楊記麻辣魚館 (九龍中心)

今日行過亞士厘道，睇到開咗一家中式菜館，原來佢係家連鎖店，咁試試。餐廳裝修得好中式，晚市都可以安排到卡位，唔錯。晚市除咗散叫，仲提供晚市套餐，平平地包埋飲品主食，好抵食。凍奶茶，估唔到四川餐廳都提供港式奶茶。奶同茶比例啱啱好，一啖飲落去，茶味幾出，夠滑但唔會膩喉，唔會得個甜字。揀咗少甜更合適，同辣嘢好夾。熱蜂蜜柚子茶，蜂蜜落得足，飲落好清香，最底仲有唔少柚子肉。成杯飲品酸味同甜度平衡得幾好，飲完好潤喉，尤其係秋冬飲一杯，真係由內暖到外。涼拌土雞爪，雞爪處理得好乾淨，全部剪咗指甲，斬成細件，更易入口。雞爪入口爽脆有嚼勁，調味偏麻辣風格，食落香辣開胃。辣油香而不辣，醋酸味明亮，仲落咗芫荽，洋蔥，小米辣同炒香嘅花生，增添風味同層次。大千牛肉，哩道係功夫菜，牛肉切成均勻細條，先油炸，再用辣椒蒜蓉等配料猛火快炒，所以成道餸好有鑊氣。牛肉醃得幾入味，用咗唔少牛肉同肉筋相連部位，食落軟嫩得嚟又有咬口，唔會韌。同埋辣椒香辣入到肉裡，好似食緊牛肉幹，用來送酒一流。特色水煮生魚片（小份），師傅火候掌握得好好，魚片燒到啱啱熟就立即出鍋。魚片白嫩薄身，食落滑溜又帶有少少脆脆口感。魚片完全冇骨，食幾多都唔洗擔心有魚刺。同埋搭配咗唔少配菜，配料嗦曬湯底鮮味完全無得熟，薯粉爽口彈牙，蔬菜新鮮鮮甜，全部食曬好飽TIM。桂花冰粉，係四川鋪頭必食嘅甜品。冰粉本身冇乜味，全靠糖水同桂花提味。冰粉食落滑溜溜，好清爽。桂花香唔算好濃，但淡淡幾自然。食完辣嘢再來碗冰粉，真係好正。…查看更多

楊記麻辣魚館主打川菜小炒，啱晒一班朋友想食辣又想搵性價比高既餐廳既過嚟聚會。今次幾款小菜之中，最有驚喜係大千牛肉。大千牛肉上枱已經聞到鑊氣味，乾椒、花椒香爆得勁香帶微辣，牛肉切到肉絲狀，炒到好香口乾身但又保留肉汁唔鞋口，好啱餸飯或酒。同埋每條肉絲都包上大量芝麻，每啖都有芝麻爆開嘅感覺，好玩又好食。特色水煮生魚片水煮魚嘅湯一般紅又辣，但楊記反面做左金湯，有辣油浮面但入口唔會死辣，花椒嘅麻同辣椒嘅辣夾埋食落好舒服，係可以飲嘅水煮魚湯。魚片切得均勻薄身，浸喺紅油入面都仲保持嫩滑冇腥味，底下鋪住芽菜、粉絲，吸晒湯汁，夾住一齊食好快就見底。青椒皮蛋皮蛋係糖心金皮蛋，走清爽路線，略帶煙燻香，青紅椒脆口微辣、皮蛋入口即化冇噏味，加少少辣椒油同醋，酸酸辣辣零舍開胃，好啱做前菜或者中途「清清味蕾」，等之後再迎接重辣菜式。酸辣肥腸肥腸處理得幾乾淨，肥腸外爽內腍、幾入味，酸度夠、辣味到位，食落唔覺油膩，同樣係好好送飯。整體嚟講，如果本身鍾意重口味、又食得辣既朋友，呢度幾款菜都值得一試。…查看更多

推門入去麻辣魚館，熱氣同花椒香即刻撲面而來，嗅到嗰刻已經知正嘢在前面。「水煮魚飯（多飯、BB辣）」一上枱，紅油湯面滾住細泡，香到人流口水。湯底係用花椒同辣椒炒出層次感，BB辣啱啱到喉，麻得舒服唔刺心。 魚片滑得似豆腐，白潤細嫩，完全吸晒辣湯嘅精華。入口先係油香，同時花椒香炸開腔，辣味跟住湧上舌尖，一個循序漸進嘅刺激感。魚肉嫩到唔駛嚼太多，湯香就已經滲滿口。 飯加多咗啱啱好，撈埋嗰層紅油汁，一啖飯一啖魚，辣香融合鹹香，好開胃。即使食到額頭微汗，都停唔到手。 呢間麻辣魚館最出色嘅地方，就係辣得有品味——唔係單純爆辣，而係有香有麻有層次。呢個「水煮魚飯」唔只係碗飯，而係一場舌尖熱舞，辣得爽，鮮得真。…查看更多

