梁慶記

營業中

休息中

梁慶記(20/5) 星期五 中午12點左右特式：呢間麵店最出名既竟然唔係麵，反而係豬扒包，但因為係lunch，驚食豬扒包唔飽，所以都係食麵。食物：溫泉蛋安格斯牛蝦子撈麵 - 先講講size，我叫左M size但都好夠一個成年人食，牛肉就唔覺得係安格斯，只係比普通肥牛好食d，蝦子麵底係用粗麵嚟做撈麵，好食，又入味，溫泉蛋就正正常常，無特別。配料 - 加錢加左墨魚餅，唔覺好食，本身自己好鐘意食墨魚餅，但佢就做到無乜特別。飲品 - 今次無叫野飲。環境：餐廳環境正常，但就唔算好坐，有點窄同熱。服務：服務態度正常，無話特別好或者特別差。價錢：大約50蚊左右一碗麵。總結：每次經過佢門口都聞到好香嘅牛肉味，其實佢就反而有啲似車仔麵feel，只係轉左做蝦子撈麵底，d餸就唔係出色，亦都唔吸引，但佢個撈麵就做得唔錯，下次期望試吓佢個豬扒包。

今日去整頭髮前見到呢間澳門梁慶記好fusion 咁喎安格斯牛肉 仲有溫泉蛋撈粗嘅竹昇麵 入到舖頭 有個好靚仔嘅夥計笑容好親切叫我隨便坐掃完安心出行 幫我掃針卡點知打開個好靚嘅Menu原來就介紹緊呢位Fanson係意大利Florence返嚟嘅靚仔OK咁我就食Number One人氣安格斯牛肉鮑片溫泉蛋撈粗燒汁牛肉好嫩滑 夠晒入味係上盛食材配優質烹調好好食然後有炸香左嘅魚片頭酥脆彈牙 炮製得好香口不過粗麵一向唔係賣飛弗我覺得有啲硬下次可以煮淋啲其實麵質係好煙韌但又爽口配上超香嘅蝦子掛滿醬汁口感好豐富 而且份量好多我食唔晒呀靚仔教我下次可以扣底唔好浪費啊靚仔介紹我飲花茶不過我決定試支裝冰凍奶茶茶味不濃不淡兼非常香滑下次會試焦糖咖啡同埋豬仔包

黎到foodcourt食咩野好，諗左好耐決定咗呢一間！原來都幾多選擇而且外賣買滿$100仲有八折優惠!!👍🏾叫左兩個餐都係C4, Total $1061/ 溫泉蛋雙拼蝦子撈拼(雞翼，五花腩)$64+$2外賣盒材料超級多, 佢先知原來係全蛋麵！我的最愛！一政建雞翼尖配上多件五花腩，不過肥肉就多左的2/ 溫泉蛋雙拼蝦子撈拼(豬扒，五花腩)$64+$2外賣盒唔知點解温泉蛋係冇蛋黃😖紫鹽味好重，不過食後冇話好味精所以都okay

梁慶記。澳門必食竹升麵餐廳，香港都有一間，冇得去澳門食，喺香港懷念下先，呢間位於北角嘅梁慶記佢主打係全蛋竹升麵同埋蝦子麵，嗌咗個溫泉蛋安格斯牛肩肉蝦子撈麵，聽個名就知係中西合璧，佢個牛肉薄薄地咬落去唔會好韌，都幾重牛味同埋都幾大塊，底層再有蝦子喺個麵上邊，佢啲蝦子係好大粒同埋都幾多，你撈埋啲麵一齊食口感一流，同埋啲蝦子係好香好乾身睇落去係粒粒分明，正👍🏻👍🏻之後嗌咗個過江雲吞豬骨湯麵，首先佢個湯底都幾濃郁，清得嚟唔會冇味，個麵底係竹升麵嚟，食落去好彈好有咬口，軟硬度啱啱好😋其次有雲吞同埋豬手，雲吞裏面嘅蝦都好新鮮，起碼有兩隻大大粒，咬落去好爽，之後個豬手份量都幾多，唔韌，個味唔錯醃得幾好😍最尾叫咗澳門最出名嘅豬扒包，雖然佢冇澳門咁原汁原味咁好食，但係佢個豬扒都幾厚，個包唔係好脆同埋唔夠軟熟，但係有豬扒嘅搭救都算唔錯😌😌

在炮台山見到有人派宣傳單張. 單張的圖片(包括自己的招牌) 影象模糊, 每種粉面都是差不多樣子. 心想它的管理都是能力有限. 但走前一點, 原來就見到這一家店. 在翻查 openrice 的食評, 又上店的門口特別 highlight 有米芝連的推介. 所以, 好壞都是一餐. 反正餐廳裏面只有3台, 那麽便試一下. 入店后, 有一位肥的女服務員 , 把我們2人要的面/飲/素菜用心記下來. 便走了. 漸漸, 客人也慢慢進入坐滿全店. 大概有16 位客人. 突然, 有一位侍應跑去每一台, 確認下過的單- 奇怪的舉動. 因爲大家都下了單 5 - 10 分鐘, 爲何要來確認. 輪到我們, 便過來問我們下了單沒有? 原來她看不見我們先前的下單. 那麽, 再下一次. 很快2 杯檸檬茶來到. 茶完全是沒有茶味, 是一杯茶色的水加3片檸檬. 又等了15分鐘. (一共頭尾等了30分鐘) , 終於, 按捺不住, 問一下爲何大部分的客人, 比我們晚一些到, 但都已經有食物? 那一位爲我們原先下單的女服務員, 在20尺距離外, 聲浪當然要大一點, 說到麵條是要煮的. 多等5分鐘.

