根記健康素食

營業中

休息中

我曾經在銅鑼灣上班，經常會到鵝頸橋街市的熟食市場買飯，以前最喜歡惠記咖喱的燒鴨飯加咖喱汁，直至轉吃素後，有一次早上到銅鑼灣工作，才想起鵝頸橋街市有一間素食店。中午賣的是3餸飯, 頗多人幫趁, 我覺得份量足, 味道也不錯，於是想到晚上來試試。去到正想坐低，阿姐即說晚飯原來要訂，她說店只有她和廚師, 人手不足，加上要預材料，所以基本上不做walkin, 不過這天(星期一)人少, 破例招待，真係多謝哂。阿姐說小菜很多都賣哂，更多次強調餐牌上的價錢是前年農曆年，現已加價4至6元，她推介咖喱雜菜和秘制蜜汁叉燒，為免麻煩阿姐，順應她的意思, 要了。加埋兩個白飯, 埋單$140。咖喱重奶味, 是我喜歡的味道，添了飯，但蜜汁叉燒好像太甜了點，一吃便有蜜汁封喉的感覺，不過味道不差，也許超級重口味的人會喜歡。最後一提, 也許是熟食街市的關係，環境有點吵，大家談笑的聲音「焗」在一個空間，雖然有氣氛，但對我來說，坐久了會頭痛。

佛教信徒主要以「慈心不殺」為素食宗旨。但一般人，尤其男仕，一聽「素食」二字，「嘩！唔飽啊！」「款式好少又冇哩味道！」。身邊不少朋友一聽說要食素，不免心生抱怨，在他們眼中，「食素」等於「食唔飽」，「不好吃」。但現今社會對素食開始改變，早就不是傳統齋舖咁簡單，而是一做食療，保青春健康，「走肉朋友」愈來愈多，給素食帶來一陣清新之風。今天這家位於鵝頸橋街市大樓就做出非常美味的素食。三菜一湯，白飯任裝。素鵝，菜芯，南瓜，豆角，豆乾，椰菜花都煮得清新好味。還有一碗用了大量不同種類的豆湯，喝起來就像咋咋糖水般一樣。

哎呀.... 次次黎都有說俾人聽.... 本人食飯都幾隨性架嘛... 次次黎襯都話「做乜唔Book 位，唔訂枱點俾位你」眼見好多位吉喎.... 乜唔係食素嘅人會心平氣和啲啲架咩 講野客氣少少好嘛⋯⋯今次..... 接近夜晚八點半先黎搵食，竟然仲有素叉燒食（聲稱唔訂冇得食喎⋯⋯）食落口當然有真叉燒咁好味啦⋯⋯ 但係口感幾好，好有咬口，白芝麻好香另外點左個蕃茄豆腐.... （無乜評價，下次自己煮仲真材實料好多）

想食嘅就記住要book位先~傳統齋菜太清淡唔啱胃口，叫啲香口濃味嘅素叉燒 - 味道較濃，咬落煙韌，油麥菜炒得好香㰖菜野菌豆腐 - 亦係夠味之選，㰖菜溶入茨汁之中令到成碟餸都有均勻㰖菜味，稍厭野菌太少炸茄子 - 哩個餸講明要等，但估唔到等足一個鐘！但係都值得，炸粉又薄又脆，咬開裏面茄子仍然濕潤，面灑咗啲鹽花，好香口好正羅素湯 - 諗住冇肉嘅湯會好"寡", 飲落味道超濃，熱辣辣好舒服

初一.去銅鑼灣,想食下齋,見到openrice 寫根記食評幾好,打算想試試即興想食,無book位,要等耐d,never mind,想食就等下啦!到左半個鍾左右.有得食鮮茄豆腐素牛飯好開胃,勁岩味醬汁好好味,甜酸,咸非常適中味道好natural,唔似出面咁用大量茄汁整色水同吊味,睇得出!蕃茄軟稔度適中,下飯至開胃豆腐好有豆味.好有口感,夠新鮮素牛食落好似食緊真肉碎,有真肉碎的味道完美的素食,用材料新鮮,用心認真,廚師手勢好,材料,調味份量都非常掌握得好好晚飯食左60蚊,以銅鑼灣來說係非常合理!晚飯.始終大部份香港人工作密痳痳,唔鍾意book位,食野要快同即興!有d怕約好book定又甩底,煩到人!

