桂花小幸 (將軍澳廣場)

營業中

休息中

相約友人去將軍澳食台式牛肉滷水，餐廳主打台式牛肉麵和台式特飲。餐廳裝修簡約帶有田園文青風格，座位寬敞坐得舒服。餐廳以自助落單付款形式，服務員好快會捧餐到你枱前。紅燒三寶牛肉定食(牛筋,牛腩,牛肚)上湯浸時菜紅燒牛三寶配有生菜和一碗白飯，牛三寶廚師煮得夠淋和不膩，白飯入口軟糯，仲配有一碗上湯浸時菜，呢個定食甚為豐富。鹵水蛋牛腩滷肉飯牛腩配有生菜、紅蘿蔔和白蘿蔔，牛腩煮得夠淋有味，鹵水蛋入口彈牙，滷肉多汁不太鹹，配飯食唔錯。現成煎餃子(4隻)餃子有四隻，配有椰菜絲和醬醋汁。餃子煎得焦香，點埋醋汁食更為好味。夏日水漾鮮果茶(凍)(微甜少冰)水果有檸檬、西柚、士多啤梨和藍莓，飲落酸酸甜甜，入口清涼。芝士奶蓋阿華田(凍)(微甜少冰)上層芝士奶咸香，下層濃郁阿華田香甜。

太耐冇食過台灣野，見到價錢都好合理，就黎試一試!朋友叫左個原盅燉湯滷水蛋牛腩雞肉飯餐，真心好抵食，唔會因為係餐而縮水，份量好多而味道都幾好。牛腩同牛肉麵既差唔多但呢到既份量真係好慷慨，鍾意台式牛腩既一定好滿足! 雞肉飯亦都相對上幾健康，啖啖肉又唔肥膩。燉湯都好清甜，整體好岩食而且一定夠哂飽!我就要左三盛牛肉麵，有齊牛展、牛腩同牛筋，麵質爽口而湯底都好濃郁清甜，加埋大大舊蘿蔔，份量又係好夠食而且牛肉整體質素都唔錯，特別係牛展好爽口又入哂味!滷水拼盤牛肉太出色既關係我地又再嗌多左個拼盤，味道其實都差唔多但因為食落真係唔咸又重牛味，加上價錢又平，所以嗌黎慢慢食再傾下計!鮮果茶& 炭燒鳥龍珍珠鮮奶台式飲品都一定係必須架啦，水果茶冇得揀甜度但其實都係水果自然既香甜味，飲落清新而且茶味都幾濃郁。炭燒鳥龍珍珠鮮奶既炭燒味唔算好突出但鳥龍同埋鮮奶既比例好好，飲落唔會太甜又重奶味，鳥龍本身亦都好有茶香，好好飲!

呢間餐廳主打台灣料理，主食、小食和飲品都展現了地道台灣風味，人均消費大約$100，性價比高🥰🔹️士林胡椒豬肚湯飯🐖湯底濃郁，胡椒香氣撲鼻，搭配著軟嫩的豬肚，令人回味。🔹️手工花枝丸湯麵手打花枝丸好大粒，非常彈牙！麵頗大份量。🔹️鹽酥雞排🐥外層酥脆，裡面的雞肉嫩滑，散發出誘人的香氣。🔹️椒鹽花枝丸因為湯麵的花枝丸太好吃，所以再叫了三粒椒鹽口味的花枝丸，太讚了。🔹️珍珠奶茶🧋🔹️香芋珍珠奶茶

呢日黎到將廣呢間桂華小幸, 好彩我早左少少到, 拎定飛先, 到左7:30 真係好多人排隊!~ 入面D 位都算坐得舒服, 我地係度揀野食, 睇左好耐餐牌宦唔知揀乜好, 因為好多樣都好吸引又想食羊腩煲, 又想食套餐既燉湯, 但最後揀揀下我地兩個都揀左要麵! 因為見到隔離枱食實在係太吸引! 我地叫左紅焥牛筋三實台灣麵, 三盛牛肉台灣麵, 兩款都叫左紅燒湯要微辣! 仲加左兩款小食! 一款係豆腐,另一款係茄子! 茄子真係大推, 隻醬酸酸甜甜咁好開胃! 豆腐就正常水準, 兩碗麵都好好食, 個湯底好正! 辣辣地咁勁開胃! 牛肉都好好味, 同埋份量好多! 野飲方面我地就叫左芝士奶蓋炭燒烏龍茶同埋香芋幻茶, 兩隻都好好飲! 唔怪得咁多人排隊!

