極尚大喜屋

營業中

休息中

工作咁辛苦，食好少少都好應該😝追求高質素又想任食，「殿大喜屋」就啱哂你😎大喜屋一向係日式放題界品質保證，而「殿」絕對係當中天花板‼️拖羅海膽鵝肝任點任食，每次嚟仲有唔少新品，保持新鮮感😙.‼️必食私心推介‼️.🐟刺身🔸金槍魚腩：必食回本位❣️超肥美入口即融🤤🔸鱘魚子醬：學劉德華話齋，成盒上😂🔸池魚王🔸意式風味鱆紅魚薄切🔸松葉蟹腳.🍣創意料理/卷物🔸海膽拖羅鱈魚干手卷：絕對拍得住高級日本料理餐廳，滿滿奢華感✨🔸日本北海道海膽軍艦：鮮甜濃郁🔸香蔥芝麻拖羅小卷：拖羅多到滿瀉🤪🔸牛油果蟹肉最中餅.🧆一品料理🔸避風塘炒蟹：原隻上好惹味🔥🔸鮑汁鮑魚撈一口花菇飯：鮑魚勁入味🔸瑤柱扒豆苗：完全係酒樓高質素🔸花膠海參瑤柱翅羹🔸皇牌燒乳鴿王.🍲麵鍋🔸鮑魚皇帝蟹王粥：淡淡鮮甜，入面仲有鮑魚片🤤🔸清酒煮鮮蜆.🍨甜品🔸極尚椰皇燕窩燉蛋白：冬天食好滋潤🔸楊枝甘露：個個都拎，勁足料.🍽️自助區汽水果汁茶飲全部都齊，連清酒/梅酒/日本果汁酒/啤酒都有齊🥴多款熟食、前菜、沙律、生果都可以出去拎😙

食物質素跌晒，價錢就越來越貴。刺身不夠新鮮，二文魚一睇係軟冧冧就知唔新鮮，其他刺身都淡貿貿，第一輪刺身我都食唔晒，都唔好話再encore。生啤又多泡又唔凍，壽司舊飯勁大。其他嘢都只係一般般，飲品選擇都比以前少。服務態度都差，黑面就梗架喇，但未夠鐘就係咁催還枱都令人好唔舒服。已經點唔到乜嘢可以回到三百幾蚊嘅本，呢個質素，我覺得二百幾仲差唔多，今次係最後一次來了。呢個價錢，不如再添一d去食buffet。

環境明淨光亮，座位都幾寬敞，中意呢度係因為每次黎都有新款野食，尤其天氣轉涼左咁多，有多款熱食就啱哂，重點係有質素！👉🏻刺身件件厚身又新鮮，最中意係池魚王，嫩滑又充滿魚香！👉🏻厚切鵝肝壽司濃郁嘅鵝肝，豐富嘅油脂，令人難以抗拒！👉🏻黑松露蟹肉芝士軟殼蟹卷蟹肉鋪面，包住軟殼蟹同芝士，層次分明！👉🏻香煎Black Tiger Prawn 拌黑松露忌廉汁蝦肉爽彈，黑松露忌廉汁好creamy！👉🏻老香港極尚手工叉燒不得了，煙霧上場有架勢！叉燒肉質唔會好乾身，肥瘦都算適中，配有甜美醬汁！👉🏻時令蟹黃扒冠軍豆苗蟹黃嘅鮮美配豆苗嘅清新脆嫩！👉🏻燒福岡芝心漢堡賣相超靚，而且好有心思，流心芝士同蛋汁超夾！👉🏻酥皮焗周打魚湯好驚喜，鬆脆嘅酥皮，魚湯濃厚，而且好足料，有粉絲同蜆肉！👉🏻金湯慢煮鮑魚花膠盛鮑魚、花菇同花膠，件件都超大，口感豐富細膩！見到仲有好多新菜式，例如極品芝士烤榴槤羊腩煲同蛇羹！

