林洪記水產

營業中

休息中

海鮮真係超級新鮮 !! 而且價錢都唔貴性價比高既.....呢個海鮮放題,有椒鹽瀨尿蝦 (另外叫的)、清酒煮蜆、黃金蟹黃飯等等.... 椒鹽瀨尿蝦真係超巨型,每隻都有一隻手臂咁長..大癲!! 肉質鮮甜!椒鹽味好惹味 清酒煮蜆個份量好足,蜆肉肥美,清酒融合咗蜆肉嘅鮮味, 好食！最印象深刻嘅係佢哋嘅黃金蟹黃飯.. 蟹黃飯嘅蟹黃好濃郁,不過我建議大家食完其他海鮮先食蟹黃飯, 因為蟹黃飯比較濟..!! 食完其他海鮮再食就唔會覺得咁滯最後一提既係佢地海鮮湯底都值得一讚.. !! 鮮甜無味精.. !! 用嚟煮海鮮或者打邊爐都一流Respect!

之前成日去西貢食海鮮....  每次都使一大舊錢... 但係呢間餐廳呢~~  我食到嘅嘢同西貢嗰啲差唔多,  甚至有啲仲更好食,  但係價錢就真係一個天一個地啦！我哋叫咗個海鮮火鍋放題,  Wahhhhh！啲海鮮真係新鮮到不得了！啲魚呀蝦呀,  全部都生猛生猛咁, SOOOOO Freshhhhhh!!  食落口真係好鮮甜。特別係嗰條豉汁蒸海魚,  肉質好嫩滑, 豉汁又夠味,  Goood個蟹黃飯都好好食！啲蟹黃又香又濃,  撈埋啲飯一齊食,  真係MM7 !！我同班朋友食到個個都飽到行唔多郁, 但係埋單嗰陣, 個個都嚇咗一跳,真係抵到笑！最美中不足既地方係佢地無我至愛既藍妹啤酒任飲 😒

食物頭幾轉ok但要自己計10分鐘才能落否則不通知就取消單。1個侍應全場不停，沒有服務可言，平日晚上只有5枱客，侍應就寸了3枱客在另付款項目沒有提醒就扣錢幸好多次提醒食剩肯定要扣錢，請不要叫午餐肉 丸等等份量明顯多。

講真，想搵間餐廳食到新鮮又抵食嘅海鮮，真係唔係咁易. 不過近就發現咗一間寶藏Last week，同班朋友去咗林洪記食佢哋嘅海鮮蒸氣拼盤. 基本有龍蝦、扇貝同大頭蝦嘅組合等等. 嘩@@ 一上枱已經吞口水好餓@@ 啲海鮮又大隻又鮮艷好吸引@@ 個龍蝦肉質爽口彈牙，啲膏又多又香甜，每啖都咁滿足@@ 扇貝就更加唔使講啦肉厚肥美鮮甜到不得了 !! 至於大頭蝦，個膏真係多到爆晒出嚟..  我哋個個都食到停唔到口 hehe 個無骨沙薑雞. 隻雞肉嫩滑，啲沙薑又香又惹味，真係好夾@@ 海鮮全部都好新鮮，食落去好健康 價錢抵到爛! 

見到小紅書有介紹，所以就喺OpenRice買咗228個套餐去試吓，海鮮拼盤只有一份，唔係任食，任食部份海鮮只有大頭蝦及沙白，除此之外有小食、肉類同一般打邊爐配料！食物都正正常常冇乜大問題，最大問題係個服務員，成間餐廳得一個女侍應，間餐廳唔算好大，我哋入座嘅時候都只有兩枱客，但係佢就搞到佢好似好忙，對客人嘅態度好惡劣，不停叫我哋等等！問多兩句都嫌我哋煩🙄最奇怪嘅係當我哋買咗單之後，突然之間話我哋超過咗時間去攞嘢飲，所以要俾返嘢飲錢！我們跟他說我們不知道已經過了時間，跟他事前並沒有通知，他說我們已經埋了單並說搵錢艱難，我強烈建議餐廳應預先通知客人時間已到，如果再去取飲品便要額外收費，又或者唔比客人去雪櫃自取飲品！

叫咗外賣，開盒發現中間硬都拮都拮唔入，心感不妙，條倉魚咁薄𠝹哂花都可以蒸唔熟，影埋相俾佢睇都可以唔認數，叫佢賠錢又拒絕，以後都唔會幫襯囉，咩餐廳咩態度㗎！好鬼嬲！