今天晚上，突然想食素。來到這間餐廳。到達的時候，老闆問我多少位？有沒有訂枱？老闆說最好是一早訂位，因為廚師只有一人，訂了位好安排一點。我點了一碗湯及一碟羅漢齋豆腐。今天靚湯是木瓜湯。喝了一口。此湯是沒有味精的。得有住家感覺。由於我沒訂座關係，等了半小時我的羅漢齋豆腐到了。味道很不錯。吃完後，老闆娘主動問我餸菜岩唔岩食？好窩心。臨走前，看見餐廳內有一幅裱畫。標題為「笑」我們也要笑口常開

根記健康素食又到LUNCH TIME，係復活大假前的LUNCH就去咗鵝頸街市鵝頸熟食中心搵好食嘢，我突然好想食齋，所以我地去咗根記，依一次係我地第一次去根記，根記比較光萬同乾淨，唔會好嘈同逼。搵到隊，就排隊，用咗15分鐘啦，都ok。喺依到係先拎你想食嘅嘢，食完先比錢，選擇完餸有個叔叔比飯我地，佢好有禮貌同溫柔同我地講根記可以添飯咖。午餐我地都點套餐（42元），包括3個餸，白飯同湯。嗰日係粟米湯，我成日以為齊湯係好無咩味，但係依一個極足料同夠火喉，好好味。我叫咗素鴨，酸齊，炒蜜豆味道不錯，但係酸齊好酸，我地頂唔順呀～～～

這是我第一次來“根記健康素食”的體驗，值得向大家推介並多謝自己友的好介紹。一家準時六點到達，毎人先來一碗「腰果蓮子合掌瓜湯」, 全無味精，火候足夠, 湯料溶化, 入口舒服解渴。第一道菜是椒鹽茄子，只用薄薄的炸醬沾過，快速炸一炸, 故此全無油膩的感覺，新鮮的茄子，鮮嫩爽脆，幼絲的金菇菜鋪在茄子條上, 又靚又好食。「薑茸雲耳蒸腐皮」，採用新鮮自製的腐皮，豆味香濃，滑嫩得很，加上幼細的薑茸，薑汁的味道滲透在腐皮裡，味道更鮮。「豆干炒鶴藪」，看似是一般的白菜仔，其實是日常到西貢行山經過的鶴藪所產的本地小白菜，味道自然鮮美，與豆干，梅菜,冬菇等配菜都很夾味，的確是一個好的推介, 不容錯過。最後是廚師用心製作的「黑松露素翅」。菜未上來，陣陣黑松露獨有的香味經已撲鼻。菜面鋪上很薄很薄,像蛋皮般的腐皮，下面露出一條一條粗針似的素翅和銀芽，入口清爽，滿口黑松露香味

根記健康素食灣仔寶靈頓街21號鵝頸街市鵝頸熟食中心6號舖星期一至六: 08:30-14:30; 17:30-21:30星期一至六: 08:30-14:30; 17:30-21:30今晚，去了根記食素菜，這是我第一次去熟食中心食飯，感覺很嘈吵和地方很逼。我點了冬瓜扁豆湯$12、薑茸蒸素雞 (鮮腐皮) $52、欖菜野菌炆豆腐 $50、秘製蜜汁素叉根 (叉燒) $ 58。其實，起初並沒有太大期望，只是隨便試試。上菜的速度很快，大概15分鐘就全部餸菜上齊了。首先，飲冬瓜扁豆湯$12，味道不錯，落足料，夠火喉。冬瓜扁豆湯$12薑茸蒸素雞 (鮮腐皮) $52用腐皮代替麵筋，這個主意不錯，因為很多素菜都是用麵筋，如果有部分菜式，可以用其他材料去代替麵筋，食多少少都不怕會太滯。欖菜野菌炆豆腐 $50，這個餸菜很野味，不油膩也不鹹。秘製蜜汁素叉根 (叉燒) $ 58，叉燒香香甜甜好味道，在叉燒的底部放了大量蔬菜，這對於一個喜歡吃大量蔬菜的我，是一個天大喜訊。因為，在其他食市，很少用這麼多蔬菜(菜心)去伴碟。整體來說，這間素菜館不錯，因為她們真的是可以做到少油少鹽，外面好多餐廳都只是得個講字，根本做不到，

