果子｜海南雞飯·喇沙摻摻 (啟昌樓) (已結業)

今日同朋友係大埔食晚餐，去咗人氣高嘅果子食星馬菜。店鋪裡面闊落，有好多卡位，坐得舒服。我地點咗好出名嘅辣蟹醬火山包(軟殻蟹)，藍蝶花椰漿飯(兩餸)，馬來西亞肉骨茶，同2杯黑糖珍珠奶茶。辣蟹醬火山包 (軟殼蟹) $168香脆嘅農夫包中間夾住原隻軟殼蟹、3隻大蝦，同3隻蜆，周圍仲有好多蜆仔。麵包沾上新加坡辣椒蟹醬好惹味。兩餸藍蝶花椰漿飯(香茅豬排&咖喱牛腩) ＄69飯嘅椰漿味好濃郁，仲配有蝶豆花，有抗氧化、紓壓瘦身、預防眼疾、提神醒腦嘅功效。香茅豬排味道正，牛腩嘅咖喱味好濃郁，配椰漿飯食好夾。馬來西亞肉骨茶 $84肉骨茶係整道菜嘅精髓，味道甘甜，加入當歸、黨蓉、川芎、玉竹、甘草、陳皮等多種藥材炮製。仲配一個白飯，肉骨茶撈飯食絕配。黑糖珍珠奶茶(凍) 單點$26 跟餐+$14珍珠好煙靭，黑糖味濃郁，跟餐加$14好抵飲。

大埔想食喇沙，就會嚟近太和果子，幾鍾意呢間小店，坐得好舒服，唔噪吵，可以傾吓偈；而且嘢食真心唔錯，老闆要繼續努力啊～香茅豬扒喇沙摻摻呢度喇沙幾啱口味，湯底濃郁得嚟，帶少少香辣，所以忍不住趁熱飲幾啖湯先～哈！香茅豬扒好軟淋，又香脆，仲好厚肉，讚。鍾意喇沙摻摻有麵同米粉，呢種配搭一齊食，個感覺幾得意，又夾！海南雞喇沙摻摻睇見都靚仔，海南雞真心抵食，大大碟，仲啖啖肉～而且雞肉爽滑～堅滑一滑果隻。呢度仲好好，將海南雞另上，唔會撈埋喇沙湯。南乳雞翼叫set 可以加$15多個小食，我哋兩個都係雞翼控，見呢度係南乳雞翼，隔離枱都有叫，好好味咁，忍唔住試埋。果然熱辣辣上枱，陣陣香味～同南乳味幾夾，估唔到呢個效果咁好味架！香辣魚餅魚餅係朋友推介，似炸魚蛋咁，但裏面多d料，有d咬口，煎得香脆，仲大大塊👍🏻凍鮮草奶茶想介紹大家試呢杯鮮草奶茶，本身奶茶滑又香，已經好飲；呢度加埋鮮草，似涼粉嘅粒粒，比珍珠奶茶還好味啊～

夏日炎炎，想食啲辣辣地嘅嘢開下胃今日有啲嘢要去大埔喺太和站行過去大埔超級城嘅中途見到有一堆餐廳就食埋個lunch先今次試咗呢間星馬菜 聽到個名幾好笑幾文青就入去試吓嗰日係星期六 佢都有啲特惠嘅午餐Weekend都有呢啲餐，就真係算係良心小店我哋嗌咗一個海南雞飯 佢係走地雞所以肉質都幾鮮甜海南雞飯就當然唔少得嗰三款醬都好正宗嘅味道唔錯，唔錯但雞嘅份量就唔算太多如果大食嘅朋友就可能唔多夠另一個餐就嗌咗 海南雞配叻沙呢款雞就唔係走地雞所以味道冇咁好但係個喇沙就好好味好香椰味 又唔太辣啱晒唔係好食得辣嘅朋友另外，我哋加咗兩個小食一個係辣鳳爪一個係南乳雞翼南乳雞翼，真係必嗌！好香南乳味 雞肉柔嫩🤗🤗嘢飲就嗌咗一杯黑糖鮮奶珍珠，一杯榛子咖啡埋單$200有找星期六日 有咁嘅質素 算係咁啦

