極尚大瀛喜日本料理

營業中

休息中

工作壓力大，放工梗要食餐好啦！今晚同閨蜜去左極尚大瀛喜食日本放題，一於盡情舒壓~~~ 首先食D前菜warm up下，都有十幾款既，味道OK，我推介少辣蘿蔔，爽口香辣~飲品種類都好多，不過緊係飲平日較貴少飲又正既，我揀左荔枝紅茶、蘆薈奇異果、芒果汁、水蜜桃汁、忌廉溝鮮奶……等，好似喝左好耐咁，不過清甜果香好難忍~ Order好食物又等緊既時候，最好及下出面既熟食，唔好蝕~ 有豉椒炒蜆、炒四季豆、蛋撻仔……好似去左中菜廳咁~ 仲有花膠雞腳豬骨湯，好濃郁呀~ 食得生冷野多及坐得耐涼涼地，飲呢個好正，所以我飲左3~4杯~ 跟住唔使問，大家指定動作緊係食刺身先啦~ 有13款選擇，我地就叫左三文魚、大赤蝦、希靈魚、北海道帶子、螺片、虎蝦及鮑片，整體質素都OK，幾鮮甜，當中最鍾意北海道帶子，一定要試~然後就到壽司類啦！點食紙都有5張，有成30款咁多，但食唔到咁多，唯有精選4件壽司 +4大軍艦 +5大卷物，有蒜香牛肉、牛油蒜蓉大蝦、帝皇蟹棒……我就鍾意山葵八爪魚軍艦、香蔥拖羅蓉軍艦及野菜燒牛肉卷，貪佢好味又夠濃味~~~涼涼地就點左個超人氣雪花牛肉鍋，真係蒸氣騰騰牛肉鍋，米睇佢咁生，撩兩下熟晒，湯底好甜

個人揀放題來講，都幾睇重佢小食、燒物等等，今次揀咗極上大型喜，絕對冇令我失望。刺身壽司不在話下，新鮮得來夠晒厚肉，而最吸引我嘅當然就係佢嘅吞拿魚茸軍艦，吞拿魚嘅魚油香得來而唔會太膩，侍應捧想來嘅時候紫菜仲係脆扑扑，好好食！另外一個回本之選，當然就係海膽手卷。佢個海膽手卷唔會淨係得啲飯，海膽嘅份量亦都夠晒，一啖一件，絕對係encore之選！至於燒烤食物方面，我最鍾意佢燒雞軟骨同埋牛舌。佢串雞軟骨唔會油淋淋，咬落去好爽脆，又唔會燒得太燶，好好食！佢嘅牛舌唔會燒得太乾，啱啱好！雖然好多人覺得係放題叫烏冬唔抵食，但有時覺得不斷食生冷野，食返啲亂粒粒嘅嘢食，個胃會覺得舒服啲。今次試咗佢個湯烏冬，可能我個人鍾意昆布湯，清清地，其實都幾開胃。而且佢嘅烏冬都幾有咬口，食得出絕對係手打烏冬，如果佢有埋咖喱湯烏冬就好啦！

今日專程過去觀塘同朋友食晚餐, 喜歡吃日本菜的她當然二話不說吃日本菜,最後決定去食放題, 而看到不少好評的這間就打去訂位, 約八點多到達, 沒想到咁大間而座位都不少, 看到一疊厚厚的餐紙就知道有不少選擇, 即時點了不少而再出去拿東西食.出面小菜不少而且飲品和已經有三個櫃咁多, 仲有甜品櫃和雪糕雪條, 有驚喜,二百多元就有咁多食物.喜歡吃炸物的我當然沒有錯過濃郁而新鮮的榴槤炸彈和口感十足的炸蠔, 而出面拿來鮮的章魚小丸子都十分好味,醬汁夠又軟熟而入面足料. 熱食當然不會不叫炒椰菜啦, 炒十分香口而又翠綠.而壽司都叫了不少有,芒果卷,吞拿魚碎,蟹籽....壽司細細舊一口剛剛好, 材料都新鮮而紫菜都夠脆口. 喜歡吃三文魚的我都有叫花之卷, 三文魚質素都吾錯, 仲有魚油香係度. 手卷有海膽和鵝肝,吾大舊, 而海膽味道都突出而吾會有腥的感覺.最後都叫多咗一輪熱食鰻魚,菠蘿,晴魚,每款都叫咗一舊, 岩晒我一個人自己食又想多選擇. 炒蜆係朋友最愛, 都幾香而厚肉.豆腐花就係我地最後的甜品, 這個價錢有這質素很好又抵食,.