「大喜屋」放題向來都是質素保證，食物種類選擇多且定價合理，已有一段時間沒吃過放題的我決定生日放肆的「大擦一餐」，到訪位於雅蘭中心的「極尚大喜屋」-120 分鐘放題，價格 $288 起；提供刺身、壽司、卷物、燒物、串燒、炸物、天婦羅、一品料理及煮物；設自助區提供沙律、水果、前菜、炸物、熱食、點心、湯品、糖水、咖啡、清酒、果汁、自製軟雪糕連 Toppings、包裝雪糕雪條 (包括 Haagen Dazs)、凍飲及熱飲等，更有自家製花茶-刺身選擇超過十款，整體新鮮肥美且厚切，油脂豐富甘香，特別喜歡三文魚、油甘魚及池魚-新品有芝味滿滿的燒福岡芝心漢堡 (連溫泉蛋)、濃稠的酥皮焗周打魚湯、緊緻富蜜汁香的老香港極尚手工叉燒、創意三文魚腩醬燒芝士竹輪卷、鵝肝醬薄牛壽司、附鮑魚及厚肉冬菇的龍仔荷葉蟹黃蒸飯、秘製醬油漬左口魚邊及胡麻醬拖羅蓉大赤蝦-作為榴槤控的我必點期間限定極品芝士烤榴槤羊腩煲，榴槤及芝士味道平衡，沒有搶去主角羊腩的味道-甜品選擇同樣豐富，私心推介台式仙草芋圓及榴槤布丁

好耐無食放題啦，每次食放題都好期待，今期有榴連😍😍任飲任食兩小時，好滿足。不得不說的是自助區的款式都唔錯，有沙律吧，小食，甜品雪糕，就連飲品的種類都好多。刺身拼盤擺盤靚，小編最中意食大赤蝦和甜蝦，夠新鮮又甜。帶子，池魚、油甘魚、三文魚都係必點刺身。仲有長腳蟹，鮮味十足，又大隻。炸物必點炸榴連、炸鮮奶、炸芋頭圓，全部都係熱辣辣，脆卜卜。壽司非常岀色，最愛既鵝肝壽司竟然唔記得影相，超好吃，一啲都唔膩。海膽壽司，吞拿魚蓉壽司同樣岀色。焗蠔焗扇貝都係必點之物，多蒜夠晒惹味。見到很多枱食客都有叫榴連，好正👍🏻

今晚又去咗旺角極尚大喜屋食放題，真係好懷念喺日本嘅日子，可以盡情食魚生。返到香港就唯有去放題滿足一下自己。😋例牌叫大量刺身，但估唔到佢哋都有啲新菜式都吸引到我，例如龍仔荷葉蟹黃蒸飯，成隻蟹蓋係面，荷葉飯加埋蟹肉非常好食。壽司都有啲新嘢，三文魚腩醬燒芝士竹輪卷、鵝肝醬薄牛壽司、秘製醬油漬左口魚邊、胡麻醬拖羅蓉大赤蝦之前都未見過。仲有宜家秋風起居然連蛇羹都有得食，食多兩碗已經返本，呢個分量呢個價錢真係冇得輸。

久違嘅放題 ！見到極尚大喜屋又更新咗食物種類所以要去食下 事關好鍾意佢哋餐廳嘅座位 空間感超大坐得好舒服 每次有更新食材味道都覺得好滿意 刺身竟然有松葉蟹腳 蟹控嘅我梗係唔放過 一定要食過夠本😍刺身種類三文魚希靈魚甜蝦都必定係我最愛食嘅 佢哋嘅刺身相當之新鮮熟食款式真係種類好多啊！乳鴿 花膠 鮑魚呢幾樣都係我最愛食 一個價錢食晒咁多個種類👍特別想講吓乳鴿嘅調味真係好夠味 而且啖啖肉 呢個一定要叫😍海鮮都有好多個種類扇貝 生蠔 瀨尿蝦都有仲有個極邪惡嘅蟹黃醬麵 超邪惡好Juice酥皮湯之前好似係冇㗎 好濃味 好好飲當然唔少得仲有榴槤系列 你話真係想減肥都唔得😎飲品同甜品方面餐廳設立咗一個空間俾各位客人自助 而且仲有熟食前菜中湯俾大家選擇

朋友幫我慶祝生日，我哋一行八個人去到呢度食放題啦。之前見到呢一間竟然有任食祥腳蟹， $300左右價錢竟然食到酒店自助餐先有嘅長腳蟹。果然冇令我哋失望長腳蟹叫完就好快到，同埋真係任食嘅，同酒店自助餐一樣質素都算OK啦！仲有得任食Häagen-Dazs雪糕，我就食咗兩杯，爽！

