棋子燒鵝 (旺角道)

營業中

休息中

是日走訪花園街，行到旺角道34號看見櫥窗的燒鵝色澤鮮明，十分吸引，原來這是棋哥燒鵝旗下品牌「棋子燒鵝」。超值推薦「燒鵝例牌＋單拼燒味（1款）＋郊外油菜＋白飯/瀨粉/米粉（2碗）＋老火靚湯或飲品，2人套餐價$218」「棋哥燒鵝」例牌點了下莊，主打煙燻燒鵝，全部由店內即燒，皮脆肉嫩，每口都有鵝油香，鵝肉結實有肉香， 超滋味。「脆皮燒腩仔」 燒腩仔肥瘦相間咸香惹味，鬆化香脆的豬皮脆卜卜，豬皮超脆超香，CP值超高。「老火靚湯」火喉十足，湯料豐富， 無添加任何味精或色素，也真不錯。

今日下午買左個燒鵝飯外賣，返到公司一打開盒飯，d燒鵝皮係黑色，夾開d皮下面全部骨，一舊有肉d既都冇，加兩條青黃色又爛既菜心，雖然盒飯50蚊唔算貴，不過都唔好比d咁既垃圾人。食左幾啖飯成盒掉咗。我未試過寫食評，不過真係想比人知呢間野有幾差… 後悔冇影埋張相比大家見識下

用餐日期：2023/10/30用餐時段：外賣 用餐費用(每人）：$528餐廳環境：環境整潔乾淨 冷氣足 用餐位置不多 檯與檯之間較近 人多時可能要搭檯服務：服務員服務有禮貌態度好 味道：點了燒鵝一隻$498 真空包裝+30這家的燒鵝價錢合理 皮薄肉滑好味 平常都會去食燒鵝飯 因在新加坡沒鵝肉食 如新加坡親人來香港或去新加坡探親都會在這家買真空燒鵝外賣上機 這次不知是否因是早上買燒鵝較熱關係 真空包裝完有一鵝腿的鵝皮外露 送人做禮物外觀上不太好 希望下次再買時能像以往那樣真空包裝完外觀還是完美沒破損就更好 整體來說這家的燒鵝是值得推薦的。

早上11點，燒味應該係剛出爐唔會隔夜掛？燒腩仔賣相很不錯，但皮不脆，燒鵝只有骨和肥油沒有肉，皮也是硬的。湯瀨淡而無味，菜心是爛的。唯一稍好的是例湯，熱辣辣，味道就不評論了。整體來說，沒有下次。

旺角人頭湧湧 見到門外排長龍買外賣 有位就入去堂食 見餐牌寫餐飯跟例湯（沽清即止）叫左碟燒鵝飯同手撕雞飯 但冇湯跟 以為沽清就冇問侍應 左右隔離都冇 後來有新嘅左右兩邊客人都有湯跟 於是問個侍應有冇例湯俾我哋 冇反應 收銀員臨走老公話佢點解冇例湯冇回答 真受氣 ☹️點會有回頭 至於食物質素燒鵝皮下脂肪肥啲 飯太乾硬啲 😵‍💫

下午5時30分左右因在旺角行街其實，見到燒鵝突然想食，所以行了入去，原本沒有想過食的。我都唔講太多，叫了一碗燒鵝瀨粉， 一睇已經知是骨位，夾起件燒鵝，件件燒鵝都是肥膏多過肉，見到都把火！說實在，燒鵝在一般情況下是不會這樣多肥膏，反而燒鴨就會肥膏比較多。還有杯凍檸檬茶，茶味不足，十分清淡，檸檬亦只有2片，檸檬味亦不足，就好像在飲一杯清茶！若果這是大×樂出品，我會理解的，但這出品是來自一間自稱為燒鵝專門店，真的是差了一點。

