極尚大瀛喜日本料理

營業中

休息中

放題真係會食上癮🤣🤣 因為200幾蚊真係可以吃到飽，選擇又多，樣樣試d，真係抵食👍🏼 今日黎到呢間觀塘嘅極上大瀛喜放題，晚巿放題$298一位，任食2小時😊一如過往，一開始即刻點選各類刺身，然後就把握時間拎自助吧前菜。番到去刺身已快手送到，今次驚喜嘅係竟然有蟹腳食😀 雖然唔算好大隻，但勝在任食同都幾鮮甜，唔算重雪味。食完幾round刺身就開始熟食之旅😄 一般嘅日式壽司和食都有，仲有好幾款中式食品，我推介大家試燒乳鴿，磯燒鮑魚，同蒜茸蒸扇貝🦪 如果肚仔仲有位嘅話，我會建議大家試下佢地嘅酸菜魚鍋🤣 無諗過放題會有酸菜魚食呢？水準都唔差架，魚片幾嫩麻酸味香，值得一試！最後當然係甜品時間，雪糕櫃好多選擇，唔係得cheap野架，有我最鍾意嘅melona蜜瓜雪條，我食左2條，好滿足😌

暑假其中一個活動就係食放題，好開心又可以食放題👏🏻👏🏻，每次食之前都充滿期待，亦一定留肚食到飽飽的。是日平日一行8人，前一日已經訂位，浩浩蕩蕩地出發，跳跳扎扎地排隊入坐。已經食過好幾次，每次都必飲的老火湯、必食炸榴槤波，天婦羅、必點蟹粥🦀、必嘗軟雪糕🍦、必飲自家製冷泡茶。刺身也一如以往，保持水準；今次試多了創作壽司🍣，有驚喜的。牛柳粒入口即化，肉質靭度恰當好處，好好味😋。是日食最早一輪，17:00 每位$248加一，食物種類多，每樣食少少已經好飽，但每次都總是覺得食唔夠。

呢間係APM隔離楝大廈- 亞太中心，好方便！上到去估唔到有咁大，位置都好寬敞舒適～食物選擇非常多，而且出邊又有自助飲品區，汽水茶啤酒任飲，又有甜品自助區，蛋糕啫喱雪糕任食，仲有小食熱食區，非常豐富！🔸刺身拼盤赤蝦赤貝吞拿魚北寄貝日本油甘魚北海道帶子俄羅斯甜蝦松葉蟹腳👆🏻以上刺身都幾好，勝在蟹款式，而且難得有松葉蟹腳食，可以一試！🔸壽司生三文魚腩壽司帆立貝壽司藍鰭吞拿魚壽司池魚王壽司鵝肝壽司煙三文魚玉子熟帝皇蟹棒火灸壽司燒鹽醬和牛肩胛壽司醬燒左口魚邊壽司蒜香牛油熟帶子👆🏻壽司亦有好多款，有生嘅有熟嘅，我每一款都叫，諗住試晒佢，最推介係帝皇蟹棒火瞧，因為上面有我最鍾意嘅芝士及長蟹柳棒😋🔸燒物鹽燒牛舌蒲燒鰻魚芝士黃金醬燒海虎蝦西京燒比目魚牛油燒翠玉瓜👆🏻燒物都唔錯，全部都係熱辣辣新鮮整出嚟，特別中意個翠玉瓜，好多汁又香🔸炸物脆炸皇帝蟹棒虎蝦天婦羅日本一口甜番薯仔👆🏻天婦羅都正常發揮，特別鍾意甜番薯仔，細細粒甜甜地會食到停唔到口🔸一品料理金牌紅燒乳鴿王精緻鮑汁花膠盛宴極尚磯煮凍鮑魚黑椒蜜汁一口牛芝麻雞翼牛油炒粟米👆🏻全部都好OK wo~放題都有乳鴿食真係好高質，花膠有好大塊真材實料！鮑魚係爽口

今次嚟到極尚大瀛喜慶祝生日🎈之前試過尖沙咀分店, 都唔錯, 所以今次就試吓觀塘店.一入門口就有個自助bar, 有少少嘢食同埋嘢飲拎.店入面用嘅係掃qr code自助落單, 可以揀嘅嘢食都有好多款, 又唔會miss order. 係唔知點解冇得叫佢啲電視show出嚟嘅嘢食🤣

