棋哥燒鵝餐室

營業中

休息中

完全無肉，得嗰殼.如果要食肉就請叫我畀不過價錢是108棋哥越開越多，但越來越搵笨。記得兩三年前第一次去天后的奇哥真的十分滿足一個星期也會去兩三次.現在奇哥也開了應該有四五間以上但係啲燒鵝質素一路下跌

兩人點了二款食物：==============燒鵝拼腩仔飯 $63 •• 燒鵝皮香，但肉乾身沒有肉汁，可能是碟頭飯之故。（下午茶）燒鵝瀨粉$40•• 瀨粉給了燒鵝脾，但大部分肉斬件上及沒有連皮，致唯一賣點也沒有了。賣相很差👎👎================•• 食物味道整體可以說是不俗👌👌但份量頗少。•• 樓面阿姐服務九流（下午茶時段不是旺市，沒有藉口可言）。👎👎經過可以一試，但不用專程拜訪，免致失望而回。

平時唔食燒鵝嘅我都大讚「好」👍🏼$58一碟燒鵝飯非常合理燒鵝沒有「蘇」味， 反而有一陣煙燻嘅味，配上燒鵝醬汁非常正二人套餐都抵， 有兩碟例牌燒鵝和豉油雞加一碟菜心兩杯飲品， 都係二百零蚊我一定會再食

去銅鑼灣行街之前同朋友約咗尋覓下天后有啲咩好嘢食，行行下見到呢間門口勁多人既燒味餐廳，上網check check之後感覺都唔錯，我哋就一齊等位入去食。等咗十分鐘左右度有位，我哋叫咗個二人餐再加個單拼飯去試下佢唔同既燒味。二人餐有最出名既棋哥燒鵝，佢俾咗隻脾我哋食，啖啖肉，又唔肥，好好味。另外一份燒味我哋就揀咗叉燒，份量勁多，唔會太肥，因為自己好怕肥既叉燒。朋友叫咗既米粉。二人餐包既例菜。另外散叫既燒腩仔飯($53)， 一個普通飯嚟講都算好多肉，份量好夠，啲肉又係肥瘦適中，層皮又好脆，正配埋杯涷奶茶！

今次專程黎到天后食燒鵝飯。而家好多左好多舖頭專食燒鵝飯，但係水準就唔係間間都咁好。我地叫左個二人餐，包括有燒鵝（例牌），叉燒（例牌），飯，油菜，飲品。另外加左個燒肉飯。燒鵝 - 好好彩師傅比左隻肶比我地。皮都算係有少少脆，有唔少肥，油香好夠。比我地果時候仲有少少暖。比起好多舖頭都要好。叉燒 - 肉好淋，偏向有啲肥。而且肉啲份量都幾厚身，食落幾滿足下。燒肉 - 皮硬左少少，但係算係脆身嘅。肉唔會過咸（尤其係近底嘅部份），肥瘦適中。

約左友人去天后行街，經過見到間餐廳好多人排隊，原來係食燒味，橫掂唔知食咩，我地都唔執輸排埋一份。燒鵝燒得好靚，色澤均勻。我地幾個叫左個二人餐同一個燒腩仔飯。蜜汁叉燒 - 好入味，就算係瘦肉部分都唔會乾巴巴。而肥膏方面又唔會食到成口油淋淋，油脂分佈剛剛好。誠意推介！例牌燒鵝 - 好好彩，俾左隻燒鵝脾我地。外皮燒得香脆，肉質嫩滑，好啱送飯。燒腩仔飯又係冇得頂，外皮好脆，再點黃芥末，送一口飯，真係好正！二人套餐跟餐有兩個主食，分別叫左米粉同瀨粉。清清地，食完燒鵝同叉燒滯滯地食啖麵解膩。唔止遊客，都有唔少街坊食，燒味真係唔錯，抵佢咁多人食！

