桂花小幸 (將軍澳廣場)

營業中

休息中

桂花小幸 (將軍澳廣場) (將軍澳).酸菜魚米線.酸菜魚份量多魚塊夠滑溜，每次黎都會食，可以揀麵/米線，個湯夠酸夠開胃🤤.手工糭子.適逢端午節，叫個糭食下應節手工糭本身糯米已經係有醬油，入面仲有啲豆類作餡料.台灣烤香腸.每次黎必叫小食，好彩外皮烤得少脆，配上蒜片一齊食！.炭燒烏龍珍珠鮮奶奶茶·水果茶.呢度其中一個最吸引我嘅地方就係有台式茶飲，最緊要係好飲！水果茶清新，嘆盤烏龍茶底香濃，再加入珍珠有咬口.桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

桂花小幸(將軍澳廣場) 一間台式牛肉麵桂花小幸,餐廳位於新界將軍澳唐德街1號將軍澳廣場1樓,餐廳主打台式牛肉麵和台式特飲,餐廳裝修簡約帶有田園色彩,餐廳好以快餐店自助落單付款形式,但服務員好快會捧餐到你枱前,服務員招呼有禮。鹽酥雞扒蔥油拼米線配有紫菜魚丸湯米線內有紅蘿蔔,酸菜,白蘿蔔,生菜,芫茜,雞扒微鹹,炸醬不太厚,食落好嫩滑,米線軟硬適中。糭香扁食套餐阿嬤手工肉糭子係台式肉糭,微鹹,不膩,材料豐富。家鄉紫菜扁食湯係台式雲吞,皮薄肉嫩,紫菜湯好鮮味。小食古早味鹵水牛肚,廚師煮牛肚煮得夠淋夠入味,淡淡牛肚肉十分滿足。鹽酥花之丸有3大粒,炸醬不厚,食落好惹味。蜂蜜檸檬蘆薈入口酸酸甜甜,飲落好開胃夏日水漾鮮果茶水果茶有檸檬,西柚,.飲落透心涼。

✨中女獨食難肥日誌 ✨桂花小幸 中女食將軍澳這間台灣菜是一人晚餐好選擇，套餐有湯有菜有肉有飲品，大滿足😌鹽酥雞排滷肉飯 $84雞排份量足，大塊之餘肉夠厚，新鮮炸起亦不會乾滷肉飯肥瘦適中，油香滿滿！原盅燉湯外出吃飯難得有湯水，而且是原盅燉起，燉湯熱辣辣，而且料足，內有軟嫩的牛肉及淮山，清甜好喝。芝士奶蓋桂花烏龍茶 $27飲品都選微甜少冰，厚厚一層芝士奶蓋，奶蓋略帶咸味配上清甜桂花茶好夾！涼拌貓耳朵 $16夠酸夠辣的貓耳朵，一人小食很不錯。📮地址: 桂花小幸 (將軍澳廣場) (將軍澳)將軍澳唐德街1號將軍澳廣場1樓133-135號舖☎電話: 31062238

好耐無食台灣嘢，腦內即時湧現出”桂花小幸”這四個字於是即刻到將軍澳廣場去搵食。星期六下午2:30到，等左5分鐘可以入座，剛好有食客食完，可以坐到卡位，真幸運1. 椒鹽花枝丸3粒($28) ，花枝丸既即叫即炸，熱辣辣上枱，外皮脆口，內裡彈牙2. 煎餃子4隻($32) ，一咬落去爆汁，小心燙親口，內裡好足料，誠意推介3. 鹽酥雞扒滷肉飯($64) 追加涼伴黑醋茄子($16)。炸雞扒充滿台灣味道，外皮炸得香脆，內裏雞肉Juicy。滷肉飯碎肉超多，滷肉汁十分惹味。黑醋茄子每次必點菜式，味道酸酸地，食完十分開胃。4. 腱心牛肉麵(養生湯)($72)。湯底超甜，牛肉入口即溶，份量亦多，唔使去台灣都食到咁高水準嘅牛肉麵真係難得5. 左: 芝士奶蓋桂花烏龍茶($27)，右:柚子QQ山茶花($21)。兩杯飲品都十分滿意。整體來講，餐廳環境舒適，食物價錢優惠，食物水準亦高，以平價嘅價錢，喺香港都可以食出台灣嘅味道，相信只可以喺”桂花小幸”先可以搵到。

今日突然之間好想食台式野，知道呢度附近有桂花小幸就諗住叫個外賣，咁想食飯又想飲湯，點了一份酥炸排骨滷肉飯及紫菜魚丸湯，之前吃過佢哋其他食物都還可，今次真係重大伏。首先碗滷肉飯濕過平時香港嘅濕度，重點就係個酥炸排骨，一來唔知煮咗幾耐，只有少少暖，其次就係外表同口感完全係茶餐廳及快餐店食開嘅吉列豬扒，究竟邊一忽係酥炸啊？之後輪到碗湯完全得溫暖唔熱，所有食到一半已經頂唔順丟咗，真係唔會再比機會呢間餐廳。

