榮來樓

營業中

休息中

喺香港唔少得食中菜，想揀間好食又大碟既我就好推介呢一間啦，佢哋嘅食物水準非常之高，味道拿捏得好好唔會太鹹，我哋叫咗個蒸筍殼，真係好新鮮，肉又滑，仲有佢哋嘅扇貝大大隻，鍾意食粉絲嘅朋友，仲可以叫佢加多啲添👍🏼再叫咗個蒜蓉炒豆苗好嫩好新鮮，仲有好多招牌菜都10分好味😋

簡直不知所謂…落單等左一個鐘…係一間垃圾！好食都冇用！廚房管理簡直一堆垃圾…做唔到未收小啲客囉！外賣多未停左佢喇！大佬！點樣做生意架！食唔落…你硬吞！啃死你呀！

一家三口嘅星期日晚飯我哋食左😋麻油魚皮勁抵食，超大碟，麻油好香，加上魚皮爽脆，連埋葱絲薑絲胡椒粉加埋一齊食，一啖接一啖，停唔到口。😋香酥脆皮豬手酥脆香口，大大件，肉嘅部位稍為有小小乾，但都好好味。😋蜜薯安格斯牛粒最鐘意食嘅一道菜，牛柳粒好多，仲有好多蜜糖，至愛，送飯一流。😋香脆乳鴿又香又脆，唔會炸得過老，肉嫩皮脆。😋蠔仔粥超多蠔仔，大粒又飽滿，食左3大碗。整體好滿意，樣樣都好味，下次再試埋其他。

2023年03月15日(三)傳聞榮來樓鑊氣小炒頂瓜瓜倆姊妹來撐枱腳帶子鑊氣小炒皇蜜薯安格斯牛粒潮爆蠔仔餅家姐話味道、鑊氣同以前完全唔同，差咗好多。味濃、味精重，食幾口後，就開始口渴，不斷飲水。帶子鑊氣小炒皇，帶子不見蹤影，但有菜脯、薯仔粒、豆腐乾。蜜薯安格斯牛粒，味道OK，家姐話以前好好味，必食。潮爆蠔仔餅，有少量蠔仔、洋蔥絲、菜脯混合，味道一般，材料少，炸漿非常之多。今次之後，失望而回，冇下次。

今日去左榮來樓食飯，屋企人介紹話好食，即管一試，但去到全部野食都加左$20一樣，勁貴！但都算啦，一場黎到就試下。點左幾款小菜，普遍都要一百幾蚊一碟！先上椒鹽九肚魚，勁油膩，魚肉好腍好濕，感覺好油唔乾爽，食一舊就唔想食了。素炒伊麵 無食過 唔知味道然後黎左一隻咸雞，$188/隻預算佢會好大隻，佢仲要好醒咁將一隻開兩碟好似好多份量咁，但側邊擺滿炸到燶哂嘅油炸鬼，搵鬼食咩？咁黑！而且成碟野其實唔係好多雞，好多都係油炸鬼。咸雞就仲衰！第一眼見到，嘩，咁乾咁瘦嘅？？？皮又乾，骨又黑，肉又梅，咩事？$188你比隻咁嘅雞我？？？食落仲驚，點解個口感、味道、色澤、大細，同我係街市買大陸預先包裝煮熟左嘅「客家咸雞」一模一樣嘅？又咸又乾又柴！我比$188黎食你呢隻街市買$100/3包嘅原隻咸雞？？？其他榮來樓食評果隻雞，完全唔係咁嘅樣！就算咸雞，都唔會變左咁瘦咁乾咁黑架！成盤野都係垃圾！最後全檯人都唔食隻雞，每人一件就無再食過！豉椒鵝腸，還可以，正常，但你話味道同價錢都係唔成正比。呢個魚泡煲要$148！真係貴到痴線！好好食又唔係，又係普通薑蔥爆，但魚泡尚算大舊彈牙。 糖醋咕嚕肉，完全薄如紙，食炸粉定係食肉

元朗好多大排檔，通常幾間排埋一齊， 呢一間喺巷仔唯一一間。都好熱鬧，但相對就冇咁擠擁，所以揀呢間。啤酒$33價錢ok!叫的餸菜好快送上，有炸大腸，是招牌骨，西蘭花炒花枝片。西蘭花炒枝片，另外附上蝦醬，花枝片爽口，西蘭花炒得剛剛好，唔會太硬亦都唔會太棯，入邊有少少韮黃和中芹，所以炒得都很向香口。炸大腸，外皮脆脆地，乳豬口感，切得都幾方便入口，點甜醬，好味，冇臭豬腸味，下邊墊住菠蘿，但應該用水沖過，所以菠蘿比較淡味。豉椒排骨，排骨好多，好惹味，入邊有三色椒冬菇炒！正兩人$319，加一碗白飯。接受支付寶消費卷！

