桂花小幸 (將軍澳廣場)

營業中

休息中

My friend took us to this Taiwanese resto in TKO Plaza after visiting the Paris 1874 VR Exhibition tgt. .My sis ordered the Rice Set with Hot & Sour Sliced Fish & Pickled Greens. The fish slices were served in generous portions. They were boneless, smooth and silky, absorbing the hot & sour soup thoroughly, making them succulent. The soup was not too greasy either.  Seeing HKD5 discount for ordering Tea mikoo drinks, she added HKD21 to order the Pearl Milk Tea. I ordered the Rice Set with Pig St

將軍澳嘅桂花小幸真係一間值得一試嘅小店，主打台式風味，配搭港式口味，餐廳都幾闊落🤩首先講紅燒牛筋三寶，牛筋炆得夠腍，入口即化，配埋牛肚同牛腩，香濃惹味，好有層次感😎滷水蛋滷肉飯就係經典台式代表🤩滷肉肥瘦適中，滷汁滲入飯粒，每啖都好滿足，滷水蛋亦夠入味，蛋香突出😋飲品方面，黑糖珍珠奶茶甜度啱啱好，珍珠煙韌，黑糖香氣濃郁，唔會蓋過奶茶味🥰芝士奶蓋白桃烏龍就比較特別，白桃果香清新配上鹹香芝士奶蓋，味精豐富😋小食方面，桂花雞翼外皮微脆，桂花香氣淡雅，唔會太搶味仲帶蜜糖香🥰椒鹽花枝丸就好有咬口，外層炸得香脆🤤

Weekend同屋企人去咗將軍澳廣場AEON行下，順便食埋晏晝，揀咗呢間台灣餐廳食個快lunch，點咗以下幾樣試試！三盛牛肉台灣麵，呢碗牛肉麵有得揀湯底，我哋揀咗紅燒湯，湯底濃郁，微辣嘅味道非常適合我哋！配料有腱心牛肉、牛腩、牛筋，全部都煮得夠軟，麵條係台灣麵，爽滑彈牙，整體搭配得好好，唔錯！鹽酥雞排配滷肉飯，呢個係必試嘅，雞排外脆內嫩，椒鹽味剛好，如果再加啲香料例如炸九層塔會更加出色。滷肉飯既飯粒吸收咗滷汁，味道濃郁，肉質軟滑，實在係滿足！椒鹽花枝丸（5粒）超大粒口感Q彈，椒鹽味夠，炸得香脆，味道唔會太重，幾好食！飲品方面，叫左火龍果多多梳打，顏色好靚，味道清新，火龍果嘅香甜配合多多同埋梳打水，飲落去好清爽，非常適合搭配重口味嘅食物！另外叫咗黑糖珍珠奶茶既奶茶味道濃郁，黑糖香氣十足，珍珠Q彈，不錯！呢間餐廳嘅食物質素都幾好，味道出色，環境舒適。無論係牛肉麵、鹽酥雞定係飲品，都值得推薦。如果你想食台灣小吃，呢度真係一個唔錯嘅選擇！下次一定會再來！🍽️ 桂花小幸 (將軍澳)將軍澳唐德街1號將軍澳廣場1樓L1-133 - L1-134 - L1-135號舖

呢日黎到將軍澳呢間桂花小幸食飯~ 6點幾就入到黎, 到左7點幾開始多人~ 想食好野果然係要早少少~ 我地叫左一個鹽酥雞排雞肉飯餐, 一個麻醬雞絲冷麵~ 前者個餐有燉湯,同埋菜, 雞肉飯既雞肉份量都唔少, 鹽酥雞排炸到熱辣辣! 好出色! 麻醬雞絲冷麵好多麻醬, 夠哂撈均落個麵度! 雞肉份量都好多! 我地仲叫左手拍青瓜、紫菜魚丸湯同埋涼拌黑醋茄子添! 真係好開胃! 味道岩哂我! 配埋芝士奶蓋茶, 真係夠哂滿足!!!!!!!!!!!!!!!

係將軍澳諗唔到食咩好 都會諗到食「桂花小幸」最近晚市仲出左原盅燉湯定食套餐紅燒半筋半腩牛肉台灣麵 （微辣），
湯底濃郁，微辣提味，牛肉選用半筋半腩部位，筋軟Q、腩肉嫩，燉煮入味。配料有紅白蘿蔔，燉得軟爛入味，增加湯頭甜味。再叫多隻滷水蛋，滷得入味，蛋黃綿密。涼拌黑醋茄子- 清爽開胃既選擇。茄子口感軟而不爛，用黑醋涼拌，酸香解膩，岩哂搭配番濃味既主食。滷水豆腐- 經典台灣小食，豆腐吸飽滷汁，口感軟嫩，食落啖啖滷豆香味。晚市定食套餐：原盅燉湯＋ 上湯時菜 - 煲仔・塔香三杯雞雞件入味，醬汁鹹香帶甜，充滿經典 三杯風味（麻油、米酒、醬油）。洋蔥🧅爆炒後增添甜味，加埋九層塔香 絕配。原盅燉湯 足料又夠清甜!

