烤魚工房

踏入「烤魚工房」，空氣中瀰漫著熾熱辛香，瞬間喚醒味蕾！招牌「蒜香香辣江團魚」是桌上焦點，魚肉厚實如白玉，浸潤在金黃蒜蓉與紅油中，入口鮮嫩帶勁，細膩的走辣調味更凸顯魚鮮本味。而「蒜蓉烤生蠔」絕不容錯過，肥美蠔肉鋪滿金黃蒜末，烤得滋滋作響，一口咬下，海水般的鹹鮮與蒜香交織，微辣提神，彷彿海浪在舌尖輕拍。若愛香脆，「炸天婦羅拼盤」炸衣薄脆，蝦肉與蔬菜的清甜瞬間迸發；「烤茄子」與「韭菜」則以炭火香征服人心——茄子軟糯如膏，韭菜爽脆帶勁，中辣層次點燃食慾。壓軸的「鮮蘑椒味清江魚」辣中透鮮，蘑菇的清香平衡了椒麻勁道，每一口都是味覺探險！這裡不只是一餐，更是一場火熱的味覺盛宴，讓人酣暢淋漓，回味無窮。…查看更多

好耐都無食過咁劣食嘅野🥲2個人700蚊接受唔到，比160計埋加一喺入面就差唔多，啲串燒全部係一樣味，係啖啖油味阿！唯一好在啲豆腐，無油味，係乾同無味阿！跟住條魚黎到好大兜，最大係個兜！魚望落有成條啦，撥走啲蒜，原來係有半條魚咁多！面啲蒜蓉佔半條魚。任食自助bar無心機再睇啦，終於正常少少係飲品區同雪糕櫃，但因為係入貨野黎。圍起每人加左10蚊任食生蠔，覺得啲生蠔好正常10蚊黎講夠好食，本身仲以為好抵添，點知原來計埋其他料，倒蝕翻成幾百蚊。其他舖頭任食都叫做會蝕比佢地，呢間味道係完全無，呢個性價比真係1分都比唔落阿！…查看更多

網上睇宣傳片寫$199任食，有烤魚、雞煲、生蠔、榴槤等等既野，但到現場原來任食生蠔要另加$9.9，呢個都算，榴槤要另加$39.9…咁就唔好宣傳片話$199任食啦…宣傳手法唔太老實🤥我地揀左烤魚+串燒任食，雖然烤魚/雞煲+串燒任食，但味道咸到一個點，咸到根本冇可能會再食到多一條，勉強食到第二尾真係頂唔順，食唔哂，魚亦唔係特別好食，仲要想食另一款魚都要每次另加錢雖然試左加$19食鱸魚，但覺得味道根本一樣，都係得個咸字，口感食唔出分別……反而另外提供任拎既熟食小食（口水雞、燒排骨炸雞翼等等）、糖水、湯呢啲味道就還可以，正常過烤魚、串燒太多！唯一值得讚既係雪糕、甜品選擇多。本來係為食烤魚而尼，點知咁差，食完口渴左大半日，飲左好多水…查看更多

員工沒禮貌是事實，安排不當是事實。餐廳裏的員工沒有好好溝通。荒謬一：前一天打電話預約了7.30。餐廳沒有準時預留位置給客人。前一天電話打去餐廳book 了7.30。餐廳就應該要準時7.30預留位置及客人。我7.30準時到達，員工手寫了一張票給我們，表示我們要再等多兩張枱才到我們。我說我是book 了7.30，門口鬢邊員工就問我們，你們是吃單點還是放題？我們回覆吃單點。一開始我們以為只是等一會。去到8.00，半小時了還不能夠進入餐廳吃飯，很可笑吧，兩張枱要等這麼久？我們問店員為什麼還沒到我們，我們打電話預約了7.30你就應該7.30準時安排坐位給我們。員工很荒謬說：「你係book位。唔係book 左枱！係唔同架」。之後佢仲講左一句「如果你想快d既話可以揀放題」。我真係想問下有咩唔同？？同埋我講下點解話佢安排不當，會導致等咁耐既原因係因為佢將客人分左兩邊，一邊單點，一邊放題，我係到等單點兩張枱既時候，門口那位鬢邊員工就一直放walk in 放題的客人進餐廳，起碼放了10幾枱都沒有放一張單點枱進餐廳。很可笑吧。才導致我們等了這麼久。根本只係想做放題既生意。只想迫單點的人轉放題。荒謬2：餐廳很多食物都沒有當我們8.15左右進入左餐廳，諗住可以叫野食啦，另外一個店員2拎左個餐紙比我地，同我地講餐牌上什麼東西已售罄。店員2在餐紙上打了十幾多交叉。表示該食物都沒有。荒謬3：店員把我們的餐紙弄不見了我們選擇好了，把餐紙交給（店員1）讓她下單，隔了10分鐘左右，（店員1）表示餐紙不見了，讓（店員2）過來，幫我們再下一次單。我們表示不用了，吃不消。以上内容句句屬實。…查看更多

烤魚工房係元朗人最喜愛的燒烤店，唔少人去烤魚工房都係為左食烤魚，即使烤魚工房係烤魚界天花板，不過去烤魚工房都唔係一定要食烤魚，仲有好多其他選擇可以食！誠意推介「川式串燒」，必吃「串燒豬頸肉」同埋「烤雞軟骨」都係兩串 $29，肥肥地既豬頸肉串燒出來既油香味難以用文字去形容，雞軟骨既口感就有少少咬口，兩串串燒享受不同既口感，建議一啖豬頸肉一啖雞軟骨咁樣食，加埋 $14「加多寶」，真係絕配！再誠意推介錫紙類野食，「錫紙花甲」「牛油錫紙娃娃菜」分別 $49 同 $35，「錫紙花甲」有粉絲墊底，絕對係精華所在！錫紙娃娃菜溝埋牛油，娃娃菜既味道因為牛油而昇華！最後仲叫左碟 「傳統炸酥肉」$52 大大碟，炸得好香脆，夾埋灑係上面既調味粉，味道一流！…查看更多