我最愛的放題品牌大喜屋終於插旗荃灣，而且仲係高階版，叫極•大瀛喜，選址荃灣廣場，地方十分寬敞，而且樓底高，好有空間感，和我鍾意的旺角新世紀的殿•大喜屋一樣，感覺又大又舒服！荃灣店係唯一一間，有A、B餐揀的餐廳，我地當然揀乜都有得食嘅B餐。刺身拼盤先來，三文魚、油甘魚、北海道帶子、象拔蚌、甜蝦、松葉蟹腳、藍鯨吞拿魚、赤貝、大赤蝦、金槍魚腩刺身等，每件都新鮮肥美！尤其金槍魚腩刺身，粉紅粉嫩的，油脂滿瀉，真係超級好味。我自己一人都食左成20件！好滿足。B餐一定要食臻品鮮凍紅花蟹、上湯芝士焗龍蝦伊麵、A5黑毛和牛薄燒及鱈魚乾海膽吞拿魚Taco。凍花蟹大大隻夠肉厚，Taco又香又脆，伊麵及薄燒都好好味~我地仲食左紅燒蟹肉花膠翅、吉品鮑汁珍寶鮑魚一口花菇飯、酒醉鮑魚香芒滋味魚生薄脆及酥炸桶蠔。燒物有鹽燒牛舌、燒溫室甜菠蘿、羊架、西京燒比目魚、蒲燒鰻魚，仲有我最愛的燒金枕頭榴槤。金銀蒜蓉粉絲蒸蟶子皇隻隻都肥美鮮甜，一人食了差不多10隻！男友鍾意飲啤酒，呢度啲生啤都係任飲，一次過飲個夠。仲有一定要食立鱗燒伴黑松露，啲鱗超脆，完全可以拍得住日本餐廳！基本上試晒啲精選食物，我地已經食唔落壽司，所以只能放棄，將最後的胃納留俾法式麵包開心果誘惑！這個麵包造型得意，上面淋了開心果醬和一大球雪糕，但我地略嫌太淡，所以用日本版Häagen-Dazs雪糕撈入去食，簡直一絕！食埋個木瓜燉雪燕，滿意收手了。…查看更多
。成日話香港飲食業生意唔好，但嚟到真喺好大反差。先講個環境，地方好大，樓底又高，最欣賞喺間開唔同區域，分為A、B、C、D……朋友嚟到都易搵啲。雖然以金色為主調，有種金碧輝煌之感，但一啲都唔俗氣，通道、座位都好闊落，令用餐體驗更好:)。我哋揀食中午，平啲吖嘛，12:00pm開始陸續入座，一區一區坐滿，最後，近乎全院滿座
。星期六、日、假期午市做到5:30pm，我哋食完離開時一樣見有人入座。而且，可以食足3小時，夠晒時間慢慢嘆。餐環境講咗咁多，順便介紹埋自助食物區，就晌入門口左邊，地方都好大，通道同樣闊落，唔怕人撞人。掃視一番，絕對令人花多眼亂，非常多元化，睇相你都見，照顧到唔同年紀層嘅人，包括有30多款冷盤小食、沙律，以及自助餐常見嘅凍海鮮，仲有燒味、炸物、熱湯、點心、生果、甜品、雪糕雪條、軟雪糕搭多種配料、自助茶啡、果汁、自家製健康飲品，同埋一大櫃多到數唔晒嘅飲品。淨喺呢個自助區都可以食飽人啦！除咗出面自助食物區之外，呢一款「放題A」可以點嘅食物分類有刺身、創作刺身、串燒、燒物、卷物、軍艦、壽司、創作壽司、火炙壽司、炸物、天婦羅、一品料理、煮物、蒸焗鐵板燒系列……等等，相信計計埋埋晒有超過百款食物。價錢就分日子、分時段，自行研究研究。如果貪心少少想食多啲貴價菜式，可以選「放題B」，等同「放題A」加多$80，就有近10款特別嘅菜式任點任食
，例如：拖羅、北海道帶子吞拿魚蓉魚籽杯、上湯芝士焗龍蝦伊麵底、油鹽焗奄仔蟹……等等
，等陣再分享！掃二維碼落單成為趨勢，一來減省人手，亦減少人為出錯，二來點咗乜可以睇番，一清二楚少咗啲爭拗，好老實，今日成餐飯都無漏單，至多有一、兩款食物上得較遲。更值得一讚嘅喺，有咩要注意晌單度都溫馨提示埋，所以，頭2.5小時主要食二維碼落單嘢，剩番30分鐘，就主攻自助區嘅甜品！
飲品
。今餐真喺食得稱心滿意，不單地方大，環境好，食物選擇多，供應充滿，而且，上菜快，又無漏單，招呼好好，啲店員好有禮。由頭領放到尾，除咗我哋嘅食力有番咗上下，點菜策略亦得宜，自知無可能試晒所有嘢，重點出擊啲心水菜式，先可以食得咁盡興
！