網上見有人推薦林洪記水產 於是就決定黎試吓個籠仔飯 星期日下晝嚟食 但係你都嘅時候完全冇客 係之後先入咗幾台都有唔少選擇 包括有北菇雞龍仔飯 排骨 豉汁鱔片 等等 我同朋友叫咗個北菇雞同埋豉汁鱔片試下 過龍都算大，但係啲飯就鋪到好薄 上面啲料都唔算好多 全部都有少量海鮮喺面包括有四至五隻花甲同埋一隻蝦而且啲食材嘅質素都係中下 啲句有啲太鹹 豉汁鱔片好細塊 花甲叫做正常啲然後即刻都係有啲梅但係有一塊荷葉喺度 但係完全係得個鋪字 完全冇荷葉飯嘅香味 不過見佢價錢都係$50至$60 所以都唔會expect話超好食不過我自己個人嚟講就唔會返嚟再食☹️

我早排經常做運動飲食上都好多節制。。。終於可以同朋友放縱一下。。。過嚟食大餐！呢度啲嘢都好平靚正，而且款式又多真係睇到眼花繚亂我哋叫咗幾個招牌菜，包括特色豉汁鱔片籠仔飯、麻辣啫啫雞、椒鹽瀨尿蝦同埋海蝦。豉汁鱔片籠仔飯 $58呢個飯真係物超所值！鱔片好嫩滑，豉汁好惹味，同埋飯煲都好香口。麻辣啫啫雞 $88呢碟雞好香口又開胃，雞肉好嫩滑，麻辣味啱啱好，唔會太辣。椒鹽瀨尿蝦 $198/隻呢隻瀨尿蝦真係好正！椒鹽味好香，蝦肉好鮮甜，食完口腔內有嗰種回甘嘅味道。

聽朋友講起林洪記嘅海鮮火鍋放題好抵食，就嚟試吓。我哋叫咗個海鮮火鍋放題，仲另外叫咗蟹黃飯、蒜蓉蒸元貝同海蝦。蟹黃飯係我第一次食，真係好驚艷！蟹黃嘅鹹香味好濃郁，同埋好creamy，配埋香噴噴嘅白飯，真係一流。我哋每人食咗兩大碗，都唔夠喉。蒜蓉蒸元貝都好鮮甜，啖啖肉。蒜蓉嘅香味完全滲透晒落元貝入面，好惹味。海蝦好大隻，而且好爽口。我哋用嚟蒸嚟食，保留晒鮮甜嘅原味。海鮮火鍋放題嘅選擇好多，我哋叫咗一大盤，食到勁飽。我哋一部分用嚟蒸，一部分用嚟放落胡椒豬肚雞鍋。胡椒豬肚雞鍋嘅湯底好胡椒，好夠味。豬肚好淋，雞肉都好嫩滑。

我同老公平時好鍾意食米線，今次同埋幾位朋友嚟咗食嘢，真係大開眼界！叫咗個胡椒豬肚雞鍋配米線，份量勁多，而且整得好香。胡椒湯底好夠味，豬肚爽脆，雞肉味道好香，米線又滑又吸湯，真係好正！仲有叫咗個好特別嘅籠仔飯，入面配料有海蜆、臘腸、海蝦，用海鮮蒸出嚟嘅飯真係特別唔同。飯粒粒分明，充滿海鮮嘅鮮味，真係啖啖都係鮮味！如果唔係要咁多嘢食，我可能會叫多一份籠仔飯。我朋友叫咗個黃金蟹黃飯，轉米線。我食咗少少，感覺口感好誘惑，而且有好重嘅蟹黃味。蟹黃濃郁，飯粒軟糯，真係好美味！佢哋嘅招牌海鮮蒸氣火鍋。啲大頭蝦勁大隻，勁多膏，而且好新鮮。海鮮款式真係好多。用蒸氣火鍋蒸海鮮，可以keep到所有海鮮嘅原汁原味，真係鮮甜無比！