假日出黎同朋友食下飯，見到呢間食馬拉野既餐廳，幾抵食咁，仲有午市套餐! 我地叫左個海鮮喇沙摻摻，湯底係好鮮甜，仲好重椰香味，而且仲好足料! 蝦食落都係彈牙，豆卜吸曬湯汁，好正。跟餐仲可以用優惠價錢去加小食，叫左個網紋春卷，炸得好脆口，入面都係熱辣辣，配埋個泰式辣椒醬，更加開胃。另外叫左個香茅豬扒撈面，面係油面，個汁係有D似甜豉油咁，仲有青瓜絲同埋芽菜，食落口感幾豐富，豬扒都幾多，好濃既香茅味。叫左個小食炒通菜，好惹味。雖然係加配小食價，但一D都唔會馬虎，份量都有誠意。當日真係好熱，好想飲杯手搖，但原來呢到都有台式飲品，所以直接係到飲! 叫左杯芽奶茶，佢唔會太甜，係我鐘意既奶茶味。朋友叫既黑糖珍珠奶茶都有幾高評價! 住附近既朋友可以黎試試佢!

😋味道：9/10🏡環境：7/10💰性價比：10/10 ✨👍🏻推薦度：9.5/10.🐼坊間好多新加坡菜嘅選擇 越做越貴🥲今次試呢間果子~位置喺太和站附近 偏遠啲 不過好值得⼀試😍味道高質素之餘 全部嘢食都抵食又足料 而且服務態度好 真心平靚正嘅選擇！🤩餐牌上超多選擇 我係午市去食lunchset的 兩個主食兩個小食兩杯野飲食到好滿足 加埋都唔使$200🥹想再訪！雖然未必專登入大埔食 但去開嗰邊就一定會再食~😋.🍲果子無骨海南雞飯 $56 (10/10)✨雞肉嫩滑無骨 唔會好韌好鞋 雞味鮮甜☺️配三個醬 有蔥油 甜酸醬 甜豉油點醬之後真係好加分！個人覺得都係蔥油最夾😆配油飯好開胃好夾😍🍜海鮮喇沙摻摻 $63 (9/10)湯底椰香味好重 加少少香辣(˶‾᷄ ⁻̫ ‾᷅˵)好正宗嘅味道🥰有蝦、魚蛋、蜆、蛋、魚片、豆卜 好豐富😆摻摻係米粉油麵各一半 米粉幼身彈牙 口感正啲 油麵掛湯入味啲🍗南乳雞翼 +$15 (7/10)呢個唔算特別~南乳味唔太出不過雞翼都大隻 煎得香脆🍢沙嗲雞肉串 +$20 (8.5/10)沙嗲汁好香~有花生粒粒🦖美祿恐龍 +$12 (8/10)冇得輸嘅飲品😙美祿味濃唔會好淡🧋珍珠奶茶