以前在深井做野一日到黑都去搵唔同大少的餐廳食燒鵝。無做果份工之後就無得食啦。不過港島區出名多高質食物。燒鵝就真係棋哥最好食仲有品牌介紹。係幾把炮咁樣wor我最欣賞既係棋哥呢度幾間分店都好乾淨。佢地d同事清楚堅係快手同埋唔馬虎。要enjoy當然是叫五寶飯乜都有就最happy la。要讚既係好多地方的五寶會比堆d送頭送尾比你。呢度真是件件都係好好食的。排得都仲幾靚tim佢個燒鵝醬會放在桌子上任你加。半肥瘦叉燒。真係request都無咁靚呀!

聽朋友講棋哥燒味好好食，剛好路經天后見到有分店，就即刻行左入去！入面客似雲來，好彩今次唔駛等好耐就有位啦！入面裝飾比出面燒味店企理乾淨，高級茶餐廳格局！雖然迫左少少，但都坐得舒服既～餐牌價錢比普通燒味店略貴，但食物質素又相對好！一分錢一分貨啦！今次叫左個乳豬燒鵝雙拼飯，仲加左隻咸蛋！😂賣相非常吸引，食指大動呀！燒鵝有一層濃濃特別既煙燻味道，而且舊舊都係啖啖肉！😍😍乳豬外皮非常香脆，而且脂肪同肉既比例都係岩岩好，食落一d罪惡感都無，唔覺得肥膩！再加上咸蛋送飯簡直係絕配！至於服務，落單無耐就有得食，唔駛等好耐，非常有效率，服務員亦都好勤快！總括其食物質素同服務，物有所值！👍🏼

這天本來和朋友於銅鑼灣一起學琴, 但老師臨時有事辦, 所以整晚也很得閒, 既然不用上課那就找找東西吃吧. 銅鑼灣很多食店也吃過了. 所以邊行邊談天很快便行到天后, 天后反而很少吃. 所以便一起看看, 無意中行到棋哥, 心想:好像很久沒有吃燒味, 不如一於就他吧. 那就入了去坐下了. 門市雖然比較窄, 但侍應也熱情招待. 看看招牌菜是燒鵝. 一於叫燒鵝五寶飯. 真的很久沒吃燒味, 所以想一次過吃多點送. 賣相非常精美.排列整齊, 份量亦很多. 我特意要瘦叉燒, 本來以為他會不理會我而有什麼叉燒比什麼. 結果最後叉燒是很瘦的, 很適合我. 燒鵝很香脆可口, 點上醬汁非常可口. 紅腸和油雞也很淡淡肉. 再燒汁配白飯. 現在想起也很想再吃. 套飯也有飲品. 天寒地冬我叫了菜蜜暖暖身. 全晚盛惠70多元. 

我都幾鐘意食燒鵝，「鏞記」唔知點解會出名，出名難食？「甘牌燒鵝」、深井既「裕記」都好食既，筲箕灣既「棋哥」燒鵝有好香既柴火味，個種香係另人難忘既，因為唔同平成日食果d，話晒都專門做燒鵝。不過天后分店就失色了。話說有日為左氹自己開心（其實係個人為食）就近近地去天后既棋哥外賣燒鵝（上裝），返到去一打開就知瀨野，唔可以話佢唔香，但食落同筲箕灣店既就差好遠，肉唔多又超級收左水，變得好柴，失望。下次都係去返筲箕灣店再試下同埋唔會外賣。

我奶奶是差不多80歲的老人家，上週五中午去斬料買了燒鵝下樁， 以為間店咁出名信得過啦，結果不虞有詐，仲所費大概130港元，返到屋企開餐發現除了打圈的三件有肉之外. 其他部份全是肥膏(沒肉那種)～店主無良，連老人家都欺騙！

外賣一個叉燒燒鵝飯，返到屋企發現全部都係頭頭尾尾，燒鵝得一舊有肉食，叉燒又乾又瘦。真係好差好差，平時30$ 一個的燒味飯都好過距好多，唔會再幫襯距。寧願幫襯快餐店都唔食距！！I got takeaway, the roasted goose and BBQ pork are really bad. I can only see bones and fat in my box, and it costs me 60$ ... I will never come here again.