將軍澳好多家庭，但都唔少無飯家庭好似我哋咁，原盅燉湯定食套餐就啱晒我，每日唔同款，今晚係木瓜淮山燉土雞，即刻想入去飲返兩盅燉湯套餐包一個主食、燉湯，送上湯時菜，木瓜湯甜到不得了，土雞肉好滑😍😍 酥炸排骨唔算好厚，但勝在大大塊、脆卜卜加配咗小食，貓耳朵酸辣開胃、紫菜魚丸湯夠晒鮮甜三盛紅燒牛肉麵超級大碗，仲可以揀養生清燉牛肉湯，唔食辣都冇問題，腱心牛肉超級好味，比一般牛腱更軟滑，牛腩、牛筋都大大塊份量十足所有套餐加配隔離茶研舍飲品可以減$5，好耐冇飲過濃郁又唔死甜嘅朱古力！遇見可可珍珠超級推薦，鍾意清爽啲都可以揀冬瓜寒天綠茶👍🏻👍🏻

桂花小幸餐廳位於九龍新界將軍澳唐德街1號將軍澳廣場1樓,餐廳裝修簡約以木系為主調,有綠色元素擺設,田園式概念設計,有文青氣息,餐廳主打台灣菜,有多款台式特飲供客人選擇,服務員招呼熱誠有禮。小食有涼拌黑醋茄子和滷水豆腐,滷水豆腐滷水夠入味,口感夠滑,黑醋茄子口感酸酸甜甜好醒胃。紅燒三寶牛肉定食紅燒三寶有牛腩,牛筋,牛肚,配有上湯浸娃娃菜,廚師烹調三寶滷得夠入味,口感又腍滑,肉味濃,牛筋有骨膠原口感,飲品有百香果多多梳打。蕃茄雞翼花之丸米線一大碗橙紅色的米線,特濃蕃茄湯底,口感清甜不膩,雞翼口感嫩滑,花之丸有口感,爽口又彈牙,每條米線都掛滿蕃茄汁,口感軟硬適中,飲品有芒菓多多綠茶。

收工就到左將軍澳廣場的桂花小幸，餐廳食台灣食物為主，現有新出的冷麵，價錢抵吃親民，便可以進入開餐囉。麻醬雞絲冷麵，香濃的麻醬香味，搭配彈牙的麵條，嫩滑的雞絲，仲清爽的青瓜絲，呢個天時暑熱食，感覺清新令人開胃。酸菜魚台灣麵，魚片份量多，冇骨滑身好爽口，好多的配菜，酸酸的湯味食得好開胃，台灣麵口感都爽彈的亦唔錯啊。上海浸時菜& 涼拌黑醋茄子🍆，夠營又健康。飲品點左口感豐富的鮮奶仙草同百香果紅茶🍵加寒天。

《（（（（永遠唔好去 ||| 黑名單））））））））1:38落單，等咗30分鐘都未上菜，跟住追咗三次，三個唔同嘅Waiter 應承我會追，應承完之後完全冇跟進話俾我聽發生咩事等咁耐隔離兩檯遲過入嚟都各自開始食緊，右邊嗰個直頭遲咗入嚟食完走咗我都未有。最後我起身行過去cashier 問佢咩事，佢先至同我講唔好意思因為廚房出單有問題。結果前後等咗50分鐘先至有一碗麵，我自己嗰碗直頭朋友食完都未上。最後要 refund.出單有問題成日都會發生，但係你咁樣處理就好大問題，坐喺度戇居居等你50分鐘食一碗麵？不知所謂！！

((((((( 永遠唔好去 ||| 黑名單 ))））））））------------------------------1:38落單，等咗30分鐘都未上菜，跟住追咗三次，三個唔同嘅Waiter 應承我會追，應承完之後完全冇跟進話俾我聽發生咩事等咁耐隔離兩台遲過入嚟都各自開始食緊，右邊嗰個直頭遲咗入嚟食完走咗我都未有。最後我起身行過去Cat share問佢咩事，佢先至同我講唔好意思因為廚房出單有問題。結果前後等咗50分鐘先至有一碗麵，我女朋友嗰碗直頭我食完都未上。最後要 refund.出單有問題成日都會發生，但係你咁樣處理就好大問題，坐喺度戇居居等你50分鐘食一碗麵？不知所謂！！

