椰小盅燉湯專門店 (太古城中心)

營業中

休息中

一個原隻椰子燉烏雞湯已經非常經濟實惠。 再加9元就可以有一碗紫薯椰香飯，一隻雞翼及一些菜甫， 非常豐富。 此份量最適合女士們。 燉湯夠熱又濃味， 絕對沒有味晶。 除了烏雞， 湯內還有淮山、竹笙、杞子等等湯料。 烏雞除了有蛋白質之外， 還可以補血及預防骨質疏鬆；當然還有其他功效， 不能盡錄。 請記住， 夏天都要補補啊！ 😊

小朋友係書店睇完書過來飲湯，蟲草花鮑魚雞湯好好味，材料豐富，有蟲草花有雞有鮑魚，無鹽無糖無味精，小朋友飲好適合同放心 好味又健康 餃子惹味 ➕9門可以有飯 下午茶時間來都有位坐 服務有耐心

今日路過太古城內既誠品並入內參觀發現一間 「燉湯專門店」，於是入去試吓，首先環境旺中帶靜唔會糟，坐位間格都好寬裕，叫餐至等餐亦唔需要太耐，於是我哋叫咗蟲草花鮮鮑魚燉土雞、加$9超值餐，另加餃子，味道清淡無味精夠健康，值得一試。

食過翻尋味的燉盅同糯米雞🤓一直以來都好想試下燉湯，平時都超級多人，終於可以試下燉湯，燉湯非常夠火後，湯渣都可以食絕對可以revisit🤓仲有核桃包都好正，超級有碎核桃，，同糯米鸡同炖汤係完美搭配。然而，桃膠糖水就唔係特別滿意，下次都會試下其他燉湯。overall 來講，呢個絕對係一個可以revisit的地方。如果係女仔，糯米雞同一個燉湯絕對係晚餐的健康選擇。想飲湯的時候，就來呢度飲就可以，真係十分之方便。

The soup is very nice, it is hot enough. The black boned chicken and the pigeon were very tender and nice. The walnut buns were tasty too !

想吃椰小盅很久了，要不下班太晚已打样，要不太早未有開門。今天端午節假期，約了家姐逛太古城，路過誠品，椰香令想起了您－椰小盅。9秒9去揀了個－椰派海鮮冬陰功 Yummy 店員很好，原本2點后才有的 －手工芋圓凍，12點多點餐也給我做，服務👍🏻 端午假期有個快樂的起點

今日收工嚟到太古城搵嘢食，唔打唔撞發現咗一間唔太起眼嘅小店。座位雖然唔算好多，但係勝在夠靜靜地。第一次食就梗係食啲比較穩操勝券嘅嘢先啦，咁我就揀咗個花膠雞湯。花膠排骨雞湯套餐。追加兩條台灣腸。先講個湯，個燉湯食水好清一啲都唔渾濁，仲有好足料嘅排骨雞同花膠。湯嘅味道好香椰皇味，飲洛口清清地好舒服，並唔會因為有肉喺湯裏面而覺得濃。跟住就係嗰個紫薯飯，個飯真係好好食，首先個飯嘅軟硬度係適中，同紫薯個軟硬度好match，加上幾粒南瓜子，就好似畫龍點睛咁，食完之後我覺得個飯仲好味過個湯

炎炎夏日，最岩就係來誠品吹住冷氣讀書，臨近中午再來椰小盅歎翻份椰盅燉湯，寫意。今日午餐點了A餐牛肉餐同C餐柴雞腿餐，牛腱好軟硬適中，鹵得入味，開胃。雞腿🍗不老，夠香，好食。紫色飯有葵花籽等其他穀物，營養價值高。最後講一講燉湯，材料十足，飲唔出味精味，仲帶些椰子🥥的清甜，一口喝下去，消暑。

咁啱行開誠品，見到有湯水舖頭，就入咗去試下。織金竹笙烏雞椰小盅睇佢嘅介紹係可以補血養眼，襯呢個機會可以好好進補一下。坐底咗一陣，已經整好，唔使特別點等。一打開個椰蓋，係有好香嘅椰子味，肯定係真材實料。睇一睇椰盅入面，好足料，有好多烏雞、海底椰同一塊索晒個湯嘅精華嘅竹笙。啲烏雞燉到好淋，唔會覺得食緊湯渣。竹笙係超正，好入味，一咬落去，啲湯汁「必」晒出嚟！飲一啖湯，好香嘅椰子味加淡淡嘅雞味，雖然有好多料，但飲落係好清，飲唔出有落味精。咁嘅價錢飲到咁足料嘅湯真係好抵飲，我見佢仲有套餐，都幾抵食，下次有機會，希望再過嚟試下其他湯水。

實在太耐冇行過太古城中心，今天才發現誠品生活，原來的麵包已經變了一間椰小盅燉湯專門店，座無虛席，幸運剛有人離開，才有幸一試！蟲草花鮮鮑魚燉土雞，真材實料，好好味！跟紅米飯跟菜莆，只要多9蚊，份量剛好。

一個午餐，想到椰小盅，套餐經濟，美味，養生，而且食物可口，品質不錯，值得推介，喜歡紫米飯，非常有益會推介比朋友，三五知己，地方不錯，寧靜乾淨，最喜歡花膠烏雞湯，及小食雞串，烤腸，青瓜選擇😘

之前行開太古誠品，一直見到呢間「椰小盅」，成日想試但係冇機會，今日終於有時間試吓喇！今日試咗「當歸乳鴿四物椰小盅」，同「椰派海鮮冬陰公」、「牛腿肉」、「地道烤腸」及「手工芋圓」。當歸湯味道清甜，𥚃面有半隻乳鴿👍🏻冬陰功椰味濃郁，清新香茅味，仲有海鮮👍🏻手工芋圓配以淡淡的椰汁，仲有紅豆，煙煙靱靱，好好味👍🏻地道烤腸有蒜蓉味同黑椒味選擇，充滿台灣風味😋另外服務員姐姐好好，自動提供優惠。啲湯飲完唔渴，真係冇味精，誠意之作😋😋

今日夜晚唔知食乜好。。。然後去咗太古廣場行見到有一間燉盅嘅舖頭，覺得幾吸引行左去前面，睇價錢都唔算好貴到，最後我哋選擇坐低食，叫咗個排骨飯、糯米雞，再加一個嘅燉湯，配有呢個紫薯飯。埋單都係一百幾蚊啱晒小資人士食用！！！！！！糯米雞入邊真係有完隻雞翼，紫薯飯方面，仲唔係一般嘅薯飯，非常健康！！！一陣陣嘅紫薯味非常之特別，湯方面，非常有椰子味非常清甜，推介想飲湯，但係冇時間煲湯嘅朋友過嚟食！！！！！！！！

今日放工，突然之間想飲啖湯，咁啱有經過呢間椰小盅，見到佢寫住唔落鹽，不落糖，不落味精，就決定入咗嚟試吓，我哋叫咗一個織金竹笙雞絲加醋香排骨，同一個竹笙子排加一份柴火雞。首先講咗個湯先，佢係用一個椰子裝住，打開入邊，材料非常之多，淡淡都是肉。湯亦非常之鮮甜美味，肯定她完全沒有落味精，紫薯飯有點特別，值得嘗試，排骨和雞也非常之有鮮味，值得推介，整體都覺得非常之好味，服務態度好，下次會再來和朋友再來！！

係附近返工，今日約左嗰frd黎太古城食午飯👭呢度係自助形式，午飯有set lunch, 湯水好濃好夠熱，全天然冇加味精，又滋補又健康，兩個女仔食啱哂👍🏻👍🏻