楊記麻辣酸菜魚 @ 尖沙咀今日黎亞士厘道搵食…見到有間餐廳好光猛…行去望下原來係間川菜館…見到都幾多自己友幫襯…應該唔錯。
餐廳應該新開無耐…所以感覺裝修乾淨企理。同埋一坐低就已經聞到少少川味元素🤤店員介紹左我地水煮生魚片同大千牛肉…我地再加多個辣子雞同必點既手撕菜包麻辣生魚片湯底麻辣香氣十足，花椒香同辣椒香層次分明，入口先麻後辣，唔會死辣。魚片切得夠薄又無碎曼，口感滑溜。如果多d麻同辣就正大千牛肉主要係牛肉條，但入面夾雜住牛筋條。上面鋪滿芝麻，食起上黎特別香口。炒得夠火候，牛肉條保留肉汁，口感唔韌，而牛筋條就口感爽彈，調味帶d微辣，花椒香同乾辣椒香氣突出，配埋蔥段同蒜片，呢個好惹味。辣子雞一望個樣就知夠正宗，因為雞件夠哂碎濕濕。不過咁先易炸得香脆。外皮酥脆，肉質唔乾。成碟野好多乾辣椒同蔥蒜，香氣撲鼻。唔錯。食辣子雞最過癮係食到尾時以為無雞時…撩撩下俾你搵到件雞碎😎😎手撕包菜每次食川菜必點，貪佢包菜口感爽脆，入加分醋，絕對係川菜中最清爽解膩嘅一款。
呢度食物做得得幾正宗，如果可以再辣d就正。價錢以尖沙咀區來講算合理！#eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #楊記 #尖沙咀 #川菜 #大千牛肉…查看更多

📍楊記麻辣魚館- 尖沙咀✨大千牛肉🐮香辣惹味嘅菜式👍🏻牛肉炸香酥脆配搭花椒食落非常惹味🌶️薄薄嘅炸粉配搭芝麻香口得嚟食落好過癮😙特色水煮生魚片（小份）份量夠晒兩個人食😆魚片啖啖肉而且冇骨🐡酸菜同魚肉嘅比例均勻😝雖然望落好多辣椒，但食落又唔會太辣😝魚皮彈牙而且唔會有腥味👍🏻湯底唔會太酸辣度啱啱好～回鍋肉🥘炒肉配搭椰菜底微微辣好啱送飯😝五花肉帶有肥瘦相間的紋理，厚薄適中可見👍🏻青椒皮蛋🥚辣味醋汁好開胃嘅涼菜👍🏻水晶皮蛋食落冇咁飽滯冇咁有負擔😋…查看更多

尖沙嘴有間川菜人情味小館，食物好味又平靚正楊記養生鍋份量足3-4人食，而且真材實料，味道濃郁食材有南瓜、蝦仁、紅蘿蔔、腰豆、小米，仲加左碎鍋巴同粟米🌽 啖啖滋味特色水煮生魚片魚片分量同樣豐富，性價比好 ，魚片又夠滑嫩，豐富配菜湯汁惹味！水煮生魚片絕對愛上！另外點埋辣味十足的乾鍋田雞可自由選辣度Bb 辣都比較辣，但好有鑊氣好惹味楊記麻辣魚館 地址: 香港尖沙咀亞士厘道29-39號九龍中心地下B31 & B35號舖…查看更多

天氣凍就想食辣嘢，於是係尖沙咀揀咗呢間食川菜嘅解癮，款款菜式都覺得幾正又有新鮮感青椒皮蛋配嘅辣味同醋汁好開胃，第一次食呢種水晶皮蛋覺得都幾靚，比較清新楊記養生鍋夠晒特別，冬天可以暖胃，入面有啲脆米，所以個口感更加豐富，另外仲有豆同埋粟米，會越煮越稠大千牛肉係將牛肉切絲再炒，牛肉比較乾身，而且有麻香，辣度適中農家小炒肉炒得夠香，有少少肥嘅豬肉片同埋木耳爽口，微微辣好送飯，唔會太油膩，辣度比大千牛肉更加辣桂花粉滑溜清爽，帶淡淡桂花甜香，食完濃味嘢之後食呢個幾解膩，上面仲有少少提子乾…查看更多