舊同事由澳洲回港聚舊, 今次就揀了係觀塘既極尚大瀛喜。呢間野平日都叫到可以walk-in直入, 如果星期五六晚上黎基本上一定要book台, 可見其受歡迎程度! 呢間放題其實之前都食過, 不過今次黎見到佢係位置編排上有執過, 近門口處而家多左自助區, 前菜, 飲品, 甜品同雪糕等等都可以係呢度自取, 方便程度加分!雖然張台係卡位設計, 不過就比較偏窄, 個肚都就黎掂到張台, 坐入去果陣隻腳都會頂到台腳, 不過不失啦。今次無乜特別影相, 好多都有同事在場就唔擺圖片喇。比較特別想分享既係呢度黃金蝦, 蝦夠大隻, 炸得夠脆, 簡直係食唔停, 我地前後叫左10幾隻。另外燒鰻魚味道都幾好, 壽司手卷就全部都細細件, 可以每款都試勻。而前菜有款涼伴茄子都做得好出色。野飲方面有幾款啤油選擇, 仲有最新出既白色可樂, 唔同款既茶, 果汁等等。而唔飲凍野既朋友呢度亦有熱茶提供, 幾貼心!回本之選依然係魚生, 赤蝦, 虎蝦同甜蝦都已經預先去殼, 啖啖肉咁食非常滋味。最後要讚一讚既係雖然地方比較細, 不過通道做得都幾闊落, 行出行入都唔會阻到佢地送餐, 收碟速度亦幾快, 今次4個人食左$1091, 以貨論價都

每次一諗唔到食咩，就會去食放題。今次近近地去咗觀塘極尚大瀛喜，真係多人到爆。雖然食過好多次，但係都係要真心一讚佢嘅刺身同壽司。雖然唔係太鍾意食刺身，但係佢嘅油金魚刺身同埋帶子刺身，我係會令我想叫完再叫。至於壽司方面，佢嘅選擇真係有好多款。而我最鍾意食嘅一定係佢嘅油金魚壽司、灸燒帝王蟹棒壽司、灸燒左口魚邊壽司，同埋黑松露大蝦壽司。壽司上面嘅魚生超級新鮮，而且夠晒厚肉，平時單點有返咁上下質素嘅壽司都要十幾$20一件，宜家放題任食，係爽既！鍾意食雞翼嘅仲可以選擇佢嗰醬燒雞翼或者芝麻雞翼，個人來講就鍾意佢嗰醬燒雞翼多啲，冇咁熱氣，燒起嚟好香，而且啲肉汁就鎖住晒係雞翼裏面！飲品、小食、前菜、甜品應有盡有，而我就好鍾意食甜品，當然唔會放過甜品放題嘅機會啦！雪糕雪條亦都有多款選擇，而且無限量供應，真係食過不停呀！