今年5月幫襯過1次外賣自取2人餐嗰次份燒鵝已經冇乜肉Ok，唔緊要，好似人咁，有肥有瘦尚算有幾舊係「正常」/「可以咬到肉」事隔3個月，今次叫外送，都是2人餐其實唔係話期望質素有幾咁「喜出望外」但你打正旗號做燒鵝冇理由d燒鵝差到無譜㗎，下話？一打開個盒蓋呢兜咩嚟㗎？水汪汪咁浸住之餘，大部分肥膏，肉呢？呢d就係你嘅招牌燒鵝？一次係咁，兩次係咁機會係人哋俾，招牌真係自己拆㗎！無喇。失望到一個點・唔會再幫襯了！註：相片並非攝於一打開蓋之時因為開頭都未咁怒氣沖沖夾咗2舊都只有肥膏掉咗之後好忟憎然後先決定影低佢😤

今日同大家分享一間燒味店：棋子燒鵝！呢間係巴士站附近，準備搭車返屋企嘅時候見到有燒味食就決定試一試！因為我好鍾意食燒味，但係我唔食得鵝肉，所以嗌左燒腩仔拼油雞飯 $43返到屋企一打開發現原來有配埋中湯，$43蚊嘅價位黎講 仲有湯 我覺得好抵啊！而且湯嘅材料都十分豐富👍🏻燒腩仔皮脆肉唔會柴！重點係食左咁多舊都唔會滯！而油雞方面比左隻脾我👍🏻雞入口超滑😋醬香味足夠！雖然唔食得鵝有d可惜，不過佢嘅其他出品我都十分滿意，下次有機會 會試下佢個手撕雞🤣

我有好幾個朋友平時都會黎呢間鋪買野食，甘岩老母今日買餸煮飯，就去斬個燒肉，一斤就賣$128，一斤有16兩，拎到返屋企連盒秤12兩幾，加埋9包芥辣都係13兩幾，拎返去問矩一斤有幾多，答我16兩。我比返矩地自己秤，秤完唔出聲密密斬，最後總共比返一斤多二兩，話得事果個人淨係可以講句唔好意思，我都知無咩野可以講，所以我就係度講，特別係比斬料果兩個聽。賣菜賣燒味賣咩都好，好多人都會厄秤，一般都係差少少，大部分客人都當豪比你。我唔係鼓勵你厄秤，多人厄秤都唔代表你應該甘做，但唔好甘過份囉。換轉係你比人厄，當水魚撳都會嬲，會唔開心，我明白搵錢好艱難，但個個搵錢都係甘艱難，係旺角做地鋪生意係人多客多，可能D客唔會返轉頭，但都會有好多街坊幫襯，街坊先係你主要既客，你厄哂就無嫁喇，甘岩你就厄左一個。圖中有芥辣同埋個燒肉蓋住左既圖片係12兩幾，因為太嬲，無影清楚。另一張開左蓋就係1斤2兩，差得太遠了，但個燒肉係好食既。我寫甘多野只係希望你會認認真真做個好人，唔好再厄厄氹氹，你做得好，大家會見到，亦都會返黎繼續支持你的。

通常外賣下午茶叉燒飯，或者黯然銷魂飯（即係加隻煎蛋🤣🍳 ), 不過叉燒水準唔穩定，有時好juicy ，有時好乾！不過簡單一餐，下午茶包杯餐飲，$36正常價錢~其實好多人喺呢間買外賣

昨天一個人晚飯，旺角道一帶除了有我間中會幫襯的爭鮮，也有這間新開未有一年的棋子燒鵝。其實太子旺角一帶近半年也開了好幾間燒臘店，而這間棋子燒鵝較近旺角，日後有機會再行遠一點到弼街那邊試那些新開的燒臘店。今晚買了所謂黯然燒魂飯，其實是叉燒煎蛋飯。我走汁，因此可以只嚐純粹叉燒加蛋汁的滋味。每一口我都有叉燒、蛋汁，及飯，的確令我黯然銷魂了好一會。四十三元一個飯還有一碗湯，這個價錢簡直是世界級了，性價比很高。原來它有水吧沖飲品呢，但晚飯我不飲奶茶，我會下次再試。高質叉燒兼有堂食有飲品，這簡直是完美食店。