將軍澳有唔少餐廳嘅選擇呢間主打台灣菜嘅餐廳食物有水準．價格亦相當貼地套餐有 主食 + 小食 性價比好高✨台式餃子米線配上清雞湯味道清甜5隻餃子超大粒．裡面饀料飽滿✨紅燒惹味牛腩麵牛腩厚肉夠軟腍香港牛肉湯底．味道濃郁麵質口感豐富✨椒鹽花枝丸花枝丸比乒乓波更大粒✨上湯浸時菜配上上湯嘅蔬菜．唔該晒更健康✨煲仔．塔香三杯雞熱辣辣煲仔上枱雞肉嫩滑爆到好香口惹味特飲都有好多款式✨夏日水漾鮮果茶加入多種不同新鮮水果茶味清香．健康之選✨芝士奶蓋桂花烏龍茶烏龍茶滲出淡淡桂花清香面層舖上芝士奶蓋．味道唔會太甜

今日放工去左屋企附近的台式餐廳食晚飯😆平時都見好多人排隊食，所以就來試吓😋原來晚餐真係好抵食又唔收服務費。抵讚👍🏻三盛紅燒牛肉麵（牛腱、牛腩及牛筋）每款牛都有2-3件，份量十足。而紅燒湯係微辣，唔食得辣就要留意😉麵底我就轉左米線，感覺冇咁肥😆滷水雞翼配滷肉飯有4雙雞翼真係好抵食🤣而且滷水汁亦滷得很入味；而滷肉飯的滷肉都很多，都足夠撈飯食。很有台式風味👍🏻香煎過後的台式烤香腸油脂豐富，十分惹味。而酥炸甜不辣Q彈爽口，香脆可口😋我對咖啡因敏感，所以夜晚就揀咗#黑糖仙草凍鮮奶 好中意仙草Q彈的口感。而我媽咪就揀左#黑糖珍珠奶茶 佢話珍珠都好煙靭，奶茶都夠茶味，好飲。

係突然想食台灣菜，鋪頭行簡約風，地方幾闊落，都播好多台灣歌啊✅炭燒烏龍珍珠鮮奶 $29可以少甜，有凍有熱，烏龍茶好飲，少甜岩我。珍珠份量都幾多，珍珠煙韌✅珍珠奶茶 $21可以少甜，有凍有熱，珍珠奶茶幾好飲✅紅燒牛腩台灣麵 $82主要想來食台灣麵，牛腩很入味，麵條掛湯，湯底微辣，幾好飲✅鹵水蛋牛腩雞肉飯 $85牛腩汁加雞肉飯正，牛腩好大舊幾淋，份量不會太多，岩岩好✅酥炸甜不辣 +$5跟餐＋5蚊，有微微的甜味✅椒鹽花枝丸 +$5都係跟餐＋5蚊，椒鹽味夠 不會很咸和很油

見到Openrice好多好評，而且每次經過都見到好多人，所以就諗住黎試下。紅燒三寶牛肉定食(筋腩肚)首先定食好抵食，有上湯時菜同原盅燉湯。時菜新鮮而且清清地好健康，原盅燉湯好大碗得黎係好有誠意，唔似街邊d例湯咁，除左有肉，仲有齊紅棗、蟲草花同黑木耳等材料。識食一定係食三寶，牛筋、牛腩、同牛肚，分量都幾多幾抵食。牛腩炆到好軟熟。牛筋牛肚好爽口。古法黑草羊腩定食同三寶牛肉定食一樣，都係分量好足。味道方面，羊腩肉質鮮嫩，而且唔騷。百香多多梳打&炭燒烏龍珍珠鮮奶跟餐加少少錢就有特飲喇，味道同出面d手搖店不相伯仲，推介。