極尚大喜屋真係食極都咁高質✅ 得知佢又出咗新款食品😍 即刻約埋🐧🐧 君去食餐勁嘅❤️ 新款壽司我哋試咗鵝肝醬薄牛壽司、秘製醬油漬左口魚邊同埋三文魚腩醬燒芝士竹輪卷🌟 🐧 特別喜歡竹輪卷🤤 三文魚腩油香滿溢，加上醬燒汁同埋芝士，夾埋中間爽彈有嚼感嘅竹輪一齊食👏 真係好正😙熟食一樣包羅萬有🥳 燒福岡芝心漢堡、酥皮焗周打魚湯、老香港極尚手工叉燒、龍仔荷葉蟹黃蒸飯等新品都好有驚喜🤗 完全無諗過可以係放題，食到咁高質嘅一品料理😆 全部真材實料👍 份量十足😎 食落啖啖新鮮，惹味又出色🤤 可惜好期待嘅極品鮑魚一口叉燒酥、冰火榴槤二重奏同埋胡麻醬拖羅蓉大赤蝦售罄🥲 下次黎一定要食過😝 其他經典嘅刺身、壽司、海鮮、熟食應有盡有🌟 仲有多款甜品同埋飲料任你添🥳 真係令人不斷回頭現食😉 

嗰日約齊啲同事一齊去食放題有時唔想就住就住咁樣嗌嘢食放題嘅話就可以大家鍾意食乜嘢都可以任食唔使理個價錢, 一個價錢包曬我食過好多間放題就係冇食過呢間呢間真係好高質素喎入到去地方好大有好多飲品可以揀有生果呀甜品呀啲嘢食又好靚下嘢食都嚟得幾快俾啲相大家感受下已經好想再去食了！！！睇下啲壽司整得幾靚唔會話因為放題就求其整啲刺身都新鮮呀有海膽, 燒乳鴿竟然仲有鮑魚仔添呀！！！嗌咗幾次好正呀！！！睇見d相都流口水！！！

呢度環境地方好大，座位坐得舒服。午市放題$268/ 位任飲任食，用QR code落單 ， 上菜速度快，食物種類選擇多，老少咸宜一家大細都啱食，食物豐富水準亦高，要讚下啲Staff做嘢好快手，又好勤力去收碟。自助區好乾淨企理，可以自取：🔹小食前菜、冷盤、水果、蒸點心🔹多款飲品、啤酒、淸酒梅酒🔹各式甜品、雪糕雪條必點推介：🔶刺身： 刺身新鮮厚切，特別鍾意赤蝦😚🔶冰鎮柚子海蜇：脆爽清新🔶乳鴿： 可以任食真的超爽🔶燒蠔& 扇貝：肥美鮮甜🔶 海贍軍艦/ 海膽吞拿魚蓉最中餅🔶避風塘賴尿蝦

今日同朋友嚟旺角大吃一餐好好獎勵自己努力工作之前食過觀塘嗰間覺得唔錯今次近近哋就揀咗旺角其實都算抵食 $298/1位任食仲有生日優惠同埋長者優惠- - - - - - - - - - - - - - - - - - - - - - - - 1. 晚市放題呢個放題約有80多款嘢食分咗13個款 包括刺身、刺身創作、壽司創作、壽司、火灸壽司、卷物、軍艦、一品料理、燒物、串燒、炸物、天婦羅、煮物有時仲會定期推出新品試咗以下幾樣 大部分都係好好食唔夠嘅話 自助吧都好多嘢食普通前菜及沙律小食、新鮮生果、日式港式中式熱食、雪糕、甜品、海鮮冷盤 好似小型自助餐咁另外飲品選擇約有40幾款包埋清酒/梅酒/啤酒/白酒全部任食任飲 真係食到好飽先走最欣賞係有暖飲櫃啱晒養生！！