***大部份菜式都可以揀辣度🌶️🌶️🌶️，而且碟碟份量都好多！！！大千牛肉(BB辣🌶️)($168)見到啲辣椒乾就知道辣味十足，所以我就叫咗BB辣試吓先，果然好啱我口味，香辣但唔太辣，最鍾意佢係將啲牛肉炸香之後食落去有酥脆香味，有少少似椒鹽九肚魚嗰種炸味，非常惹味，而且炸粉非常薄，仲sum滿好多芝麻喺上面，帶出咗菜式嘅香✨酸菜芝麻魚肚(少辣🌶️)($268)魚肚被稱為平價嘅花膠，好有蛋白質，見到成盤都係魚肚非常開心，大大嚿之餘食落仲膠質豐富，除咗香辣之外，加埋酸菜一齊食，味道非常夾，下次都想再encore✨鐵板魷魚鬚(BB🌶️)($158)鐵板上熱辣辣勁香，魷魚鬚條條都大大條，沾滿咗唔同嘅香料，因為鐵板所以部份會有焦香，更好食，唔好睇少啲配菜，加咗芹菜、洋蔥、大蔥等等落去令到魷魚鬚更香✨…查看更多

碟碟都好大份！最岩多人share，味道亦都有一人套餐，抵食。楊記養生鍋份量係可以3-4人食。味道濃郁香甜，食材有南瓜、蝦仁、紅蘿蔔、腰豆、小米，仲加左碎鍋巴同粟米，所以好有口感！特色水煮生魚片魚片分量超足，性價比好高。魚片滑嫩，配菜又吸飽了湯汁，豆芽脆爽入味，每口都大滿足！呢碟水煮生魚片絕對強烈推薦！小炒牛肉有鑊氣，牛肉品質好，大大塊又充滿肉汁，要叫多碗飯，好正。炸饅頭外皮金黃鬆脆，蘸煉乳一齊食，甜絲絲～桂花冰粉冰粉清爽解膩又解辣，Q彈滑溜，配葡萄乾增加左口感。…查看更多

呢間連鎖川菜館環境熱鬧親民，滿滿四川街頭feel，辣度可調適合香港口味大千牛肉炸得脆脆的，花椒麻香撲鼻，辣度中辣過癮但唔嗆，咬落滿口牛香涼拌土雞爪清爽開胃！雞爪有彈性，拌紅油，微辣酸香，配花生脆口提味魚肚肥美彈牙，炆得軟嫩入味，芝麻香濃郁，酸菜脆爽微酸，湯底紅油辣香層層疊加，辣度可調，入口鮮甜中帶麻辣回甘！揚州炒飯簡單但經典！飯粒粒粒分明，炒得乾爽有鑊氣，蛋香濃郁，配蝦仁、葱花，鹹香均衡冰粉Q彈滑溜，桂花香氣撲鼻，配提子乾，甜度啱啱好，飲落好似夏日養生甜品！…查看更多

四川麻辣菜的魅力在於其獨特的調味，重口味與新鮮食材的結合，令每位食客都能在每一口中品嚐到濃厚的風味。無論係熱情的朋友聚會，還有家庭聚餐，這菜餚都能為你帶來享受。四川麻辣菜，絕對是你心動的選擇！“招牌水煮生魚片” 鮮嫩的生魚片和香濃的辣湯，每一片魚片都浸泡在滾燙的紅油中，伴隨着鮮香的調料，瞬間刺激味蕾。再搭配大千牛肉，這道菜的口感更加豐富，牛肉的鮮香與麻辣的滋味,令人回味無窮。而炸饅頭就是一道經典小吃，外脆內軟，配合各種蘸料，口感層次分明，常常成為搶手貨。另外呼吸大盤花菜炒椰菜，色澤鮮豔，花菜的清脆和椰菜的柔軟交織，營養又美味。…查看更多