之前食過覺得好味，所以平日某個夜晚再過嚟幫襯。今次叫咗以下食物：🍜紅燒半筋半腩牛肉麵（ $75 ）：牛筋及牛腩嘅份量充足，醃得入味，牛筋亦煮得非常淋軟，麵條軟硬適中，整體不錯。🍜秘譚酸菜魚米線（ $78 ）：餐牌寫小辣，但感覺係非常少嘅辣，易入口，米線份量充足，非常大碗，係1.5人嘅份量😂湯底美味濃郁，值得一叫。🍆另加$16嘅涼拌黑醋茄子，雖然寫微辣，但醋味多過辣味，茄子煮得淋軟，正常水準，不至於有驚喜。🥟蕃茄濃湯餃子（$28 ）：一碗有四隻，湯底有真嘅蕃茄碎粒，餃子入面係豬肉餡料，味道正常但冇特別，下次未必會再encore。🍹黑糖珍珠奶茶（ $34 ）：值得推薦嘅珍珠奶茶，茶底濃郁，黑糖份量恰到好處，整體充滿驚喜。🍹檸檬多多梳打：檸檬雖然有少少酸，但加埋益力多，整體感覺清新，值得一叫。埋單兩個人總共二百幾蚊，性價比高，一定會再次光顧。

將軍澳廣場食肆林立，見到間食台灣嘢嘅餐廳，佢午巿嘅Menu都好多選擇，而且台式飲品嘅款式都好多，所以就決定感受下台灣的味道。講起台灣的味道，令我即刻諗起嘅一定係牛肉麵，見到佢個menu 推介三盛紅燒牛肉麵，係包括左腱心牛肉、牛腩同牛筋，啱晒我可以一次滿足三個願望。麵條方面有得揀台灣麵或者米線，咁我今次就揀咗台灣麵，麵質都幾爽口彈牙，唔會好腍。湯底我揀咗紅燒牛肉湯，有微微嘅辣度，佢個湯底都好濃郁香甜，都好重牛肉味。去到三款唔同牛嘅部位先講腱心牛肉，牛味濃郁，而且都好腍，有少少入後即溶嘅感覺。牛腩係超大嚿同埋份量都好多，同樣唔會好韌。牛筋唔會好有漿住既感覺，都好容易咬開，唔會食到黐住個口。另外加配小食叫咗個涼拌貓耳朵，爽口彈牙，酸酸味味，幾開胃。食台灣嘢點都要有杯手搖飲品，今次就叫咗仙草凍鮮奶，飲品都幾大杯，仙草好多，叫咗微糖，感覺上好似健康啲。三盛牛肉台灣麵 $85仙草凍鮮奶 $32涼拌貓耳朵 +$16桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 -135號舖

桂花小幸 (將軍澳廣場) (將軍澳).係將軍澳要食台灣野，佢真係我食足咁多年都覺得好好食.▪️酥炸排骨麵 ▪️.每次黎呢到必食，酥炸排骨唔會太肥膩，湯叫左紅燒牛肉麵微辣夠惹味.▪️葱油雞絲拌米線▪️.唔知係好一段時間無黎食定真係新菜式雞絲撈米線好好食喎，啱曬唔想食得咁heavy又易人口.▪️小黃瓜·貓耳朵▪️.叫套餐係可以加$28要兩小客小食，小黃瓜同貓耳朵一樣係夠酸夠開胃！.▪️蜂蜜檸檬蘆薈▪️.呢到另外有部份調製台式飲品，蜂蜜檸檬蘆薈夠開胃又養顏！.📍桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

我哋一家三口，小朋友未夠3歲坐仲BB車。阿姐一黎就叫我哋同另一位客人搭枱。張枱仲要好細，我哋怕小朋友會影響到其他人。所以寧願等耐啲要卡位方便照顧小朋友。等左一陣終於有卡位俾我哋。帶住小朋友出街要帶一袋二袋野，係門口收左車嘅話又要攞住啲袋又要攞住架車仲要照顧小朋友都幾麻煩。咁我就諗住行到埋位放低啲嘢先收車啦。點知都未行到埋位，帶位嗰個帶眼鏡紮髻嘅阿姐就用好差嘅態度講，唔好將架車放係走廊度阻住我哋。嗰下已經覺得嘅間餐廳嘅服務好差。員工個個都黑口黑面好似啲客欠左佢哋咁。我哋叫左三盛紅燒牛肉麵，酥炸排骨滷肉飯，鹽酥花枝丸同2杯蜜桃紅茶。正準備食嘅時候，突然發現碗麵有條閃電毛！！阿姐話幫我換過碗新嘅，我點知佢哋煲野入面仲有冇毛。所以唔想要，我叫佢幫我取消左個麵，我另外叫其他食物。點知阿姐話唔可以取消，要我哋另外叫嘢食補返差價。真心好嬲。返到屋企仲要唔舒服係三個人都唔舒服，嘔完出嚟先好啲！食物嘅味道還好。但員工質素極差，衛生情況欠佳。點解可以有條閃電毛係食物入面？以後唔會再食呢間野！