在太和開業了好長時間的星馬菜小店，常常路過見到菜單好多選擇，平日還有價錢相當相宜的晚市套餐呢。星馬菜不能缺少的喇沙，果子的海鮮喇沙配料很豐富，有鮮蝦﹑蜆﹑白魚蛋﹑豆卜等，海鮮食材新鮮，尤其鮮蝦肉質爽甜，的確有驚喜。喇沙的湯底椰奶香味很重，非常濃郁，而麵條則是混合了油麵及米粉兩種麵條的，一粗一幼的口感，搭配太量芽菜，是正宗的喇沙😎餐廳連海南雞都有兩款選擇，我們今次試了無骨走地海南雞飯，走地海南雞的雞皮非常爽口，平日我很怕走地雞的肉質會較硬身，但這裡的走地雞處理得相當好，油脂不多但肉質同樣軟滑，配上黑醬油﹑油飯﹑拍青瓜及清湯，非常滿足的組合。點了一份馬來西亞肉骨茶煲，原來是跟白飯的但我們怕吸收太多澱粉所以向店員表示不用配飯😋肉骨茶的藥膳味道適中，平時不敢吃藥膳口味的人相信也很能接受，裡面有排骨﹑豆卜﹑枝竹﹑滷蛋等，全部吸滿了肉骨茶的精華🤤還有油炸鬼可以蘸肉骨茶吃呢最後還點了一份無骨鳳爪小食做一碟炒通菜，晚餐跟了凍檸檬薏米水(+$8)及美祿恐龍(+$12)，叫了一滿桌大餐都只是$343，CP值相當高的平民餐廳呢😁

星期日梗係要搵好嘢食，見呢排食貴咗，今日想經濟啲！搵咗呢間🤩大致上都好食，只係個馬拉盞通菜炒得麻麻！招呼又好，價錢公道，CP 值我比8/10超牌嘢梗係要食，飲品都唔錯啊！

今日大埔踩單車後，嚟左呢間主打星馬菜既餐廳。馬來西亞肉骨茶煲：混合左多種名貴中藥材，包括當歸、黨蔘、川芎、玉竹、甘草、陳皮等，加埋排骨，熬製多個小時，入口甘香。咖喱牛腩煲配油酥餅：牛腩炆得夠腍，鍋裡既豆腐卜，同樣充滿著濃郁既咖喱味，唔辣且帶點椰香，用來配搭薄餅非常合適。香茅豬扒拼南乳雞翼椰漿飯：藍蝶花椰漿飯既鮮艷藍色很搶眼，香茅豬扒啖啖肉又鬆軟；南乳雞翼鹹香惹味；配料仲有蝦片、滷蛋、江魚仔、花生、青瓜，超級滿足。馬拉盞炒通菜：好夠獲氣，加入左乾蒜一齊炒，除左馬拉盞本身既香味之外，仲多左一份風味。黑糖珍珠奶茶：獨特既黑糖、彈牙既黑珍珠，加上醇滑既奶茶，滋味在心頭。紅豆薏米水：營養價值高，又幫助消化。總結，餐廳食物新鮮好味，上菜快，員工服務好，價錢合理，好抵食。

果子｜海南雞飯·喇沙摻摻 (大埔) (大埔)大埔汀角路11-13號啓昌樓地下13號舖🐔無骨走地雞海南飯（油飯）$65🐔南乳雞翼兩隻跟餐加$15🍧百香果沙冰跟餐加$20海南雞飯在馬來半島地區的起源一直都存在爭議，但如今普遍被奉為新加坡的國菜。新加坡獨立後，華人佔該國國民比率較高，比起馬來西亞，新加坡政府對於當地傳統華人美食更為注重，讓當地海南雞飯得以成為世界知名料理。這裏的海南雞滑又冇骨，三種醬汁都令人開胃，油飯香噴噴，幾樣嘢夾埋恰到好處， 跟埋香脆嘅南乳雞翼，同時可以有各種層次的享受。沙冰酸甜解渴，同埋份量都好多，可以提升到成個套餐嘅層次。🍜無骨海南雞喇沙摻摻$74🌟網絲春卷兩件跟餐加$15🥤凍黑糖珍珠奶茶跟餐加$16「摻摻」字面有「兩溝」嘅意思，相傳以前啲小販會擺晒唔同嘅麵出嚟俾客人揀，咁有啲嘴刁嘅客人就話要米粉同油麵兩溝，於是呢個食法就流傳開去，成為一種經典麵食喇。我今天食嘅尼一碗麵有齊新加坡魚蛋、豆卜、半隻蛋、一碟海南雞！勁豐富，夠哂足料，湯底極濃厚，充滿椰香味！至於黑糖珍珠鮮奶則是意外地好喝，珍珠本身黑糖香十分濃郁，口感Q軟好咬，跟鮮奶攪拌之後喝起來毫無違和， 怕太甜的可以點少