特色水煮生魚片 $238魚片選用生魚片份量足料生魚片肉質新鮮、口感嫩滑連住魚皮既位置滿滿既膠質完全無腥味、無碎骨、可以放心食配菜有勁煙韌既薯粉、幼身爽脆既豆芽同大片椰菜吸曬湯汁，入味好食楊記養生鍋 $168好正送到枱果陣嚇親勁大份足料養生粥用左優質五穀如粟米、南瓜、薏米、脆米、紅腰豆等熬製而成仲加左新鮮蝦仁、補身既海參提昇整體既鮮甜度味道濃郁、鮮甜口感綿密健康、暖胃又美味市面上難得一見既養生粥推薦！小炒牛肉 $118牛肉切得大片、厚薄適中啖啖肉用左洋蔥、蒜頭、芫茜等香料炒製而成鑊氣十足味道惹味送飯一流尖椒皮蛋 $48皮蛋用左黃金皮蛋蛋黃質地綿密蛋白彈牙得黎亦不失黏糯口感口感層次豐富味道方面蒜香十足因為叫左走辣，甜味更為突出係開胃解膩涼菜桂花冰粉 $28冰粉晶瑩剔透比啫喱更彈牙入口清涼香甜啱曬係食完辣野之後食中和辣度同油膩感必嗌甜品整體而言，食物質素唔錯份量足料辣度可以自選照顧左香港人既口味全店免加一仲有免費麥茶同鹹香花生送性價比極高係一班朋友聚餐既好去處…查看更多

一入到去已經聞到香噴噴嘅川菜味，但今次我哋決定反轉傳統，專攻佢嘅「養生」路線！證明好食唔一定要辣到噴火！🐟 特色水煮生魚片：雖然主打水煮，但佢個湯底可以走辣，變咗一個超濃郁嘅「走辣」魚片湯！魚片超滑溜、夠晒嫩，湯底有層次，帶有香料味，一啖魚片一啖湯，暖胃又滿足👍🍚 楊記養生鍋 ：呢個真係推介俾所有「養生控」！佢係一個粥底鍋，入面有各種豆類同埋切粒胡蘿蔔，暖笠笠又夠營養！啱晒最近天氣轉涼，想食得清淡又唔想齋食菜嘅朋友🥕🍞 炸饅頭：呢個小食係邪惡之選！炸到金黃色，外脆內軟，一上枱熱辣辣，點埋煉奶食簡直係完美！又甜又香，食到飽都要夾硬塞多件！🐷楊記麻辣魚館佢唔只係麻辣咁簡單，連養生系列都做得有板有眼！楊記麻辣魚館尖沙咀亞士厘道29號37及39號九龍中心地下B31,35#楊記麻辣魚館 #尖沙咀美食 #尖沙咀好去處 #川菜控 #水煮魚 #養生鍋 #走辣美食 #魚片控 #粥底火鍋 #粥底養生 #炸饅頭 #甜品控 #香港美食地圖 #香港美食 #FoodieHK #hkfoodie #TSTEats #尖沙咀晚餐 #亞士厘道…查看更多

呢一間中式餐廳食辣野好出名，所以今日就決定專程嚟試下特色川菜啦🥳特色水煮生魚片魚片切得薄透嫩滑😌，浸在紅油中保持鮮嫩口感。麻辣湯底香而不燥👍，搭配豆芽和雲耳增加爽脆層次。由於唔係好食得辣叫左bb辣就啱晒😙大千牛肉牛肉片外層好香脆，內裡保持軟嫩多汁🤤，醬汁濃郁帶微辣香氣。青椒和洋蔥炒得爽口，整體鑊氣十足🔥糖醋排骨排骨炸到外脆內軟😜，糖醋汁酸甜平衡恰到好處。入口鬆化不黏牙，撒上芝麻更添香氣😎…查看更多

眼見身邊唔少人一窩蜂返大陸消費，我只可以講香港都有好食性價比高嘅川菜酸菜魚❗️環境：7.5/10楊記麻辣魚館分店好多，新店位於尖沙咀，環境乾淨企理，座位都相當闊落👍🏿食物：8/10老壇酸菜生魚片 $238份量超多，魚片🐟唔會一夾落去就散晒，仲有水晶粉等配料我揀咗BB辣，辣到啱啱好符合大眾口味，食得辣嘅朋友當然可以越級挑戰❗️大千牛肉 $168大家唔好見到咁多個辣椒乾🌶️但辣度唔會過火🐮炸牛條好酥脆，估唔牛可以咁樣食🥹，超級惹味🤤口水雞$118識食一定會食口水雞🐔，雖然大家見到辣椒油滿滿，但雞肉會過分吸收辣味，而且雞肉嫩滑，真係食唔停口🫣炸饅頭 $48/半打炸饅頭簡直世界級，饅頭外脆內軟，加埋煉奶，簡直係無敵組合🤣💰性價比：8/10人均$300左右，兩個人完全食唔晒，勁啱成班朋友一齊挑戰🫣其實仲有好多嘢想試，唯有等下次再去啦🥰…查看更多