自己個系統出錯 上錯菜 一嚟就叫啲客俾返錢 好心自己查吓啲record再叫個客俾返錢啦 等錢使呀 少少錢都冇呀 其實建議個服務態度可以再好啲 下次大家都係去櫃檯度俾錢啦 啲嘢食一般😉

放工去將軍澳廣場堂食再購物，今晚選擇去將軍澳廣場的桂花小幸，等左一陣位已經可以入座，望住餐牌見到有秘醰酸菜魚湯飯，已經有點流口水感覺，一於吃酸菜魚。酸菜魚的魚片都幾大片，魚片肉無骨，夠入味，酸菜魚湯酸酸甜甜，少少微辣，送飯一流，撈飯吃，好開胃呀。再加左逢到必飲的魚蛋紫菜湯，清清甜甜，滿足的一餐。飲品點了凍芝士奶蓋桂花烏龍茶，茶味濃帶點清新桂花香，配埋面頭的一層厚芝士奶蓋，清甜解渴，吃過酸菜魚配埋凍飲一流，非常配合。

想飲台灣野果陣去台灣餐廳就唔會錯啦，裝修偏文藝氣息，店家少女心比較濃，好多小心思，好得意。紅燒牛三寶面，揀左台灣面底，牛腩、牛筋、牛肚煮得好冧，又入味，分量真係好大，我食唔曬，哈哈哈哈；鹵水蛋牛腩滷肉飯定食，推薦大胃王食，分量好足，搭配例湯蟲草花燉湯，好好飲；芝士奶蓋炭燒烏龍茶，奶蓋茶比較好飲d，奶蓋比較濃稠。

三盛紅燒牛肉麵 $85材料有腱心牛肉、牛腩、牛筋三款都做得入味和腍麵質ok 不會腍秘罈酸菜魚米線 $78魚片肉滑, 湯的酸味比較突出, 味道比較單薄, 不夠濃郁, 也沒有辣味, 米線質感一般有些失望珍珠奶茶夠茶味, 珍珠量夠Braised Beef Noodle Soup with Shank, Brisket, Tendon $85The ingredients are tender and marinated well with enough flavor.The noodle is chewy.Hot and Sour Rice Noodle Soup with Sliced Fish and Picked Greens $78The texture of the fish is smooth.The soup is plain in flavor, only sour whereas no hot or chili flavor.The texture of the rice noodle is so so.A bit disappointingTaiwanese Milk

台灣料理必點的，一定有牛肉麵🍲「腱心牛肉台灣麵」✨紅燒湯底微辣，牛肉呢個部位油花分布均勻分布，特別適合熬製慢煮，口感嫩滑有層次🤤「原盅燉湯湯時菜滷水蛋牛腩」長時間燉制嘅老火靚湯，最適合少煲湯嘅香港家庭，除咗有湯水滋潤，帶有少少筋嘅牛腩肉塊，嚼勁十足且肉汁豐富「台式小食拼盤」 有齊✨炸花枝丸，雞翼，餃子🥟地瓜條恍如去到台灣夜市掃街咁，一碟有齊多種小食冇時間飛一轉台灣，又掛住台灣料理就要嚟試吓啦！

有一段時間沒有回台灣了，有點想念台灣的味道，今天剛好帶兩個兒子一塊嚐嚐這間性價比高的台式餐廳🥢哥哥選了一個「滷水蛋滷肉飯套餐」✨滷肉口感滑順，豬油香味撲鼻，入口鬆軟滷水蛋經過時間醃製，十分入味👍🏻套餐配 小食涼菜、蔥油時菜及 紫菜魚丸湯滿滿台灣口味😋弟弟點了「蕃茄雞排台灣麵」✨香濃蕃茄蓉🍅酥炸雞扒香脆可口，肉質鮮嫩juicy，配上麵質彈牙嘅台灣麵當然唔少得台式飲品🥤✨夏日水漾鮮果茶多款鮮艷水果🍋🍓🫐口感清新涼爽嘅果茶✨百香多多梳打酸酸甜甜嘅百香果，混合益力多，配上梳打，夏天必備❄️