而家想食放題基本上都係即刻諗起大瀛喜，港九新界都有分店，8:30-10:30pm 成人放題只係$278，食物選擇多，上菜又齊又快，環境都坐得舒服😆刺身、壽司🍣刺身我地只係叫咗三文魚、吞拿魚同帶子，三文魚厚切肥美，帶子肉質柔軟，壽司推介火炙系列，芝士鰻魚玉子燒、鵝肝壽司同燒鹽醬和牛肩胛壽司都值得一試👍🏻串燒、燒物、炸物、一品料理🔥款式多到完全試唔晒😅，芝麻雞翼酥脆香口，黑椒蜜汁一口牛好惹味，海鮮方面，蒜蓉粉絲蒸扇貝同芝士黃金醬燒虎蝦都值得叫嚟試下，另外放題有紅燒乳鴿食都真係第一次見😱甜品🍧係自助區任拎嘅甜品都係常見嘅雪糕、雪條同自家製甜品，例如布甸、燉蛋、糯米糍等等，仲有部軟雪糕機，甜品當中最值得試嘅我覺得係自家製嘅中式糖水同用QR code落單嘅流心黑糖糍粑😍

觀塘日本料理放題又到暑假了，是食日式放題嘅季節，工作咁辛苦，梗係要報復式飲食🤣今日同朋友去開觀塘想一齊食嘢傾偈，見到亞太中心好多餐廳，5:30pm-7:30pm 成人$258+1/位，性價比幾高😍餐廳有壽司、刺身、炸物小食、天婦羅、串燒、中式小炒等等，包羅萬有。等緊嘢食嘅時候可以去出面自助區填肚先。仲有冷盤、沙律、麻辣小龍蝦、粉絲炒蠔、章魚燒小丸子。炸物蝦多士、中式湯品、甜品（瑞士卷、泡芙、奶凍）、多款水果、自己唧軟雪糕和飲品等。手機下單非常方便，種類款式都好多圖文並茂，除咗有刺身還有小食，上菜快收碟快，雖然餐廳座位比較密和多，但人多記得提早預約～熟食方面，可以試吓花膠和鮑魚回本位。另外燒乳鴿也很香，外脆內嫩。串燒方面推介牛舌，爽口彈牙，炸物必點 #芝麻雞翼 ，香脆惹味而且多肉。燒菠蘿🍍香甜多汁刺身厚切，有大熱的赤身。還有劍魚腩、帆立貝、三文魚、赤海蝦和搬式生蝦等等。壽司推薦炙燒類的，壽司飯會燒至香口。左口魚裙邊壽司和鵝肝壽司都值得一試，如果5點或5:30pm入座，食第一輪的朋友，出面自助區嘅熟食都值得一試，尤其熱騰騰的章魚小丸子甜品必拎瑞士卷，咖啡味濃郁。還有牛奶奶凍，充滿奶香，好幼

🔸晚市放題 $278/位-收工好肚餓，同男朋友去咗食放題，依間極尚大瀛喜一向抵食，食物選擇又多，服務員上菜收碟都好快，價錢都算平！首先出去自助區行個圈，有大量冷盤前菜、熟食、甜品、飲品、生果、甜品雪糕等等。推薦蒜炒生蠔、炒鱔塊、仲有蟲草花燉湯飲！然後食住嘢就用手機落單，又快又方便。必食嘅刺身竟然有拖羅、牡丹蝦、厚切三文魚，刺身新鮮而且份量又厚，絕對係回本之選。仲叫咗一啲特色壽司同手卷，必食係男友至愛嘅火炙左口魚邊壽司，仲有海膽魷魚壽司，同埋海膽手卷，超正要encore呢～不得不提熟食都好高質，芝士焗蝦、西京燒、凍鮑魚，好味食到好飽啊😋