大埔太和中日韓料理就多啦，但馬拉餐廳暫時只諗起呢間，所以都幾受歡迎。尤其星期六日旁邊的教會崇拜散場就更加熱鬧。炎夏少不免要飲凍飲，午市套餐原本都包一杯飲品，連柚子蜜薏米水都係免費。我地比多幾蚊叫黑糖珍珠奶茶同Mint chocolate。奶茶拍得上台式茶飲舖既質素，珍珠粒好濃茶香，非常消暑。至於薄荷朱古力就係童年回憶，夠凍一定好飲。最多人叫既一定係喇沙摻摻，一碗有齊油麵米粉，一啖有不同的口感。喇沙湯底各派都唔同做法，果子既就比較貼近港人口味，椰汁味濃而且唔辣。唔好以為紅油就等於辣，其實係蝦油黎架。油麵滑不溜口但唔吸湯，加埋米粉就彌補到麵條的特性，仲比較健康。豬頸肉有四五片，如果燶邊香口少少仲正，咬落有油香又夠入味。因為另有魚蛋豆卜同蛋，食到一半都幾飽。印尼炒飯材料豐富，諗住只係一個豉油炒飯，上枱時見有蝦又有串燒非常期待。串燒係雞肉，即使係姐姐黎開餐都可以食。沙嗲醬有花生碎香氣濃郁，如果跟餐加小食值得encore。海蝦去左殼但又保留到頭尾相連，係幾貼心。上面酸酸地既印尼醬開胃，如果比多D撈飯就好啦。其實我地亦叫左兩個小食。馬拉盞炒通菜份量唔少，兩個人食都ok，$20值得嗌。另一份南乳雞翼

餐廳離太和站約7分鐘距離，步行會途經林村河，黃昏時分都幾幽靜。太和的美食不少，但可以坐得耐又舒服既餐廳唔算多。今日約左朋友聚舊，就揀左呢間星馬菜試下。內裡環境頗寬敞，坐得舒服，裝飾都有東亞特色。Menu選擇不少，飯、麵、湯、菜、小食，應有盡有，價錢仲好親民，出面郁下八九十蚊既海南雞飯，呢度64蚊就有交易。果子無骨海南雞飯 $64名符其實既招牌菜，湯、油飯、醬料、湯，樣樣有齊。雞滑唔洗講，油飯香口，粒粒分明。平時出面好淡既湯，呢度煮得好濃郁。海鮮喇沙摻摻 $64好足料！略嫌麵太多，一個人未必食得曬～馬拉盞炒通菜 $50照舊大份，唔會辣，但食慣重口味既我，會想香料再重手d。馬來西亞肉骨茶煲 $84配料好夠，撈飯一流！鮮檸天葵梳打 $16 （跟餐價）叫既時候連天葵係咩都唔知🤣只係感覺幾健康就叫左！來到時候見到大大杯又漸變色，檸檬粒好幾層，有𡁻口，幾有驚喜！

即興搵野食諗起未試過「果子」大蝦火山包個咖哩夠點個農夫包，個農夫包都仲有一部分係脆嘅，加埋有蝦，真係無得輸。必食！下次可以食軟殻蟹火山包。藍蝶花椰漿飯感覺好健康嘅飯，藍色好特別，又有椰漿嘅香味，因為配左花生，青瓜同炸蝦片，好東南亞風味。另外配餸，有雞翼，豬扒，牛腩，串燒，有菜。鳳爪沙律鳳爪好爽，加埋沙律，好清新，好岩夏天食。馬拉盞炒通菜通菜好香 又唔咸。海南雞唎沙摻摻海南雞無骨所以啖啖肉，肉質好滑嫩。喇沙摻摻米粉，吸晒湯汁，口感好好，又多汁。因為同行有小朋友，叫咗炸蝦餅同粟米墨魚餅配甜酸醬，小朋友食唔停。香煎豬頸肉好味，唔太乾身。

