果子｜海南雞飯·喇沙摻摻 (啟昌樓) (已結業)

即興搵野食諗起未試過「果子」大蝦火山包個咖哩夠點個農夫包，個農夫包都仲有一部分係脆嘅，加埋有蝦，真係無得輸。必食！下次可以食軟殻蟹火山包。藍蝶花椰漿飯感覺好健康嘅飯，藍色好特別，又有椰漿嘅香味，因為配左花生，青瓜同炸蝦片，好東南亞風味。另外配餸，有雞翼，豬扒，牛腩，串燒，有菜。鳳爪沙律鳳爪好爽，加埋沙律，好清新，好岩夏天食。馬拉盞炒通菜通菜好香 又唔咸。海南雞唎沙摻摻海南雞無骨所以啖啖肉，肉質好滑嫩。喇沙摻摻米粉，吸晒湯汁，口感好好，又多汁。因為同行有小朋友，叫咗炸蝦餅同粟米墨魚餅配甜酸醬，小朋友食唔停。香煎豬頸肉好味，唔太乾身。