將軍澳廣場的桂花小幸，台灣菜愛好者一定要試！呢到食物種類繁多，我地叫既每一道菜都唔錯，包括塔香三杯雞定食、鹽酥雞排滷肉飯、台灣經典的烤香腸、椒鹽花枝丸等等推介塔香三杯雞定食，係台灣傳統既三杯雞口味，加左好香既九層塔，雞件夠滑又夠味，份量都多。仲配上湯浸時菜，好抵食。我地仲轉左滷肉飯，油香滿滿既飯好快食晒，正！鹽酥雞排滷肉飯既鹽酥雞排超級大份，有蕃薯粉炸皮夠正宗，雞肉唔柴，配上滷肉飯十分滿足！另外加左小食，椒鹽花枝丸、台灣烤香腸，一次品嚐多種台灣美食！花枝丸炸到香口，加上椒鹽一啖接一啖；台灣烤香腸夠地道，十分推介！我地仲揀左兩杯飲品，蜜桃烏龍多多，百香多多梳打。蜜桃烏龍多多，結合左香甜蜜桃和烏龍茶，口感清新，每一口都感受到蜜桃既香甜和烏龍茶既淡雅，絕對係必嚐飲品！另外百香多多梳打，加左清爽既百香果和梳打水，口感酸甜，夠晒解渴！桂花小幸既環境舒適，裝潢簡約，讓人感到輕鬆愜意。而且餐廳採qrcode形式落單，又可以根據自己口味點菜，可走蔥走芫茜，非常方便！🍽️桂花小幸唐德街1號將軍澳廣場1樓L1 133-135號舖

今晚凍凍地諗住收工嚟飲個原盅燉湯，點知已經賣晒🥲 咁就食其他啦～🔸芝士奶蓋炭燒烏龍茶 $32🔸QQ奶茶 $26好喜歡呢度嘅奶蓋，所以encore👍🏻，男友叫嘅QQ奶茶係椰果粒，好有咬口🧋🔸鹽酥雞排滷肉飯 $64鹽酥雞扒配滷肉飯係貓奴心目中台灣菜嘅標配🤭 滷肉飯好足料仲好大碗，有冬菇、肥肉，醬汁咸咸甜甜撈飯一流👍🏻鹽酥雞扒炸得好香脆，脆漿薄而乾身又唔油膩，外脆內軟炸得好好，有椒鹽響雞扒面，係台灣嘅味道呀😋🔸紅燒滷水雞翼麵轉麻辣牛肉湯 $56滷水雞翼有4隻，好大隻🤩 台灣麵彈牙而辣油係另上，想加幾多就幾多，好細心😙🔸椒鹽花枝丸(3粒) $28呢度嘅炸物好出色，完全無咬落成口油嘅感覺。脆漿包住嘅花枝丸彈牙唔粉😋🔸蕃茄濃湯水餃 🥟 $52想飲個暖粒粒嘅湯就叫咗個蕃茄湯水餃，蕃茄湯好濃，餃子係家嘅味道🥟呢度出色嘅唔只係炸物，手搖飲品都好好飲，平時行街經過都會買嚟飲😋🐾貓奴足跡🐾🌐桂花小幸 (將軍澳廣場)📍將軍澳唐德街1號將軍澳廣場1樓L1-133 - L1-134 - L1-135號舖

最近冇時間去旅行住，所以放工後就決定去食台灣野。舖頭裝修得好有台灣既感覺，簡潔得黎環境夠舒服，讓人感覺輕鬆寫意。餐廳主打台灣美食，食物選擇多，可以自助落單，亦可以到枱前點餐，而送餐既速度都好快。今日二個人就揀咗鹵水蛋牛腩滷肉飯，番茄水餃米線同幾款小食。❤鹵水蛋牛腩滷肉飯：牛腩同鹵水蛋炆得好入味，牛腩十分軟諗，完全唔會痴牙，滷肉碎是稍大粒的，肥瘦適中，入味又軟滑，口感帶膠質，調味剛剛好，用黎拌白飯一流。❤番茄水餃米線：米線軟硬度適中，水餃大大粒，好好味，番茄湯超級濃郁，酸酸甜甜非常開胃。❤鹵水雞亦：雞亦滷得夠入味亦唔會鞋，好味。❤紫菜魚丸湯：魚丸夠晒爽口彈牙，紫菜份量多又香。❤上湯浸時菜：生菜清甜可口，份量超大碗，十分抵食。最後仲揀咗杯十勝紅豆奶茶，茶濃奶香，粒粒紅豆軟綿，食後有甜甜蜜蜜的感覺。非常滿足嘅一餐!