大家去唔到旅行期間係咪好掛住澳門美食呢？葡撻，豬扒包，諗起都想食啊！而家可以喺香港都食到澳門地道美食啦，除咗以上食物，仲有好多創新嘅澳門菜。【梁慶記】米芝蓮餐廳喺澳門已經好出名了！而家喺香港都可以食到！⭐必食安格斯蝦子撈麵。配搭闊面，蝦子份量十足🦐，滿足十分喜歡蝦子撈既我，而且佢哋嘅面是現做的竹升🍜！撈麵唔油好香口；同埋安格斯牛配埋秘製醬汁簡直一絕😍😍😍⭐佢地嘅喇沙非常之出名，喇沙竹升幼麵食過未？好入味，加埋串燒，配合孜然粉，超好吃！

路過北角想搵間嘢食下午茶，係城市花園附近發現呢間鋪頭仔，點左個：豬扒包。好好味呀。好鐘意個汁，不過老細話係秘製🤣下次有機會過開北角想再來試下安格斯撈蝦子竹升面。

難得來北角同朋友食晚飯，入左呢間細細既食店，但估唔到，呢間澳門餐廳鋪仔細細，但味道十足～同老友3人嗌左一份安格斯撈蝦子醬麵～麵係竹昇麵，好彈牙，安格斯牛都好好味，撈埋蝦子醬，正！👍🏻好大一份，但只要64蚊～抵食！我地仲點左豬扒包～有好香既蒜蓉牛油味～外脆內軟既豬扒～呢個豬扒包只要38蚊！！！覺得好味過係澳門食🤣！仲有一個肉骨腸，都係第一次食，幾特別好味～但唔記得幾錢了，總之都唔貴～老闆服務又好好！仲係個靚仔添！下次可以再來食！

🌕Hello我係Moon🌕想食豬扒包唔一定要去澳門嘅，😇喺香港都可以食到豬扒包，依間嘅豬扒包除咗份量足夠而且佢嘅味道都好正宗！🤗豬扒包$38有滿滿嘅洋蔥同埋豬扒，😆豬扒包入邊嘅醬汁令到成個包嘅鮮味更加突出，其實一個人下午茶食一個豬扒包同埋飲杯飲品都已經好足夠！😄除咗豬扒包值得推薦其實依度嘅撈麵都好，😎今次食咗安格斯牛肩肉蝦子撈麵，🤩撈麵嘅份量都好足夠，🤓每一條嘅撈麵都滿佈蝦子，牛肩肉嘅份量都比想像中多，而且牛肉味好香，食得出唔係過分醃製！😳飲品方面今次飲咗焦糖咖啡，😎焦糖嘅味道真係好濃郁，夏天飲返杯凍咖啡真係好嘆！🤗🌕最後MoonMoon都幾滿意依度嘅豬扒包🌕

Lunch time 同同事試咗呢間米芝蓮推薦嘅麵店, 主打傳統手打竹昇麵🍜, 上網一查, 先知道原來係澳門百年老店🇲🇴, 除咗麵食, 仲有串燒、澳門豬扒包等等供選擇。《雲吞牛筋麵》麵類我揀咗竹昇粗麵, 麵條口感煙韌, 彈牙爽滑, 重點係食落完全冇鹼水味👍🏻! 雲吞🥟小巧又滑溜, 以鮮蝦及豬肉作餡料, 蝦仁口感爽彈🦐, 豬肉幾軟嫩, 又甘香😋!另推薦蝦子撈麵, 裡面拌入花生粒及蔥花, 個撈麵醬汁有鹹香, 蝦子麵有蛋香, 麵條有彈牙嘅質感。