[ 極尚大瀛喜日本料理 ]今日約咗朋友一齊嚟食日本放題，3小時大吃大喝😋😋。✿ 午市放題 $238/位 (星期一至五12pm-3pm)刺身類挪威三文魚、日本油甘魚、吞拿魚每件厚切，非常肥美，油脂感十足。俄羅斯甜蝦&赤蝦夠哂鮮甜；松葉蟹腳味道鮮嫩，食落啖啖肉🦀🦀壽司類🍣皇蟹棒火灸壽司大大件，食落勁滿足。鵝肝壽司微微烤過，入口即溶🤤海膽手卷鮮甜而不腥。燒物類🍢🍡燒物有多款選擇，包括鹽燒牛舌、孜然風碳烤羊鞍、西京燒比目魚、金牌紅燒乳鴿王等。值得一讚乳鴿王熱辣辣上枱，食完要再encore。飲品類🧃🥤有不同紙包、罐裝汽水、自家製冷泡茶，任君選擇。總結🫦性價比高嘅日本料理放題，可以食足3小時，真係非常滿足嘅一餐，推薦喜歡食日本料理嘅朋友來試試🤗。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿極尚大瀛喜日本料理地址: 觀塘觀塘道414號1亞太中心5樓電話: 31882628✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今日約左朋友去觀塘APM 行街，見岩岩中午食飯時間咪同朋友去APM附近大瀛喜放題餐廳食個中午。觀塘分店位置方便，店內環境寬敞，想到店內，已經見到好多一家大細三五知己係到食緊飯。大瀛喜手機落單方便易用，只要有智能手機就可以落單。店內有自助吧，自助吧款式多元化，有做好咗嘅壽司，如果太肚餓可以食咗先。仲有蟲草花花膠螺頭燉雞湯煲到好入味，拎返碗嚟滋潤一下。椰汁鮮奶燉燕窩滋潤養顏，美少女點都要嚟返碗先，唔夠可以再拎。雪糕甜品都好多款式，實有一款啱你。清酒梅酒任飲，汽水啤酒仲有咖啡都可以自由選擇。平日已經很喜歡大瀛喜嘅鵝肝壽司，大件好味😋。魚生刺身，大大件又多選擇。黑椒蜜汁一口牛煮得好入味。海王海鮮粥煲到好綿滑，係食刺身之前係一碗粥開一開個胃先。燒菠蘿又甜又多汁。炸榴槤又香又軟糯，食完個口仲有一浸好香嘅榴槤味。同朋友食左兩個鐘，大家都食得好滿意，下次一定會再嚟。

下晝食放題一樣咁正！大瀛喜既放題食物選擇好多！外面既自助區有沙律吧、水果、冷盤海鮮、涼伴小食、炸物等等！仲有多款雪糕任食！飲品都有好多選擇，除左罐裝同盒裝飲品，估唔到仲有即磨咖啡、清酒任飲！刺身種類都多，而且新鮮厚切仲有好多款唔同既壽司同卷物！連海膽都可以任食呀！而且d飯唔會好多，所以唔使驚會食飯食飽左另外燒羊架都勁香，啖啖肉又會韌蒲燒鰻魚燒到外面少少脆，食到停唔到口呀！芝麻雞翼同燒牛舌又係我既至愛！脆卜卜既雞皮加上juicy嫩滑既雞肉真係好正！牛舌爽口牛味又香二百幾蚊食到咁多嘢，真係值回票價

📍極尚大瀛喜日本料理 (觀塘)觀塘觀塘道414號1亞太中心5樓。放工後嚟到觀塘亞太中心搵食！好耐都冇食過放題啦！依間極尚大瀛喜平日放工都座無虛席!人山人海!🔸8:30pm-10:30pm成人放題 $288食放題當然唔少得要食刺身啦！欣賞佢啲刺身全部都好新鮮！有我最愛嘅三文魚、希靈魚、赤蝦同甜蝦！另外仲有帶子、松葉蟹腳、泰國虎蝦！另外當然都要叫壽司啦! 海膽手卷一定要嗌！海膽新鮮冇臭味👍🏻火炙壽司推介鵝肝壽司都可以一試！至於熟食方面都一樣唔錯有驚喜牛油炒粟米好香！蒲燒鰻魚都好食！整體嚟講嘢食都唔錯！選擇非常多！而且嘢食又夠熱，上菜速度有效率而且冇漏單！絕對可以再度回訪！推薦推薦

男朋友仔福利時間🤩帶佢去食放題最興奮！.🐟第一輪要嗌好多刺身，樣樣都好肥美～挪威三文魚、日本油甘魚、吞拿魚、北海道帶子、八爪魚、俄羅斯甜蝦、赤貝、赤蝦、冰鎮花海蜇、原隻粒貝、泰式虎蝦、松葉蟹腳🦀仲有特色嘅刺身：黑松露鯛魚配柚子醋、雙色刺身花朵（紋甲墨魚拼白蝦）.🍣壽司主要推介火炙嘅，真係寧捨香！黑松露赤蝦🦐、藍鰭吞拿魚🐟、油甘魚腩、火炙三文魚腩、燒鹽醬和牛肩胛，個牛肩胛食左三轉因為真係好有油香，無筋唔會韌好出色！鵝肝壽司同牛油果軟殼蟹卷都可以一試🥑.熟食質素一樣好掂：牛油炒粟米🌽、鹽燒牛舌、蒜蓉粉絲蒸扇貝、芝麻雞翼🐔推介秘製藤椒魚皮，應該係新款式黎，有啲麻辣感覺，爽口彈牙，都encore左一次！🐟雪糕有即吱既朱古力雲呢拿乳酪雪糕，雀巢香芋甜筒都好食🍦仲有鮮奶燕窩、椰子撻同泡芙添☺️