🍽️ 大家都知道我呢個foodie最鍾意食放題同自助餐，今次又有好嘢介紹畀大家 🍽️🌟 餐廳名：極尚大喜屋*🌟大家真係唔可以錯過呢間，CP值簡直冠絕全港！呢次去食佢哋嘅午市自助餐，每位只需二百幾蚊，就有即燒生蠔、蒜蓉粉絲扇貝等新鮮美味任食。🐟 刺身種類超豐富：厚切三文魚、魚生、長腳蟹、章紅、超肥美油甘魚、北海道帶子等， 仲有新鮮嘅海膽軍艦同埋海膽創意料理任食 ,全部都好新鮮，每一口都係極致享受。🍗 一品料理：仲有炸乳鴿、黑松露煮虎蝦、即燒羊架、各式串燒、 蜜汁炒鱔球 等，種類多到你 試唔曬呀🍣 特別推薦： 呢間放題每個月都會有各款新品推出今次介紹一下 薄切章紅魚、冰火榴槤、椰皇燕窩燉蛋白等，味道真係無得頂，CP值超高！🍨 甜品：更有Häagen-Dazs同多款韓國日本直送嘅甜品、雪糕、雪條任食，甜品控必試！🥢 自助區：自助區仲有蝦餃、燒賣等貴價點心，各款麻辣小食、餐前涼菜等， 更加有大量嘅自家製甜品超高水準 選擇多到睇唔晒。🍺 飲品：清酒、梅酒、大量樂天產嘅飲品同多款日本直送啤酒（包括Asahi）任飲，絕對係重本之選！📍地址：旺角彌敦道639號雅蘭中心4樓#極尚大喜屋 #旺角美食 #自助餐

今晚和老公去了位於旺角雅蘭中心的“極尚大喜屋”吃久違了的日式放題，$298晚市任食兩小時～包括各款刺身、壽司、冷盤熱盤、前菜、串燒、甜品飲品，應有盡有。不像一般日式放題店，這裡環境寬敞，座位寬闊，令人吃得舒服。💥除了以手機落單外，這裡還設有自助取餐區：前菜、甜品、飲品、湯類、熱葷、點心、冷盤海鮮、生果、軟雪糕、Häagen-Dazs 雪糕任食及各款啤酒、紅酒、白酒，清酒及梅酒等，應有盡有。🥢🍣🐟這裡的刺身及壽司種類繁多，質素亦相當高。油甘魚、池魚王、松葉蟹腳、北海道帶子、極品大赤蝦，海膽軍艦及黑松露蟹肉芝士軟殼蟹卷等，食材新鮮，味道鮮味。🥣作為一個湯痴，這裡的湯品選擇亦十分多。中式的菜乾豬肺湯、羊肚菌烏雞湯及西式的酥皮周打魚湯，喝得出沒有添加味精，足料清甜。😋😋其他食品如天婦羅、西京燒比目魚、各款串燒及甜品等均製作用心。✅最後，值得一讚是這裡完全沒有出現坊間放題店經常發生的漏單情況，點選食物下單後，所有食品也能準確無誤地送到食客枱上。

年尾身邊同事清假「返鄉下」，但自己暫時無著落，為解千愁，今天相約友人去呢間既種類如天上繁星既日式放題名店「極尚大喜屋」品嚐是日晚餐❗餐廳裝修簡潔，店員安排預約客人取飛入座，而上菜速度非常快而且準，收拾速度亦非常迅速！我們惠顧了晚市放題 1️⃣🌟新鮮刺身、壽司手卷:刺身包括油甘魚、赤蝦、長腳蟹腳、泰式生蝦以及海膽軍艦，每一啖都充滿食到食材鮮味。2️⃣🌟燒物及天婦羅:蒲燒鰻魚入口即融味道濃郁。天婦羅部分有蝦及蟹棒，外脆內軟。3️⃣ 🌟一品料理:金牌紅燒乳鴿，熱辣滾燙，色香味俱全以及燒福岡芝心漢堡充滿創意及芝味無窮！4️⃣🌟煮物:葡式香草煮蜆香氣四溢，湯汁濃郁！5️⃣🌟自助吧:自助吧選擇非常豐富,有味付螺肉等特色小吃外，仲有點心如小籠包俾你㨂。湯品方面,養顏烏雞湯滋補養顏。各式飲料，乳酪，甜品及雪糕如HaagenDazs都係放題任食，食個不停。總括而言,這家日式放題菜式繁多, 無論是刺身、燒物、煮物和自助吧食物都新鮮美味。而且鄰近旺角地鐵站，絕對要值得推薦俾鐘意日本料理既你。