極．大瀛喜

營業中

休息中

朋友生日話想食放題，揀左新開位於荃灣廣場極·大瀛喜，新裝環境一流，乾淨舒適！可能新開未有咁多人知，食第一輪5點未去到爆場據講荃灣分店係全線第一間有分a，b餐而且呢度仲有全港獨家nutella醬機自助區，大愛今次食5點時段b餐 $388 真心值回票價B餐獨有：上湯芝士焗龍蝦伊麵底、油鹽焗奄仔蟹火炙A5和牛伴海膽、拖羅、鱈魚乾海膽吞拿魚蓉taco 龍蝦、奄仔蟹都有酒樓級數A餐 午市最平$268 都好平推介必食金銀蒜蓉粉絲蒸蟶子皇、藍鰭吞拿魚刺身、櫻桃鵝肝、鱈魚乾蟹肉蟹粉taco 、甘鯛立鱗燒伴黑松露忌廉汁草莓戀人咕嚕肉、北京烤鴨伴荷葉包、油鹽焗大頭蝦酒醉鮑魚、金湯花膠蟹黃翅、法式麵包開心果誘惑雪糕飲品都可以稱上數一數二香港種類多！其實仲有串燒、天婦羅、乳鴿、小龍蝦、點心真係好飽食唔到 800幾蚊埋單 好值～

尋晚打風前夕，一早約咗朋友去食呢間荃灣新開嘅「極．大瀛喜」日本放題，打風都阻唔到我哋去食好嘢嘅決心😂 估唔到都有咁多人嚟食，接近全場滿座！ 呢度食物質素真係好高，可以話係放題界嘅天花板！啲海膽新鮮到不得了，食落去完全唔係平價貨色。出面自助區嘅選擇都好多，最特別係有全香港第一部用Nutella整朱古力醬嘅機，加喺雪糕上面一齊食，真係邪惡到爆😆 另外午市嚟食仲抵，午市$268起（B餐加$80），可以3個鐘無限量任食，我已經決定下次要再嚟試埋個午餐！ 🍣 A餐必試： - 藍鰭吞拿魚刺身- 醬油乳生蠔- 櫻桃鵝肝- 鱈魚乾蟹肉蟹粉taco - 北京烤鴨伴荷葉包- 油鹽焗大頭蝦- 草莓戀人咕嚕肉- 金湯花膠蟹黃翅- 甘鯛立鱗燒伴黑松露忌廉汁- 金銀蒜蓉粉絲蒸蟶子皇- 法式麵包開心果誘惑🦞 B餐升級之選： - 上湯芝士焗龍蝦伊麵底- 油鹽焗奄仔蟹- 火炙A5和牛伴海膽- 拖羅💡 仲有超多選擇：刺身、壽司、卷物、鐵板燒、串燒、炸物、煮物、一品料理、燒物、天婦羅… 樣樣高質，胃仔要準備好！ 💰 總計: $942, 2位用餐(已包含10%服務費)

這次的用餐體驗可謂一場高級日式料理盛宴。前菜刺身拼盤色澤鮮明、刀工細膩，三文魚、拖羅、白身魚一應俱全，每種魚生均美味鮮甜，入口即化，充分展現食材的新鮮，不過蝦唔夠鮮甜。鮑魚肉質韌中帶嫩、鮮美回甘，令人印象深刻。酒杯盛裝的鮮魚蓉創意十足，層次豐富，搭配爽脆青蔥點綴，更添風味。櫻桃鵝肝有驚喜。熱菜包括燒肉飯麻麻地， 乳豬唔脆。清蒸蟶子，香氣撲鼻，醬汁濃郁不膩口。海膽和魚子醬牛肉卷入口滑順，油脂與鮮味完美融合。前菜碟、海藻沙拉及炸物細緻小巧，視覺與味覺兼備。整體而言，無論是擺盤、創意或食材等級，皆展現高水準，是極佳的饗宴體驗。整體都滿意既， 但可能市面太多高質d既放題， 感覺間間差唔多，冇咩驚喜。

新店開張梗系要去試下啦，點知真系OK喔俾我感覺系“裝修豪華，環境闊落，乾淨企理"我點左B餐，開始都有D驚中伏，但居然無喔試左..仲有好多嘢，D出品真系好正，D食物都好新鮮，自助吧都好多嘢食。講下間店的服務，都幾好，食到中途，見到隔離臺唔小心倒泄左食物，見服務員即刻過去幫忙，同埋清理我張臺D空碟時D服務員都有禮貌請示下再幫忙收走， 最重要系到鐘買單時，服務員無黑面無急催，，好啦唔講啦，費事以為我系賣廣告，總言之今次用餐體驗用四個字可以形容(開心，滿足)，俾分我會俾90分，留返10分有待觀察。每個人感受不一樣，都是要親自去試過先知。