這回麻煩好友跟我到銅鑼灣辦點事，沒理由辦好後就馬上回家吧？所以，我事先在網上找找附近有特別的食店可以讓我們吃晚飯。看過有關此店的食評後，我確定這就是我的心水，於是馬上打電話向店家訂座訂菜。到了去吃飯前兩個多小時，另一位好友臨時加入，我便打電話跟老闆娘改人數和加多道菜式。希望這次「臨時改單」不會麻煩到他們吧！我們三人比原定時間早到了半小時到場，老闆娘著我們在預先安排好的位置坐下。店家的煮食區域非常整潔，地面毫無污垢，牆身也白亮得像打過蠟一樣，我還是第一次看到街市小店如此清潔呢！用餐範圍也不錯，可惜始終算是「公家」地方，一隻小蟑螂在我身後的牆上爬過，實把我吃了一驚！幸好，這事沒有影響我的食慾。跟好友們閒談一會後，我們訂的菜式上桌了。讓我認真試一下，看看是否如食評所說般好吃。老闆娘先端上三碗白飯，還跟我們說不夠吃可以無限任添，正啊！這碗白飯雖黏，但不過過濕。這樣，想以醬汁拌飯也不怕整碗飯變成湯糊了。特意點鮮茄薯仔免治素牛，除了因為酸酸甜甜外，多吃蕃茄更對皮膚好。醬汁沒有濃濃的茄醬味，相反，喼汁味挺重，這個我覺得有點奇怪，不過還好，可以開開胃。蕃茄和薯仔份量多，但免治素牛卻相對較少，希望下次可

nov 21, 13.......伙同根記達人同素食達人嚟dinner.........叫咗 :1) 湯 x 2 (@hk$11)-有冬瓜,雪耳,番薯,腰果等-煲出嚟味道唔希,唔淡,夠味-應該很足料-調味輕手自然-ok的2) 白飯 x 23) 咖喱薯仔雜菜 (hk$55)-友人話佢嘅咖喱水準比較飄忽-不過1場嚟到.........我哋決定博1博-走運了.......今晚水準喺high side-咖喱唔"杰"..........有咖喱香之餘.........無比椰奶味搶去..........2者並存-只喺微辣帶甜.........所以我都應付到-蔬菜variety好多........有椰菜,西芹,番茄,3色椒,西蘭花,椰菜花同翠玉瓜添-調味恰到好處..........just rite4) 鮮茄豆腐免治素牛 (hk$50)-豆腐喺布包豆腐.........並非山水豆腐.........所以會挺身d.........唔會炒2炒就散晒-番茄去了皮........除咗佢自己嘅酸味外,還+入了白醋,喼汁等去調味..........所以呢碟餸滋味開胃-最啱送飯-不愧為根記達人嘅favorite5)