搵食行遠d今次又去觀塘食高質日式放題！呢到一個價錢包兩個鐘任食，一坐低秒速落order！刺身盤盆一定走唔甩！大力推薦赤蝦，勁大隻勁鮮甜，同埋竟然有大大隻又多肉既松葉蟹腳！食多幾隻就回本！手卷我大推魚籽手卷！係口入面爆汁真係好濃郁！今次仲有幾款新既創意壽司，京蔥拖羅蓉塔啖啖肉，雪昆布鵝肝塔入口即溶油脂味濃，芝士鰻魚玉子燒好出色！串燒都好唔錯，力推鹽燒牛舌大大片同鹽燒雞翼，外脆內滑又多汁！最驚喜既係仲有花膠，醉鮑魚呢d名貴既食材任食，每樣食幾件已經好抵食！埋單唔洗300蚊！乜都食到飲到仲有海量甜品選擇，真係諗唔到點輸！

隔咗兩個月冇去食放題突然間好想去食放就約埋媽咪去到位於觀塘「極尚大瀛喜」食放題。入座之後用QRCode落單快捷方便，在落單既時候發現好多新菜式見到都好吸引！食物未到之前就會出去自助區取食物，有冷熱盤、熱湯、炸物、甜品、雪糕、清酒及飲品👍刺身拼盤刺身款式有十幾款，樣樣都好新鮮鮮甜，三文魚好肥美，帶子好清甜，螺肉拆肉後切片放便入口，好爽口。秘製藤椒魚皮/極尚磯煮凍鮑魚魚皮爽脆好惹味，食唔停口，鮑魚入口涼浸浸好入味。蒜蓉粉絲蒸扇貝/金牌紅燒乳鴿王扇貝落落多汁，蒜味十足粉絲吸入醬汁食唔停口。乳鴿燒至金黃色好香口。榴槤炸彈/流心黑糖糍耙外皮香脆而且榴槤甜甜地好香好吸引，糍粑煙煙韌韌加入流心既黑糖，口感一流！其餘食物整體都不錯，最後食埋個甜品呢一餐好滿足。

上次食完大喜屋非常回味，今天在旺角逛街後，決定又到極尚大瀛喜醫肚。和其他分店一樣，餐廳提供了自助沙律、冷盤、壽司、生果、熱湯、飲品和甜品等多種選擇。今天的糖水是椰汁燕窩，椰汁味超濃，燕窩也毫不吝嗇，二話不說，喝了三碗，真的超好喝。我們之後點了一些刺身，包括甜蝦、希靈魚、赤貝和螺頭等。這些刺身都非常新鮮，味道鮮美，肉質鮮嫩，令人垂涎欲滴。壽司方面，我們選擇了三文魚腩、黑松露赤蝦、帝皇蟹棒和芒果龍蝦沙律卷等。這些壽司都非常精緻，味道鮮美，特別是黑松露赤蝦，帶有微妙的黑松露香氣，非常好吃。除了刺身和壽司之外，我們還品嘗了燒有機新鮮菠蘿、比目魚、香草羊鞍、榴槤炸彈、芝麻雞翼、海蝦天婦羅和醉鮑魚等菜品。這些菜品都非常獨特，味道鮮美，特別是榴槤炸彈，外酥內軟，口感豐富，讓人回味無窮。最驚喜的還有乳鴿，肉質和味道都不比外面的專門店差。為了填飽個肚，我們還品嘗了蟹肉鮑魚粥和和牛肉烏冬，這些主菜都非常美味，烏冬煮得恰到好處，蟹肉鮑魚粥則是濃郁鮮美，讓人感到非常滿足。總的來說，極尚大瀛喜日本料理提供了高品質的食物和優質的服務，而且食物比以前更多樣化，真心推薦！