網上見到對果子嘅評價不錯，決定一試店內燈火明亮，環境舒適，牆邊搭配多肉植物作裝飾。菜單多選擇，主打海南雞飯、肉骨茶、藍碟花椰漿飯等，價錢亦相當合理今次就點咗馬來西亞肉骨茶、馬拉盞炒生菜、串燒拼盤。馬來西亞肉骨茶放在小火鍋上，下面有蠟燭，保持住湯嘅溫度，呢點幾細心，配料有腐竹、豆卜、金菇等，用料豐富，肉配上軟骨煮得岩岩好。串燒拼盤有雞、牛、豬串燒各2串，仲有豬頸肉一份，好抵食，可以一試過試哂多款肉串，燒得好惹味。另外，馬拉盞係指馬拉版嘅蝦醬，加入了蝦米，同生菜好夾，食落好開胃，唔會太鹹。整體食物質素好滿意飲品就選擇左檸檬薏米水&水蜜桃梳打。檸檬薏米水為健康之選，水蜜桃梳打就岩哂用嚟消暑啦，夏天必點！

嚟都大埔中心一帶，記會俾滿滿嘅餐廳包圍着，不論係快餐品牌連鎖餐廳定係傳統小店，應有盡有嘅菜種選擇俾你！今次就走遠少少去到一間鑽石星加坡菜嘅餐廳叫做「果子」！無骨走地海南雞半隻 配日本黃油飯 $138白白滑滑嘅走地海南雞，師傅超用心咁起晒所有骨，所以啖啖肉！配埋三款特色醬汁同埋雞飯必備嘅黃油飯！一啖飯一啖雞放入口，超級滿足！香茅豬扒拼南乳雞翼藍蝶花椰漿飯$69店內其中一款必食菜式，一上菜俾佢超亮眼嘅藍色飯吸引住！再試一啖，濃濃嘅椰汁味擁晒出嚟，就好似食緊熱嘅芒果糯米飯一樣！配飯嘅餸菜亦都唔馬虎，分別有豬扒、雞翼，乾魚仔、花生、青瓜、蝦片、蛋森巴像通菜$36星加坡傳統醬汁，味道香辣，但可能脆*煮熟咗之後會出水，所以令到醬汁變稀粟米墨魚餅兩件 $18沙嗲豬肉串燒兩串 $22兩款小食都中規中矩黑糖珍珠鮮奶 $28美祿恐龍 $24

話說呢期我間唔時都會經開大埔，發現原來都有唔少隱世正野餐廳，呢間果子嘅蟹醬海鮮火山包真係超級好味，其他野食都各有特色，重點價錢幾抵😆❀無骨海南雞❀海南雞肥瘦適中，雞肉嫩滑，帶有啫喱狀雞油，點少少薑蓉食都好有鮮味，油飯有少少乾身，不過勝在夠香口唔油膩。❀海鮮喇沙摻摻❀有蝦、蜆、魚蛋、蛋、魚片、豆卜等，用料豐富，如果蝦可以搣埋殼就更好，湯底濃郁又鮮味，幾有椰香味，米粉同油麵摻摻幾掛汁。❀辣蟹醬火山包❀農夫包份量十足，外層炸到脆脆地，淋上蟹醬食超級惹味，軟殼蟹見到有膏，炸到金黃香脆，面頭仲有蝦、青口+蜆，唔錯。❀馬來西亞肉骨茶❀帶骨豬肉經過熬煮後變到軟諗入味，呢款肉骨茶味道偏向藥材味，食完覺得好補身又暖笠笠。❀檸檬薏米水及美祿恐龍❀檸檬薏米水唔太甜，可以去水腫😣美祿恐龍鋪滿厚厚美祿粉，超邪惡。