今日媽媽生日，所以帶媽媽去食放題當慶祝生日，我地就選擇左觀塘嘅極尚大瀛喜，因為好方便，一落巴士過對面就到！另外就係覺得呢間放題，環境好新淨，好豪華，好大，坐位都好舒服刺身拼盤放題必食吧，三文魚真係好新鮮，厚切仲要係腩位，北海道帶子都好鮮甜，好厚肉，甜蝦都好大隻，咬落口好有口感呢間嘅帆立貝壽司真係一定要食，好好食，帆立貝超新鮮，塊帆立貝比出面更大塊，我叫左勁多件 呢間創作壽司都幾好食，花之戀必點啦！仲有呢個芝士鰻魚玉子，好特別，食落口都幾夾，仲有埋芝士，口感唔錯飽汁燴花膠，食多幾件都抵返曬，仲要大大件，整得夠入味放題嘅牛油粟米係最好食，超香牛油味，粟米亦都超甜，無得輸飲品仲要勁多選擇，幾多個雪櫃，連雜果賓治都有，講得出嘅都有😂任飲唔嬲我媽媽好開心好滿足，佢話好滿意今次的生日飯！

我個朋友係觀塘放工，所以我就去搵佢食飯，佢話想食放題，最後我地簡左食極尚大瀛喜，佢呢間好食同多野食！好開心，因為我地早去到，所以仲可以入坐，唔洗等，入到去門口已經好多人等位！開始劃野食啦～一定要食我最愛的壽司🍣三文魚籽軍艦，勁多三文魚籽，好好食，超爽！仲有我最愛的芥末八爪魚海膽手卷又係好好食，海膽好甜好新鮮，手卷一啖一口，幾正蒲燒鰻魚又係一定要食，因為平時出去淨食鰻魚又貴，同多數都要配埋飯食，呢加真係任食唔嬲，好抵黃金炒海中蝦，用咸蛋黃黎炸，好夠味，蝦都好大隻，又好入味，真心呢個一定係皇牌醬炒香辣牛孖寶，係牛柏葉同金錢肚黎，好似以前酒樓果d，呢加好少酒樓有得食燒牛舌、燒菠蘿、燒翠玉瓜呢間甜品都幾多，有我最愛的蜜瓜味雪糕🍦勁多甜品，明治乳酪好好味，係椰子味，第一次食感覺唔錯呢間放題都幾多不同種類嘅食物，幾好！

好耐都冇食過放題，我真心中意食，因為好中意食日本野，同埋有時出街唔洗諗食咩！出街食飯差唔多價錢，放題就咩都有得食，多選擇呢間極尚大瀛喜最正就緊係地理位置好啦，係地鐵站隔離，食完仲可以行apm!同埋地方大，餐廳又新淨 ！出面仲有勁多野可以拎！有熟食、凍盤、沙律菜等等⋯好中意食佢呢個涼拌青瓜木耳，整得好入味，食到我停唔到口，仲有個頸肉四季豆，d四季豆整得好好食，好脆好爽口個蒜片和風汁炒牛柳粒，都唔錯，肉質好嫩，和風汁好甜，夠入味芝麻雞翼炸得好香好脆，仲有一口芝士，咬落口好香濃嘅芝士味，口感幾好炸天婦羅蝦都好好食，好香脆，配埋個醬汁一流鹽燒雞軟骨都係必點吧！味道幾好！呢間放題都幾高質，下次可以再黎！

落完單出去自助bar拎嘢食就啱晒，一邊食一邊等，絕對唔哂時間！自助bar有勁多野食野飲，有小食、飲品、甜品、雪糕，一入場一分一秒都可以狂食，絕對唔會蝕😂食盡三粒鐘，回本喇！🤑刺身擺得勁靚，仲加埋冰雕做裝飾！睇得又食得，打卡呃like一流喇！值得一提既係呢間放題刺身種類超過十款，🦐刺身有甜蝦、珍寶大赤身蝦、虎蝦，熟食仲有黃金蝦，蝦控岩哂！🤣🤣軍艦壽司即叫即製，紫菜非常香脆，壽司唔太大件食哂咁多款式都唔會飽膩！燒菠蘿又香又甜又多汁，果香味超濃！芝麻雞翼超級香脆，肉質滑嫩。芝麻非常香口，加上微微既辣勁，越吃越滋熟食也不錯！一口牛粒牛味濃郁，肉味濃，超好味！呢個烏冬我覺得無論食都幾飽都一定要食！！！烏冬口感非常煙靭，入口滑嘟嘟，好高質！