海鮮唔新鮮，隻雞蒸唔熟，雖然好人幫我哋蒸多一次，但最後出嚟入邊都係唔熟，出邊勁嚡口另外佢個蟹黃撈飯簡直係中伏中嘅極品，成Pat啫喱麵粉咁樣雖然唔貴，嘥晒quota冇樣嘢好食枱枱凳凳全部都好污糟，希望注意一下好耐冇試過用劣質嚟形容嘅間餐廳唔記得咗講條魚又係蒸到過分，其實海鮮新鮮都唔會難食得去邊估唔到呢間嘢處理海鮮嘅手法咁差仲要聲稱自己係專食海鮮，簡直失望到極點唯一值得讚嘅係樓面幾好人，態度都非常之好

叫左海鮮蒸氣鍋，重點如下：1. 雖然係放題形式，但每次落單要隔10分鐘，唔可以叫多過8樣野。下下要計住時間同數量，任食放題既樂趣在哪 ？？ 呢個資訊好重要，咁多食評都冇講過。2.頭盤嘅海鮮，全部有蒜蓉鋪滿。見到呢個頭盤，就知道中伏。新鮮蒸氣海鮮，係唔需要落其他調味喺海鮮度，除非唔新鮮，要辟味……最後，果然，不出所料，龍蝦直情食左一啖就唔想食。肉質同buffet 雪藏龍蝦冇分別，甚至乎更劣。頭盤得幾隻蝦叫做可以接受，其他海鮮都係有啲腥3.環境擠迫，硬件不足。海鮮放題，但係張枱勁細，根本放唔到嘢。冇濕紙巾同餐巾，配套設施不足總結，一分錢一分貨。對海鮮要求唔太高的話，其實可以一試。 但係如果要求新鮮海鮮，可以再揀第二間

最近聽朋友講起呢間嘅海鮮火鍋放題好正, 就同屋企人嚟試咗一次.   果然名不虛傳, 啲海鮮真係好新鮮, 而且選擇好多.   海鮮之外, 我哋仲叫咗個胡椒豬肚雞煲.   雞肉好鮮嫩, 豬肚都煮到好腍, 胡椒湯底好夠味.   最特別嘅係我哋將啲海鮮放到胡椒豬肚雞煲度一齊煮, 海鮮吸收咗胡椒湯底嘅香味, 更加鮮甜美味.   另外, 我哋仲食椒鹽瀨尿蝦同黃金蟹黃飯.   瀨尿蝦炸到好香口, 椒鹽味調得啱啱好, 唔會太鹹.   蟹黃飯嘅蟹黃好鮮甜, 飯粒煮到好粒粒分明.   啲食物好新鮮美味, 價錢合理

好大盤既海鮮拼盤  -- 有龍蝦& 帶子& 生蠔& 蝦& 蜆& 扇貝等等,  款色非常豐富  啲海鮮都好新鮮,  睇到都流晒口水  我哋最鍾意食嘅係龍蝦  龍蝦肉好爽滑,  啖啖肉  我哋仲叫咗啲蒜蓉,  配埋龍蝦食,  真係好正  帶子都好大隻,  食落好鮮甜  生蠔都好新鮮,  肉質好滑嫩  除咗海鮮拼盤之外,  我哋仲叫咗啲其他海鮮,  例如蝦& 蜆& 扇貝等等  啲蝦好彈牙,  蜆肉好鮮甜,  扇貝肉質好鮮嫩  海鮮蒸氣放題仲配有蔬菜拼盤  蔬菜都非常新鮮,  有菜心& 白菜& 菇類等等  

以前成日約埋三五知己去西貢或三聖邨食海鮮, 但近年啲海鮮價錢愈嚟愈貴, 食一次荷包就瘦一截。最近終於喺九龍區搵到間海鮮餐廳, 價錢實惠 ~ 海鮮新鮮, 真係喜出望外！呢間餐廳叫做林洪記水產, 我哋一行五人去咗食, 叫咗個海鮮火鍋放題。啲海鮮嚟到嗰陣真係好新鮮, 睇得出係鮮即煮。椒鹽瀨尿蝦勁大隻, 啖啖肉, 椒鹽香味好惹味。其他海鮮蝦 ~ 蜆 ~ 扇貝等等, 都非常新鮮。最鍾意嘅係蟹黃飯。蟹黃飯熱辣辣, 充滿蟹黃香味。用嚟撈飯食, 簡直係極致享受！另外有叫咗花雕蒸鮑魚。鮑魚都算大隻, 口感爽脆, 花雕酒嘅香味完美咁融入咗鮑魚入面, 真係好鮮味。