首先要講嘅係...上菜真係好慢😂約左班fds聚舊，我已經遲到左半個鐘先到，但黎到仲要等多十分鐘左右先有第一碟餸到😂好普通嘅西檸雞，味道偏酸，第一啖食..酸到面容扭曲左一下～好普通嘅咕嚕肉～ 完唔入味既魚香茄子煲...毫無惹味既感覺椒鹽炸豆腐...一個無味嘅炸豆腐，表面無椒鹽既咸香味...金沙鮮蝦！本身食落幾道菜都有啲失望，但估唔到依道菜有驚喜！d蝦隻隻好大隻又厚肉，肉質食落厚實，感覺係新鮮靚蝦～而外皮炸得香脆，食落亦好有咸蛋黃既金香、咸酥既感覺！依度菜真係煮得有返d水準，抵讚👍🏻冷盤豬手～本身見佢上菜甘慢，諗住叫個冷盤會快啲...但估唔到係最後先到～ 食落又係好鬼普通～總括，食物水準好普通，但空間闊落，都適合一大班人吹吹水坐下既～

是日即興叫呢間餐廳既外賣叫左椒鹽鮮魷、蜜餞薯仔炒牛柳粒、涼瓜炆排骨、鹹蛋時菜肉片湯四個餸。半個鐘都唔洗就有得食。菜準備得非常有效率。以為外賣份量都係細份，但佢全部都好大碟好足料！自己好鐘意個鹹蛋時菜肉片湯，有少少似胡椒豬肚湯嘅味道，入面都好足料，大大塊肉片、木耳同芥菜。涼瓜炆排骨份量係好大碟，食極都仲有好多排骨。椒鹽鮮魷既盒就好細心咁界左個角，黎到都無”淋”哂。個椒鹽鮮魷又係非常新鮮 喊味同炸既程度都岩岩好

自搬進美食天堂的元朗後， 我們愛吃的本色日益倡獗，住家飯變得愈來愈沒必要了！元朗之大、食肆之多，令我們的美食清單，尚有不少未曾到訪的食店！「榮來樓」在一條後巷內，每每經過其吸煙區的用餐範圍，情況多是爆滿的，所以引來我們的關注！而在吸煙用餐區對面的正門，門口擺放著魚頭、活魚、螃蟹等海鮮，至於室內的環境，第一次踏足店內是剛過的星期六，後來星期日也與友人一同到訪，一去便連續兩天，停不了。沒錯，環境是絕對的街坊格局，除地下三四張檯外、還有可設置大約六、七張檯的一樓，總括而言地方不大，正因為食物水準出乎意料的好，所以在沒有拍環境照前，便不急及待跟大家分享！星期六晚首先來個剁椒魚頭 (HK$188) 刺激一下！魚頭分大和小，我們兩口子就要了一個小的。魚頭非常新鮮，焦點的剁椒不算辣，但調味做得挻順喉，故老公吃得十分開懷；除了不太辣，魚頭也放上大量蒜蓉和香蔥相伴，香氣十足，加上酸香微辣的剁椒，非常惹味！難得平日不愛蔥的我，也覺剁椒、蒜和蔥的組合來得超香、超美味，老公更用魚汁剁椒來拌飯，吃得多滋味，無疑剁椒汁做得不錯，愛辣的朋友可在下單時要求加辣！不過，吃過剁椒滋味後，小人的心還是作聳，幸好一點口乾的感

我帶著爸爸媽媽來榮來樓👣光顧過三次懷舊地道小菜館嘅風格,出面有三張有蓋露天台,室內就分上下兩層,🚪放著少許海鮮👀🦐🦀🐟選擇。1)蜆芥鯪魚球🐟必食,入口鬆化彈牙脹卜卜大大粒👍2)油浸筍殼魚🐟自己出面揀,新鮮脆口