又去咗炮台山搵嘢食啦，太耐冇去澳門，好掛住澳門豬扒包呀！最近無意得知炮台山有澳門梁慶記  ，即刻搵日去食！梁慶記係澳門百年老店，最出名傳統手打竹昇麵，仲攞過米芝蓮推薦添， 印象中我好似澳門都有食過， 呢晚點咗三款都好keep到水準！單層豬扒包($38)個包烘得好脆，豬扒肉質好腍，秘製醬汁係精粹，豬扒加大量洋蔥一齊食，好正，不愧係招牌豬扒包，不過豬扒就比較薄身，都有d後悔冇點雙層豬扒包（$48），如果唔係會更加滿足！安格斯牛配牛肉蝦子撈麵（M size $59)另一推薦， 麵條較為闊身，食落略帶嚼勁好有口感，蝦子落得好慷慨，每條麵都密佈蝦子，好足料！店方用上澳門生曬蝦子，難怪鮮味特別突出。 每條麵都掛上秘製醬汁，安格斯牛亦用靚料，用美國牛肩肉，唔會太肥，肉味濃郁，份量都唔少呢 ！五香汁厚切脆豬扒飯配湯($52)豬扒一樣軟腍入味，五香汁辣辣地，好惹味。小店職員好有禮貌，聽講雲吞都大粒足料，仲有好多口味選擇，同埋咖喱都唔錯，下次試吓先！

Being recognized with the MICHELIN Plate in Macau, Leong Heng Kei has expanded into Hong Kong 🇭🇰 Their egg noodles were freshly made every day - super springy 🍜 Pity that it’s rarely found in most of the noodle shops in Hong Kong nowadays 🥲 It went perfectly with shrimp roe as dry noodles 👌🏻 You can simply have it without any toppings as it’s so yum on its own 🤤 Yet, you don’t wanna miss their juicy and savory angus beef 🥩 This combo just makes satisfying and economical meal 😋 Don’t forget to tr

【梁慶記】1920在澳門開業，至今已有百年歷史。小店主打傳統竹昇䟴製的全蛋麵，特別之處是加入鴨蛋，令麵條更富彈性。2019年首次打入《米芝蓮指南香港澳門》街頭小吃推介，同年登陸香港。北角分店隠隠於城市花園中，店子小小餐牌選擇卻甚豐富。手打竹昇麵可配豬骨湯、麻辣喇沙湯或做成炙燒蝦子撈。除熱賣的手作雲吞及安格斯牛肉外，還有多款串燒小食、澳門風味豬扒包、厚切脆炸豬扒飯可供選擇。安格斯牛肩肉蝦子撈麵 ($64)牛肩肉口感滑嫩，粗麵蛋香四溢無鹼水味。麵條軟硬度適中，加上脆卜卜的蝦子，口感甚佳。獨門醬汁鹹香中帶微甜，拌勻花生粒及蔥花，非常滋味。澳葡風味串燒喇沙粗麵 ($56)有五花腩、牛柳各一串，還有2隻雞中翼。串燒不會太乾身，外皮香口內軟嫩，面頭灑上大量孜然粉，香味獨特。喇沙湯底濃香撲鼻，辣勁十足。粗麵掛湯力高，盡吸湯底精華，份外惹味。葡式焦糖咖啡 (+$8)以樽子盛載，賣相吸引。咖啡奶油味重，甜度出奇地溫和。喝下冰爽透心涼，配合辛辣味重的食物剛好。

呢日去北角食嘢，去咗依間來自澳門嘅百年老麵店「梁慶記」🥳，聽講佢地嘅傳統手打竹昇麵好出名，而且仲係澳門獲得米芝蓮推薦嘅「米芝蓮餐盤街頭小吃」店。🔶溫泉蛋汁牛肉蝦子撈麵$44 （加+$6 配可樂）充滿蝦子鹹香，麵條爽滑帶韌性，麵汁甘香濃郁，牛肉肥美～溫泉蛋連殼另上的，脫殼之後水汪汪，拌了蛋汁的麵條更滑溜。🔶雲吞豬手麵 $46 （加+$4 配凍檸茶）除咗鮮蝦雲吞仲可以揀墨汁雲吞，未食過墨汁雲吞當然試吓啦。透過雲吞皮都見到裏面黑色嘅墨汁餡，感覺都幾特別，豬手都好Q彈爽嫩，麵有蛋香，入口順滑無鹼水味，而湯底淡淡不會太濃，吃完不會膩。🔶五香牛筋 （3條）＄20小食來的，可揀五香或脆炸。選了五香牛筋，炆得好軟腍入味，這個很不錯。

我最近同朋友走到去北角食飯😋！發現一間地道嘅澳門🇲🇴餐廳想介紹給大家🤗而呢間正係鼎鼎有名嘅『梁慶記🌟』米芝蓮餐廳🍽！澳門豬扒包🐷係必點嘅餐,出現喺每個餐桌上，麵包鬆軟，洋蔥牛油爆香😋，豬扒鮮嫩多汁，超好味👍🏻！ 我點咗安格斯蝦子撈麵做主食，闊竹昇麵加上豐富嘅鮮蝦子🦐再配埋嫩滑嘅燒安格斯牛肉片🐮，味道一絕🤩！ 我朋友就點咗牛筋雲吞麵，雲吞蝦肉飽滿，竹昇麵爽口彈牙，食完真係回味無窮🤤！ 飲品方便我點左好有懷舊特色嘅澳門葡式凍咖啡 🧊☕️！咖啡味香濃👏🏻！我誠意推薦呢間餐廳俾你地去試🙌🏻！