同朋友諗食下台灣野，發現將軍澳有間都幾好，所以去試下😍估唔到環境氣氛都唔錯🥰座位又闊落🤩睇下餐牌，有原盅燉湯套餐同煲仔都有🥰當然仲唔少得台式嘅地道小食😋🌸古法黑草羊腩煲，係餐廳在冬季推出嘅期間限定套餐😍羊腩份量多，肉質香香嫩嫩☺️入面仲有香菇同馬蒂等😋同個汁都好好味🥳🌸原盅燉湯湯時菜滷水蛋滷肉飯，燉湯入面係木瓜無花果雪耳，飲完好滋潤又暖笠笠🥳滷肉飯唔會油膩🌸桂花雞翼，雞翼有香香嘅桂花蜜嘅味道🤩味道都幾清新🥰🌸黑糖珍珠奶茶&超濃郁可可

桂花小幸(將軍澳廣場) 餐廳位於將軍澳唐德街1號將軍澳廣場一樓,餐廳主打台式牛肉麵和台式特飲,餐廳裝修簡約帶有田園文青風格,餐廳環境光猛,乾淨衛生,座位寬敞坐得舒服,餐廳以自助落單付款形式,服務員好快會捧餐到你桌前,餐廳選用高質食材而且性價比高,服務員招呼有到位。紅燒三寶麵(牛筋,牛腩,牛肚)大大碗啲紅燒三寶麵,,牛三寶廚師煮得夠淋,有牛味,不膩,湯底微辣,麵身軟硬適中,每条麵条拈滿牛肉湯汁,好味。鹽酥雞扒米線米線與鹽酥雞扒分開盛載,雞扒厚身食落好香口,面漿不大厚,雞扒嫩滑,米線軟硬剛剛好.配有葱花和生菜。現成煎餃子餃子有四隻配椰菜絲.餃子煎得夠焦香,配有醬醋汁,點埋醋汁更好食。手拍小黃瓜小黃瓜內有蒜蓉醋汁,入口酸酸地甚醒胃。飲品蜜糖烏龍蘆薈和仙氣芒果茶。

桂花小幸 (將軍澳廣場) (將軍澳).酥炸排骨台灣麵.酥炸排骨係每次黎到必吃！咁耐都覺得非常好食，炸粉又唔厚，沾上千島醬，外脆內軟，心食推介！.台灣烤香腸.又係食台灣野小食類必叫嘅！台灣腸味道濃郁，有咬口！.檸檬多多梳打.夠開胃又好飲！檸檬酸再加上益力多嘅酸甜！.茉香綠茶.淡淡嘅茉莉香再加上綠茶🍵.桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

呢間係食過好多次嘅桂花小幸～連接住將軍澳站，只係2分鐘路程，實在超級方便！sets價錢超級抵，仲有我好鍾意食嘅台式蛋餅，芝士、蛋及肉鬆🫶🏻🫶🏻套餐仲會跟配一個蕃茄濃湯通粉及飲品。佢嘅鹽酥雞扒亦都好出色，雞扒炸得酥脆可口，但有少少鹹及白胡椒味，喺台灣夜市嘅經典小食。蕃茄濃湯手工麵嘅麵條煙靭程度唔錯～呢個茶餐仲可以加配各項小食，我就揀咗好入味嘅青瓜同埋涼拌黑醋茄子🍆，涼拌茄子比較難遇到好食，呢個涼拌酸酸地好開胃！重頭戲嘅紅燒牛肉滷肉飯份量超多，八塊紅燒牛肉都好腍滑入味，加上滷蛋及滷肉飯，食肉獸一定會超滿足👍平時見到好多中學生買桂花小幸嘅台式手搖飲品，以前已經飲過佢哋嘅黑糖珍珠鮮奶，鮮奶比例高，珍珠好有咬口～炭燒烏龍珍珠鮮奶，奶味冇黑糖珍珠鮮奶咁突出，不過茶底香濃，鍾意飲烏龍茶嘅人就唔好錯過