在一年前左右，已經看到棋哥燒鵝在天后開店，試業已経幫襯過，燒鵝肥味多汁，令人回味。今日回家路上，打算為今晚家常小菜曾添一些點綴，於是去咗買個燒鵝上賘回家。棋哥始終仍然保持水準，上賘即是胸肉，胸肉一般容易「鞋口」，有乾和老嘅口感。然而此店嘅燒鵝做得好出色，連胸肉都保留了鮮味肉汁、肉質細嫩，鵝皮脆口，充滿油香，同時鵝帶有某種木薫過似的香味。呢種香味，非常獨特，在其他燒味店，我未有相同味覺體驗。以前經常食其他連鎖式嘅燒味快餐店，現在都只覺得又貴、份量小、而且味道唔好，而呢間店雖然有唔算平，份量總算合理、而且味道好都值回票價！

今日出咗去銅鑼灣行街，行到肚餓，上網查附近有什麼好食，燒味好耐冇食過，又多人讚就決定呢間入到鋪頭店員很有禮貌地招呼我們坐低，這裏環境整潔，座滿人客可見質素有肯定細看餐牌有很多燒味選擇，來到這裏最出名是燒鵝我又點可以錯過這個乳豬皮酥脆，好像食薯片一樣卜卜脆，乳豬肉肥瘦均勻不太肥，肉嫩多汁叉燒拼燒鵝髀，食一口燒鵝髀，香濃的炭燒味滿佈表皮燒鵝髀的皮下脂肪很肥美，肉嫩多汁，再食一口滿口油脂肥美甘香，冇得彈而叉燒他選用的部位脂肪分佈均勻，肉爽多汁菜心爽甜脆口加上這柸咸零七下火一流

啱啱去完維園，一直向天后方向行，諗住求其搵一間餐廳作為午餐，老公同我都越行越肚餓，突然俾我發現呢間燒味店，由門口望入去，燒味非常新鮮，我已經被它吸引了😍流哂囗水望入去所有燒味都非常新鮮又乾淨，呢啲就係叫食得放心🤪一坐低員工就話呢度最出名係燒鵝，同埋乳豬，叫我一定要試吓，餐廳環境非常滿意，燈光又夠光猛,坐得好舒服,同朋友傾計嘆埋杯凍奶茶一流熱辣辣嘅天氣，梗係要即刻叫返一杯凍奶茶，一杯咁普通嘅奶茶都能夠做到咁出色，奶味足夠😆茶味濃郁👍🏻冰又不多，夠曬凍🤪老公叫左杯鹹檸七，可樂夠凍飲落，透心涼呢粒鹹檸檬非常夠味😍😍乳豬燒到剛剛好，乳豬皮外脆內軟，皮下的脂肪也不多皮脆肉滑賣相好靚味道又好好，仲有幾粒香脆嘅花生在旁邊作為配搭燒鵝脾併叉燒😁係我最鍾意嘅燒味併盤!叉燒燒到非常爽口，有少少脂肪，半肥瘦嘅感覺瀨粉嘅軟硬度剛剛好，不會太梗，容易入口😁湯底非常清淡，完全冇油浮面👍🏻健康健康燒鵝脾嘅位置真係最好食😍呢隻燒鵝髀真係名不虛傳，唔單止燒鵝皮燒得夠鬆化而且啲肉都夠晒嫩滑！燒鵝表面色澤非常光滑，而且帶有煙燻嘅味道，食完口腔仍有餘香令人回味無窮當然要配返碗白飯就最滿足🤣蔬菜非常新鮮，夠嫩😎見到莖部非常粗，