呢間放題以前喺銅鑼灣都食過一次，今次星期六同隔友出九龍行街，就去咗觀塘分店食！觀塘同銅鑼灣分店一樣都係用電子點餐，非常先進又環保！自助bar有冷熱飲品供應，又有小食，一邊食一邊飲等着order黎就最岩！一分一秒都在食食食，絕對冇蝕底！唔單止飲品同小食多元化就連甜品同雪糕一樣都好多選擇！雪糕櫃除咗有雪條雪糕之外，仲有雪糕機可以自己整雪糕加埋自己喜歡嘅配料！DIY 無難道！我最愛既大腳板雪條！一層脆皮朱古力配上雲呢拿及朱古力雪糕，美味無比！刺身選擇勁多！單單蝦類刺身已經有甜蝦，虎蝦、珍寶蝦，中意食蝦刺身既朋友必定岩食！吞拿魚刺身色澤明亮，很新鮮！壽司細細件，唔會太飽肚！蜜糖芥茉大蝦卷面層既可可脆片，配上嗆鼻既wasabi 令口應同味道層次都非常豐富，值得一試呀！！！天婦羅新鮮熱辣炸起，超香脆，入口唔會太過油，不錯！

Yeah! 終於又搵到伴食放題啦，梗係encore返呢間極上大瀛喜啦今次lunch都冇食特登留肚上嚟同佢博命，好彩都等得唔耐，三四個字左右就有位啦永遠都係全院滿座，真係咁抵食？抵佢系亞太中心呢度屹立不倒，開左咁耐都咁好生意呢度最出色嘅地方就係真係好多嘅飲品任飲雪條又任食， 同埋唔係俾啲不知名嘅牌子呢，全部都係啲大路既口味即管上刺身黎隊飽我先啦，多多我都唔怕依舊食品選擇好多，鍾意壽司刺身就冇黎錯地方啦呢個一口海膽手卷係呢度我最推介嘅食物，細細件但係可以無限咁叫，回本必選！燒物保持到水準，雞翼唔會燒到好乾，個蝦肉質仲好爽Round 2.....Flight!推介第二選，呢個燒番薯，又甜又‘煙銀’背後個燒菠蘿都唔錯嘅

今日同個friend食呢間極尚大瀛喜，呢啲人氣放題八點幾依然好多人排隊，觀塘而家已經有好多食肆㗎啦，都要排半粒鐘真係犀利。一坐低例牌叫刺身先，質素相當唔錯，尤其是係蝦刺身都有三款，呢間店特別多蝦嘅菜式，鹽燒蝦，黃金蝦，蝦天婦羅，真係乜都有，仲有就係一口手卷，份量其實同一件壽司嘅份量差唔多，所以可以多幾個款都唔覺太滯，而壽司亦都係啲一口嘅壽司質素同樣不俗，鰻魚就真係我嘅至愛啦。叫完嘢食即時衝去飲品櫃睇吓有咩飲先，款式多到花都眼亂，有啤酒汽水，忌廉溝鮮奶，罐裝椰青水，楊枝甘露都係支裝嘅果汁先生。而最好既事就係，就算叫第二轉，第三轉，嘢食分量一樣咁多，又唔會等好耐唔會拖你時間，如果你回唔到本唔係佢哋揼你波鐘，只係你個胃唔夠大，而且個服務員人手亦足夠唔會話扮睇你唔到嗰啲。最後甜品就一般般，有雀巢雪糕，一啲雪條，軟雪糕機，同埋有個甜品櫃啲一件件嘅普通甜品，最遺憾就係生果得一款，係西瓜而且10點鐘左右已經俾人清晒冇再添加，唯有食多幾件燒菠蘿補數。總結來講，order紙上面嘅食物質素唔錯，份量足，而外邊飲品櫃附近嗰啲嘢食可以不理，大滿足。