今日喺旺角食下午茶，求求其其去左棋子燒鵝。下午茶餐有12款揀，包熱飲一杯。不過居然冇菠蘿包供應，非常失望。棋哥燒鵝瀨粉 $45燒鵝係近鵝胸位置，質素正常冇特別，皮少少薄脆，浸得太腍，脂肪唔算厚，鵝肉唔會太乾或太韌，上面加左少少蔥花，燒鵝醬自己喺枱上面加，不過冇碟仔俾你。瀨粉份量偏少，質素就正常滑，伴有少量梛菜。棋哥叉燒瀨 $40叉燒個顏色令人有點唔開胃，食落非常麻麻，全瘦，好彩夠腍。脆皮燒腩仔飯 $40脆皮燒腩仔一客8件，的確係脆皮，不過大部份都係肥膏，好肥，自動伴有芥末醬。呢碗飯配嘅梛菜實在係少得可憐。飯量就夠飽肚。叉燒煎蛋飯 $45煎太陽蛋大大隻，撈飯好，唔怪得貴5蚊。叉燒一樣係唔多開胃咁款。特飲居然冇紅豆冰，好失望。熱杏霜味道可以，唔太假。熱阿華田偏淡。熱檸水各有3片檸檬。總括而言，價錢唔平，主要食裝修，不過座位又唔見得好乾淨，冇下次。

突然同朋友好想食燒味飯，所以係附近幫襯棋子燒鵝外賣🤣🤣🔹燒鵝五寶飯五寶包括：燒鵝、叉燒、切雞、紅腸同咸蛋買既時候叫左餐廳多薑蓉🤣🤣好鐘意薑蓉撈埋D飯食🤣🙈伴碟時菜都幾多👍🏻切雞麻麻地，無咩味，同埋有d老🙁叉燒甜甜地，好淋😋燒鵝好香，外脆香脆，有鵝香味😋紅腸同咸蛋就普普通通冇咩特別。🤣🤣🔹燒鵝燒腩仔飯燒鵝同燒腩仔都好多，啖啖食😋燒腩仔外皮香脆，係咔咔脆👍🏻皮下既肥膏唔油膩係彈牙，瘦肉部分係嫩👍🏻👍🏻😋燒鵝都係皮香脆，有鵝香

坊間愈來愈多以燒鵝為主打的燒臘店，繼「棋哥」後，又有「棋子」。這一天下午，我就在這間開有多間店舖的「棋子燒鵝」的最新一間旺角分店吃了一頓趕在晚市六時禁止堂食前吃的晚餐。點了店舖招牌的「棋子燒鵝飯」（$56）。飯有例湯送，是「花生雞腳豬肉湯」，湯中材料豐富，湯味也是家常味道，不著師傅痕跡，是一碗及格以上的例湯。正主兒「棋子燒鵝飯」飯夠熱，燒鵝也肉多骨少，皮薄而脆，水準不錯，貼心的是蘸燒鵝吃的酸梅醬早已放在桌上可讓客人隨意倒在碟上蘸來吃，也是值得加分的地方。只可惜這裡的女收銀服務態度欠佳，聽不清楚多問一句也像麻煩到她一樣，實在趕客。香港吃燒鵝的地方那麼多，不吃「棋子」，改吃「棋哥」或其他燒臘店，不成嗎？

純粹微薄光顧，叉燒燒肉飯，已經無乜人堂食，我走入去食，當食客係乞兒。由落單至走人，我只問一句，是否送例湯。侍應不願意送湯，出一句聲唔比，我會尊重。送到埋枱，侍應送你一個西面表情，表示唔想做。相比長沙灣棋哥，等同價錢，食物質素高好多級。我未知道棋哥及棋子，是否像譚仔咁樣分家。若是，棋哥才會再以幫襯