有一天食友約食飯，提議去她未去過的根記健康素食 。聽到「根記」這個名字，當然要約埋有「根記達人」之稱的食友同去啦。剛巧「根記達人」那天正好又去了那兒吃飯，訂位和安排菜式的重任便交給她好了！當晚我們一行三人抵達根記，只見熟食中心其他的檔口都高朋滿座，而根記只有兩三桌客人。這裡顯然不是 girls' talk 的地方，不過相比起其他檔位﹐根記這兒是難得的清靜。要吃的早已由達人來電預訂好（誰叫老闆娘次次都是同一句對白：「我地得一個爐咋！個個來都訂哂㗎啦！」），但其實食物都是來到才炒的。先來兩碗是日靚湯：冬瓜雪耳湯，還有些好像是蕃薯還是木薯的東東、腰果和南北杏，很清潤。我們決定臨時再加一個菜，就是達人推薦的咖哩，我們選了咖哩薯仔雜菜（$55）。我也有吃過根記的咖哩，今次的香料味較突出，沒有給上面的椰漿比了下去。只是碟頭比以往小了一點，可能是成本上漲的關係吧。跟著就是達人力讚的鮮茄豆腐免治素牛（$50），調味精準，酸甜鹹的平衡很好，也是下飯佳品；豆腐滑嘟嘟，難怪是必食之選。還有一個 off menu 的菜，話說達人打去找老闆娘訂餸的時候，（以下為設計加部份真實對白）老闆娘（豪邁地）問：「食唔食蘿

逢星期二到灣仔返學，我必定到根記吃素菜，也成就了我的「Green Tuesday」。根記雖然位處鵝頸街市熟食中心，但晚上卻有訂位、訂菜和不搭枱的五星級服務，相當有趣和特別。喜歡她少油、無味精的出品，更喜歡那精彩的配搭和味道的提升。若果你對素食仍然停留在五顏六色的麵筋與芋頭魚，或認為是「口淡淡」與「口寡寡」的階段，那麼你一定要來一試。因為媽媽是潮州人，自小常吃欖菜，特別鍾愛那味道。可是凡有欖菜的菜色，油膩少不免。難得根記的這個「欖菜野菌炆豆腐」，惹味而一點也不油膩。香濃的野菌，伴豆腐吃，一濃一淡，口感和味道一流。再者，他們還會加入翠肉瓜和三色椒，務求讓你吃得更健康，味道更豐富。有時候客人太多或我太遲才訂位，老闆會建議我點一些當晚客人已訂的菜式，據我經驗，這個通常都是榜上有名的。究竟要有多少種蔬菜才能稱得上為雜菜？這個「咖喱薯仔雜菜」內有番茄、薯仔、紅蘿蔔、椰菜、西芹、椰菜花、西蘭花、三色椒，偶爾還會加入翠肉瓜，共十一款蔬菜，是我吃過最真材實料亦是最名副其實的雜菜。咖喱清香帶微辣，惹味易入口，絕不油膩與重口味，非常開胃。我這個不嗜咖喱的，居然整個四月的星期二都是吃著它。吃過才知薯仔並不是咖

上次來食過大排檔後, 經過見到熟食中心內有素食, 我更係要來試下啦. 星期日上完堂同友人就上來食飯, 老闆娘話只係得一個廚師, 所以唔想等既話最好下次就打電話上來order定野食, 或者睇下之前d客叫左咩野食可以夾埋一起煮咁就快d. 我地2個人叫左一個之前有客叫既欖菜炒豆腐, 另外再叫左個腐竹麵根(生菜底)再叫左一個白飯. 估唔到個豆腐真係好快就送上來, 而另外一個菜就真係我地差不多食完再要等多一陣先到呀. 好彩2樣野都同樣好味又唔會太油...雖然此店唔會好似出面d素食店咁做到d野好似肉咁既味道, 但此店勝在夠鑊氣有小炒feel. 大家如果想試下真係要等得先好上去.

之前睇到食評介紹原來此熟食中心內有素食, 我更係要來試下啦. 昨晚上完堂同友人就上來食飯, 老闆娘話只係得一個廚師, 所以唔想等既話最好下次就打電話上來order定野食, 或者睇下之前d客叫左咩野食可以夾埋一起煮咁就快d. 我地2個人叫左一個之前有客叫既欖菜炒豆腐, 另外再叫左個腐竹麵根(生菜底)再叫左一個白飯. 估唔到個豆腐真係好快就送上來, 而另外一個菜就真係我地差不多食完再要等多一陣先到呀. 好彩2樣野都同樣好味又唔會太油...雖然此店唔會好似出面d素食店咁做到d野好似肉咁既味道, 但此店勝在夠鑊氣有小炒feel. 大家如果想試下真係要等得先好上去.