環境簡潔舒服，服務員態度親切。葱香手撕雞腿套餐真係好正，雞腿肉質嫩滑，配上滿滿嘅蔥香，好入味又唔會過鹹，白飯送晒汁都覺得好滿足。密罈酸菜魚套餐魚片滑溜無骨，酸菜酸得嚟啱啱好，唔會太膩，食落有種開胃嘅感覺，配埋紫菜湯同芽菜，成個套餐份量啱啱好又均衡。呢個價錢食到酸菜魚算係咁。桂花鷄翼外皮脆香，帶少少甜甜地嘅桂花蜜香，好有層次感。百香多多梳打帶有清新嘅果香，解膩之選。芝士奶蓋桂花烏龍茶就係茶味同芝士完美結合，唔會太甜，茶香好突出，值得一試。

撲面而來是滷肉香氣混著茶香～文青路線台灣小店，裝潢到餐具滿滿細節，木桌上擺著小盆栽紅燒牛筋三寶麵蕃茄湯香濃酸甜，牛筋、牛肚、牛腩燉得軟爛，膠質黏嘴唇！番茄湯底酸甜濃郁，手工面吸飽湯汁，彈牙滿足～酥炸雞排雞排比臉還大！外皮金黃酥脆，咬下去卡滋聲，肉質多汁，台灣味道，口感滿滿 蜜桃烏龍蘆薈凍清新首選！烏龍茶香搭配蜜桃甜味，底層蘆薈粒脆脆，喝起來解膩，夏天必點～涼拌黑醋茄子冰鎮茄子淋上陳年黑醋，酸香開胃！口感軟嫩爽脆，搭配炸物完美配角 鹽酥貓耳朵台灣夜市經典小食！可愛之作，像小貝殼，一口一個停不下來～ 套餐更划算，小食飲品抵吃，飲品滿滿台灣感覺

桂花小幸 (將軍澳廣場) (將軍澳).滷水牛肚台灣麵.桂花小幸的台灣麵就是出色湯底濃郁，本身已經係紅燒牛肉湯底，加$4可以加配佢獨有辣汁牛肚份量正常，另外仲有紅白蘿蔔.紫菜雲呑湯.心血來潮想食佢嘅小雲呑，紫菜雲呑湯小小酸勁開胃.台灣烤香腸.每次必叫小食，台灣腸就係特別惹味，脆邊每次食完都覺得齒夾留香.珍珠鮮奶烏龍.味道淡淡地，因為我叫左走甜珍珠有咬口.桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

將軍澳桂花小幸是一家充滿台灣風味的小店，主打各種地道台灣美食，價格親民，味道正宗，絕對是台灣小吃愛好者的好去處。 麻辣牛筋腩台灣麵是這裡的招牌之一，湯頭香辣濃郁，牛筋腩燉得軟嫩入味，搭配彈牙的台灣麵條，吃起來非常過癮，辣度適中，適合喜歡重口味的朋友。 手工芝士蛋餅外皮酥脆，內餡是滿滿的芝士和蛋香，一口咬下去還會拉絲，口感豐富，絕對是早餐或下午茶的絕佳選擇。 地瓜薯條炸得金黃酥脆，地瓜本身的甜味加上微微的鹹香，讓人一根接一根停不下來，沾上特製的梅子粉更是別有一番風味。 桂花雞翼外皮炸得酥脆，肉質鮮嫩多汁，帶有淡淡的桂花香氣，甜鹹交織，非常特別，是店裡的人氣小食之一。 涼拌貓耳朵是一道清爽的開胃菜，口感Q彈，搭配酸甜的醬汁和蔬菜，吃起來非常開胃，適合夏天消暑。 滷水蛋滷得入味，蛋黃綿密，蛋白彈嫩，滷汁的香氣滲透其中，簡單卻讓人回味無窮。 飲品方面，芒果多多綠茶酸甜清爽，芒果的香甜與綠茶的清香完美結合，加上養樂多的微酸，層次豐富。百香多多梳打則是氣泡感十足，百香果的酸甜與養樂多搭配，喝起來非常解膩。 總的來說，桂花小幸的菜品選擇多樣，味道正宗，價格合理，無論是正餐還是小吃都很

跟媽咪約好一齊食台灣野，本來打算去遠啲嘅地方，但因為天氣唔好，就揀咗喺附近食。原來將廣幾間台灣鋪頭都唔錯，雖然以前試過，但今次再嚟又有新鮮感，別有一番風味。 鋪頭仲有啲打卡位，氣氛唔錯。雖然係晚市時間，好多人喺度食飯，但叫菜要排隊同職員講。 三盛紅燒牛肉麵媽咪點咗米線，質地滑溜，牛肉入口偏林，對老人家好適合。蘿蔔甜而冇渣，以台灣小店嚟講，做到咁高水準，真係值得一讚。 鹽酥雞扒麵雞扒好大塊，有咬口，感覺似係炸兩次，炸得剛剛好又唔會太乾。配埋華田珍珠，真係好夾！番茄湯亦好出色，味道濃郁香甜，絕對係下次要再叫嘅必點菜式。