今晚入完屯門做嘢諗住搵嘢食，但諗諗下元朗同屯門其實都係好近，但係元朗就好多嘢食，求其揾間都應該好味😋😋😋揸車去到B仔涼粉後面有得泊車，所以就停左係嗰邊，一落車見到兩邊都係食市，唔係食打冷就係食雞煲，見到橫街裏面零零舍舍食小菜嘅，見都幾多人食喎，我同一班朋友就入咗去食啦，侍應安排左我哋坐2樓，一上到2樓其實都爆爆地，坐低洗完碗睇下嗰menu先，嘩！真係好多選擇呀，不過聽聞哩度食魚好出名嘅，我地叫左嗰蔥花辣椒蒸大魚頭，薑蔥爆魚云，炸豬手，招牌鹽焗雞，金銀蛋浸白菜仔，咸蛋黃炸鮮尤，滷水浸雞腳，最後再嗌多個口水雞同埋豉油王炒麵！！蔥花辣椒蒸大魚頭真係好出色，好入味，其實平時我麻麻地食魚架，但係呢個蒸大魚頭真係真心出色😜😜！！碟薑蔥爆魚云好有穫氣，裏面有勁多蔥段同埋豆腐卜，全部都索哂啲汁，啲人話食魚云等於食花膠，係咪真㗎，好正呀🤫🤫🤫至於個炸豬手都OK喎，唔會話炸得好實，都仲好有肉汁呀🤪🤪。招牌鹽焗雞好滑呀，不過就差少少雞味，個麻辣口水雞真係見到都要食多兩碗飯！個滷水汁雞腳同樣出色，雞腳充滿晒滷水汁同埋應該都浸左好耐，因為啲雞皮好淋，骨膠原BB😋😋😋唔打唔撞入咗間平民嘅小菜館，好滿足呀🙋🏻‍♀️🙋

今晚想食豆豉蒸魚暈，記起這平民飯店門外經常擺出大大個魚頭，於是揸車人元朗光願。泊好車後到達飯店果然見有三大個魚頭，雖然今晚的魚頭不太巨型但已不箅太細。於是選了一個最大的，加消多一個薑葱魚泡煲及炒菜心便足夠两人食用了。魚頭蒸出來十分香，味道很好，魚暈很大塊及有肉。但豆豉落重了一少点。薑葱魚泡煲很有火路，份量十足。魚泡本身做得很軟滑。送飯一流。菜心也炒得很好。這個晚餐份量两個人也吃不哂，消費祗不過是四佰元。

黎食過幾次！鍾意佢地嘅招牌菜薯仔牛柳粒、金沙南瓜、小炒王，仲有d海鮮好新鮮兼好味！D份量自己覺得都唔算少，味道適中，好啱胃口。如果有三五好友或著一家人聚餐，呢度都算係唔錯嘅餐廳！不過食飯時間好似都幾多人，最好提早到或著電話訂位。老闆娘人幾好，會介紹好味嘅餸，海鮮要點煮先好食。D價錢唔係太貴，咁嘅份量同味道覺得物有所值！宜家冬天仲有得打邊爐，下次再黎試下老闆娘話已經係元朗開佐十幾年啦，老字號餐廳果然有保證！一個字：正～

如果約同事，朋友我會食小菜，因為可以慢慢吹吹水，食下野，飲下啤酒~今次約舊同事在元朗食飯，朋友介紹給我，這家店已經好耐了，這店小菜不錯，所以來了這裏~三個女仔胃口不大，每日點一個餸~椒鹽鮮魷，京都骨，雜菜煲~椒鹽鮮魷：炸粉太多，咬一下已經魷魚和炸皮分開京都骨我至愛，酸甜適中，送飯一流~主要的骨不會有太多肥膏~因為試過食第二間一半肉一半膏雜菜煲係我揀，因為我覺得一定要有菜落肚，清湯煮，有白菜仔，西蘭花，菜心，大白菜加粉絲，不會太喊~

元朗出名多好野食, 去開屯門, 就去元朗搵食. 屋企人做完research, 就book 咗榮來樓. 由兆康地鐡站行過去大概10min, 幾易搵. 早咗到, 附近有勁多唔同種類嘅餐廳, 好多人, 好熱鬧, 好鐘意呢種氣氛. 好彩book 咗位, 7點已經好多人. 座位安排喺上層. 佈置係好typical 大排檔. Menu 上有好多選擇. 我哋叫咗6個餸:蜜餞薯仔牛柳粒 - 呢個超正, 薯仔同牛柳粒比例好好, 份量又夠, 每一粒都沾滿蜜餞, 好好味. 炸豬手 - 好體貼, 已經一件件切好了, 以為炸會比較乾, 點知係外脆內軟. 味道剛好, 不會太咸蝦仔茄子粉絲 - 比較清淡, 不過好香, 好多蝦仔. 油浸筍殼魚 - 即係炸魚, 不過唔係好多地方有得食, 所以一定要試吓. 好脆, 連唔鐘意食魚嗰個都不停夾. 炸鯪魚球 - 好大粒，新鮮熱辣，好食不過唔太特出. 雖然係大排檔，不過D姐姐態度都好好，食到一半開始多人，問佢可唔可以開大D冷熱，佢即刻就去開了. 又抵食又有質素，明白點解周圍咁多餐廳佢都仲咁full