣醬，夠曬地道辣，可無限添加。辣到上癮，夠香又夠辣，是必試推薦。食物方面，我點選了以下（牛丸牛腩粗麵）-湯頭不錯，喜歡他的牛丸，彈性十足，也不缺牛味。牛腩也是棒棒的，夠（林）而入味。粗麵不帶鹼水，麵身質感也不錯。（魚蛋雲吞河粉）-魚蛋算是不過不失，雲吞足料，入口超有滿足感，蝦仁特大隻。

今日出去旺角先知巷仔轉左入鋪，真係好鬼耐無去了，所以走去試下，大蓉46銀，6粒云吞，味道依舊。出品快手！云吞大大粒，湯清夠熱，面彈有咬口，總體情懷100分，味道中上。

放工後去旺角買完電器，就周圍睇下有咩食。見到門口貼住舊照片，話開業幾十年，由橫巷麵檔搬入鋪位，諗住點都 ok ，可以試下啦。入到嚟，座位逼夾就預咗，反正過咗繁忙時間，唔洗我搭檯就得啦！叫咗個牛腩撈麵，嚟到個麵咁細既？ 只係略略鋪咗個碟底。 撈麵理應比普通湯份量多啲架！ 若果唔係，洗咩要比貴啲錢食撈麵啫？食湯麵咪得囉？ 牛腩得碎濕濕幾舊。味道正常，唔算難食，但就一定唔會有驚喜啦！呢啲所謂街坊小店，幫襯一次就夠皮啦！ 唔洗回頭。

啖湯味濃係好味，但D腩就大不如前⋯ 以前係後巷已經幫襯，真係好好味，但搬咗入舖味道就大不如前！但係係啖湯仍然係好好味，所以今日唯有叫豬手米粉加腩汁，啖湯好夠味，又厚身，豬手好淋又夠味，仲有2-3隻真係好正！米粉掛住腩汁好正呀⋯

由巷子開始愛上，搬左舖坐得舒服左仲有冷氣，食物依然好好味有品質保證！牛腩湯配E麵好夾，百吃不厭，好食到覺得肥左都抵！雲吞有鮮味，份量足又唔貴，服務親切，會繼續幫襯！

吃個快飯，又不是特別肚餓，好隨機地走進了一家舊式麵家。店內主要是中年男性顧客，應該都是為了吃得快和飽肚。這大概是我吃過最難吃的牛肚，難吃在於非常硬，非常韌，味也淡。牛肚理應是一間麵店的基本食材，但也可以弄得如此不好吃，也實在難得。牛筋撈麵比較正常，牛筋明顯是昏了兩批，一批是煮了一段時間，比較軟身，另一批應該是頗新鮮，就是硬的牛筋。麵尚算彈牙，可是下了很多醬油，非常重口味，很鹹。以後無論如何也不會踏進這間店。

♥︎兒時回憶翻晒嚟♥︎榮園麵家❤️榮園麵家 係細個第1次食 🍢#魚旦河、#牛腩麵、#雲吞麵🥟、#四寶麵嘅地方！亦都係呢間麵店令我中意食 #炸魚皮（骨）😚😚仲記得細個係藥煲冇得飲可樂，但次次嚟食麵都好熱流晒汗，媽咪都破例可唔叫支 #樽裝可樂🥤呢間麵店真係由細食到大，再食到我個女大。不過之前搬咗入鋪後就搵唔識搵間鋪，肥仔今日就帶咗𝚅𝚒𝚎𝚗𝚗嚟食❗️📌炸魚皮個師傅早幾年冇做（以往打邊爐，奶奶都特登打去訂，轉德興試吓） 〰️炸魚皮 $𝟴 （細） 雖然薄咗，但都脆同埋冇油「膱」味📌以前出名 #手打魚旦 🍢但依家都係拎貨〰️ 魚旦河 / 淨魚蛋 $𝟯𝟴雖然係拎貨，但都好彈牙 +魚味😚 1d都唔腥📌 #牛腩河 $𝟯𝟴〰️依舊個腩汁底好濃郁！牛腩都入晒味，唔癡牙！📌+$𝟴 凍檸茶 〰️個菜底都ok好懷念以前細個係冷巷食嘅時間，雖然人事全非，但回憶是無價，係一份同屋企人一齊去食嘅 #溫馨時光⌛️⏳📍榮園麵家 (旺角)🗝旺角通菜街69號地下#兒時回憶 #魚蛋河 #冷巷麵家 #榮園麵家 #食好西 #foodie #foodporn #hkfoodieblogger #vlogmas2020

