影片
💰人均98蚊，物價重回黃金年代！** 午市還可以吃足180分鐘！第一輪頭盤會上一次！不收費ge！10+款港式點心任食蝦餃皇、叉燒包、燒賣、鳳爪、桂花糕現點現蒸「港式雞煲」與「火鍋放題」可以同時享受啫啫雞煲鑊氣十足，秘制汁裹滿鮮嫩雞肉，好送飯！🍹1L巨杯水果茶每桌贈送**1升裝爆檸四季春水果茶**酸甜解膩，果香四溢，搭配熱辣雞煲和火鍋，冰火兩重天！ 各種🍮甜品、飲料、火鍋料任食！🎞️懷舊氛圍拉滿，港式大排檔裝修！
繼續閱讀
校友會雞煲一個特別的名字，的確會給引人注意，既然叫自己做校友會雞煲，我就睇吓食完之後，有冇校友會聚會的溫馨感覺吧！首先，個場四四正正，色彩斑斕，座位好舒適，坐低傾偈同食嘢，都即刻令你好有feel！校友聚餐，都係要搵一個抵食夾大件嘅場，咁校友會雞煲就真係滿足到呢個要求，宣傳單張都大大隻字寫住晚市雞煲，點心火鍋任食，都係$128起，我星期日晚去，六點入座，連埋加一都唔使$200，邊度搵先？仲要開始時，送第一套原本追加要收錢嘅食物嚟試吓：海蝦，鮮蝦雲吞，鯪魚滑，牛肉滑，芝心蟹柳，牛板腱，紫菜響鈴卷，仲有大大杯水果茶，真係頭一圈都已經打爆咗個胃咁濟啦，哈哈！雞煲本身係任食㗎，個雞煲醬調得好好，我哋選微辣，已經係好刺激味蕾，雞肉剛剛好非常嫩滑，雞煲起碼要有呢個水準先至讚得落！一邊食雞煲，一邊飲水果茶，食水果茶裏面各樣不同的水果，辣一下冰凉一下，十分滋味點心十幾款，樣樣都點嚟食，最鍾意食蝦餃燒賣同炸饅頭啦！以前假期成班同學打完波都去飲茶，校友會呢個名令我想起好多美麗回憶火鍋配料幾十樣，我就話最正有雞子，台式一口腸，陳皮魚蛋，魚片頭呢啲，唔係間間都有齊囉，仲有肥牛片，鴨血，炸魚皮等，最想食都有齊呀！除咗杯水果茶，又有不同嘅任飲飲品，啤酒汔水椰汁樣樣有，精緻嘅甜品都係任食，絕對有讀書時食極都唔停嘅感覺，真係要搵齊成班同學，，再嚟搞個校友會大聚會呀！
繼續閱讀
一直都好鍾意食呢間校長燒肉，因為佢又平又抵食，食物款式有好多。最近元朗嘅朋友介紹，原來呢度開咗間校友會雞煲，咁就梗係要來試吓啦。呢度嘅價錢好平，但係種類好多，而且環境全部都係卡位，坐落真係好舒服。一上枱，就俾咗個幸運轉盤我哋，好適合打卡，轉盤上面有好多唔同種類嘅食物，可以少少咁試吓，如果好食嘅話就可以再加單。就認為轉盤上面嘅雞翼尖最好食，調味啱啱好，有少少辣辣地越食越開胃。朋友唔係太食得辣，所以我哋叫咗個中辣嘅雞煲。雞煲一揭蓋就非常香，而且雞肉食落好嫩滑，少少辣嘅調味令雞肉更加香口。而且仲有點心任食，我覺得佢嘅燒賣好出色，比平時酒樓嘅更加好食。咁平嘅價錢又有火鍋又有點心又有雞煲真係好抵食。呢度竟然仲有罐裝啤酒任飲，真係啱晒一大班朋友傾偈飲酒聚會啊。
繼續閱讀
來之前驚中伏，食完之後可以出攻略。今日來呢間雞煲，睇在夠抵食來嘅。我地星期六晏晝來食，7點前埋單就128（星期六加10蚊）。好耐無食過甘抵嘅雞煲，重點係放題。一入座就一人一杯超大水果茶，巨無霸咁大杯，哈哈覺得幾好飲。幸運轉盤擺滿佐配搭嘅前菜，有牛肉有蝦有餃有響鈴等等，份量夠曬多啦，不過個轉盤有滴阻地方哈哈。雞煲食完一round竟然仲可以追加雞，點心、小食、飲料、甜品任食，呢個價可以做到真係良心。最後攻略，午市（11:30-16:30）放題一個半鐘更抵食，98蚊。呢啲時間可以來食就更加抵食啦。
繼續閱讀
上星期二姑姐突然話好想食雞煲，咁收工近近去元朗啦成人雞煲放題$336/2位，價錢經濟實惠，食完雞煲打邊爐，又有點心食一坐低先奉上一人一杯1L水果茶好大杯…..百香果味十分突出，仲有橙、西瓜、菠蘿係入面，色彩繽紛雞煲要左小辣，店員話3分鐘就食得，份量十足，雞件嫰滑，非常入味湯底係自助區可以拎，食到差不多可以自己加湯開始打邊爐除左水果茶外，仲有八小碟頭盤，包括有：紫菜響鈐卷 ~ 口感不錯巨人竹輪卷 ~ 真係好大條，一人半條都好長珍寶大蟹棒 ~ 好似筷子咁長，好滿足菜肉餃子 ~ 滿滿餡粒，十分飽滿鮮蝦雲吞 ~ 鮮蝦味突出，十分爽口牛板腱 ~ 油花分佈平均，肉質嫰滑海蝦 ~ 好大隻，肉質厚實牛肉滑 ~ 幾特別比較少見，牛味濃郁鯪魚滑 ~ 好似食緊生菜魚肉咁，姑姐都話鍾意泡菜 ~ 就咁食比較重口味，建議配搭牛肉一齊食醃蘿蔔 ~ 呢個幾欣賞，唔會好酸，比例剛好，口感爽脆食完八小碟唔係幾夠喉另外再加美國肥牛 ~ 唔算太肥，唔錯黑毛豚肉片 ~ 好大塊，都幾滑炸魚皮 ~ 脆卜卜，浸唔浸湯都幾好食台式一口腸 ~ 好cute一口一啖食左咁多肉，要食番d蔬菜平衡番蒿荀、淮山、豆腐 & 玉子豆腐點心：懷舊燒賣 ~ 餡料豐富椰汁兔仔糕 ~ 好殘忍要食兔兔，不得不說真係幾唔錯，encore第二轉桂花糕 ~ 同平時既有d唔同，呢款比較有咬口自助甜品：冰花大菜糕＆黑加侖子啫喱自助區有調味料、清湯、飲品＆甜品自取，唔錯下次可以試下隔離既燒肉
繼續閱讀