影片
以上資料只供參考, 請與餐廳確認詳情
邊個話Food court無好野食，今日去左九龍灣淘大見到呢間開業無耐嘅潮州菜，幾有驚喜。價錢定價上大部份都比一般餐廳經濟抵食，佢地個滷味味道仲要幾香滷水鵝腸飯 $40 / 滷水鵝飯 $58餐廳每日都會唔同嘅嘢做優惠，今日有鵝腸飯做優惠。佢地個滷水味真係調得幾香，鵝腸都幾多條，而且中間好多肥膏都有挑走埋。口感爽又香，而且價錢真係平民價錢，夠抵食。另外滷水鵝都好食，鵝肉味幾香又厚肉，皮唔厚唔特別肥。滷水味夠入味，唔會好鹹。潮州蠔仔餅 $78煎得夠酥脆，蠔仔唔腥。油膩感唔會太重，有個魚露沾一沾埋提鮮好似仲更加好食D滷水鵝腎 $25 + 鵝掌 $25兩樣都好食，鵝腎口感爽身。鵝掌都幾大隻，軟骨同層皮都夠淋，又入味鵝肝 $70鵝肝有得斤計咁樣叫，吸晒D滷水汁睇起上黎已經覺得唔錯。切片鵝肝夠厚，肝味又香，口感幾棉滑，有類似入口即溶嘅感覺，不過食多兩片就會有D膩
繼續閱讀
今次係第二次食，試左豬肉丸魷魚鬚潮州河粉，加菜心全走。肉丸彈口、魷魚鬚爽口、河粉新鮮，份量好足，加配菜心一大碟都係$8，食得好開心。上次就係鹵水鵝片飯，同樣出色，鵝片下面仲有豆腐，里面勁滑。老闆俾足料，驚啲客唔夠食，好正而且係用長木筷子同硬膠匙，食野勁方便。無左使用紙匙時食到勁勞氣既感覺😇雖然係food court，不過有姐姐主動幫手收野，多數唔使自己黎。性價比高，會多啲過黎食。一陣試埋隔離間格仔短😋
繼續閱讀
早早地食個晏 遇上極之平民化的高質潮州小店😋-📍 餐廳位於得寶商場地下Food Court 位置稍為隱蔽 但絕對值得一試-💸 價錢方面 豐儉由人 由 $40單併飯到 $88三寶飯不等 包飲品及時菜 適合一支公或一家大細食到滿足-👅 味道方面 雖然價格實惠 但一啲都唔輸蝕 今日食咗三寶飯 有鵝片、鵝腎、粉肝、豆腐 份量十足😆 其中鵝腎唔硬 少少彈牙有咬口 滷汁入味十分出色🏆 粉肝雖然未致於十分粉嫩 但味道出色 唔嚡口 無多餘內臟味 $88有五至六片 性價比一絕😤 豆腐亦都滷得十分入味 嫩滑好食👍🏻 唯獨鵝片正常發揮 沒有補充👌🏻綜合呢個價錢 呢個份量 呢個質素 只能講至少嚟試一次😝-P.S. 老闆見我鐘意食內臟 切少少鵝心我試試 超好食 呢個年頭估唔到仲遇到咁有人情味嘅鋪頭 好似翻咗屋企食飯咁 飲食業唔易做 既然遇到咁有心 又好食嘅店 只能夠大推阿😆😆
繼續閱讀
星期六晚同班friend去咗得寶商場入面嘅「森馬美食✨」，餐廳招牌潮州菜，真係有驚喜！💰平民價錢，但質素拍得住高級潮州菜館，絕對係「抵食夾大件」。「潮州鹹雞🐔」雞肉超滑溜，鹹香入味，皮爽肉嫩，正到爆！👏 配埋佢哋自家製嘅蒜蓉豉油，更加開胃～ 「魚蛋魚片河粉🍜」湯底清甜冇味精，魚蛋彈牙，魚片又滑又冇骨，河粉吸晒湯汁，啖啖都係鮮味！ 「🍲蠔仔粥」必食！蠔仔多又大粒，潮州粥底飯粒分明，加咗少少胡椒同芫荽，鮮味十足，暖胃又滿足～😋 「🥩沙茶牛河」鑊氣十足！牛肉嫩滑唔韌，沙茶醬香濃帶點花生醬味，河粉炒得乾身又入味。👍 「蠔仔餅🦪」即叫即煎，外脆內軟，蠔仔爆多又juicy，點埋魚露簡直無敵！記得要趁熱食。小貼士：星期六晚市好旺場🔥，8點去到已經賣晒滷水鵝，想食就要早啲去啦～ 呢間絕對係「食過返尋味」嘅級數！💯 性價比高，味道正宗，老闆仲好nice，一定會encore！
繼續閱讀
森馬美食 (九龍灣)九龍灣牛頭角道3號得寶商場地下FC02號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：滷水鵝片例牌 $128，滷水鵝片飯 $68滷水鵝片例牌：滷水鵝片色澤誘人，香氣四溢。鵝肉厚薄適中，軟嫩多汁，入口便覺滋味。濃郁的滷水汁浸潤在鵝片肉中，散發出醇厚的滷水味，令人回味無窮。搭配上滷水豆腐，柔嫩滑潤，與鵝肉相得益彰！😄😄😄滷水鵝片飯：鵝肉依舊軟嫩多汁，滷水汁更是香濃滋味，配上白飯便成完美配搭，搭配滷水豆腐、新鮮蔬菜和菜脯粒後，更是色香味俱全。蔬菜脆嫩爽口，菜脯粒則增添了咸香氣息，與滷水鵝肉和飯粒一同食用更覺惹味！👍👍👍食店還有其他潮州美食，如滷水鵝肝、滷水鵝腸、滷水鵝腎及潮州蠔仔餅等，同樣性價比高，值得一試！😍😍😍
繼續閱讀