食咗二十年 基乎出親旺角都去食最勁一次過食三碗 蛋河重汁 搬咗入新舖後 感覺無咗後巷檔果時嘅味道雖然有咗冷氣 有嘢飲叫 服務好咗 環境乾淨咗但無論湯底 魚蛋 辣椒醬仲好記得職員同客互小嘅精彩可惜

對上一次幫襯已經係未入舖既日子好耐無食了今日見下午茶食到好飽晚餐就清清地想食魚旦粉諗起榮園了點了~魚旦粉一定要落辣椒油同醋(媽媽由細教的食法)呢度既辣椒油幾香辣味就中等醋是原支的調味料算是無得輸了份量呢可能我唔算太餓覺得正常份量~云吞河走清唔知係姨姨落錯單定我自己無聽佢覆單佢比錯左麵我我同姨姨講佢都好好即刻幫我換番云吞都算正常質素(唔知係咪自己包呀)下次會再來的

疫症期間，少出外食飯，最掛住的不是什麼大酒樓或貴價餐廳的出品，卻是榮園麵家的牛筋诃和魚蛋，由细食到大，水準始終如一。本担心衛生品題，卻見店員將筷子匙羹放入杯滚水中奉客，服務真是貼心。

收工立即極速 5 波離開，半行半跑 13 分鐘到達火車先記起八達通未增值！身上只得 $500 蚊紙，閘口增值機竟然只接受 $50 及 $100！唯有行去另一個側門，但無票務處，已經行到全身濕晒！再兜上大堂搵票務處增值，居然裝修！票務處搬到老遠另一邊，要再行返轉頭，人都癲呀！最終落到月台人山人海無位坐，真係著鬼晒火！旺角落車去榮園食碗麵降降火，轉小巴返大埔飲酒驅邪驅邪！恭喜終於開新舖，唔洗再踎係坑渠邊。路過新舖見一個食客都無，乾淨光猛冷氣夠勁，不過似乎大家都較喜歡坑渠邊舊舖，露天無冷氣聞住異味，別有一番風味！舊舖千年不變獨孤生菜，千年不變不賣飲品，千年不變只賣魚蛋牛丸雲吞牛腩，都幾好做喎！幾十年老舖貫徹紿終不賣飲品，只賣生菜，絕無其他菜提供。供應招牌牛腩，另外就只有雲吞、魚蛋、魚片、牛丸，係得咁多架喇！就連炸魚皮都不賣，夠專注係勁既！新舖改變係侍應們轉晒做神州大媽，已經唔係以前清一色粗豪麻甩大叔咯，而且餐牌亦加入大量新出品。巧遇兩位洋妞食客看圖點菜不知所措，估估下點解唔問我呢？我坐低食碗麵啫，其他食客眼望望真奇怪，睇我就知唔係 MK 族啦，我遊客黎架乍。點解要坐個酒鬼阿叔攞住罐大藍妹埋黎

舊舖都幫襯咗十幾年， 而家新鋪 已經去少咗， 因為冇咗舊舖嗰種情懷， 我今日去食， 叫咗碗牛筋牛丸河， 嘩， 咸到你😔 都唔緊要啦 仲要喺呢個時勢見到啲夥記 唔戴口罩咁樣落單 我都已經冇胃口了

榮園麵家 was once a very old noodle shop found in an alley. It was always busy regardless of the service and the dust that flew around you. Somehow, sitting in a dirty alley with a hot bowl of noodles made it all so comforting. For some reason or other, it closed that shop and moved to a new location. An actual sit in restaurant with air conditioning! Though seating is still a bit cramped.The menu is on the walls of the restaurant. They are in English and Chinese. There is no 10% service charge. You