日不落既食肆要數其中一樣真係日式放題依間放題都係朋友訂左位帶我黎，餐廳面積好大，但閒日黎到都仍然坐滿人先叫指定動作既魚生同壽司壽司質素不錯，出面最易中伏既海膽依度都做得合格啦魚生都味道不俗依度既熱食有幾樣都做得意外地出色首先係上圖右面既牛柳粒，真係燒得多汁好食鰻魚亦燒得十分好，魚夠軟熟，汁極惹味推薦鰻魚今時今日算貴價，專登番叫左幾次tim 依味撈烏冬係冷食，口感彈牙，用上不錯既烏冬，麻醬味夠，都好食推介放題必點既炸物我特別鐘意佢既炸芋丸炸蠔同雞翼都做得很不錯天婦羅炸得鬆脆可口，又唔覺太油。餐廳出面仲有一大個區域放置食物飲品飲品有齊冷熱溫度，值得一讚仲有好幾盤熱食春卷同葡撻都好食放題雖然無好似出面咁包一杯名牌雪糕，但就有好多其他雪糕雪條任食，岩晒大胃王依間放題咁多人幫襯，質素係有番咁上下值得一試。

今日為慶祝我家太子爺生日，由他揀選食店，一向喜愛吃日式食物，就來到"極尚大瀛喜日本料理"。4間分店計有銅鑼灣、元朗、旺角及觀塘。人客滿滿，食物多多，從餐單上剔上份量及人數，任飲任食就開始了點餐纸有A至L，計有刺身(13款)、壽司(6款)、火炙壽司(6款)、卷物(5款)、手卷(3款)、軍艦(6款)、創作料理(4款)、燒物(12款)、炸物(5款)、天婦羅(4款)、一品料理(6款)、煮物(6款)。店主極力推介有: 瑤柱鮮蟹肉粥、蒜片和風汁炒牛柳粒、榴槤炸彈、鹽燒雞軟骨、極尚花之戀、香葱拖羅蓉軍艦、牛油果軟殼蟹卷、蒲燒鰻魚、極尚三文魚腩。除了以上食物外，還可自行到食店設置的食品區，當中有雪糕，甜品，炒蜆，螺肉，熱飲及罐裝飲品。由於食物太多，擺放滿枱都是，得不用放大圖片功能给大家"睇真D"食物新鲜，既豐富又吸引，只有兩小時放題，價錢每位$248，值得一試的。

以前嚟過呢間食個lunch放題，今晚終於有機會試下佢嘅夜晚放題啦，我哋book咗八點半好多人等緊入座呀，星期四嘅夜晚都估唔到咁多人，可能啲人係入8點15分第二個時段，但因為我哋book咗位好快安排到我哋入座喇。 首先梗係點刺身啦，刺身都幾好幾有水準，三文魚吞拿魚甜蝦同埋大子都係推介，帶子係幾鮮甜唔會話細細粒嗰啲，另外我都鍾意食佢嘅串燒牛脷鹽燒海蝦同埋雞軟骨，牛脷係好好味嘅，encore咗幾次 仲有鰻魚呀，鰻魚都好好味一舊一舊相好過就咁叫鰻魚壽司，仲有好多其他嘢食都有試呀，例如啲炸物呀仲有個花膠呀蟹粥呀，嗰個蟹粥就普普通通可以唔食，佢個嘢飲櫃呢都好多嘢飲揀，我不停狂飲佢個椰青水啦，雪糕方面就遜色咗啲，得幾隻普通味嘅雪糕，甜品方面都ok, 由於冇乜生果，所以我哋就不停咁叫佢個燒菠蘿叫咗好多嚿，佢個燒菠蘿都好好味，燒得好甜好香，唯有叫佢嚟當食生果啦，整體嚟講都好滿意。 落單嘅速度好快，同埋唔會漏單你唔會話點十件只俾五件你咁樣，佢哋嘅收碟速度都好迅速，下一次一定會再嚟食！